ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵄⴰⵡⴻⵏ ⵏ ⵢⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ: ⵙⵉⵔⵧⵉⵙ ⵢⴻⵏⴽⴻⵕ ⴰⵢⴻⵏ ⴰⵢ ⴷ-ⵏⵏⴰⵏ ⵢⵉⵎⴻⵕⵕⵓⴽⵉⵢⴻⵏ
ⵍⴷⵣⴰⵢⴻⵔ – ⴰⴳⴻⵏⵙⴰⵙ ⵏ ⵡⴰⵀⵉⵍ ⵏ ⵜⵓⵞⵞⵉⵜ ⴰⵎⴰⴹⵍⴰⵏ ⴷⴻⴳ ⵍⴷⵣⴰⵢⴻⵔ, ⵔⵧⵎⴰⵉⵏ ⵙⵉⵔⵧⵉⵙ, ⵢⴻⵏⴽⴻⵕ ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴷⵣⴰⵢⴻⵔ ⴰⵢⴻⵏ ⴰⵢ ⴷ-ⵏⵏⴰⵏ ⵢⵉⴷⵓⴱⴰ ⵉⵎⴻⵕⵕⵓⴽⵉⵢⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵓⴽⴻⵔⴹⴰ ⵏ ⵜⴰⵍⵍⴰⵍⵜ (ⵍⴻⵎⵄⴰⵡⵏⴰ) ⴰⵢ ⵢⴻⵜⵜⵡⴰⵡⴻⵀⵀⴰⵏ ⵉ ⵢⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ.
« ⵜⴻⵡⵡⴻⴹ-ⴰⵖ-ⴷ ⵜⵙⵓⴽⵉⵏⵜ ⵏ ⵓⵕⴰⴱⵓⵍ ⴰⵢ ⴷ-ⵜⵀⴻⵢⵢⴰ ⵜⵏⴰⵔⵉⵜ ⵏ ⵓⵃⴰⵕⴻⴱ ⵏ ⵓⴷⵖⴰⵍ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⴰⵏⴷⴰ ⴰⵢ ⴷ-ⵢⴻⵜⵜⵡⴰⴱⴷⴻⵔ ⴷⴰⴽⴽⴻⵏ ⵜⴻⵜⵜⵡⴰⴽⴻⵔ ⵜⴰⵍⵍⴰⵍⵜ ⴰⵢ ⵢⴻⵜⵜⵡⴰⵡⴻⵀⵀⴰⵏ ⵉ ⵢⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ. ⵎⴰⵛⴰ ⵖⴻⴼ ⵡⴰⴽⴽⴻⵏ ⴰⵢ ⵉⵡⴰⵍⴰ ⵡⴰⵀⵉⵍ ⵏ ⵜⵓⵞⵞⵉⵜ ⴰⵎⴰⴹⵍⴰⵏ, ⵓⵍⴰ ⴷ ⵢⵉⵡⴻⵜ ⵙⴻⴳ ⵜⵜⴻⵀⵎⴰⵜ-ⴰ ⵓⵔ ⴷ-ⵜⴱⴰⵏ ⴷ ⵜⵉⴷⴻⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵙⵉⵔⵧⵉⵙ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ ⴷⴻⴳ ⵢⵉⵊⵉⴼⴻⵕ ⵏ ⵢⵉⵡⴻⵏ ⵏ ⵓⵎⵢⴰⴳⴻⵔ ⴰⵢ ⵜⴻⵙⵙⵓⴷⴷⴻⵙ ⵜⴰⵣⵣⵉⵔⵜ ⵜⴰⵣⴻⵡⵡⴰⵖⵜ ⵜⴰⴷⵣⴰⵢⵔⵉⵜ ⵖⴻⴼ ⵜⴻⴳⵏⵉⵜ ⵏ ⵜⵎⴻⴷⴷⵓⵔⵜ ⵏ ⵢⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ.
ⵉⵎⴹⴻⴱⴱⴻⵔ-ⴰ ⵢⴻⵔⵏⴰ-ⴷ ⴷⴰⵖ ⴷⴰⴽⴽⴻⵏ ⴰⵕⴰⴱⵓⵍ-ⴰ ⴳⴰⵏ-ⵜ-ⵉⴷ ⵖⴻⴼ « ⵜⴻⴷⵢⴰⵏⵉⵏ ⴰⵢ ⴷ-ⵏⵏⴰⵏ ⴹⵔⴰⵏⵜ ⴷⴻⴳ 2003, ⵓⵔⴰⵏ-ⵜ ⴷⴻⴳ 2007 ⵢⴻⵔⵏⴰ ⵢⴻⵜⵜⵡⴰⴽⵛⴻⴼ-ⴷ ⴷⴻⴳ 2015 ».
ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵏⵏⴰ-ⴷ ⴷⴰⴽⴽⴻⵏ « ⵓⵍⴰⵛ ⴰⴽⴽ ⵜⵜⴱⵓⵜ ⵏ ⵜⵉⴷⴻⵜ ⴰⵢ ⴷ-ⵢⵓⴼⴰ ⵡⴰⵀⵉⵍ ⵏ ⵜⵓⵞⵞⵉⵜ ⴰⵎⴰⴹⵍⴰⵏ ⵖⴻⴼ ⵡⴰⵢⴰ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴰⵕⴰⴱⵓⵍ-ⴰ « ⵢⴻⴱⴷⴻⵔ-ⴷ ⵍⴻⵎⵄⴰⵡⵏⴰ, ⵎⴰⵛⴰ ⴰⵀⵉⵍ ⵏ ⵜⵓⵞⵞⵉⵜ ⴰⵎⴰⴹⵍⴰⵏ ⵓⵔ ⵜⵜ-ⵉⴷ-ⵜⴻⴹⴹⵉⴼ ⴰⵔⴰ ».
