ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⵣⵣⴰⵢⴻⵔ-ⵧⵎⵛ : ⴰⵎⵀⴰⵣ ⵏ ⵓⵎⵛⵉⵡⴻⵔ ⵓⵔ ‘’ⵉⴼⴰⵣ ⴰⵔⴰ’’

ⵍⴻⵣⵣⴰⵢⴻⵔ – ⴰⴽⴰⵍⴰ ⵏ ⵓⵎⵛⵉⵡⴻⵔ ⴳⴰⵔ ⵍⴻⵣⵣⴰⵢⴻⵔ ⴷ ⵜⵓⴷⴷⵙⴰ ⵜⴰⵎⴰⴹⵍⴰⵏⵜ ⵏ ⵜⵏⴻⵣⵣⵓⵜ (ⵧⵎⵛ) ⵓⵔ ⵢⴻⵎⵀⵉⵣ ⴰⵔⴰ ⵙ ⵜⵖⴰⵔⴰ ⵉⴼⴰⵣⴻⵏ, ⵉ ⵜ-ⵢⴻⵡⵣⴻⵏ, ⴰⵙⵙ ⵏ ⵍⴰⵔⴻⴱⵄⴰ ⴷⴻⴳ ⵜⵎⴰⵏⴻⵖⵜ, ⵓⵏⴻⵖⵍⴰⴼ ⵏ ⵜⵏⴻⵣⵣⵓⵜ, ⴱⴰⴽⵀⵜⵉ ⴱⴻⵍⴰïⴱ, ⵢⴻⵙⵙⴰⵔⴰⵎ ⴰⴷ ⵜⵉⵍⵉ ‘’ⵜⵎⵓⵖⵍⵉ ⵢⴻⵜⵜⵡⴰⴼⵔⴰⵣⴻⵏ’’ ⵖⴻⴼ ⵢⵉⵣⴻⵔⴼⴰⵏ ⵉ ⵢⴻⵙⵙⴻⴼⴽ ⴰⴷ ⵜⴻⵏ-ⵜⴻⵙⵙⵓⵜⴻⵔⵜ ⵜⵎⵓⵔⵜ-ⵏⵏⴻⵖ.

‘’ⵄⴻⵔⴹⴻⵖ, ⴷⴷⴻⵇⵙ ⵏ ⵢⵉⵎⴰⵍⴰⵙ ⴰⵢⴰ, ⴰⴷ ⵣⴻⵔⵡⴻⵖ ⴰⴽⴰⵔⴰⵎ-ⴰ ⵏ (ⵓⵏⴻⴽⵛⵓⵎ ⵏⴻⵖ ⴰⵍⵜⴰⵖ ⵏ ⵍⴻⵣⵣⴰⵢⴻⵔ ⵖⴻⵔ ⵧⵎⵛ ⴷ ⵓⵇⴰⵔⴻⵏ ⴳⴰⵔ ⵓⴷⴷⴰⴷ ⵉⴷⴻⴳ ⵜⴻⴵⴵⵉⵖ ⵓⴳⴰⵔ ⵏ 16 ⵉⵙⴻⴳⴳⴰⵙⴻⵏ ⴰⵢⴰ ⴷ ⵡⵉⵏ ⵏ ⵡⴰⵙⵙ-ⴰ : ⵓⵔ ⵢⴻⵎⵀⵉⵣ ⴰⵔⴰ ⵙ ⵡⴰⵟⴰⵙ’’, ⵉ ⴷ-ⵢⴻⵏⵏⴰ ⴷⴻⴳ ⵢⵉⵡⴻⵜ ⵏ ⵜⵏⴻⵎⵙⴻⵍⵜ ⵖⴻⴼ ⵢⵉⵎⵜⴰⵡⴰⵢⴻⵏ ⵏ ⵧⵎⵛ ⵢⴻⵔⵣⴰⵏ ⵉⴽⴰⵜⴻⵏ ⵉⴷⴰⵡⵙⴰⵏⴻⵏ ⴷ ⵡⵉⴷ ⵏ ⵓⴳⴰⵎⴰ ⴷ ⵡⵓⴳⵓⵔⴻⵏ ⵉⵜⵡⵉⵍⴰⵏⴻⵏ ⵏ ⵜⵏⴻⵣⵣⵓⵜ.

ⵎⴰⵙⵙ ⴱⴻⵍⴰïⴱ, ⵉ ⵙⴻⵔⵙⴻⵏ ⵖⴻⴼ ⵓⵇⴻⵔⵔⵓ ⵏ ⵓⵖⵍⵉⴼ ⵏ ⵜⵏⴻⵣⵣⵓⵜ ⴷⴻⴳ ⵡⴰⵢⵢⵓⵔ ⵏ ⵢⵓⵍⵢⵓ ⵢⴻⵣⵔⵉⵏ, ⵢⴻⵟⵟⴻⴼ ⵢⴰⴽⴰⵏ ⴰⵎⴹⵉⵇ-ⴰ ⴰⵖⵍⵉⴼⴰⵏ ⴳⴰⵔ ⵓⵙⴻⴳⴳⴰⵙ 1996 ⴷ 1999, ⴰⵢⴰ ⵢⴻⵙⵙⴰⵡⴻⴹ-ⵉⵜ ⴰⴷ ⵢⵉⵍⵉ, ⴷⴻⴳ ⵓⵙⴻⴳⴳⴰⵙ 1998, ⵖⴻⴼ ⵓⵇⴻⵔⵔⵓ ⵏ ⵜⵎⴰⴳⵍⴰ ⵜⴰⵣⵣⴰⵢⵔⵉⵜ ⴷⴻⴳ ⵜⴻⵎⵍⵉⵍⵉⵜ ⵜⴰⵎⴻⵣⵡⴰⵔⵓⵜ ⵏ ⵓⴷⴻⴼⵔⵉⵔ ⵏ ⵓⵎⴰⵀⵉⵍ ⵏ ⵓⵏⴻⴽⵛⵓⵎ ⵏ ⵍⴻⵣⵣⴰⵢⴻⵔ ⵖⴻⵔ ⵧⵎⵛ, ⵉ ⴷ-ⵏⴻⵙⵎⴻⴽⵜⴰ.

‘’ⴷⴻⴳ ⵜⴰⵍⵍⵉⵜ-ⵏⵏⵉ, ⵎⵉ ⵍⵍⵉⵖ ⵙⵄⵉⵖ ⵜⵓⵖⴷⴰⴹⵜ ⵏ ⵓⵙⴻⴳⵣⵉ ⵏ ⵢⵉⵎⵜⴰⵡⴰⵢⴻⵏ ⵏ ⵧⵎⵛ ⴷ ⵍⴼⴰⵢⴷⴰ ⵏ ⵍⴻⵣⵣⴰⵢⴻⵔ ⵎⴰ ⵢⴻⵍⵍⴰ ⵜⴻⴽⵛⴻⵎ, ⵜⴰⵎⴻⵙⵍⴰⵢⵜ-ⵉⵡ ⵓⵔ ⵜⴻⵜⵜⵡⴰⴼⵀⴰⵎ ⴰⵔⴰ ⴰⵛⴽⵓ ⵓⵔ ⵏⴻⵜⵃⴻⴽⴽⴻⵎ ⴰⵔⴰ ⴷⴻⴳ ⵓⴽⴰⵔⴰⵎ-ⴰ’’, ⵉ ⵢⴻⵔⵏⴰ ⵢⴻⵏⵏⴰ-ⴷ, ⵢⴻⵏⵏⴰ-ⴷ ⴷⴰⵖⴻⵏ ⵢⴻⵙⵙⴻⴼⴽ ⴰⴷ ⵏⴻⵙⵙⴻⴳⴳⴻⵜ ⵜⵉⴳⴰⵡⵉⵏ ⵏ ⵢⵉⵙⴰⵍⴰⵏ ⴷ ⵓⵙⴻⴳⵣⵉ ⴷⴻⴳ ⵓⴱⵔⵉⴷ-ⴰ.