Asebter amenzawi

Asaru Yemma n Ǧamila Ṣaḥṛawi yettwafren di tfaska tis 10 n ssinima taɛṛabt di Brizil

LEZZAYER- Asaru Yemma n temsufeɣt tazzayrit Ǧamila Ṣaḥṛawi ad igenses Lezzayer di tfaska tis 10 n ssinima taɛṛabt ara yilin ger 12 ɣuct d 12 cṭambeṛ, id-wekkden yemsuddsen deg wadeg internet n tfaska.

Yettuhegga-d d ucrik ger Lezzayer d Fṛansa, asaru-yagi aɣezzfan (90mn) d-yeffɣen di 2013 yettbeggin-d taqṣiḍt n yiwet n tyemmatt, Weṛdiya, yettidiren talwit tameṛẓagut deg yiwen n wexxam yettwattun di taddart deg yiseggasen n rrebrab. Tudert n Weṛdiya tettwaqheṛ s tmettant n mmis Tarik, yettwanɣan sɣur gma-s Ɛli.

Acḥal tikkwal i s-yettunefk warraz, asaru yella yettwafren deg useggas n 2012 di Mostra de Venise akk d tfaska n usaru n Amiens (France).

Ugar n Yemma n Ǧamila Ṣaḥṛawi, isura-nniḍen d-yekkan si Meṛṛuk, si Falaṣṭin, Jordanie, Surya, Yémen akk d Brizil llan deg wahil n temlilit-agi.