ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵎⵎⵓⵜ ⴱⴰⴱⴰ-ⵙ ⵏ ⵓⵍⵓⴼⴰⵏ-ⴱⵏⵏⵉ ⴰⴼⴰⵍⴻⵙⵟⵉⵏⵉ ⴰⵢ ⵙⵙⴻⵔⵖⴻⵏ ⴷ ⴰⵎⵓⴷⴷⵉⵔ (ⵉⵎⴹⴻⴱⴱⴻⵔ)

ⵏⴰⴱⵍⵓⵙ (ⴰⴳⴻⵎⵎⴰⴹ ⵓⵜⵔⵉⵎ) – ⵢⴻⵎⵎⵓⵜ ⴱⴰⴱⴰ-ⵙ ⵏ ⵓⵍⵓⴼⴰⵏ-ⵏⵏⵉ ⴰⴼⴰⵍⴻⵙⵟⵉⵏⵉ ⴰⵢ ⵙⵙⴻⵔⵖⴻⵏ ⵢⵉⵎⵀⴰⵔⵙⴻⵏ ⵉⵚⵔⴰⵢⵉⵍⵉⵢⴻⵏ ⴷ ⴰⵎⵓⴷⴷⵉⵔ ⴷⴷⵓⵕⵜ ⵢⴻⵣⵔⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵙⵙⴻⴱⵜ ⵢⵉⵡⴻⵏ ⵏ ⵢⵉⵎⴹⴻⴱⴱⴻⵔ ⴰⴼⴰⵍⴻⵙⵟⵉⵏⵉ.

« ⵙⴰⴰⴷ ⴷⴰⵡⴰⴱⵛⵀⴻⵀ ⵢⴻⵎⵎⵓⵜ ⵢⴻⵔⵏⴰ ⵍⴰ ⴷ-ⵙⵙⴻⵡⵊⴰⴷⴻⵏ ⵉ ⵜⴻⵎⴹⴻⵍⵜ-ⵏⵏⴻⵙ ⴷⴻⴳ ⵏⴰⴱⵍⵓⵙ », ⵢⴻⵍⵍⴰⵏ ⴷ ⵜⴰⵎⴷⵉⵏⵜ ⵜⴰⵎⴻⵇⵔⴰⵏⵜ ⴰⵢ ⴷ-ⵢⴻⵣⴳⴰⵏ ⵙⴷⴰⵜ ⵜⴰⴷⴷⴰⵔⵜ ⵏ ⴷⵓⵎⴰ ⴰⵏⴷⴰ ⴰⵢ ⵙⵙⴻⵔⵖⴻⵏ ⵜⴰⵡⴰⵛⵓⵍⵜ ⵏ ⴷⴰⵡⴰⴱⵛⵀⴻⵀ ⴷ ⵜⴰⵎⵓⴷⴷⵉⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴳⵀⴰⵙⵙⴰⵏ ⴷⴰⴳⵀⵍⴰⵙ, ⴷ ⵉⵎⴹⴻⴱⴱⴻⵔ ⴷⴻⴳ ⵓⴷⴰⴱⵓ ⴰⴼⴰⵍⴻⵙⵟⵉⵏⵉ ⴷⴻⴳ ⵓⴳⴰⴼⴰ ⵏ ⵓⴳⴻⵎⵎⴰⴹ ⵓⵜⵔⵉⵎ.

ⵏⵏⴰⵏ-ⴷ ⴷⴰⵖ ⴷⴰⴽⴽⴻⵏ « ⵉⴷⵓⴱⴰ ⵉⴼⴰⵍⴻⵙⵟⵉⵏⵉⵢⴻⵏ ⴳⴰⵏ ⴰⵏⴻⵔⵎⵉⵙ ⴷ ⵢⵉⴷⵓⴱⴰ ⵏ ⵜⵓⴹⴹⴼⴰ ⵜⵉⵙⵕⴰⵢⵉⵍⵉⵜ ⴰⴽⴽⴻⵏ ⴰⴷ ⴷ-ⴰⵡⴻⵏ ⵜⴰⴼⴻⴽⴽⴰ ⵏ ⵓⵔⴳⴰⵣ-ⴰ ⵉ ⵍⵎⴻⵏⴷ ⵏ ⵜⴻⵎⴹⴻⵍⵜ-ⵏⵏⴻⵙ ».

ⴷⴻⴳ ⵜⴼⴻⵊⵔⵉⵜ ⵏ ⵡⴰⵙⵙ ⵏ 31 ⵢⵓⵍⵢⵓ, ⵓⵙⴰⵏ-ⴷ ⵢⵉⵎⵀⴰⵔⵙⴻⵏ ⵉⵙⵕⴰⵢⵉⵍⵉⵢⴻⵏ ⵖⴻⵔ ⵓⵅⵅⴰⵎ ⵏ ⵜⵡⴰⵛⵓⵍⵜ ⵏ ⴷⴰⵡⴰⴱⵛⵀⴻⵀ ⵢⴻⵔⵏⴰ ⵣⴻⵍⵍⵉⵏ-ⴷ ⵜⵉⵇⴻⵔⵄⵓⵏⵉⵏ ⵏ ⵜⵎⴻⵙ ⴰⴽⴽⴻⵏ ⴰⴷ ⵙⵙⴻⵔⵖⴻⵏ ⴰⵅⵅⴰⵎ-ⵏⵏⵉ ⴰⵎⴻⵥⵢⴰⵏ.

ⴰⵍⵉ, ⵢⵉⵡⴻⵏ ⵏ ⵓⵍⵓⴼⴰⵏ ⵏ 18 ⵏ ⵡⴰⵢⵢⵓⵔⴻⵏ, ⵢⴻⵔⵖⴰ ⴷ ⴰⵎⵓⴷⴷⵉⵔ, ⵎⴰ ⴷ ⵢⴻⵎⵎⴰ-ⵙ ⵔⵉⵀⴰⵎ (26 ⵏ ⵢⵉⵙⴻⴳⴳⴰⵙⴻⵏ ⴷⴻⴳ ⵜⵎⴻⴷⴷⵓⵔⵜ-ⵏⵏⴻⵙ), ⴷ ⴱⴰⴱⴰ-ⵙ ⵙⴰⴰⴷ ⵔⵖⴰⵏ ⵙ ⵜⵚⴻⴷⴷⴰⵔⵜ ⵜⵉⵙ 3 ⴷⴻⴳ 90% ⵙⴻⴳ ⵜⴼⴻⴽⴽⴰ-ⵏⵙⴻⵏ ⵢⴻⵔⵏⴰ ⵡⵡⵉⵏ-ⵜⴻⵏ ⵖⴻⵔ ⵓⵙⴱⵉⵟⴰⵔ.

ⵢⴻⵎⵎⴰ-ⵙ ⵏ ⵓⵍⵓⴼⴰⵏ-ⵏⵏⵉ ⵎⴰⵣⴰⵍ-ⵉⵜⵜ ⴳⴰⵔ ⵜⵎⴻⴷⴷⵓⵔⵜ ⴷ ⵜⵎⴻⵜⵜⴰⵏⵜ, ⵎⴰ ⴷ ⵎⴻⵎⵎⵉ-ⵙ ⵡⵉⵙ ⵙⵉⵏ, ⴰⵀⵎⴻⴷ, ⵢⴻⵙⵄⴰⵏ 4 ⵏ ⵢⵉⵙⴻⴳⴳⴰⵙⴻⵏ, ⵢⴻⴱⴷⴰ ⵍⴰ ⵢⴻⵜⵜⴻⵊⵊⵉ ⵓⵙⵙⴰⵏ-ⴰ ⵉⵏⴻⴳⴳⵓⵔⴰ, ⵢⴻⵔⵏⴰ ⵏⵏⴰⵏ-ⴷ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⵉⴷⵉⴳⴰⵏⴻⵏ ⴷⴰⴽⴽⴻⵏ ⵢⴻⴱⴷⴰ ⵍⴰ ⴷ-ⵉⵔⴻⵥⵥⴻⵎ ⵜⵉⵟⵟⴰⵡⵉⵏ-ⵏⵏⴻⵙ ⵢⴻⵔⵏⴰ ⴷ-ⵢⴻⵜⵜⵉⵏⵉ ⴽⵔⴰ ⵏ ⵡⴰⵡⴰⵍⴻⵏ.