ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵓⴹⴹⴼⴰ ⵏ ⵢⵉⵎⴻⵕⵀⴰⵏ ⴷⴻⴳ ⵎⴰⵍⵉ: ⵎⵎⵓⵜⴻⵏ 12 ⴳⴰⵔ-ⴰⵙⴻⵏ ⵢⵉⵡⴻⵏ ⵙⴻⴳ ⵜⴻⴼⵔⵉⵇⵜ ⵏ ⵓⵏⵥⵓⵍ

ⴱⴰⵎⴰⴽⵧ – ⵎⵔⴰⵡ ⵙⵉⵏ (12) ⵏ ⵎⴻⴷⴷⴻⵏ ⴰⵢ ⵢⴻⵎⵎⵓⵜⴻⵏ, ⴳⴰⵔ-ⴰⵙⴻⵏ ⵢⵉⵡⴻⵏ ⵏ ⵓⴱⴻⵕⵕⴰⵏⵉ ⵙⴻⴳ ⵜⴻⴼⵔⵉⵇⵜ ⵏ ⵓⵏⵥⵓⵍ, ⴰⵎ ⵡⴰⴽⴽⴻⵏ ⴰⵢ ⴷ-ⵜⵜⵡⴰⵙⵍⴻⵍⵍⵉⵏ 4 ⵏ ⵢⵉⵎⴷⴰⵏⴻⵏ ⵏⵉⴹⴻⵏ ⴰⵙⵙ ⵏ ⵙⵙⴻⴱⵜ ⴷⴻⴳ ⵢⵉⵡⴻⵜ ⵏ ⵜⵓⴹⴹⴼⴰ ⵏ ⵢⵉⵎⴻⵕⵀⴰⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⵉⵡⴻⵏ ⵏ ⵓⵙⴻⵏⵙⵓ ⴷⴻⴳ ⵜⴻⵎⴷⵉⵏⵜ ⵏ ⵙⴻⵠⴰⵔⴻ, ⴷⴻⴳ ⵜⵍⴻⵎⵎⴰⵙⵜ ⵏ ⵎⴰⵍⵉ. ⵜⵓⴹⴹⴼⴰ-ⴰ ⵏ ⵢⵉⵎⴻⵕⵀⴰⵏ ⵜⴼⵓⴽ ⵎⵉ ⵥⴻⴷⵎⴻⵏ ⴼⴻⵍⵍ-ⴰⵙ ⵢⵉⵙⴻⵔⴷⴰⵙⴻⵏ ⵉⵎⴰⵍⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏⵜ ⵜⴻⵖⴱⵓⵍⴰ ⵜⵉⵖⴻⵍⵍⵉⵙⴰⵏⵉⵏ ⴷ ⵜⴷⵉⵒⵍⵓⵎⴰⵜⵉⵢⵉⵏ.

« ⵎⵔⴰⵡ ⵙⵉⵏ ⵏ ⵢⵉⵎⴷⴰⵏⴻⵏ ⴰⵢ ⵢⴻⵎⵎⵓⵜⴻⵏ ⵙ ⵓⵊⴻⵎⵎⴰⵍ » ⴷⴻⴳ ⵜⴻⵎⵀⴰⵍ ⵜⵉⵙⴻⵔⴷⴰⵙⵉⵢⵉⵏ, ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵢⵉⵎⴹⴻⴱⴱⴻⵔ ⴰⵙⴻⵔⴷⴰⵙⵉ ⴰⵎⴰⵍⵉ ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⴳⴳⴰ ⵏ ⴰⴼⵒ: « ⵙⴻⵎⵎⵓⵙ ⵏ ⵢⵉⵙⴻⵔⴷⴰⵙⴻⵏ ⵏ ⴼⴰⵎⴰ (ⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ ⵉⵎⴰⵍⵉⵢⴻⵏ), ⵙⴻⵎⵎⵓⵙ ⵏ ⵢⵉⵔⴻⴱⵔⴰⴱⴻⵏ ⴷ ⵙⵉⵏ ⵏ ⵢⵉⴱⴻⵕⵕⴰⵏⵉⵢⴻⵏ » ⴰⵢ ⵡⴻⵔⵄⴰⴷ ⵓⵔ ⵜⵜⵡⴰⵄⴻⵇⵍⴻⵏ ⴰⵔⴰ ⵙ ⵜⵜⴱⵓⵜ.

ⴳⴰⵔ « ⵙⵉⵏ-ⴰ ⵏ ⵢⵉⴱⴻⵕⵕⴰⵏⵉⵢⴻⵏ, ⵢⵉⵡⴻⵏ ⵙⴻⴳ-ⵙⴻⵏ ⵜⵄⴻⴹⴹⴻⵍ ⵜⴼⴻⴽⴽⴰ-ⵏⵏⴻⵙ ⵙⴷⴰⵜ ⵓⵙⴻⵏⵙⵓ, ⵢⴻⵔⵏⴰ ⵢⴻⵍⵍⴰ ⵎⴰⵣⴰⵍ-ⵉⵜ ⴷⵉⵏ ⴰⵙⵙ ⵏ ⵍⴵⴻⵎⵄⴰ ⵜⴰⵚⴻⴱⵃⵉⵜ ».

ⵙⵏⴰⵜ ⵏ ⵜⴻⵖⴱⵓⵍⴰ ⵜⵉⵙⴻⵔⴷⴰⵙⵉⵢⵉⵏ ⵏⵉⴹⴻⵏ ⴰⵢ ⴷ-ⵉⵡⴻⴽⴽⴷⴻⵏ ⵜⴰⵛⵔⴰⵡⵜ-ⴰ. Ɣⴻⴼ ⵍⴻⵃⵙⴰⴱ ⵏ ⵢⵉⵙⴻⵔⴷⴰⵙⴻⵏ ⵉⵎⴰⵍⵉⵢⴻⵏ, 5 ⵏ ⵢⵉⴱⴻⵕⵕⴰⵏⵉⵢⴻⵏ ⴰⵢ ⵢⴻⵜⵜⵡⴰⴹⴹⴼⴻⵏ ⴷ ⵉⵎⴻⵕⵀⴰⵏ ⴷⴻⴳ ⵓⵙⴻⵏⵙⵓ ⵏ ⴱⵢⴱⵍⵧⵙ ⵏ ⵙⴻⵠⴰⵔⴻ, ⴰⵢ ⴷ-ⵢⵓⵙⴰⵏ 620 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵓⴳⴰⴼⴰ-ⴰⴳⵎⵓⴹⴰⵏ ⵏ ⴱⴰⵎⴰⴽⵧ, ⴷ ⴰⵙⴻⵏⵙⵓ ⴰⵏⴷⴰ ⴰⵢ ⵏⵏⵓⵎⴻⵏ ⵜⵜⵏⵓⵙⵓⵏ ⵢⵉⵅⴻⴷⴷⴰⵎⴻⵏ ⵉⴱⴻⵕⵕⴰⵏⵉⵢⴻⵏ.

ⴰⵙⵙ ⵏ ⵍⴵⴻⵎⵄⴰ, ⵏⵏⴰⵏⵜ-ⴷ ⵜⴻⵖⴱⵓⵍⴰ ⵜⵉⵙⴻⵔⴷⴰⵙⵉⵢⵉⵏ ⵜⵉⵎⴰⵍⵉⵢⵉⵏ ⵏⵉⴹⴻⵏ ⴷⴰⴽⴽⴻⵏ ⵎⴰ ⵓⵍⴰⵛ, 5 ⵏ ⵢⵉⴱⴻⵕⵕⴰⵏⵉⵢⴻⵏ, ⴳⴰⵔ-ⴰⵙⴻⵏ 3 ⵙⴻⴳ ⵜⴻⴼⵔⵉⵇⵜ ⵏ ⵓⵏⵥⵓⵍ, ⵢⵉⵡⴻⵏ ⵏ ⵓⴼⵕⴻⵏⵙⵉⵙ ⴷ 1 ⵏ ⵡⵓⴽⵕⴰⵏⵉ, ⴰⵢ ⵢⴻⵍⵍⴰⵏ ⴷⴻⴳ ⵓⵙⴻⵏⵙⵓ-ⵏⵏⵉ ⵓⵇⴱⴻⵍ ⵎⴰ ⵥⴻⴷⵎⴻⵏ ⵢⵉⵙⴻⵔⴷⴰⵙⴻⵏ.

ⴰⵙⵙ ⵏ ⵍⴵⴻⵎⵄⴰ ⵜⴰⵎⴻⴷⴷⵉⵜ, ⴰⵎⴻⵕⵀⵓⵏ-ⵏⵏⵉ ⵓⴽⵕⴰⵏⵉ ⵢⴻⵙⵙⴰⵡⴻⴹ ⴰⴷ ⴷ-ⵢⴻⵔⵡⴻⵍ ⵙⴻⴳ ⵓⵙⴻⵏⵙⵓ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵢⵉⵡⴻⵜ ⵏ ⵜⴻⵖⴱⴰⵍⵓⵜ ⵜⴰⵙⴻⵔⴷⴰⵙⵉⵜ ⵜⴰⵎⴰⵍⵉⵜ ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ, ⵓⵇⴱⴻⵍ ⵎⴰ ⵥⴻⴷⵎⴻⵏ ⵢⵉⵙⴻⵔⴷⴰⵙⴻⵏ, ⵢⴻⵥⵔⴰ ⴷⵉⵏ « 3 ⵏ ⵢⵉⵅⴻⴷⴷⴰⵎⴻⵏ ⵙⴻⴳ ⵜⴻⴼⵔⵉⵇⵜ ⵏ ⵓⵏⵥⵓⵍ ⴷ ⵢⵉⵡⴻⵏ ⵏ ⵓⵅⴻⴷⴷⴰⵎ ⴰⵔⵓⵙⵉ ».

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⵉⵡⴻⵏ ⵏ ⵓⵏⴻⵟⵟⴰⵇ ⵏ ⵜⵎⴰⵀⴻⵍⵜ ⵜⴰⵔⵓⵙⵉⵜ ⴷⴻⴳ ⵎⴰⵍⵉ ⵉⵅⴻⴱⴱⴻⵔ-ⴷ ⵜⴰⵏⴻⴳⴳⴰ ⵜⴰⵔⵓⵙⵉⵜ ⵏ ⵔⵉⴰ ⵏⵧⵠⵧⵙⵜⵧ ⴷⴰⴽⴽⴻⵏ ⵢⴻⵍⵍⴰ ⵢⵉⵡⴻⵏ ⵏ ⵓⵔⵓⵙⵉ ⴷⴻⴳ ⵓⵙⴻⵏⵙⵓ-ⵏⵏⵉ, ⵙⵙⵓⴽⴽⵙⴻⵏ-ⵜ-ⵉⴷ ⵢⴻⵔⵏⴰ ⵡⵡⵉⵏ-ⵜ ⵖⴻⵔ ⵜⵏⴰⵔⵉⵢⵉⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵎⴰ ⴷ ⵉⵔⴻⴱⵔⴰⴱⴻⵏ-ⵏⵏⵉ ⴰⵢ ⵉⴳⴰⵏ ⵜⵓⴹⴹⴼⴰ-ⴰ ⵏ ⵢⵉⵎⴻⵕⵀⴰⵏ « ⵜⵜⵡⴻⵏⵖⴻⵏ ».

ⵉⵔⴻⴱⵔⴰⴱⴻⵏ-ⴰ ⴰⵢ ⵡⴻⵔⵄⴰⴷ ⵓⵔ ⵜⵜⵡⴰⵄⴻⵇⵍⴻⵏ ⴰⵔⴰ, ⵥⴻⴷⵎⴻⵏ ⵖⴻⴼ ⵓⵙⴻⵏⵙⵓ ⵏ ⴱⵢⴱⵍⵧⵙ ⴰⵙⵙ ⵏ ⵍⴵⴻⵎⵄⴰ ⵖⴻⴼ 7ⵙ00 ⵏ ⵜⵚⴻⴱⵃⵉⵜ (ⴰⴽⵓⴷ ⴰⴷⵉⴳⴰⵏ ⴷ ⵡⴰⴽⵓⴷ ⵏ ⴳⵔⴻⴻⵏⵡⵉⵛⵀ).

ⴷ ⴰⵢⴰ ⴰⵢ ⵢⴻⴵⴵⴰⵏ ⵉⵖⴰⵍⵍⴻⵏ ⵉⵎⴰⵍⵉⵢⴻⵏ ⴰⴷ ⵎⴻⴷⵍⴻⵏ ⵜⴰⵎⵏⴰⴹⵜ-ⴰ ⵢⴻⵔⵏⴰ ⵄⴻⵔⴹⴻⵏ ⴰⴷ ⴷ-ⵙⵙⵓⴼⴼⵖⴻⵏ ⵉⵔⴻⴱⵔⴰⴱⴻⵏ-ⵏⵏⵉ. Ɣⴻⴼ ⵍⴻⵃⵙⴰⴱ ⵏ ⵡⴰⵟⴰⵙ ⵏ ⵜⴻⵖⴱⵓⵍⴰ ⵜⵉⵙⴻⵔⴷⴰⵙⵉⵢⵉⵏ ⵜⵉⵎⴰⵍⵉⵢⵉⵏ, ⵉⵖⴰⵍⵍⴻⵏ ⵉⵎⴰⵍⵉⵢⴻⵏ ⵙⵙⴰⵡⴹⴻⵏ ⴰⴷ ⴼⵔⵓⵏ ⵜⵓⴹⴹⴼⴰ-ⴰ ⵏ ⵢⵉⵎⴻⵕⵀⴰⵏ ⴷⴻⴳ ⵢⵉⴹ ⵏ ⵍⴵⴻⵎⵄⴰ ⴷ ⵙⵙⴻⴱⵜ.

ⵜⴰⵎⵀⴻⵍⵜ ⴰⵢ ⴷ-ⵢⴻⵍⵍⴰⵏ ⵎⴳⴰⵍ ⵢⵉⵎⴰⴹⴹⴰⴼⴻⵏ-ⴰ ⵏ ⵢⵉⵎⴻⵕⵀⴰⵏ ⴳⴰⵏ-ⵜⵜ ⵢⵉⵖⴰⵍⵍⴻⵏ ⵓⵣⵣⵉⴳⴻⵏ ⵏ ⵜⴻⵎⵙⴻⵜⵍⴰ ⵜⴰⵎⴰⵍⵉⵜ, « ⵙ ⵓⵄⴰⵡⴻⵏ ⵏ ⵢⵉⵛⵔⵉⴽⴻⵏ » ⵏ ⵎⴰⵍⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵢⵉⵡⴻⵜ ⵏ ⵜⴻⵖⴱⴰⵍⵓⵜ ⴷⴻⴳ ⵓⵖⵍⵉⴼ ⴰⵎⴰⵍⵉ ⵏ ⵜⴻⵎⵃⴰⴷⴷⵉⵜ. ⴷ ⴰⵢⴰ ⴰⵢ ⵢⴻⵙⵙⴰⵡⴹⴻⵏ ⵖⴻⵔ « ⵓⵙⵍⴻⵍⵍⵉ ⵏ ⴽⵓⵥ-ⵏⵏⵉ ⵏ ⵢⵉⵎⴻⵕⵀⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.

ⴰⵙⵙ ⵏ ⵙⵙⴻⴱⵜ ⵜⴰⵎⴻⴷⴷⵉⵜ, ⵜⴰⴼⵔⵉⵇⵜ ⵏ ⵓⵏⵥⵓⵍ ⵜⵡⴻⴽⴽⴻⴷ-ⴷ ⴷⴰⴽⴽⴻⵏ ⵍⵍⴰⵏ, ⴷⴻⴳ ⵙⴻⵠⴰⵔⴻ, 3 ⵏ ⵢⵉⵖⴻⵔⵎⴰⵏⴻⵏ ⵉⵏⵥⵓⵍⴻⴼⵔⵉⵇⵉⵢⵉⵏ, ⵢⴻⵔⵏⴰ ⵢⴻⵎⵎⵓⵜ ⵢⵉⵡⴻⵏ ⵙⴻⴳ-ⵙⴻⵏ, ⵎⴰ ⴷ ⵙⵉⵏ-ⵏⵏⵉ ⵏⵉⴹⴻⵏ ⴰⵜⵏⵉ ⴷⴻⴳ ⵜⵖⴻⵍⵍⵉⵙⵜ (ⵍⴰⵎⴰⵏ).

ⴰⵏⴻⵖⵍⴰⴼ ⴰⴼⵕⴻⵏⵙⵉⵙ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵢⴻⵏⵏⴰ-ⴷ, ⵙⴻⴳ ⵢⵉⴷⵉⵙ-ⵏⵏⴻⵙ, ⴷⴰⴽⴽⴻⵏ « ⵢⴻⵙⵙⴻⴼⵇⴻⴷ » ⵎⴰ ⵢⴻⵍⵍⴰ ⵢⵉⵡⴻⵏ ⵏ ⵓⵖⴻⵔⵎⴰⵏ ⴰⴼⵕⴻⵏⵙⵉⵙ ⴷⴻⴳ ⵓⵙⴻⵏⵙⵓ-ⵏⵏⵉ ⵏⴻⵖ ⴳⴰⵔ ⵡⵉⴷ ⵢⴻⵎⵎⵓⵜⴻⵏ.

ⵢⴻⵎⵎⵓⵜ, ⵎⴰ ⵓⵍⴰⵛ, ⵢⵉⵡⴻⵏ ⵙⴻⴳ ⵢⵉⵅⴻⴷⴷⴰⵎⴻⵏ ⵏ ⵜⵓⵖⴷⴰⴹⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ (ⵎⵉⵏⵓⵙⵎⴰ) ⴷⴻⴳ ⵜⵓⵎⵎⵖⴰ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵓⵖⴷⴰⴹⵜ-ⴰ.

ⵜⴰⵎⴷⵉⵏⵜ ⵏ ⵙⴻⵠⴰⵔⴻ ⵜⴻⴱⵄⴻⴷ ⵙ 12 ⵏ ⵢⵉⴽⵉⵍⵓⵎⵉⵜⵔⴻⵏ ⵖⴻⴼ ⵎⵧⵒⵜⵉ ⵢⴻⵔⵏⴰ ⵜⵓⵙⴰ-ⴷ ⴷⴻⴳ ⵓⵎⴽⴰⵏ ⴰⵙⵓⴷⴷⵙⴰⵏ ⵍⴰⴷⵖⴰ ⵉⵎⵉ ⴰⵢ ⵜⴻⵙⵄⴰ ⴰⵏⴰⴼⴰⴳ ⵢⴻⵙⵄⴰⵏ ⴰⵣⴰⵍ ⴷⴻⴳ ⵜⴻⵎⵏⴰⴹⵜ-ⴰ, ⴷ ⵡⵉⵏ ⴰⵢ ⵙⵙⴻⵇⴷⴰⵛⴻⵏ ⴰⵎⴰ ⴷ ⵉⵖⴰⵍⵍⴻⵏ ⵉⵎⴰⵍⵉⵢⴻⵏ, ⴰⵎⴰ ⴷ ⵉⵖⴰⵍⵍⴻⵏ ⵉⴳⵔⴰⵖⵍⴰⵏⴻⵏ.