ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⴱⵍⵉⴷⴰ: ⴰⵙⵎⴻⴽⵜⵉ ⵡⵉⵙ 54 ⵏ ⵜⵎⴻⵜⵜⴰⵏⵜ ⵏ ⴷⵊⵉⵍⵍⴰⵍⵉ ⴱⵧⵓⵏⴰⴰⵎⴰ, ⵉⵎⴹⴻⴱⴱⴻⵔ ⵏ ⵜⵡⵉⵍⴰⵢⵜ ⵜⵉⵙ 4

ⵍⴻⴱⵍⵉⴷⴰ – ⵜⴰⵡⵉⵍⴰⵢⵜ ⵜⴰⵎⴻⵣⵔⵓⵢⴰⵏⵜ ⵜⵉⵙ 4 ⵜⴻⵙⴼⵓⴳⴻⵍ ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴻⴱⵍⵉⴷⴰ ⴰⵎⵓⵍⵍⵉ ⵡⵉⵙ 54 ⵏ ⵜⵎⴻⵜⵜⴰⵏⵜ ⵏ ⵓⵎⴻⵖⵔⵓⵙ (ⵛⵛⴰⵀⵉⴷ) ⴷⵊⵉⵍⴰⵍⵉ ⴱⵧⵓⵏⴰⴰⵎⴰ ⴰⵢ ⵢⴻⵍⵍⴰⵏ ⴷ ⴰⵎⴻⵏⵣⴰⴹ ⵏ ⵜⵡⵉⵍⴰⵢⵜ-ⴰ ⵢⴻⵔⵏⴰ ⵢⴻⵖⵍⵉ ⴷⴻⴳ ⵢⵉⴳⴻⵔ ⵏ ⵢⵉⵙⴻⵖ ⴰⵙⵙ ⵏ 8 ⵖⵓⵛⵜ 1961.

ⴷⴻⴳ ⵢⵉⵡⴻⵜ ⵏ ⵜⴻⴱⵕⴰⵜ ⴷ-ⵢⵓⵔⴰ ⵓⵏⴻⵖⵍⴰⴼ ⵏ ⵢⵉⵎⵊⴰⵀⴷⴻⵏ ⵜⴰⵢⴻⴱ ⵣⵉⵜⵧⵓⵏⵉ ⵉ ⵍⵎⴻⵏⴷ ⵏ ⵜⴼⵓⴳⵍⴰ-ⴰ, ⵢⴻⵔⵏⴰ ⵢⴻⵖⵔⴰ-ⵜⵜ-ⵉⴷ ⵙ ⵢⵉⵙⴻⵎ-ⵏⵏⴻⵙ ⵓⴳⴻⵏⵙⴰⵙ-ⵏⵏⴻⵙ ⴽⵀⴰⵍⴻⴷ ⴷⴻⵀⴰⵏⴻ, ⵢⴻⵙⵎⴻⴽⵜⵉ-ⴷ ⵓⵏⴻⵖⵍⴰⴼ ⵚⵚⵉⴼⴰⵜ ⴷ ⵜⴻⴱⵖⴻⵙⵜ ⵏ ⵜⴰⵢⴻⴱ ⴱⵧⵓⵏⴰⴰⵎⴰ ⴰⵢ ⵢⴻⵍⵍⴰⵏ ⵢⴻⵜⵜⵡⴰⵙⵙⴻⵏ ⵙ ⵢⵉⵙⴻⵎ ⵏ ⵙⵙⵉ ⵎⵃⴻⵎⵎⴻⴷ, ⴰⵎ ⵡⴰⴽⴽⴻⵏ ⴰⵢ ⵢⴻⵔⵔⴰ ⵜⴰⵊⵎⵉⵍⵜ ⵉ « ⵢⵉⵡⴻⵏ ⵙⴻⴳ ⵡⴰⵙⴰⴹⴻⵏ ⵏ ⵍⴷⵣⴰⵢⴻⵔ, ⴷ ⴰⵙⴰⴹ ⵢⴻⵙⵄⴰⵏ ⵜⴰⴱⵖⴻⵙⵜ ⴰⵢ ⴷ-ⵉⵏⴻⴽⵔⴻⵏ ⴷⴻⴳ ⵡⵓⵍ ⵏ ⵢⵉⴷⵔⴰⵔⴻⵏ ⵏ ⵡⴰⵔⴻⵙⵏⵉⵙ ⵢⴻⵍⵍⴰⵏ ⴷ ⵜⴰⵍⴰ ⴰⵢ ⴷ-ⵢⴻⴼⴽⴰⵏ ⵉⵣⵎⴰⵡⴻⵏ ⴰⵢ ⵉⵃⴻⵎⵎⵍⴻⵏ ⵜⴰⵎⵓⵔⵜ. (ⴱⵧⵓⵏⴰⴰⵎⴰ) ⵢⴻⵍⵍⴰ ⵢⴻⵜⵜⵎⵓⵇⵇⵓⵍ ⵖⴻⵔ ⵎⴻⴱⵄⵉⴷ ⵢⴻⵔⵏⴰ ⵢⴻⵍⵍⴰ ⵢⴻⵙⵄⴰ ⵉⵎⴻⵏⵣⴰⵢⴻⵏ ⴷ ⵜⵓⴳⵏⴰ ⵉⴵⴻⵀⴷⴻⵏ, ⴷⵖⴰ ⴷ ⴰⵢⴰ ⴰⵢ ⵜ-ⵢⴻⵔⵔⴰⵏ ⴷ ⵉⵎⴹⴻⴱⴱⴻⵔ ⵓⵥⵡⵉⵔ ⵢⴻⵔⵏⴰ ⴷ ⴰⵎⴻⵏⵣⴰⴹ ⵢⴻⵍⵍⴰⵏ ⴷ ⴰⵎⴻⴷⵢⴰ ⴷⴻⴳ ⵜⵡⵉⵍⴰⵢⵜ ⵜⴰⵎⴻⵣⵔⵓⵢⴰⵏⵜ ⵜⵉⵙ 4 ».

ⴰⵚⴰⴹ-ⴰ ⵢⴻⵍⵍⴰ ⴷ ⴰⵣⴰⵎⵓⵍ ⴷⴻⴳ ⵜⴻⴳⵔⴰⵡⵍⴰ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵎⴻⵏⵣⴰⴹ ⵎⴰⵛⵉ ⴷ ⴰⵎⴷⴰⵏ ⴽⴰⵏ ⴰⵢ ⵢⴻⵜⵜⴹⴻⴱⴱⵉⵔⴻⵏ ⴷⴻⴳ ⵍⴻⵛⵖⴰⵍ ⵉⵙⴻⵔⴷⴰⵙⵉⵢⴻⵏ, ⵎⴰⵛⴰ ⵢⴻⵙⵙⴻⴼⴽ ⴰⴷ ⵢⴻⵙⵙⴻⵏ ⴰⵎⴻⴽ ⴰⵔⴰ ⵢⴻⵙⵙⴻⵇⵏⴻⵄ ⵉⵔⴳⴰⵣⴻⵏ-ⵏⵏⴻⵙ, ⴰⴷ ⵜⴻⵏ-ⵉⵃⴻⵎⵎⴻⵍ ⵢⴻⵔⵏⴰ ⴰⴷ ⵜⴻⵏ-ⵢⴻⵔⵔ ⵎⵃⴻⵎⵎⴰⵍⴻⵏ ⴳⴰⵔ-ⴰⵙⴻⵏ. ⴱⵧⵓⵏⴰⴰⵎⴰ ⵉⴳⴰ ⵢⴻⵔⵏⴰ ⵉⴹⴻⴱⴱⴻⵔ ⴷⴻⴳ ⵍⴻⵛⵖⴰⵍ ⵉⵙⴻⵔⴷⴰⵙⵉⵢⴻⵏ ⴰⵢ ⴷ-ⵢⴻⵍⵍⴰⵏ ⵎⴳⴰⵍ ⵢⵉⵙⴻⵔⴷⴰⵙⴻⵏ ⵏ ⴼⵕⴰⵏⵙⴰ ⵢⴻⵔⵏⴰ ⴼⴽⴰⵏ-ⴰⵙ ⵜⵉⵢⵉⵜⴰ, ⴷⵖⴰ ⴷ ⴰⵢⴰ ⴰⵢ ⵜ-ⵢⴻⴵⴵⴰⵏ ⴰⴷ ⵢⴻⵇⵇⴻⵍ ⵎⴻⵛⵀⵓⵕ ⵢⴻⵔⵏⴰ ⴰⴷ ⵢⴻⵜⵜⵡⴰⵔⵓ ⵢⵉⵙⴻⵎ-ⵏⵏⴻⵙ ⵙ ⵢⵉⵙⴻⴽⴽⵉⵍⴻⵏ ⵏ ⵡⵓⵔⴻⵖ ⴷⴻⴳ ⵢⵉⵙⴻⴱⵜⴰⵔ ⵏ ⵓⵎⴻⵣⵔⵓⵢ ⵏ ⵜⴻⴳⵔⴰⵡⵍⴰ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴷⴻⴳ ⵜⴻⴱⵕⴰⵜ-ⵏⵏⴻⵙ ⴰⵢ ⴷ-ⵢⴻⵜⵜⵡⴻⵖⵔⴰⵏ ⵙⴷⴰⵜ ⵢⵉⵖⴻⵔⵎⴰⵏⴻⵏ ⴰⵢⴷⴻⴳ ⵃⴻⴷⵕⴻⵏ ⵢⵉⵎⵊⴰⵀⴷⴻⵏ, ⴰⵔⵔⴰⵡ ⵏ ⵢⵉⵎⴻⵖⵔⵓⵙⴻⵏ ⴷ ⴽⵔⴰ ⵏ ⵢⵉⵎⴹⴻⴱⴱⵔⴻⵏ ⵉⴷⵉⴳⴰⵏⴻⵏ.

ⵎⴰⵙⵙ ⵣⵉⵜⵧⵓⵏⵉ ⵢⴻⵏⵏⴰ-ⴷ, ⴷⴻⴳ ⵜⴻⴱⵕⴰⵜ-ⵏⵏⴻⵙ, ⴷⴰⴽⴽⴻⵏ ⴰⵙⵙ-ⴰ ⵏ ⵓⵙⵎⴻⴽⵜⵉ ⵢⴻⵙⵙⴻⴼⴽ ⴰⴷ ⵢⵉⵍⵉ ⴷ ⵜⴰⴳⵏⵉⵜ ⵉ ⵓⵙⵎⴻⴽⵜⵉ ⵏ ⵡⴰⵣⴰⵍⴻⵏ ⴰⵢⵖⴻⴼ ⵢⴻⵍⵍⴰ ⵢⴻⵜⵜⴷⴰⴼⴰⵄ ⵓⵎⴻⵖⵔⵓⵙ-ⴰ ⴷ ⵢⵉⵔⴼⵉⵇⴻⵏ-ⵏⵏⴻⵙ ⵏ ⵢⵉⵎⴻⵏⵖⵉ, ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⴷ-ⵏⴻⵙⴱⴰⵏ ⴰⵎⴻⵛⵡⴰⵕ-ⵏⵏⴻⵙ ⵏ ⵜⵉⵔⵔⵓⴳⵣⴰ ⴰⵢⴷⴻⴳ ⵢⴻⴼⴽⴰ ⵜⵉⵢⵉⵜⴰ ⵉ ⵓⵛⴻⵏⴳⵓ, ⴷ ⴰⵎⴻⵛⵡⴰⵕ ⴰⵢ ⴷ-ⵢⴻⵙⵙⴻⵍⵎⴰⴷⴻⵏ ⴰⵣⴰⵍ ⵏ ⵓⵙⴼⴻⵍ ⵉ ⵜⵎⵓⵔⵜ, ⴷ ⴰⵣⴰⵍ ⴰⵢ ⵢⴻⵙⵙⴻⴼⴽ ⴰⴷ ⵜ-ⵍⴻⵎⴷⴻⵏⵜ ⵜⵙⵓⵜⵔⵡⵉⵏ ⵜⵉⵍⴻⵎⵥⵉⵢⵉⵏ.

ⵙⴻⴳ ⵢⵉⴷⵉⵙ-ⵏⵏⴻⵙ, ⴰⵙⴻⵍⵡⴰⵢ ⵏ ⵜⵉⴷⴷⵓⴽⵍⴰ ⵏ ⵜⴽⴰⵜⵓⵜ ⵏ ⵜⵡⵉⵍⴰⵢⵜ ⵜⴰⵎⴻⵣⵔⵓⵢⴰⵏⵜ ⵜⵉⵙ 4 ⵢⴻⵔⵏⴰ ⴷ ⴰⵎⴻⵏⵣⴰⴹ ⴰⵇⴱⵓⵔ ⵏ ⵜⵡⵉⵍⴰⵢⵜ-ⴰ, ⵢⵧⵓⵛⴻⴼ ⴻⵍ ⴽⵀⴰⵜⵉⴱ (ⵢⴻⵜⵜⵡⴰⵙⵙⵏⴻⵏ ⵙ ⵢⵉⵙⴻⵎ ⵏ ⵙⵙⵉ ⵃⴰⵙⴰⵏ) ⵢⴻⵙⵎⴻⴽⵜⵉ-ⴷ ⴰⵎⴻⵛⵡⴰⵕ ⴰⴳⵔⴰⵡⴰⵍ ⵏ ⵓⵎⴻⵖⵔⵓⵙ ⴷⵊⵉⵍⴰⵍⵉ ⴱⵧⵓⵏⴰⴰⵎⴰ ⴷ ⴷⴷⵓⵕ-ⵏⵏⴻⵙ ⴰⵙⴻⵔⴷⴰⵙⵉ ⴷ ⵓⵙⴻⵔⵜⵉ ⴷⴻⴳ ⵟⵟⵔⴰⴷ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⴽⵔⴰ ⵙⴻⴳ ⵢⵉⵎⴻⵏⵖⵉⵢⴻⵏ ⴰⵢⴷⴻⴳ ⴱⵧⵓⵏⴰⴰⵎⴰ ⴷ ⵢⵉⵔⴳⴰⵣⴻⵏ-ⵏⵏⴻⵙ ⵙⵙⴰⵡⴹⴻⵏ ⴰⴷ ⵔⵏⵓⵏ ⴰⵛⴻⵏⴳⵓ ⴰⴼⵕⴻⵏⵙⵉⵙ.

ⴷⵊⵉⵍⴰⵍⵉ ⴱⵧⵓⵏⴰⴰⵎⴰ, ⵢⴻⵜⵜⵡⴰⵙⵙⵏⴻⵏ ⵙ ⵢⵉⵙⴻⵎ ⵏ ⵙⵙⵉ ⵎⵃⴻⵎⵎⴻⴷ, ⵉⵍⵓⵍ ⴷⴻⴳ 26 ⵢⴻⴱⵔⵉⵔ ⴷⴻⴳ ⵜⴰⴷⴷⴰⵔⵜ ⵏ ⴰⵢⵜ ⵉⵏⴷⴻⵍ (ⴱⵏⵉ ⵀⴻⵏⴷⴻⵍ) ⴷⴻⴳ ⵡⵓⵍ ⵏ ⵢⵉⴷⵔⴰⵔⴻⵏ ⵏ ⵡⴰⵔⴻⵙⵏⵉⵙ, ⵢⴻⵔⵏⴰ ⴷⵉⵏ ⴰⵢ ⵢⴻⵖⵔⴰ ⴷⴻⴳ ⵓⵖⴻⵔⴱⴰⵣ. ⵢⴻⴱⴷⴰ ⴰⵎⴰⵀⵉⵍ (ⴰⵅⴻⴷⴷⵉⵎ) ⵣⵉⴽ ⴷⴻⴳ ⵢⵉⵡⴻⵜ ⵏ ⵍⵎⵉⵏⴰ ⴰⴽⴽⴻⵏ ⴰⴷ ⵉⵄⴰⵡⴻⵏ ⵜⴰⵡⴰⵛⵓⵍⵜ-ⵏⵏⴻⵙ ⵜⵉⴳⴻⵍⵍⵉⵍⵜ.

ⴰⵙⵎⵉ ⴰⵢ ⵜⴻⵏⴽⴻⵔ ⵜⴻⴳⵔⴰⵡⵍⴰ, ⵢⵓⵍⵉ ⵖⴻⵔ ⵓⴷⵔⴰⵔ ⵙ ⵉⴷⵉⵙ ⵏ ⵢⵉⵖⴰⵍⵍⴻⵏ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ, ⵢⴻⵔⵏⴰ ⵢⴻⵜⵜⴻⴽⴽⴰ ⴷⴻⴳ ⵜⵢⵉⵜⵉⵡⵉⵏ ⵜⵉⵎⴻⵣⵡⵓⵔⴰ ⵏ ⵜⴻⴳⵔⴰⵡⵍⴰ. ⵙ ⵓⵥⵡⴰⵔ-ⵏⵏⴻⵙ, ⵇⵇⵍⴻⵏ ⵢⵉⴷⵔⴰⵔⴻⵏ ⵏ ⵡⴰⵔⴻⵙⵏⵉⵙ ⴷ ⴰⵃⵚⵉⵏ ⵓⵔ ⵢⴻⵣⵎⵉⵔ ⴰⴷ ⵢⴰⴷⴻⴼ ⵓⵛⴻⵏⴳⵓ ⴰⴼⵕⴻⵏⵙⵉⵙ ⴳⴰⵔ 1955 ⴷ 1956.

ⴷⴻⴼⴼⵉⵔ ⵓⵙⵡⵉⵔ ⵏ ⵚⵚⵓⵎⴰⵎ, ⵢⴻⴱⴷⴰ ⴱⵧⵓⵏⴰⴰⵎⴰ ⵢⴻⵙⵙⴻⴱⴷⴰⴷ-ⴷ ⵜⵉⵔⴻⴱⴱⴰⵄ ⵜⵉⵎⴻⵥⵢⴰⵏⵉⵏ ⵉ ⵜⵢⵉⵜⴰ ⵏ ⵓⵛⴻⵏⴳⵓ ⴷⴻⴳ ⵡⴰⴽⴽ ⵜⵉⵍⵉⵙⴰ ⵏ ⵜⵡⵉⵍⴰⵢⵜ ⵜⴰⵎⴻⵣⵔⵓⵢⴰⵏⵜ ⵜⵉⵙ 4.

ⴷⴻⴳ 1957, ⵢⴻⵇⵇⴻⵍ ⴷ ⴰⵎⴻⵏⵣⴰⴹ ⵏ ⵡⴰⵙⵓⵏ ⵡⵉⵙ 3, ⵢⴻⵔⵏⴰ ⵢⴻⵇⵇⴻⵍ ⵡⴰⵙⵓⵏ-ⴰ ⵓⵔ ⵣⵎⵉⵔⴻⵏ ⴰⵔⴰ ⴰⴷ ⵜ-ⴰⴷⴼⴻⵏ ⵢⵉⵙⴻⵔⴷⴰⵙⴻⵏ ⵉⴼⵕⴻⵏⵙⵉⵙⴻⵏ ⵉⵎⵉ ⴰⵢ ⴷ-ⵢⴻⵍⵍⴰ ⴷⴻⴳ-ⵙ ⵓⵙⵙⵓⴷⴷⴻⵙ ⴰⵙⴻⵔⵜⵉ, ⴰⴷⴻⴱⵍⴰⵏ ⴷ ⵓⵏⵎⴻⵜⵜⵉ ⵉⴵⴻⵀⴷⴻⵏ. ⴱⵧⵓⵏⴰⴰⵎⴰ ⵢⴻⵜⵜⴻⴽⴽⴰ ⴷⴻⴳ ⵓⵙⴻⵇⵇⴰⵎⵓ ⵏ ⵜⵡⵉⵍⴰⵢⵜ ⵜⵉⵙ 4 ⴷⴻⴳ 1958 ⵙ ⵢⵉⵙⴻⵎ-ⵏⵏⴻⵙ ⴷ ⵉⵎⴹⴻⴱⴱⴻⵔ ⴰⵙⴻⵔⴷⴰⵙⵉ ⵖⴻⵔ ⵢⵉⴷⵉⵙ ⵏ ⵙⵙⵉ ⵎⵀⴰⵎⴻⴷ ⴱⵧⵓⴳⵓⴻⵔⵔⴰ, ⵙⴰⴽⴽⵉⵏ, ⴰⵙⵎⵉ ⴰⵢ ⵢⴻⵎⵎⵓⵜ ⵓⵏⴻⴳⴳⴰⵔⵓ-ⴰ, ⴷ ⴱⵧⵓⵏⴰⴰⵎⴰ ⴰⵢ ⵢⴻⵇⵇⵍⴻⵏ ⴷ ⴰⵎⴻⵏⵣⴰⴹ ⵏ ⵜⵡⵉⵍⴰⵢⵜ ⵜⵉⵙ 4 ⴷⴻⴳ ⵓⵎⴽⴰⵏ-ⵏⵏⴻⵙ.

ⴱⵧⵓⵏⴰⴰⵎⴰ ⵢⴻⴼⵔⴻⵏ ⵜⴰⵎⴷⵉⵏⵜ ⵏ ⵍⴻⴱⵍⵉⴷⴰ, ⵓⵍ ⵏ ⵓⵣⴰⵖⴰⵔ ⵏ ⵎⴻⵜⵜⵉⵊⴻⵜ, ⴰⴽⴽⴻⵏ ⴰⴷ ⵜⴻⵇⵇⴻⵍ ⴷ ⴰⵎⵎⴰⵙ-ⵏⵏⴻⵙ ⵏ ⵓⵏⵣⴰⴹ, ⵢⴻⵔⵏⴰ ⵙⴻⴳ-ⵉⵏ ⴰⵢ ⵢⴻⵍⵍⴰ ⵢⴻⵜⵜⴻⴼⴼⴻⵖ-ⴷ ⵕⵕⴰⵢ ⵉ ⵓⵙⵙⵓⴷⴷⴻⵙ ⵏ ⵍⴻⵛⵖⴰⵍ ⵉⵙⴻⵔⴷⴰⵙⵉⵢⴻⵏ ⵎⴳⴰⵍ ⵢⵉⴳⴻⵏ ⴰⴼⵕⴻⵏⵙⵉⵙ. ⴱⵧⵓⵏⴰⴰⵎⴰ ⵢⴻⵜⵜⴻⴽⴽⴰ ⴷⴰⵖ ⵎⵍⵉⵃ ⴷⴻⴳ ⵓⵙⵙⵓⴷⴷⴻⵙ ⵏ ⵜⵎⴻⵙⴱⴰⵏⵉⵢⵉⵏ ⵏ 11 ⴷⵓⵊⴻⵎⴱⴻⵕ 1960.

ⴷⴻⴳ ⵢⵉⴹ ⵏ 8 Ɣⵓⵛⵜ 1961, ⵎⵎⵖⴻⵏ-ⴷ ⵢⵉⵙⴻⵔⴷⴰⵙⴻⵏ ⵉⴼⵕⴻⵏⵙⵉⵙⴻⵏ ⴼⴻⵍⵍ-ⴰⵙ ⴷ ⵢⵉⵔⴼⵉⵇⴻⵏ-ⵏⵏⴻⵙ ⴷⴻⴳ ⵡⴰⵎⵎⴰⵙ-ⵏⵏⴻⵙ ⵏ ⵓⵏⵣⴰⴹ ⴷⴻⴳ ⴱⴰⴱⴰ ⵅⵓⵅⴰ, ⴷⴻⴳ ⵡⵓⵍ ⵏ ⵜⴻⵎⴷⵉⵏⵜ ⵏ ⵍⴻⴱⵍⵉⴷⴰ. ⴷⴻⴼⴼⵉⵔ ⵢⵉⵡⴻⵏ ⵏ ⵢⵉⵎⴻⵏⵖⵉ ⵏ 3 ⵏ ⵜⵙⴰⵄⵜⵉⵏ, ⵢⴻⵖⵍⵉ ⴱⵧⵓⵏⴰⴰⵎⴰ ⴷⴻⴳ ⵢⵉⴳⴻⵔ ⵏ ⵢⵉⵙⴻⵖ ⵖⴻⵔ ⵢⵉⴷⵉⵙ ⵏ 4 ⵙⴻⴳ ⵢⵉⵔⴼⵉⵇⴻⵏ-ⵏⵏⴻⵙ ⵍⴰⴷⵖⴰ ⵉⵎⵉ ⵉⵙⴻⵔⴷⴰⵙⴻⵏ ⵉⴼⵕⴻⵏⵙⵉⵙⴻⵏ ⵓⵙⴰⵏ-ⴷ ⵙ ⵡⴰⵟⴰⵙ ⵢⴻⵔⵏⴰ ⵍⵍⴰⵏ ⵙⴻⵍⵍⵃⴻⵏ ⵎⵍⵉⵃ.