ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵜⵛⵉⵔⵜ ⵏ ⵓⵇⴻⵛⵡⴰⵍ (ⴷⴷⴰⵡ 16): ⵍⴻⵣⵣⴰⵢⴻⵔ ⵜⴻⵔⴱⴻⵃ ⵉ ⵜⵉⴽⴽⴻⵍⵜ ⵜⵉⵙ 3 ⴷⴻⴳ ⴱⴰⵎⴰⴽⵧ

ⴱⴰⵎⴰⴽⵓ – ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⵇⴻⵛⵡⴰⵍ ⵏ ⴷⴷⴰⵡ ⵏ 16 ⵏ ⵢⵉⵙⴻⴳⴳⴰⵙⴻⵏ ⵜⴻⵔⴱⴻⵃ ⵉ ⵜⵉⴽⴽⴻⵍⵜ ⵜⵉⵙ 3 ⴷⴻⴳ ⵜⴻⵍⵖⵓⵖⴰ ⵏ ⵜⴻⴼⵔⵉⵇⵜ ⵎⵉ ⵜⵓⵔⴰⵔ ⵎⴳⴰⵍ ⴳⵉⵏⵢⴰ ⵜⴰⵙⴻⴱⴳⴰⵙⵜ (90-48) ⴷⴻⴳ ⵜⴻⵎⵍⵉⵍⵉⵜ-ⵏⵏⴻⵙ ⴷⴻⴳ ⵡⴰⵙⵙ ⵡⵉⵙ 5 ⵢⴻⵔⵏⴰ ⴷ ⴰⵏⴻⴳⴳⴰⵔⵓ ⵏ ⵜⵓⵣⵣⵢⴰ 1ⵓⵜ (ⵜⴰⴳⵔⴰⵡⵜ ⴰ) ⵏ ⵜⴻⵎⵙⵉⵣⵡⴻⵔⵜ-ⴰ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴷⴻⴳ ⵎⴰⵍⵉ.

ⵔⵔⴱⴻⵃ-ⴰ ⴷ ⵡⵉⵏ ⴰⵔⴰ ⵢⴻⴵⴵⴻⵏ ⵉⴷⵣⴰⵢⵔⵉⵢⴻⵏ ⴰⴷ ⵇⵇⵉⵎⴻⵏ ⴷⴻⴳ ⵓⵎⴽⴰⵏ ⵡⵉⵙ 3 ⴷⴻⴳ ⵓⵙⴻⵜⵜⴻⴼ ⵢⴻⵔⵏⴰ ⴰⴷ ⵄⴻⴷⴷⴻⵏ ⵖⴻⵔ ⵜⵉⵙ 4 ⵏ ⵜⵏⴻⴳⴳⴰⵔⵓⵜ.

ⴷ ⵜⴰ ⴰⵢ ⴷ ⵜⵉⵎⵍⵉⵍⵉⵜ ⵜⵉⵙ 3 ⴰⵔⴰ ⵜⴻⵔⴱⴻⵃ ⵍⴻⵣⵣⴰⵢⴻⵔ ⴷⴻⴼⴼⵉⵔ ⵎⴰ ⵜⴻⵔⵏⴰ ⵏⵉⵊⵉⵔⵢⴰ (57 ⵖⴻⵔ 52) ⴷ ⵕⵡⴰⵏⴷⴰ (66-44), ⵢⴻⵔⵏⴰ ⵜⴻⵅⵚⴻⵔ ⵎⴳⴰⵍ ⵎⴰⵍⵉ (47-73) ⴷ ⵎⴰⵚⴻⵔ (56-100).

ⵙ 3 ⵏ ⵜⴻⵎⵍⵉⵍⵉⵢⵉⵏ ⴰⵢ ⵜⴻⵔⴱⴻⵃ ⴷ ⵙⵏⴰⵜ ⵏ ⵍⴻⵅⵚⴰⵔⴰⵜ, ⵍⴻⵣⵣⴰⵢⴻⵔ ⵜⴻⵙⵄⴰ 8 ⵏ ⵜⴻⵏⵇⵉⴹⵉⵏ ⵢⴻⵔⵏⴰ ⴷ ⵏⴻⵜⵜⴰⵜ ⴰⵢ ⴷ ⵜⵉⵙ 3 ⴷⴻⴳ ⵜⴻⴳⵔⴰⵡⵜ ⴰ, ⴷⴻⴼⴼⵉⵔ ⵎⴰⵚⴻⵔ ⴷ ⵎⴰⵍⵉ.

ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⵜⴻⴷⴷⴰ ⴷ ⵓⵙⵍⴻⵖⵎⴰⵢ-ⵏⵏⴻⵙ ⴼⴰⵔⴷⵊⴰⵍⵍⴰⵀ ⵀⴰⵔⵧⵓⵏⵉ, ⵢⴻⵍⵍⴰⵏ ⴷ ⴰⵎⴰⵔⵉⵔ ⴰⴳⵔⴰⵖⵍⴰⵏ ⵏ ⵜⵛⵉⵔⵜ ⵏ ⵓⵇⴻⵛⵡⴰⵍ, ⵢⴻⵔⵏⴰ ⵢⴻⵙⵙⴻⴼⴽ, ⵉⵎⵉⵔ-ⴰ, ⴰⴷ ⵜⴻⵕⵊⵓ ⴰⵔⵎⴰ ⴼⴼⵖⴻⵏ-ⴷ ⵢⵉⴳⵎⴰⴹ ⵏ ⵙⵏⴰⵜ-ⵏⵏⵉ ⵏ ⵜⴻⴳⵔⴰⵡⵉⵏ ⵏⵉⴹⴻⵏ ⴰⴽⴽⴻⵏ ⴰⴷ ⵜⵥⴻⵔ ⴰⵏⵜⴰ ⴰⵢ ⴷ ⵜⴰⵎⵓⵔⵜ ⴰⵔⴰ ⵢⵉⵍⵉⵏ ⴷ ⵜⴰⵅⵚⵉⵎⵜ-ⵏⵏⴻⵙ ⴷⴻⴳ ⵜⵉⵙ 4 ⵏ ⵜⵏⴻⴳⴳⴰⵔⵓⵜ, ⴷ ⴰⵛⵓ ⴽⴰⵏ, ⵢⴻⵣⵎⴻⵔ ⵍⵃⴰⵍ, ⴰⵀⴰⵜ ⴰⴷ ⵜⵉⵍⵉ ⴷ ⵜⴰⴼⵔⵉⵇⵜ ⵏ ⵓⵏⵥⵓⵍ.

ⵜⴰⴳⵔⴰⵡⵜ ⴱ ⵍⵍⴰⵏⵜ ⴷⴻⴳ-ⵙ ⴰⵏⴳⵓⵍⴰ (ⵜⴰⵍⵖⵓⵖⵜ ⵏ ⵜⴻⴼⵔⵉⵇⵜ), ⵜⵓⵏⴻⵙ, ⵜⴰⴳⴷⵓⴷⴰ ⵏ ⵜⴻⴼⵔⵉⵇⵜ ⵜⴰⵍⴻⵎⵎⴰⵙⵜ, ⵎⴻⵕⵕⵓⴽ, ⵜⴰⴼⵔⵉⵇⵜ ⵏ ⵓⵏⵥⵓⵍ ⴷ ⵉⵜⵢⵓⵒⵢⴰ.

4 ⵏ ⵜⴻⵖⵍⴰⵎⵉⵏ ⵜⵉⵎⵅⴻⵢⵢⵔⵉⵏ ⴰⵔⴰ ⴷ-ⵢⴻⴼⵔⵓⵔⵉⵏ ⵙⴻⴳ ⵢⴰⵍ ⵜⴰⴳⵔⴰⵡⵜ ⴰⴷ ⵄⴻⴷⴷⵉⵏⵜ ⵖⴻⵔ ⵜⵉⵙ 4 ⵏ ⵜⵏⴻⴳⴳⴰⵔⵓⵜ.