Asebter amenzawi
Asettef n FIFA (ɣuct): Lezzayer mazal-itt d tis 19
ZURICH – Lezzayer mazal-itt deg umkan wis 19 deg usettef n Ɣuct n Tfidiṛalit tagraɣlant n tcirt n uḍar (FIFA) ay d-yeffɣen ass n lexmis, am wakken ay mazal Taṛjentint d tamezwarut deg wayyur wis sin ɣef usref.
D tikkelt tis kraḍt deg ara tettekki Lezzayer deg 20 n teɣlamin timxeyyrin n umaḍal aseggas-a deffir ma tettekka deg usettef-a yagi deg Mayu d Yulyu n 2015. D acu kan, asettef imxeyyer n Yidzayriyen yella-d gar Dujembeṛ 2014 d Meɣres 2015, mi teḍḍef Lezzayer amkan wis 18 deg umaḍal. Deg Tefriqt, Lezzayer mazal-itt d tamezwzrut s 941 n tenqiḍin, ma d Côte d’Ivoire, talɣuɣt n Tefriqt, tusa-d d tis 21.
Ghana, seg yidis-nnes, tesṛuḥ sin n yimukan yerna teɣli-d d tis 27 deg umaḍal, d acu kan, mazal-itt gar 3 n teɣlamin timezwura n Tefriqt. Asettef ay d-yetteddun n FIFA ad d-yeffeɣ ass n 3 Ctembeṛ 2015.
