ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵣⵣⴰⵢⴻⵔ ⵜⵡⴻⵜ-ⴷ « ⵙ ⵍⴵⴻⵀⴷ » ⴷⴻⴳ ⵜⵅⴰⵣⴰⴱⵉⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⵎⴻⵙⴳⵉⴷⴰ ⵜⴰⵙⴰⵄⵓⴷⵉⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⵍⴻⵣⵣⴰⵢⴻⵔ ⵜⴻⵙⵙⴰⵥⴻⵔ « ⵙ ⵍⴵⴻⵀⴷ » ⵜⴰⵅⴰⵣⴰⴱⵉⵜ ⵜⴰⵔⴰⴱⵔⴰⴱⵜ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵜⵎⴻⵙⴳⵉⴷⴰ ⵏ ⵢⵉⵙⴻⵔⴷⴰⵙⴻⵏ ⵏ ⵢⵉⵖⴰⵍⵍⴻⵏ ⵓⵣⵣⵉⴳⴻⵏ ⴷⴻⴳ ⵜⵏⴻⴱⴹⵉⵜ ⵏ ⴰⵙⵙⵉⵔ ⴷⴻⴳ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ, ⴷ ⵜⵉⵏ ⴷⴻⴳ ⴷ-ⵍⵍⴰⵏⵜ ⴰⵟⴰⵙ ⵏ ⵜⴻⵖⵜⴰⵙ.
« ⵏⴻⵙⵙⴰⵥⴻⵔ ⵙ ⵍⴵⴻⵀⴷ ⵜⴰⵅⴰⵣⴰⴱⵉⵜ-ⴰ ⵜⴰⵔⴻⴱⵔⴰⴱⵜ ⴰⵢ ⴷ-ⵢⴻⵍⵍⴰⵏ ⴰⵙⵙ-ⴰ ⵎⴳⴰⵍ ⵜⵎⴻⵙⴳⵉⴷⴰ ⵏ ⵢⵉⵖⴰⵍⵍⴻⵏ ⵓⵣⵣⵉⴳⴻⵏ ⴷⴻⴳ ⴰⴱⵀⴰ, ⴷⴻⴳ ⵜⵏⴻⴱⴹⵉⵜ ⵏ ⴰⵙⵙⵉⵔ, ⴷⴻⴳ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ ⵜⴰⵡⴻⵍⵜⵎⴰⵜ, ⴷ ⵜⴰⵅⴰⵣⴰⴱⵉⵜ ⴷⴻⴳ ⴷ-ⵍⵍⴰⵏⵜ ⴰⵟⴰⵙ ⵏ ⵜⴻⵖⵜⴰⵙ ⵙⴻⴳ ⵢⵉⵖⴰⵍⵍⴻⵏ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⴷ ⵢⵉⵎⴷⴰⵏⴻⵏ ⴰⵢ ⵉⵅⴻⴷⴷⵎⴻⵏ ⴷⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⵓⵏⴻⵟⵟⴰⵇ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⴰⴱⴷⴻⵍⴰⵣⵉⵣ ⴱⴻⵏⴰⵍⵉ ⵛⵀⴻⵔⵉⴼ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⴰⵢ ⴷ-ⵉⴳⴰ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.
« ⵏⴻⵜⵜⵄⴻⵣⵣⵉ ⵜⵉⵡⴰⵛⵓⵍⵉⵏ ⴰⵢ ⵉⵅⴻⵍⵄⴻⵏ ⵙⴻⴳ ⵢⵉⴳⵉ-ⴰ ⵏ ⵜⴻⵊⵔⵉⵎⵜ ⴰⵎ ⵡⴰⴽⴽⴻⵏ ⴰⵢ ⴷ-ⵏⴻⵙⵙⴻⵏⴼⴰⵍⴰⵢ ⵜⴰⵎⵙⴻⵜⵍⴻⵍⵜ-ⵏⵏⴻⵖ ⵖⴻⵔ ⵢⵉⴷⵉⵙ ⵏ ⵓⵏⴰⴱⴰⴹ ⴷ ⵓⵖⵔⴻⴼ ⴰⵙⴰⵄⵓⴷⵉ ⴰⵢ ⵉⴱⴻⴷⴷⴻⵏ ⵎⴳⴰⵍ ⵔⵔⴻⴱⵔⴰⴱ ⵓⵛⵎⵉⵜ ⵓⵔ ⵢⴻⵙⵙⵉⵏⴻⵏ ⵍⴰ ⴰⵣⴰⵍⴻⵏ ⵏ ⵜⴰⵍⵙⴰ, ⵡⴰⵍⴰ ⴰⵣⴰⵍⴻⵏ ⵏ ⴷⴷⵉⵏ, ⵢⴻⵔⵏⴰ ⵎⴰⵣⴰⵍ-ⵉⵜ ⵢⴻⵜⵄⴻⴷⴷⴰⵢ ⵖⴻⴼ ⵜⵎⴻⵙⴳⵉⴷⵉⵡⵉⵏ ⴰⴽⴽⴻⵏ ⴰⴷ ⵉⵏⴻⵖ, ⵡⴰⵔ ⴰⴽⵓⴽⵔⵓ, ⵉⵎⴷⴰⵏⴻⵏ ⵉⵍⴻⵎⵔⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⴻⵏⴰⵍⵉ ⵛⵀⴻⵔⵉⴼ.
« ⵍⴻⵣⵣⴰⵢⴻⵔ ⵜⴻⵏⴹⴻⵔⵔ ⵙⴻⴳ ⵔⵔⴻⴱⵔⴰⴱ ⵢⴻⵔⵏⴰ ⵜⴻⵥⵔⴰ ⴷ ⴰⴽⴽⴻⵏ ⵓⵔ ⵢⴻⵙⵄⵉ ⴰⵔⴰ ⵜⵉⵍⵉⵙⴰ, ⴷⵖⴰ ⵖⴻⴼ ⵡⴰⵢⴰ ⴰⵢ ⴷ-ⵜⴳⴻⵔ ⵜⵉⵖⵔⵉ ⵉ ⵓⵙⵙⴻⵡⵊⴻⴷ ⵏ ⵡⴰⴽⴽ ⵜⵜⴰⵡⵉⵍⴰⵜ ⵏ ⵍⵇⴰⵏⵓⵏ ⵢⴻⵍⵍⴰⵏ ⴷ ⵓⵎⵄⴰⵡⴻⵏ ⴳⴰⵔ ⵜⵎⵓⵔⴰ ⵜⴰⵄⵕⴰⴱⵉⵏ, ⵜⵉⵏⵙⴻⵍⵎⵉⵏ ⴷ ⵜⵎⵓⵔⴰ ⵏⵉⴹⴻⵏ ⵏ ⵓⵎⴰⴹⴰⵍ ⵉ ⵓⵃⴱⴰⵙ ⵏ ⵜⵖⴰⵡⵙⴰ-ⴰ ⵢⴻⵍⵍⴰⵏ ⴷ ⵜⴰⴱⴻⵕⵕⴰⵏⵉⵜ ⵖⴻⴼ ⴷⴷⵉⵏ ⴷ ⵡⴰⵣⴰⵍⴻⵏ-ⵏⵏⴻⵖ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ.
