ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴳⵏⵉⵜ ⵜⴰⵡⴻⵄⵕⴰⵏⵜ ⵏ ⵢⵉⴱⴰⵍⵎⵓⴷⴻⵏ ⵉⵚⴻⵃⵔⴰⵡⵉⵢⴻⵏ ⵖⴻⴼ ⵍⴵⴰⵍ ⵍⴱⴰⵟⴻⵍ ⵏ ⵎⴻⵕⵕⵓⴽ
ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⵜⴰⵏⴻⵖⵍⴰⴼⵜ ⵜⴰⵚⴻⵃⵔⴰⵡⵉⵜ ⵏ ⵓⵙⵙⴻⴳⵎⵉ ⴷ ⵓⵍⵎⵓⴷ, ⵎⴻⵔⵉⴻⵎ ⵙⴰⵍⴻⴽ ⵀⴰⵎⴰⴷⴰ, ⵜⵡⴻⴽⴽⴻⴷ-ⴷ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷ ⴰⴽⴽⴻⵏ ⵜⴰⴳⵏⵉⵜ ⵏ ⵢⵉⴱⴰⵍⵎⵓⴷⴻⵏ ⵉⵚⴻⵃⵔⴰⵡⵉⵢⴻⵏ ⴷⴻⴳ ⵢⵉⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ ⵜⴻⵡⵡⴻⴹ ⵖⴻⵔ ⵜⵡⴰⵖⵉⵜ ⵖⴻⴼ ⵍⴵⴰⵍ ⵏ ⵍⴱⴰⵟⴻⵍ ⴰⵢ ⵜⴻⵙⵄⴻⴷⴷⴰⵢ ⵎⴻⵕⵕⵓⴽ ⴼⴻⵍⵍ-ⴰⵙⴻⵏ ⵢⴻⵔⵏⴰ ⵜⴻⵏⵏⴰ-ⴷ ⴷ ⴰⴽⴽⴻⵏ ⵜⵉⴼⵔⴰⵜ ⴰⵜⵜⴰⵏ ⴷⴻⴳ ⵓⴳⴳⵓⵛⵛⴻⵍⵎⴰⵏ ⴷ ⵓⵣⴰⵔⵓⴳ.
ⴷⴻⴳ ⵜⴳⴰⵔⴰ ⵏ ⵓⵎⵢⴰⴳⴻⵔ-ⴰ ⴰⵢ ⴷ-ⵢⴻⵍⵍⴰⵏ ⴳⴰⵔ-ⴰⵙ ⴷ ⵜⵏⴻⵖⵍⴰⴼⵜ ⵜⴰⴷⵣⴰⵢⵔⵉⵜ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⵏⵧⵓⵔⵉⴰ ⴱⴻⵏⴳⵀⴻⴱⵔⵉⵜ ⴷⴻⴳ ⵓⵅⵅⴰⵎ ⵏ ⵓⵖⵍⵉⴼ, ⵎⴰⵙⵙⴰ ⵀⴰⵎⴰⴷⴰ ⵜⴻⵏⵏⴰ-ⴷ ⴷ ⴰⴽⴽⴻⵏ « ⵉⴱⴰⵍⵎⵓⴷⴻⵏ ⵉⵚⴻⵃⵔⴰⵡⵉⵢⴻⵏ ⵍⴰ ⵢⴻⵙⵄⴻⴷⴷⴰⵢ ⴼⴻⵍⵍ-ⴰⵙⴻⵏ ⵓⴷⴰⴱⵓ ⵏ ⵜⵓⴹⴹⴼⴰ ⴰⵎⴻⵕⵕⵓⴽⵉ ⵍⵃⴻⵕⵙ ⵢⴻⵔⵏⴰ ⵢⴻⵜⵜⴻⴳ-ⴰⵙⴻⵏ-ⴷ ⵉⵄⴻⵡⵡⵉⵇⴻⵏ ».
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⴻⵏⵏⴰ-ⴷ ⴷ ⴰⴽⴽⴻⵏ ⴷⴻⴳ ⵓⵎⵢⴰⴳⴻⵔ-ⵏⵏⴻⵙ ⴷ ⵜⵏⴻⵖⵍⴰⴼⵜ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⵜⴻⵙⵙⴰⵡⴻⵍ ⴷⴰⵖ ⵖⴻⴼ « ⵜⵜⴰⵡⵉⵍⴰⵜ ⵏ ⵓⵙⵙⴻⴵⵀⴻⴷ ⵏ ⵓⵎⵄⴰⵡⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵜⴻⴳⴷⵓⴷⴰ ⵜⴰⵚⴻⵃⵔⴰⵡⵉⵜ ⴷ ⵓⵙⵙⴰⵍⵉ ⵏ ⵓⵙⵡⵉⵔ ⵏ ⵓⵏⴰⴳⵔⴰⵡ ⴰⵙⵙⴻⴳⵎⴰⵏ ».
ⵢⴻⵍⵍⴰ-ⴷ ⵓⵎⵙⴻⴼⵀⴰⵎ, ⴷⴻⴳ ⵓⵎⵢⴰⴳⴻⵔ-ⴰ, ⵖⴻⴼ ⵓⵙⵙⴻⴱⴷⴻⴷ ⵏ ⵜⵙⴻⵇⵇⵓⵎⴰ ⴰⵔⴰ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵜⵜⴻⵊⵕⵉⴱⴰ ⵏ ⵍⴻⵣⵣⴰⵢⴻⵔ ⴷⴻⴳ ⵓⵃⵔⵉⵛ ⵏ ⵓⵙⵙⴻⴳⵎⵉ, ⴰⵍⵎⵓⴷ ⴷ ⵓⵙⵙⵉⵍⴻⵖ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵜⵜⵡⴰⴱⴷⴻⵔ.
ⵙⴻⴳ ⵢⵉⴷⵉⵙ-ⵏⵏⴻⵙ, ⵎⴰⵙⵙⴰ ⴱⴻⵏⴳⵀⴻⴱⵔⵉⵜ ⵜⴻⵏⵏⴰ-ⴷ ⴷ ⴰⴽⴽⴻⵏ ⵉⵙⵡⵉ ⵏ ⵓⵎⵢⴰⴳⴻⵔ-ⴰ ⵏⴻⵜⵜⴰ ⴷ ⴰⵙⵙⴻⴼⵄⴻⵍ ⵏ ⵓⵎⵄⴰⵡⴻⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ⴷⴻⴳ ⵓⵏⵔⴰⵔ ⵏ ⵓⵙⵙⴻⴳⵎⵉ ⴷ ⵓⵍⵎⵓⴷ, ⴰⵎ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ ⴷ ⴰⴽⴽⴻⵏ ⵍⴻⵣⵣⴰⵢⴻⵔ ⵜⴻⵡⵊⴻⴷ ⴰⴷ ⵜⵄⴰⵡⴻⵏ ⵜⴰⴳⴷⵓⴷⴰ ⵜⴰⵚⴻⵃⵔⴰⵡⵉⵜ ⴰⴽⴽⴻⵏ ⴰⴷ ⵜⴻⵙⵙⴻⵍⵀⵓ ⴰⵏⴰⴳⵔⴰⵡ-ⵏⵏⴻⵙ ⴰⵙⵙⴻⴳⵎⴰⵏ.
