ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⵖⵔⴰⵎⴰ ⵏ ⵜⵏⴻⵣⴷⵓⵖⵜ ⴰⴷ ⴷ-ⵜⵃⴰⵣ ⴰⴽⴽ ⵜⵉⵖⵉⵡⴰⵏⵉⵏ ⵏ ⵜⵎⵓⵔⵜ

ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⵍⴻⵖⵔⴰⵎⴰ ⵏ ⵜⵏⴻⵣⴷⵓⵖⵜ ⴰⴷ ⴷ-ⵜⵃⴰⵣ, ⵙⴻⴳ-ⴰ ⴷ ⴰⵙⴰⵡⴻⵏ, ⴰⴽⴽ ⵜⵉⵖⵉⵡⴰⵏⵉⵏ ⵏ ⵜⵎⵓⵔⵜ, ⵢⴻⵔⵏⴰ ⵉⵙⵡⵉ ⵏ ⵡⴰⵢⴰ ⵏⴻⵜⵜⴰ ⴷ ⴰⵙⵙⴻⵎⵖⴻⵔ ⵏ ⵜⵣⴻⵎⵎⴰⵔ ⵏ ⵜⴻⴷⵔⵉⵎⵜ ⴷ ⵜⵣⴻⵎⵎⴰⵔ ⵏ ⵓⵔⴻⵇⵇⴻⵄ ⵏ ⵜⵏⴻⵣⴷⵓⵖⵜ ⴷⴻⴳ ⵜⵖⵉⵡⴰⵏⵉⵏ-ⴰ.

ⴷⴻⴳ ⵍⵇⴰⵏⵓⵏ ⵏ ⵓⵙⵙⵎⴰⴷ ⵏ ⵜⴻⴷⵔⵉⵎⵜ ⵏ 2015, ⵢⴻⵜⵜⵡⴰⴱⴷⴻⵔ-ⴷ ⴷⴰⴽⴽⴻⵏ ⵍⴻⵖⵔⴰⵎⴰ ⵏ ⵜⵏⴻⵣⴷⵓⵖⵜ ⴰⴷ ⵜⴻⵔⵣⵓ, ⵙⴻⴳ-ⴰ ⴷ ⴰⵙⴰⵡⴻⵏ, 1541 ⵏ ⵜⵖⵉⵡⴰⵏⵉⵏ.

ⵍⴻⵖⵔⴰⵎⴰ-ⴰ ⴳⴰⵏ-ⵜⵜ-ⵉⴷ ⴷⴻⴳ ⵍⵇⴰⵏⵓⵏ ⵏ ⵜⴻⴷⵔⵉⵎⵜ ⵏ 2003, ⵢⴻⵔⵏⴰ ⵜⴻⵍⵍⴰ ⵜⴻⵔⵣⴰ ⴰⵍⴰ ⵜⵉⵖⵉⵡⴰⵏⵉⵏ ⴰⵏⴷⴰ ⴰⵢ ⴷ-ⵜⴻⵣⴳⴰ ⵜⴷⴰⵢⵕⴰ ⴷ ⵜⵖⵉⵡⴰⵏⵉⵏ ⵏ ⵜⵡⵉⵍⴰⵢⵉⵏ ⵏ ⵍⴷⵣⴰⵢⴻⵔ, ⵄⴻⵏⵏⴰⴱⴰ, ⵇⵙⴻⵏⵟⵉⵏⴰ ⴷ ⵡⴻⵀⵕⴰⵏ.

ⵍⴻⵖⵔⴰⵎⴰ-ⴰ ⵜⴻⵜⵜⵡⴰⵅⴻⵍⵍⴰⵚ ⵢⴰⵍ ⴰⵙⴻⴳⴳⴰⵙ ⴷⴻⴳ ⵜⴼⴰⵜⵓⵕⵜ ⵏ ⵜⵔⵉⵙⵉⵜⵉ ⴷ ⵍⴳⴰⵣ ⵏ ⵙⵧⵏⴻⵍⴳⴰⵣ, ⵢⴻⵔⵏⴰ ⵜⴻⵜⵜⵡⴰⵅⴻⵍⵍⴰⵚ ⵖⴻⴼ ⵡⴰⴽⴽ ⵉⵎⵓⴽⴰⵏ ⵏ ⵜⵏⴻⵣⴷⵓⵖⵜ ⵏⴻⵖ ⵏ ⵓⵎⴰⵀⵉⵍ (ⴰⵅⴻⴷⴷⵉⵎ). ⴰⵣⴰⵍ-ⵏⵏⴻⵙ ⴰⴷ ⴷ-ⵢⵉⵍⵉ ⴳⴰⵔ 300 ⴷ 1200 ⵏ ⵢⵉⴷⵉⵏⴰⵕⴻⵏ ⴷⴻⴳ ⵡⴰⴽⴽ ⵜⵉⵖⵉⵡⴰⵏⵉⵏ ⴷⴻⴳ ⵜⵖⵉⵡⴰⵏⵉⵏ ⵜⵉⵎⴰⵢⵏⵓⵜⵉⵏ ⴰⵢ ⴷ-ⵜⴻⵔⵣⴰ ⵍⴻⵖⵔⴰⵎⴰ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵓⵎⴰⴳⵔⴰⴷ 67 ⵏ ⵍⵇⴰⵏⵓⵏ ⵏ ⵓⵙⵙⵎⴰⴷ ⵏ ⵜⴻⴷⵔⵉⵎⵜ.

ⵎⴰ ⴷ ⵉⵎⵓⴽⴰⵏ ⵏ ⵜⵏⴻⵣⴷⵓⵖⵜ ⴷ ⵓⵎⴰⵀⵉⵍ ⴰⵢ ⴷ-ⵢⴻⵣⴳⴰⵏ ⴷⴻⴳ ⵜⵖⵉⵡⴰⵏⵉⵏ ⵏ ⵜⵡⵉⵍⴰⵢⵉⵏ ⵏ ⵍⴷⵣⴰⵢⴻⵔ, ⵄⴻⵏⵏⴰⴱⴰ, ⵇⵙⴻⵏⵟⵉⵏⴰ ⴷ ⵡⴻⵀⵕⴰⵏ, ⵍⴻⵖⵔⴰⵎⴰ-ⵏⵙⴻⵏ ⴰⴷ ⵜⵉⵍⵉ ⴳⴰⵔ 600 ⴷ 2400 ⵏ ⵢⵉⴷⵉⵏⴰⵕⴻⵏ.

ⵍⴻⵖⵔⴰⵎⴰ-ⴰ ⴰⴷ ⵜⴻⵜⵜⵓⵏⴻⴼⴽ ⵉ ⵓⵙⴻⵏⴷⵓⵇ ⵓⵣⵣⵉⴳ ⵏ ⵓⵚⴻⴳⴳⴻⵎ ⵏ ⵜⵏⴻⵣⴷⵓⵖⵜ, ⴷ ⴰⵙⴻⵏⴷⵓⵇ ⴰⵢ ⵢⴻⵜⵜⴻⴷⴷⵓⵏ ⵖⴻⴼ ⵍⴻⵃⵙⴰⴱ ⵏ ⵍⵇⴰⵏⵓⵏ ⴰⴳⵔⴰⵖⵍⵉⴼ ⵏ 2003 ⴷ ⵜⴰⵏⴰⴹⵜ ⵜⴰⵙⵍⴻⴽⵎⴰⵏⵜ ⵏ 2005.

Ɣⴻⴼ ⵍⴻⵃⵙⴰⴱ ⵏ ⵜⴰⵏⴰⴹⵜ-ⴰ ⵜⴰⵙⵍⴻⴽⵎⴰⵏⵜ, ⴰⵙⴻⵏⴷⵓⵇ-ⴰ ⵢⴻⵜⵜⵚⴻⵔⵔⵉⴼ ⵉⴷⵔⵉⵎⴻⵏ ⵉ ⵍⵎⴻⵏⴷ ⵏ ⵓⵚⴻⴳⴳⴻⵎ ⵏ ⵢⵉⵃⵔⵉⵛⴻⵏ ⵓⵛⵔⵉⴽⴻⵏ ⵏ ⵍⴱⴻⵏⵢⴰⵏⴰⵜ, ⵍⴰⴷⵖⴰ ⵍⴱⴻⵏⵢⴰⵏⴰⵜ ⵉⵇⴱⵓⵔⴻⵏ, ⴷ ⵓⵚⴻⴳⴳⴻⵎ ⵏ ⵜⵜⴰⵡⵉⵍⴰⵜ ⵏ ⵓⵖⴻⵍⵍⴻⵜ ⵏ ⵍⴱⴻⵏⵢⴰⵏⴰⵜ-ⴰ.

ⴰⵎⴻⴷⵅⵓⵍ ⵏ ⵓⵙⴻⵏⴷⵓⵇ-ⴰ ⵏⴻⵜⵜⴰ ⴷ ⵍⴻⵖⵔⴰⵎⴰ ⵏ ⵜⵏⴻⵣⴷⵓⵖⵜ ⴷ ⵡⴰⵢⴻⵏ ⴰⵔⴰ ⴷ-ⵚⴻⴷⴷⵇⴻⵏ ⵙ ⵍⴻⴱⵖⵉ-ⵏⵙⴻⵏ ⵢⵉⵎⴷⴰⵏⴻⵏ ⵏⴻⵖ ⵓⴷⵓⵙⴻⵏ, ⴰⵄⴰⵡⴻⵏ ⵙⵖⵓⵔ ⵓⵡⴰⵏⴰⴽ (ⴷⴷⵓⵍⴰ) ⵏⴻⵖ ⵙⵖⵓⵔ ⵜⵎⴰⵣⴷⴰⵢⵉⵏ ⵜⵉⴷⵉⴳⴰⵏⵉⵏ ⴷ ⵡⴰⵢⴻⵏ ⴰⵔⴰ ⵢⴻⴵⴵ ⴱⴰⴱ-ⵏⵏⴻⵙ, ⵓⵔ ⵜ-ⵉⵡⴻⵕⵕⴻⵜ ⴰⵔⴰ.

ⵍⴻⵖⵔⴰⵎⴰ-ⴰ ⴰⴷ ⵜⴻⵙⵙⴻⴵⵀⴻⴷ ⴰⵎⴻⴷⵅⵓⵍ ⵏ ⵜⵖⵉⵡⴰⵏⵉⵏ ⴰⵢ ⴷ-ⵢⴻⵜⵜⴻⴽⴽⴻⵏ ⵙⴻⴳ ⵡⴰⵢⵍⴰ ⴷ ⵍⴱⴻⵏⵢⴰⵏ, ⵍⴰⴷⵖⴰ ⵉⵎⵉ ⴰⵎⴻⴷⵅⵓⵍ ⵏ ⵜⵖⵉⵡⴰⵏⵉⵏ ⵉⵅⵓⵚⵚ ⵢⵉⵍⵉ ⴰⵟⴰⵙ ⵏ ⵍⴻⵛⵖⴰⵍ ⴰⵢ ⵢⴻⵃⵡⴰⴵⴻⵏ ⵉⴷⵔⵉⵎⴻⵏ ⴷⴻⴳ ⵜⵖⵉⵡⴰⵏⵉⵏ-ⴰ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵃⵔⴰⵣ ⵏ ⵍⴱⴻⵏⵢⴰⵏ ⴰⵇⴱⵓⵔ.