Amseqdac:ⵉⵎⴻⴷⵢⴰⵣⴻⵏ
ⵒⵧⵍⵉⵙⴰⵔⵉⵧ ⵜⴳⴻⵔ-ⴷ ⵜⵉⵖⵔⵉ ⵉ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⵙⴼⴻⵄⵍⴻⵏ ⴰⵢⴻⵏ ⴷ-ⵏⵏⴰⵏ
ⴱⵓⵎⴻⵔⴷⴰⵙ – ⵉⵎⴹⴻⴱⴱⴻⵔ ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ, ⵙⴰⵍⴻⵎ ⵍⴻⴱⵙⵉⵔ, ⵉⴳⴻⵔ-ⴷ ⵜⵉⵖⵔⵉ ⴰⵙⵙ ⵏ ⵙⵙⴻⴱⵜ ⵉ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⵜⴻⵙⵙⴻⴼⵄⴻⵍ ⵡⴰⵔ ⵍⴻⵄⴹⵉⵍ ⵜⴰⵏⴻⵖⵜⵓⵙⵜ ⵜⵉⵙ 1514 ⵢⴻⵔⵣⴰⵏ ⵜⵓⴽⵛⵉ ⵏ ⵓⵣⴰⵔⵓⴳ ⵉ ⵜⵎⵓⵔⴰ ⴷ ⵢⵉⵖⴻⵔⴼⴰⵏ ⵢⴻⵍⵍⴰⵏ ⴷⴷⴰⵡ ⵜⴻⵀⵔⴻⵙⵜ, ⵢⴻⵔⵏⴰ ⵜⴰⵎⴻⵣⵡⴰⵔⵓⵜ ⴷⴻⴳ-ⵙⴻⵏ ⴷ ⴰⵏⴻⵥⵔⵓⴼ ⵓⵜⵔⵉⵎ ⵢⴻⵍⵍⴰⵏ ⴷ ⵜⴰⵀⵔⴻⵙⵜ ⵜⴰⵏⴻⴳⴳⴰⵔⵓⵜ ⴷⴻⴳ ⵜⴻⴼⵔⵉⵇⵜ.
« ⵜⴰⵍⵡⵉⵜ ⴷⴻⴳ ⵜⴻⵎⵏⴰⴹⵜ-ⴰ ⵓⵔ ⴷ-ⵜⵜⵓⵖⴰⵍ ⴰⵔⴰ ⴰⵔⵎⴰ ⵜⴻⵍⵍⴰ-ⴷ ⵜⵉⴼⵔⴰⵜ ⵜⵓⵖⴷⵉⵎⵜ ⵢⴻⵔⵏⴰ ⴷ ⵜⴰⵎⴻⴳⴷⴰⵢⵜ ⵉ ⵜⴰⵍⵓⴼⵜ ⵢⴻⵍⵍⴰⵏ ⴳⴰⵔ ⵓⵏⴻⵥⵔⵓⴼ ⵓⵜⵔⵉⵎ ⴷ ⵎⴻⵕⵕⵓⴽ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵍⴻⴱⵙⵉⵔ (ⴰⵎⴰⵙⵍⴰⴹ ⵏ ⵜⵎⴰⵔⵉⵜ ⵜⴰⵖⴻⵍⵏⴰⵡⵜ ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ) ⴷⴻⴳ ⵜⴳⴰⵔⴰ ⵏ ⵜⴻⵥⵔⵉⴳⵜ ⵜⵉⵙ 6 ⵏ ⵜⴻⵙⴷⴰⵡⵉⵜ ⵏ ⵓⵏⴻⴱⴷⵓ ⵏ ⵢⵉⴽⴰⵜⴰⵔⴻⵏ ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴷ ⵜⴻⴳⴷⵓⴷⴰ ⵜⴰⵄⵕⴰⴱⵜ ⵜⴰⵎⴻⴳⴷⴰⵢⵜ ⵜⴰⵚⴻⵃⵔⴰⵡⵉⵜ.
ⴰⵎⴰⵙⴰⵢ-ⴰ ⵢⴻⵔⵏⴰ-ⴷ ⴷⴰⴽⴽⴻⵏ « ⴰⴱⴻⵔⵔⵉⵃ ⵏ ⵜⴻⵥⵔⵉⴳⵜ-ⴰ ⵜⵉⵙ 6 ⵏ ⵜⴻⵙⴷⴰⵡⵉⵜ ⵏ ⵓⵏⴻⴱⴷⵓ ⵏ ⵢⵉⴽⴰⵜⴰⵔⴻⵏ ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴷ ⵡⵉⵏ ⴰⵢ ⴷ-ⵢⴻⵙⵙⴻⴽⵏⴻⵏ ⴰⵎⵉⵀⵉ ⵏ ⵜⵙⴻⵔⵜⵉⵢⵉⵏ ⵏ ⵓⵡⴰⵏⴰⴽ ⴰⵀⴻⵔⵙⴰⵏ ⴰⵎⴻⵕⵕⵓⴽⵉ, ⴷ ⵜⵉⴷⴷⵉⵜ ⵢⴻⴱⵏⴰⵏ ⵖⴻⴼ ⵓⵜⵄⴻⴷⴷⵉ ⵢⴻⵔⵏⴰ ⴰⵢⴻⵏ ⴰⵢ ⵜⵜ-ⵢⴻⵜⵜⵄⴰⵡⴰⵏⴻⵏ ⴷⴻⴳ ⵡⴰⵢⴰ ⴷ ⴰⴼⴰⵔⴻⵙ ⴷ ⵓⵙⵙⵉⴵⴻⵡ ⵏ ⵜⴻⵀⵢⵓⴼⵉⵏ ».
« ⵜⵉⵙⴻⵔⵜⵉⵢⵉⵏ-ⴰ ⵜⵜⴻⴽⴽⴰⵢⴻⵏⵜ ⴷⴻⴳ ⵓⵙⵙⴻⴱⴷⴻⴷ, ⴰⵙⵙⵉⴷⵔⴻⵎ ⴷ ⵓⵙⵙⴻⴱⵖⴻⵙ ⵏ ⵜⵎⴰⴼⵢⵉⵡⵉⵏ ⵏ ⵜⴻⵊⵔⵉⵎⵜ ⵢⴻⵜⵜⵡⴰⵙⵙⵓⴷⴷⵙⴻⵏ ⴷ ⵜⴻⴳⵔⴰⵡⵉⵏ ⵜⵉⵔⴻⴱⵔⴰⴱⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ « ⴰⵢⴰ ⵉⵛⴻⵡⵡⴻⵍ ⴰⴽⴽ ⴰⵔⴽⴰⴷ ⵏ ⵜⴻⵎⵏⴰⴹⵜ ⵏ ⵙⵙⴰⵃⴻⵍ ⴷ ⵓⴳⴰⴼⴰ-ⵓⵜⵔⵉⵎ ⵏ ⵜⴻⴼⵔⵉⵇⵜ ».
ⴷⴻⴼⴼⵉⵔ ⵎⴰ ⵢⴻⵛⴽⴻⵕ-ⴷ ⵍⵎⴻⴵⵀⵓⴷ ⵏ ⵜⵏⴻⴽⵔⴰ ⴰⵢ ⴷ-ⵢⴻⵍⵍⴰⵏ ⵉ ⵍⵎⴻⵏⴷ ⵏ ⵓⵣⴰⵔⵓⴳ ⴷⴻⴳ ⵜⴻⵎⵏⴰⴹⵉⵏ ⵢⴻⵜⵜⵡⴰⴹⴹⴼⴻⵏ, ⴷⴻⴳ ⵓⵏⵥⵓⵍ ⵏ ⵎⴻⵕⵕⵓⴽ ⴷ ⵜⴻⵙⴷⴰⵡⵉⵢⵉⵏ, ⵎⴰⵙⵙ ⵍⴻⴱⵙⵉⵔ ⵢⴻⵏⵏⴰ-ⴷ ⴷⴰⴽⴽⴻⵏ « ⴷ ⵍⵄⵉⴱ ⵉⵎⵉ ⴰⵎⵖⵉⵡⴰⵏ ⴰⴳⵔⴰⵖⵍⴰⵏ ⵢⴻⴳⴳⵓⴳⴻⵎ ⵢⴻⵔⵏⴰ ⵓⵔ ⵍⴰ ⵢⴻⵜⵜⴻⴳ ⴰⵛⴻⵎⵎⴰ ⴰⴽⴽⴻⵏ ⴰⴷ ⵢⴻⵃⴱⴻⵙ ⴰⵔⴽⴰⴹ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ, ⵜⵓⴽⴻⵔⴹⴰ ⵏ ⵍⵅⵉⵔ ⵏ ⵡⴰⴽⴰⵍ ⴰⵚⴻⵃⵔⴰⵡⵉ ⴷ ⵓⵜⵄⴻⴷⴷⵉ ⵏ ⵓⵡⴰⵏⴰⴽ ⴰⵀⴻⵔⵙⴰⵏ ⴰⵎⴻⵕⵕⵓⴽⵉ ⵖⴻⴼ ⵢⵉⵖⴰⵔⵉⵎⴻⵏ ⵉⵚⴻⵃⵔⴰⵡⵉⵢⴻⵏ ⵓⵔ ⵢⴻⵙⵄⵉⵏ ⴰⵛⴻⵎⵎⴰ ».
ⴷⴻⴳ ⵜⴳⴰⵔⴰ ⵏ ⵜⴻⵎⵍⵉⵍⵉⵢⵉⵏ-ⴰ ⵏ ⵜⴻⵙⴷⴰⵡⵉⵜ ⵏ ⵓⵏⴻⴱⴷⵓ, ⵢⴻⵏⵏⴰ-ⴷ ⵎⴰⵙⵙ ⵍⴻⴱⵙⵉⵔ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⴼⴰⴽ ⵜⴻⵔⴳⵓⵍⵜ-ⴰ ⴰⵢ ⴷ-ⵉⵃⴻⵜⵜⴻⵎ ⵓⵡⴰⵏⴰⴽ ⴰⵀⴻⵔⵙⴰⵏ ⴰⵎⴻⵕⵕⵓⴽⵉ ⵉ ⵓⵅⵏⴰⵇ ⵏ ⵜⴻⵎⵏⴰⴹⵜ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ « ⵜⵓⴽⴽⵙⴰ ⵏ ⵓⵖⵔⴰⴱ ⴰⵢ ⵢⴻⴱⵏⴰ ⵓⵙⴻⵀⵔⴰⵙ, ⴰⵙⴻⵔⵔⴻⵃ ⵉ ⵢⵉⵎⴻⵃⴱⴰⵙ ⵏ ⵓⵎⴰⵣⵉⵔ ⵏ ⴳⴷⴻⵉⵎ ⵉⵣⵉⴽ, ⴰⵢ ⵢⴻⵜⵜⵡⴰⴹⴹⴼⴻⵏ ⴷⴻⴳ ⵍⴱⴰⵟⴻⵍ ⵢⴻⵔⵏⴰ ⵄⴻⴷⴷⴰⵏ ⴷⴻⴳ ⵛⵛⵕⴻⵄ ⴰⵙⴻⵔⴷⴰⵙⵉ ⵏ ⵓⵡⴰⵏⴰⴽ ⴰⵀⴻⵔⵙⴰⵏ ⴰⵎⴻⵕⵕⵓⴽⵉ, ⴷ ⵓⵙⴻⵔⵔⴻⵃ ⵉ ⵡⴰⴽⴽ ⵉⵚⴻⵃⵔⴰⵡⵉⵢⴻⵏ ⴷ ⵢⵉⵎⴻⵃⴱⴰⵙ ⵉⵙⴻⵔⵜⵉⵢⴻⵏ ⵢⴻⵍⵍⴰⵏ ⴷⴻⴳ ⵍⴻⵃⴱⴰⵙ ⵉⵎⴻⵕⵕⵓⴽⵉⵢⴻⵏ ».
ⴷⴻⴳ ⵢⵉⵣⴻⵏ-ⵏⵏⴻⵙ, ⵎⴰⵙⵙ ⵍⴻⴱⵙⵉⵔ ⵢⴻⵔⵔⴰ ⵜⴰⵊⵎⵉⵍⵜ ⵉ ⵓⵙⴼⴻⵍ ⴰⵎⴻⵇⵔⴰⵏ ⴷ ⵓⵣⴱⵓ ⵏ ⵢⵉⵎⴻⵃⴱⴰⵙ ⵉⵚⴻⵃⵔⴰⵡⵉⵢⴻⵏ « ⴰⵢ ⵢⴻⵜⵜⵏⴰⵖⴻⵏ ⵉ ⵍⵎⴻⵏⴷ ⵏ ⵜⵍⴻⵍⵍⵉ-ⵏⵙⴻⵏ, ⵏⵏⵉⴼ ⴷ ⵓⵃⵓⴷⴷⵓ ⵏ ⵢⵉⵣⴻⵔⴼⴰⵏ ⵓⵣⵔⵉⴼⴻⵏ ⵏ ⵓⵖⵔⴻⴼ ⴰⵚⴻⵃⵔⴰⵡⵉ », ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⴷ ⵡⴰⴽⴽ ⵜⵓⴷⴷⵙⵉⵡⵉⵏ ⴷ ⵜⵙⵓⴷⴰ ⵜⵉⴳⵔⴰⵖⵍⴰⵏⵉⵏ ⴰⴽⴽⴻⵏ ⴰⴷ ⵅⴻⴷⵎⴻⵏⵜ ⵢⴻⵔⵏⴰ ⴰⴷ ⵃⴻⵕⵙⴻⵏⵜ ⵓⴳⴰⵔ ⵎⴻⵕⵕⵓⴽ ⴰⴽⴽⴻⵏ ⴰⴷ ⵜⴼⴰⴽ ⴰⵙⵙⴻⵀⵔⴻⵙ-ⵏⵏⴻⵙ ⵢⴻⵔⵏⴰ ⴰⴷ ⴷ-ⵜⴻⴱⵔⵓ ⵉ ⵡⴰⴽⴽ ⵉⵎⴻⵃⴱⴰⵙ ⵉⵚⴻⵃⵔⴰⵡⵉⵢⴻⵏ.
ⵉⴼⵓⵕⴻⵙ ⴷⴰⵖ ⵢⵉⵎⴹⴻⴱⴱⴻⵔ-ⴰ ⴰⴽⴽⴻⵏ ⴰⴷ ⴷ-ⵉⴳⴻⵔ ⵜⵉⵖⵔⵉ ⵉ ⵢⵉⵚⴻⵃⵔⴰⵡⵉⵢⴻⵏ ⴰⴽⴽⴻⵏ ⴰⴷ ⵙⴵⴻⵀⴷⴻⵏ ⵜⴰⴷⵓⴽⵍⵉ ⴷ ⵜⴻⵎⵙⴻⵜⵍⴻⵍⵜ-ⵏⵙⴻⵏ ⵉ ⵓⵇⴰⴱⴻⵍ ⵏ ⵜⵙⴻⵔⵜⵉⵢⵉⵏ ⴷ ⵢⵉⵏⴳⵓⵣⴻⵏ ⵏ ⵓⵡⴰⵏⴰⴽ ⴰⵀⴻⵔⵙⴰⵏ ⴰⵎⴻⵕⵕⵓⴽⵉ ⵓⵔ ⵢⴻⴱⵖⵉⵏ ⴰⵔⴰ ⴰⴷ ⵢⴻⴵⴵ ⴰⵖⵔⴻⴼ ⴰⵚⴻⵃⵔⴰⵡⵉ ⴰⴷ ⵢⵉⵍⵉ ⵢⴻⵔⵏⴰ ⵢⴻⴱⵖⴰ ⴰⴷ ⵢⴻⵏⴽⴻⵕ ⴰⵣⵔⴻⴼ-ⵏⵏⴻⵙ ⵉ ⵓⴳⴳⵓⵛⵛⴻⵍⵎⴰⵏ ⴷ ⵓⵣⴰⵔⵓⴳ.
