ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⴻⴼⵜⵉ ⴰⵎⴻⵇⵔⴰⵏ ⵏ ⵙⵓⵔⵢⴰ ⵉⴳⴻⵔ-ⴷ ⵜⵉⵖⵔⵉ ⵉ ⵓⵃⵔⴰⵣ ⵏ ⵍⴻⵣⵣⴰⵢⴻⵔ ⵙⴻⴳ ⵜⵉⵟⵟⵓⵔⴼⴰ

ⵍⴻⵣⵣⴰⵢⴻⵔ – ⴰⵎⴻⴼⵜⵉ ⴰⵎⴻⵇⵔⴰⵏ ⵏ ⵙⵓⵔⵢⴰ, ⵛⵛⵉⵅ ⴰⵀⵎⴰⴷ ⴱⴰⴷⵔⴻⴷⴷⵉⵏⴻ ⵀⴰⵙⵙⵧⵓⵏⴻ, ⵉⴳⴻⵔ-ⴷ ⵜⵉⵖⵔⵉ, ⴰⵙⵙ ⵏ ⵍⴻⵅⵎⵉⵙ, ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵉ ⵍⵉⵎⴰⵎⴰⵜ ⵉⴷⵣⴰⵢⵔⵉⵢⴻⵏ ⴰⴽⴽⴻⵏ ⴰⴷ ⵙⴱⴻⵄⴷⴻⵏ ⵖⴻⴼ ⵍⴻⵣⵣⴰⵢⴻⵔ « ⴰⵅⴻⵎⵎⴻⵎ ⴰⵎⴻⴹⴹⴰⵔⴼⵓ ».

ⴷⴻⴳ ⵢⵉⵡⴻⵜ ⵏ ⵜⵙⴻⵏⵖⵔⵓⵜ ⴰⵢ ⴷ-ⵉⴳⴰ ⴷⴻⴼⴼⵉⵔ ⵢⵉⵡⴻⵏ ⵏ ⵓⵎⵢⴰⴳⴻⵔ ⴳⴰⵔ-ⴰⵙ ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ ⴷ ⵍⵃⵓⴱⵓⵙ, ⵎⵧⵀⴰⵎⴻⴷ ⴰⵉⵙⵙⴰ ⴷⴻⴳ ⵜⵏⴻⵣⴷⵓⵖⵜ ⵏ ⴻⵍ-ⵎⵉⵜⵀⴰⴽ, ⵛⵛⵉⵅ ⴱⴰⴷⵔⴻⴷⴷⵉⵏⴻ ⵀⴰⵙⵙⵧⵓⵏⴻ ⵉⴳⴻⵔ-ⴷ ⵜⵉⵖⵔⵉ ⵉ ⵍⵉⵎⴰⵎⴰⵜ ⴰⴽⴽⴻⵏ « ⴰⴷ ⵃⴻⵔⵣⴻⵏ ⵍⴻⵣⵣⴰⵢⴻⵔ ⵙⴻⴳ ⵓⵅⴻⵎⵎⴻⵎ ⴰⵎⴻⵟⵟⴰⵔⴼⵓ » ⴰⵢ ⴷ-ⵢⴻⵜⵜⴻⴽⴽⴻⵏ ⵙⴻⴳ « ⵍⵇⴻⵍⵍⴰ ⵏ ⵜⵎⵓⵙⵙⵏⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

« ⵉⵎⴻⴹⴹⵓⵔⴼⴰ ⴰⵢ ⵉⵅⴻⴷⴷⵎⴻⵏ ⵙ ⵢⵉⵙⴻⵎ ⵏ ⵍⵉⵙⵍⴰⵎ, ⴷⴻⴳ ⵜⵉⴷⴻⵜ, ⴷ ⵉⵎⴷⴰⵏⴻⵏ ⵢⴻⵅⴹⴰⵏ ⴷⴷⵉⵏ-ⴰ ⵏ ⵜⴰⵍⵡⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⴳⵏⵉⵜ ⴷⴻⴳ ⵙⵓⵔⵢⴰ, ⵢⴻⵏⵏⴰ-ⴷ ⵛⵛⵉⵅ ⴷ ⴰⴽⴽⴻⵏ ⵜⴰⵎⵓⵔⵜ-ⵏⵏⴻⵙ ⴰⵜⵜⴰⵏ « ⵍⴰ ⵜⴻⵜⵜⵅⴻⵍⵍⵉⵚ ⴰⵙⵙ-ⴰ ⴰⵢⴻⵏ ⴰⴽⴽ ⴰⵢ ⵜⴳⴰ ⴰⴽⴽⴻⵏ ⴰⴷ ⵜⵃⵓⴷⴷ ⴰⵖⵍⴰⵏ ⴰⵄⵕⴰⴱ ⴷ ⵢⵉⵏⴻⵙⵍⴻⵎ ».

« ⵙⵓⵔⵢⴰ ⴷ ⵍⴻⵣⵣⴰⵢⴻⵔ ⵍⴰ ⴽⴽⴰⵜⴻⵏⵜ ⵖⴻⴼ ⵓⵖⵍⴰⵏ ⵙ ⵍⴻⴽⵎⴰⵍ-ⵏⵏⴻⵙ, ⵍⴰⴷⵖⴰ ⴼⴰⵍⴻⵙⵟⵉⵏ ⴰⵏⴷⴰ ⵍⴱⴰⵟⴻⵍ ⵓⵔ ⵉⵇⵉⵍ ⵢⵉⵡⴻⵏ ⵢⴻⵔⵏⴰ ⵉⵃⵓⵣⴰ ⵓⵍⴰ ⴷ ⵉⵍⵓⴼⴰⵏⴻⵏ, ⵢⴻⵔⵏⴰ ⴰⵏⴷⴰ ⴰⵜⵄⴻⴷⴷⵉ ⵖⴻⴼ ⵜⵎⴻⵙⴳⵉⴷⴰ ⵏ ⵍⴰⵇⵚⴰ ⵢⴻⵇⵇⴻⵍ ⵢⴻⵣⴳⴰ ⵢⴻⵜⵜⵉⵍⵉ-ⴷ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴻⴼⵜⵉ ⴰⵎⴻⵇⵔⴰⵏ ⵏ ⵙⵓⵔⵢⴰ.

ⵙⵓⵔⵢⴰ ⵜⴻⴱⴷⴻⴷ ⴷⴻⴳ ⵓⴷⴻⵎ ⵏ ⵢⵉⵄⴷⴰⵡⴻⵏ-ⵏⵏⴻⵙ ⵙⴻⵎⵎⵓⵙ (5) ⵏ ⵢⵉⵙⴻⴳⴳⴰⵙⴻⵏ ⴰⵢⴰ, ⵢⴻⵔⵏⴰ ⵢⴻⵍⵍⴰ-ⴷ ⵡⴰⵢⴰ ⵙ ⵓⵖⵔⴻⴼ-ⵏⵏⴻⵙ, ⵉⴳⴻⵏ-ⵏⵏⴻⵙ, ⴰⴷⴰⴱⵓ-ⵏⵏⴻⵙ, ⵍⵉⵎⴰⵎⴰⵜ-ⵏⵏⴻⵙ ⴷ ⵢⵉⵎⴰⵙⵙⴰⵏⴻⵏ-ⵏⵏⴻⵙ ⵏ ⴷⴷⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ « ⵕⴻⴱⴱⵉ ⴰⴷ ⵢⴻⵃⵔⴻⵣ » ⵜⴰⵎⵓⵔⵜ-ⵏⵏⴻⵙ.

ⵛⵛⵉⵅ ⴱⴰⴷⵔⴻⴷⴷⵉⵏⴻ ⵀⴰⵙⵙⵧⵓⵏⴻ ⵢⴻⵛⴽⴻⵕ-ⴷ « ⴰⴷⴷⵓⴷ ⵏ ⵍⴻⵣⵣⴰⵢⴻⵔ ⴰⵢ ⵢⵓⴳⵉⵏ ⴰⴳⵣⴰⵎ ⵏ ⵡⴰⵙⵙⴰⵖⴻⵏ ⵉⴷⵉⵒⵍⵓⵎⴰⵜⵉⵢⴻⵏ ⴳⴰⵔ ⵜⵎⵓⵔⴰ ⵜⴰⵄⵕⴰⴱⵉⵏ ⴰⴽⴽⴻⵏ ⵜⴻⴱⵖⵓ ⵜⵉⵍⵉ ⵙⵙⴻⴱⴱⴰ ».

ⴰⵖⵔⴻⴼ ⴰⴷⵣⴰⵢⵔⵉ, ⴰⵢ ⵢⴻⵏⴹⴻⵔⵔⴻⵏ ⵓⵍⴰ ⴷ ⵏⴻⵜⵜⴰ ⵙⴻⴳ ⵜⵉⴹⴹⵓⵔⴼⴰ ⴰⵣⴰⵍ ⵏ 15 ⵏ ⵢⵉⵙⴻⴳⴳⴰⵙⴻⵏ ⴰⵢⴰ, ⵢⴻⵜⵜⵃⵓⵍⴼⵓ ⵉ ⵍⵇⴻⵔⵃ ⵏ ⵢⵉⵙⵓⵔⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ « ⵡⵉⴷ ⴰⵢ ⵉⵙⴻⵎⵎⴰⵏ ⵉ ⵢⵉⵎⴰⵏ-ⵏⵙⴻⵏ ⴷ ⵉⴳⵔⴰⵡⴰⵍⴻⵏ ⵓⵙⴰⵏ-ⴷ ⵙⴻⴳ ⵡⴰⵣⴰⵍ ⵏ 100 ⵏ ⵜⵎⵓⵔⴰ ⵖⴻⵔ ⵙⵓⵔⵢⴰ ⴰⴽⴽⴻⵏ ⴰⴷ ⵏⵖⴻⵏ ⵢⴻⵔⵏⴰ ⴰⴷ ⵣⴻⵔⵄⴻⵏ ⴰⵔⵡⴰⵢ ».

ⵎⴰ ⴷ ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ ⴷ ⵍⵃⵓⴱⵓⵙ, ⵎⵧⵀⴰⵎⴻⴷ ⴰⵉⵙⵙⴰ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⵉⵔⵣⵉ ⵏ ⵓⵎⴻⴼⵜⵉ ⴰⵎⴻⵇⵔⴰⵏ ⵏ ⵙⵓⵔⵢⴰ ⵖⴻⴼ ⵍⴻⵣⵣⴰⵢⴻⵔ « ⴰⴷ ⵜⴻⴵⴵ ⵙⵉⵏ-ⴰ ⵏ ⵢⵉⴷⵉⵙⴰⵏ ⴰⴷ ⴷ-ⵙⵙⵓⴽⴽⴻⵏ ⵜⵉⵟ ⵢⴻⵔⵏⴰ ⴰⴷ ⵎⴱⴰⴷⴷⴰⵍⴻⵏ ⵜⵜⴻⵊⵕⵉⴱⴰⵜ ⴰⴽⴽⴻⵏ ⴰⴷ ⴷ-ⴰⴼⴻⵏ ⵜⵉⴼⵔⴰⵜ ⵉ ⵜⴰⵍⵓⴼⵜ-ⴰ ⵏ ⵜⵉⴹⴹⵓⵔⴼⴰ ⵏ ⴷⴷⵉⵏ ⵜⴰⵎⴰⵢⵏⵓⵜ ⴰⵢ ⵉⵃⵓⵣⴰⵏ ⴰⴽⴽ ⴰⵎⴰⴹⴰⵍ ».

ⵎⴰⵙⵙ ⴰⵉⵙⵙⴰ ⵢⴻⵙⵎⴻⴽⵜⵉ-ⴷ ⴷ ⴰⴽⴽⴻⵏ ⴰⵣⴰⵍ ⵏ 100 ⵏ ⵍⵉⵎⴰⵎⴰⵜ ⴰⵢ ⵢⴻⵜⵜⵡⴻⵏⵖⴻⵏ ⴷⴻⴳ ⵍⴻⵣⵣⴰⵢⴻⵔ ⴷⴻⴳ ⵢⵉⵙⴻⴳⴳⴰⵙⴻⵏ ⵏ 1990, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⴷ ⴰⵢⴰ ⴷⴰⵖ ⴰⵢ ⵍⴰ ⵉⴹⴻⵔⵔⵓⵏ ⴷⴻⴳ ⵙⵓⵔⵢⴰ, ⴷⵖⴰ ⵖⴻⴼ ⵡⴰⵢⴰ ⴰⵢ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵎⴱⴰⴷⴷⴻⵍ ⵏ ⵜⵜⴻⵊⵕⵉⴱⴰⵜ ⴷⴻⴳ ⴷⴷⵓⵕ ⴰⵢ ⵣⴻⵎⵔⴻⵏ ⴰⴷ ⵜ-ⵓⵔⴰⵔⴻⵏ ⵍⵉⵎⴰⵎⴰⵜ ⴷⴻⴳ ⵓⵙⵙⴻⴱⵄⴻⴷ ⵏ ⵡⴰⴽⴽ ⵍⴻⵚⵏⴰⴼ ⵏ ⵜⵉⵟⵟⵓⵔⴼⴰ ⴷ ⵓⵃⵔⴰⵣ ⵏ ⵜⵎⴻⵙⴳⵉⴷⵉⵡⵉⵏ ⵙⴻⴳ ⵜⵉⵣⵣⴻⵍⴳⵉ.

ⴰⵎⴻⴼⵜⵉ ⴰⵎⴻⵇⵔⴰⵏ ⵏ ⵙⵓⵔⵢⴰ ⵉⴳⴰ-ⴷ ⵜⵉⵔⵣⵉ ⵏ ⴷⴷⵓⵕⵜ ⵖⴻⴼ ⵍⴻⵣⵣⴰⵢⴻⵔ.