ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⴽⴻⵕⵕⵓⵙⵉⵏ: ⵓⴳⴰⵔ ⵏ 5,4 ⵏ ⵢⵉⵎⴻⵍⵢⵓⵏⴻⵏ ⵏ ⵜⴽⴻⵕⵕⵓⵙⵉⵏ ⴷⴻⴳ ⵍⴷⵣⴰⵢⴻⵔ ⴷⴻⴳ 2014

ⵍⴻⵣⵣⴰⵢⴻⵔ – ⴰⵊⴻⵎⵎⴰⵍ ⵏ ⵜⴽⴻⵕⵕⵓⵙⵉⵏ ⵢⴻⵍⵍⴰⵏ ⴷⴻⴳ ⵍⴷⵣⴰⵢⴻⵔ ⵢⴻⵡⵡⴻⴹ ⵖⴻⵔ 5.425.558 ⵏ ⵜⴽⴻⵕⵕⵓⵙⵉⵏ ⴷⴻⴳ ⵜⴳⴰⵔⴰ ⵏ 2014, ⴷⵖⴰ ⵢⴻⵔⵏⴰ ⵙ 5,89% ⵖⴻⴼ ⵍⴻⵃⵙⴰⴱ ⵏ ⵙⴻⵏⴷⵉⵍⵉⵏⴷⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴰⵔⵉⵜ ⵜⴰⵖⴻⵍⵏⴰⵡⵜ ⵏ ⵜⴰⴷⴷⴰⴷⴰⵏⵉⵏ (ⵧⵏⵙ) ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ.

ⵜⵉⵎⴻⵔⵏⵉⵡⵜ-ⴰ ⵏ ⵓⴼⵔⴰⴳ ⴰⵖⴻⵍⵏⴰⵡ ⵏ ⵜⴽⴻⵕⵕⵓⵙⵉⵏ ⵜⴻⵍⵍⴰ-ⴷ ⵉⵎⵉ ⴰⵟⴰⵙ ⵏ ⵜⴽⴻⵕⵕⵓⵙⵉⵏ ⵜⵉⵎⴰⵢⵏⵓⵜⵉⵏ ⴰⵢ ⵢⴻⵜⵜⵡⴰⴽⴻⵍⵙⴻⵏ ⴷⴻⴳ 2014, ⵢⴻⵔⵏⴰ ⴷ ⴰⴽⵍⴰⵙ ⵏ ⵜⴽⴻⵕⵕⵓⵙⵉⵏ ⵜⵉⵎⴰⵢⵏⵓⵜⵉⵏ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⵎⴻⵍⵎⵉ ⴰⵢ ⴱⴷⴰⵏⵜ ⵜⵉⴷⴷⵉⵜ.

ⴷ ⴰⵛⵓ ⴽⴰⵏ, ⴰⵎⴹⴰⵏ ⵏ ⵜⴽⴻⵕⵕⵓⵙⵉⵏ ⵜⵉⵎⴰⵢⵏⵓⵜⵉⵏ ⴰⵢ ⵢⴻⵜⵜⵡⴰⴽⴻⵍⵙⴻⵏ ⴷⴻⴳ 2014 ⵢⴻⵏⵇⴻⵙ-ⴷ ⵖⴻⵔ 301.722 ⴷⴻⴳ 2014, ⵢⵉⵍⵉ ⴷⴻⴳ 2013, ⵜⵜⵡⴰⴽⴻⵍⵙⴻⵏⵜ 314.872 ⵏ ⵜⴽⴻⵕⵕⵓⵙⵉⵏ. ⵙ ⵡⴰⵢⴰ, ⴰⵎⴹⴰⵏ ⵏ ⵜⴽⴻⵕⵕⵓⵙⵉⵏ ⵜⵉⵎⴰⵢⵏⵓⵜⵉⵏ ⴰⵢ ⵢⴻⵜⵜⵡⴰⴽⴻⵍⵙⴻⵏ ⵢⴻⵏⵇⴻⵙ-ⴷ ⵙ 4,14 % ⴷⴻⴳ 2014 ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⴱⴷⴻⵔ ⵜⵏⴰⵔⵉⵜ ⵜⴰⵖⴻⵍⵏⴰⵡⵜ ⵏ ⵜⴰⴷⴷⴰⴷⴰⵏⵉⵏ.

ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵜⴽⴻⵕⵕⵓⵙⵉⵏ ⵜⵉⵎⴰⵢⵏⵓⵜⵉⵏ ⴰⵢ ⵢⴻⴱⴷⴰⵏ ⵜⵉⴷⴷⵉⵜ ⴷⴻⴳ 2014 ⵜⵜⵡⴰⵍⴻⴽⵙⴻⵏⵜ ⴷⴻⴳ ⵓⵣⴳⴻⵏ ⵡⵉⵙ ⵙⵉⵏ ⵏ ⵓⵙⴻⴳⴳⴰⵙ-ⴰ ⵢⴻⵔⵏⴰ ⴰⵎⴹⴰⵏ-ⵏⵙⴻⵏⵜ ⵢⴻⵡⵡⴻⴹ ⵖⴻⵔ 197.301 ⵏ ⵜⴽⴻⵕⵕⵓⵙⵉⵏ (ⵓⴳⴰⵔ ⵏ 65% ⵙⴻⴳ ⵜⴽⴻⵕⵕⵓⵙⵉⵏ ⴰⵢ ⵢⴻⵜⵜⵡⴰⴽⴻⵏⵙⴻⵏ ⴷⴻⴳ 2014).

ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵜⴽⴻⵕⵕⵓⵙⵉⵏ ⴰⵢ ⴷ-ⵢⴻⵜⵜⵡⴰⴵⵡⴻⵏ ⵙⴻⴳ ⵓⵣⵖⴰⵔ ⴷⴻⴳ 2014 ⵓⵔ ⵜⵜⵡⴰⴽⴻⵍⵙⴻⵏⵜ ⴰⵔⴰ ⴷⴻⴳ ⵓⵙⴻⴳⴳⴰⵙ-ⵏⵏⵉ ⴰⵢⴷⴻⴳ ⴷ-ⵜⵜⵡⴰⴵⵡⴻⵏⵜ.

ⴳⴰⵔ 439.637 ⵏ ⵜⴽⴻⵕⵕⵓⵙⵉⵏ ⴰⵢ ⴷ-ⵢⴻⵜⵜⵡⴰⴵⵡⴻⵏ ⴰⵙⴻⴳⴳⴰⵙ ⵢⴻⵣⵔⵉⵏ, 301.722 ⵜⵜⵡⴰⴽⴻⵍⵙⴻⵏⵜ ⴷⴻⴳ ⵓⵙⴻⴳⴳⴰⵙ-ⵏⵏⵉ (68,6%), ⵎⴰ ⴷ 137.915 ⵏ ⵜⴽⴻⵕⵕⵓⵙⵉⵏ ⵜⵜⵡⴰⵊⴻⵎⵄⴻⵏⵜ.

ⴷⴻⴳ 2014, ⵢⴻⵏⵇⴻⵙ ⵡⴰⴵⴰⵡ ⵏ ⵜⴽⴻⵕⵕⵓⵙⵉⵏ ⵙ 21% ⵖⴻⴼ ⵍⴻⵃⵙⴰⴱ ⵏ 2013 ⴰⵢⴷⴻⴳ ⴷ-ⵜⵜⵡⴰⴵⵡⴻⵏⵜ 554.269 ⵏ ⵜⴽⴻⵕⵕⵓⵙⵉⵏ.

ⴰⴼⵔⴰⴳ ⴰⵖⴻⵍⵏⴰⵡ ⵏ ⵜⴽⴻⵕⵕⵓⵙⵉⵏ ⵢⴻⵔⵏⴰ ⵙ ⵡⴰⵟⴰⵙ ⴷⴻⴳ 2011 ⴰⵙⵎⵉ ⴰⵢ ⵜⵜⵡⴰⴽⴻⵏⵙⴻⵍⵜ (ⵏⴻⵖ ⵓⵍⵙⴻⵏ ⴰⴽⵍⴰⵙ ⵏ) 1,04 ⴷ ⴰⵎⴻⵍⵢⵓⵏ ⵏ ⵜⴽⴻⵕⵕⵓⵙⵉⵏ, ⴳⴰⵔ-ⴰⵙⴻⵏⵜ 234.889 ⵏ ⵏ ⵜⴽⴻⵕⵕⵓⵙⵉⵏ ⵜⵉⵎⴰⵢⵏⵓⵜⵉⵏ (22,46% ⵙⴻⴳ ⵓⵊⴻⵎⵎⴰⵍ ⵏ ⵜⴽⴻⵕⵕⵓⵙⵉⵏ-ⴰ).

ⴰⴵⴰⵡ-ⴰ ⵏ ⵜⴽⴻⵕⵕⵓⵙⵉⵏ ⵢⴻⵜⵜⴻⴽⴽⴰ ⴷⴻⴳ ⵓⵙⵙⵉⴷⴻⴼ ⵏ ⵡⴰⵟⴰⵙ ⵏ ⵜⴽⴻⵕⵕⵓⵙⵉⵏ ⵜⵉⵎⴰⵢⵏⵓⵜⵉⵏ ⵖⴻⵔ ⵍⴷⵣⴰⵢⴻⵔ, ⵢⴻⵔⵏⴰ ⵢⴻⵡⵡⴻⴹ ⵓⴼⵎⵉⴹⵉ ⵏ ⵓⵙⵍⴻⵎⵥⵉ ⵏ ⵓⴼⵔⴰⴳ ⴰⵖⴻⵍⵏⴰⵡ ⵏ ⵜⴽⴻⵕⵕⵓⵙⵉⵏ ⵖⴻⵔ 21,6 ⴷⴻⴳ ⴽⵔⴰⴹ-ⴰ ⵏ ⵢⵉⵙⴻⴳⴳⴰⵙⴻⵏ ⵉⵏⴻⴳⴳⵓⵔⴰ.

ⴰⴼⵔⴰⴳ ⴰⵖⴻⵍⵏⴰⵡ ⵏ ⵜⴽⴻⵕⵕⵓⵙⵉⵏ ⵍⵍⴰⵏⵜ ⴷⴻⴳ-ⵙ ⵍⴰⴷⵖⴰ ⵜⵉⴽⴻⵕⵕⵓⵙⵉⵏ ⵏ ⵜⵎⴻⵔⵔⵉⵜ (3.483.047 ⵏ ⵜⴽⴻⵕⵕⵓⵙⵉⵏ, 64,2% ⵙⴻⴳ ⵓⵊⴻⵎⵎⴰⵍ), ⵜⵉⴽⴰⵎⵢⵓⵏⵉⵏ (1.083.990, 20% ⵙⴻⴳ ⵓⵊⴻⵎⵎⴰⵍ), ⵉⴽⴰⵎⵢⵓⵏⴻⵏ (396.277, 7,3%), ⵉⵜⵔⴰⴽⵜⵓⵔⴻⵏ ⵏ ⵜⴼⴻⵍⵍⴰⵃⵜ (146.041, 2,7%), ⵉⵣⵓⵖⵉⵔⴻⵏ (134.019, 2,47%), ⵍⴽⵉⵕⴰⵏ (82.376, 1,52%), ⵉⵎⵓⵟⵓⵜⴻⵏ (20.380, 0,38%) ⴷ ⵜⴽⴻⵕⵕⵓⵙⵉⵏ ⵜⵓⵣⵣⵉⴳⵉⵏ (4.756, 0,1%).

ⵎⴰ ⴷ ⴰⵙⴻⵔⵖⵓ ⴰⵢ ⵙⵙⴻⵇⴷⴰⵛⴻⵏⵜ ⵜⴽⴻⵕⵕⵓⵙⵉⵏ ⵏ ⵓⴼⵔⴰⴳ ⴰⵖⴻⵍⵏⴰⵡ, ⵜⴰⵏⴰⵔⵉⵜ ⵜⴰⵖⴻⵍⵏⴰⵡⵜ ⵏ ⵜⴰⴷⴷⴰⴷⴰⵏⵉⵏ ⵜⴻⵏⵏⴰ-ⴷ ⴷⴰⴽⴽⴻⵏ ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵜⴽⴻⵕⵕⵓⵙⵉⵏ ⵏ ⵜⵎⵓⵔⵜ ⵙⵙⴻⵇⴷⴰⵛⴻⵏⵜ ⵜⵓⵎⴰⵙⵜ (65%), ⵎⴰ ⴷ ⴰⵎⵓⵔ ⴰⵢ ⴷ-ⵢⴻⵇⵇⵉⵎⴻⵏ (34%) ⵢⴻⵙⵙⴻⵇⴷⴰⵛ ⴰⴳⴰⵣⵡⴰⵍ.