Amseqdac:ⵉⵎⴻⴷⵢⴰⵣⴻⵏ
ⵅⴻⵎⵙⴰ ⵏ ⵢⵉⵅⴻⴷⴷⴰⵎⴻⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵢ ⵢⴻⵎⵎⵓⵜⴻⵏ ⴷⴻⴳ ⵓⵙⴻⵏⵙⵓ ⵏ ⵎⴰⵍⵉ
ⴱⴰⵎⴰⴽⵧ – ⵙⴻⵎⵎⵓⵙ (5) ⵏ ⵢⵉⵅⴻⴷⴷⴰⵎⴻⵏ ⴰⵢ ⵉⵅⴻⴷⴷⵎⴻⵏ ⵖⴻⵔ ⵜⴽⴻⴱⴱⴰⵏⵉⵢⵉⵏ ⴰⵢ ⵡⴻⴽⴽⵍⴻⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵎⴰⵍⵉ (ⵎⵉⵏⵓⵙⵎⴰ) ⴰⵢ ⵢⴻⵎⵎⵓⵜⴻⵏ ⴷⴻⴳ ⵜⵓⵎⵎⵖⴰ-ⵏⵏⵉ ⴰⵢ ⴷ-ⵢⴻⵍⵍⴰⵏ ⵖⴻⴼ ⵓⵙⴻⵏⵙⵓ ⵏ ⵙⴻⵠⴰⵔⴻ, ⴷⴻⴳ ⵜⵍⴻⵎⵎⴰⵙⵜ ⵏ ⵎⴰⵍⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⴱⴷⴻⵔ ⴰⵙⵙ ⵏ ⵙⵙⴻⴱⵜ ⵜⵓⵖⴷⴰⴹⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵎⴰⵍⵉ. ⵉⵅⴻⴷⴷⴰⵎⴻⵏ-ⴰ ⴷ ⵢⵉⵡⴻⵏ ⵏ ⵓⵎⴰⵍⵉ, ⵢⵉⵡⴻⵏ ⵏ ⵓⵏⵉⵒⴰⵍⵉ, ⵙⵉⵏ ⵏ ⵡⵓⴽⵕⴰⵏⵉⵢⴻⵏ ⴷ ⵢⵉⵡⴻⵏ ⵙⴻⴳ ⵜⴻⴼⵔⵉⵇⵜ ⵏ ⵓⵏⵥⵓⵍ ⵢⴻⵔⵏⴰ ⵎⵎⵓⵜⴻⵏ ⵎⵉ ⵜⴻⵥⴷⴻⵎ ⵢⵉⵡⴻⵜ ⵏ ⵜⴻⴳⵔⴰⵡⵜ ⵜⵉⵎⵙⴻⵍⵍⴻⵃⵜ ⵖⴻⴼ ⵓⵙⴻⵏⵙⵓ-ⵏⵏⵉ.
« ⵜⵓⵖⴷⴰⴹⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵎⴰⵍⵉ ⵜⵄⴰⵡⴻⴷ ⵜⵡⴻⴽⴽⴻⴷ-ⴷ ⴰⵙⵙⵉⵥⴻⵔ-ⵏⵏⴻⵙ ⵉⴵⴻⵀⴷⴻⵏ ⵎⴳⴰⵍ ⵜⵓⵎⵎⵖⴰ ⵜⴰⵔⴻⴱⵔⴰⴱⵜ ⵜⵓⵃⵇⵉⵔⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⵙⴻⵠⴰⵔⴻ ⵢⴻⵔⵏⴰ ⵜⴻⵙⵃⴰⵙⵙⴻⴼ ⵖⴻⴼ ⵢⵉⵎⴷⴰⵏⴻⵏ-ⵏⵏⵉ ⴰⵢ ⵢⴻⵎⵎⵓⵜⴻⵏ ⴷⴻⴳ ⵢⵉⴳⵉ-ⴰ ⵏ ⵜⴻⵊⵔⵉⵎⵜ » ⴰⵢ ⵉⵃⵓⵣⴰⵏ ⴰⵙⴻⵏⵙⵓ ⵏ ⴱⵢⴱⵍⵧⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴷⴻⴳ ⵢⵉⵡⴻⵏ ⵏ ⵓⵍⵖⵓ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴷⴰⴽⴽⴻⵏ ⵎⵎⵓⵜⴻⵏ-ⴰⵙ « ⴽⵔⴰ ⵏ ⵢⵉⵅⴻⴷⴷⴰⵎⴻⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵜⴽⴻⴱⴱⴰⵏⵉⵢⵉⵏ ⴰⵢ ⵜⵡⴻⴽⴽⴻⵍ ».
« ⵙⴻⵎⵎⵓⵙ (5) ⴰⵢ ⵢⴻⵎⵎⵓⵜⴻⵏ ⵢⴻⵔⵏⴰ ⵜⴻⴱⴷⴰ-ⴷ ⵜⵙⴻⵙⵜⴰⵏⵜ ⴰⴽⴽⴻⵏ ⴰⴷ ⴷ-ⵉⴱⴰⵏ ⵙⵡⴰⵙⵡⴰ ⵡⴰⵎⴻⴽ ⴰⵢ ⵎⵎⵓⵜⴻⵏ ⴷⴻⴳ ⵜⴻⴷⵢⴰⵏⵜ-ⴰ. ⵉⵅⴻⴷⴷⴰⵎⴻⵏ-ⴰ ⴷ ⵢⵉⵡⴻⵏ ⵏ ⵓⵎⴰⵍⵉ », ⴷ ⴰⵏⴻⵀⵀⴰⵕ, « ⵢⵉⵡⴻⵏ ⵏ ⵓⵏⵉⵒⴰⵍⵉ, ⵢⵉⵡⴻⵏ ⵙⴻⴳ ⵜⴻⴼⵔⵉⵇⵜ ⵏ ⵓⵏⵥⵓⵍ ⴷ ⵙⵉⵏ ⵏ ⵡⵓⴽⵕⴰⵏⵉⵢⴻⵏ. ⵜⵜⵡⴰⴷⴷⵎⴻⵏ ⵢⵉⵃⴻⵣⵣⵉⴱⴻⵏ ⵉ ⵓⵙⵙⵉⵡⴻⴹ ⵏ ⵜⴼⴻⴽⴽⵉⵡⵉⵏ-ⵏⵙⴻⵏ ⵖⴻⵔ ⴱⴰⵎⴰⴽⵧ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵓⵖⴷⴰⴹⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.
ⵉⵔⴻⴱⵔⴰⴱⴻⵏ-ⴰ ⵡⴻⵔⵄⴰⴷ ⵓⵔ ⵜⵜⵡⴰⵄⴻⵇⵍⴻⵏ ⴰⵔⴰ ⵙⴻⴳ ⵢⵉⴷⵉⵙ ⵓⵏⵚⵉⴱ ⴰⵎ ⵡⴰⴽⴽⴻⵏ ⵡⴻⵔⵄⴰⴷ ⵓⵔ ⵢⴻⵜⵜⵡⴰⵙⵙⴻⵏ ⴰⵔⴰ ⵓⵎⴹⴰⵏ-ⵏⵙⴻⵏ. ⵎⵎⵖⴻⵏ ⵖⴻⴼ ⵓⵙⴻⵏⵙⵓ ⵏ ⴱⵢⴱⵍⵧⵙ ⵏ ⵙⴻⵠⴰⵔⴻ ⵖⴻⴼ 7ⵙ00 ⵏ ⵜⵚⴻⴱⵃⵉⵜ (ⴰⴽⵓⴷ ⴰⴷⵉⴳⴰⵏ ⴷ ⴳⵔⴻⴻⵏⵡⵉⵛⵀ) ⴰⵏⴷⴰ ⴰⵢ ⵏⵏⵓⵎⵎⴻⵏ ⵜⵜⵏⵓⵙⵓⵏ ⵢⵉⵅⴻⴷⴷⴰⵎⴻⵏ ⵉⴱⴻⵕⵕⴰⵏⵉⵢⴻⵏ.
ⵎⴰⵛⴰ ⵉⵖⴰⵍⵍⴻⵏ ⵉⵎⴰⵍⵉⵢⴻⵏ (ⴳⴰⵔ-ⴰⵙⴻⵏ ⵢⵉⵡⴻⵜ ⵏ ⵜⴰⵢⵓⵏⵜ ⵏ ⵢⵉⵖⴰⵍⵍⴻⵏ ⵓⵣⵣⵉⴳⴻⵏ ⵏ ⵜⴻⵎⵙⴻⵜⵍⴰ) ⵡⵜⴻⵏ-ⵜⴻⵏ ⴷⴻⴳ ⵢⵉⴹ ⵏ ⵍⴵⴻⵎⵄⴰ ⴷ ⵙⵙⴻⴱⵜ.
ⵜⵓⵖⴷⴰⴹⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵜⴻⴱⴷⴻⵔ-ⴷ ⴷⴰⵖ ⴷⴰⴽⴽⴻⵏ 4 ⵏ ⵢⵉⴱⴻⵕⵕⴰⵏⵉⵢⴻⵏ ⴰⵢ ⵉⵙⴻⵍⴽⴻⵏ: ⵙⵉⵏ ⵙⴻⴳ ⵜⴻⴼⵔⵉⵇⵜ ⵏ ⵓⵏⵥⵓⵍ, ⵢⵉⵡⴻⵏ ⵏ ⵓⵔⵓⵙⵓ ⴷ ⵢⵉⵡⴻⵏ ⵏ ⵡⵓⴽⵕⴰⵏⵉ.
ⴽⵓⵥ-ⴰ (4) ⵏ ⵢⵉⵅⴻⴷⴷⴰⵎⴻⵏ ⴰⵢ ⵉⵙⴻⵍⴽⴻⵏ « ⵜⵜⵡⴰⴷⴷⵎⴻⵏ ⵙⴻⴳ ⵓⵙⴻⵏⵙⵓ ⵏ ⴱⵢⴱⵍⵧⵙ ⵎⵉ ⴼⵓⴽⴻⵏ ⵍⴻⵛⵖⴰⵍ-ⵏⵏⵉ » ⵏ ⵢⵉⵖⴰⵍⵍⴻⵏ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⵢⴻⵔⵏⴰ ⵡⵡⵉⵏ-ⵜⴻⵏ ⵖⴻⵔ ⵜⵏⴰⵔⵉⵢⵉⵏ ⵏ ⵜⵓⵖⴷⴰⴹⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵜⴻⵎⴷⵉⵏⵜ ⵏ ⵙⴻⵠⴰⵔⴻ, « ⴰⵏⴷⴰ ⴰⵢ ⵜⴻⵏ-ⵎⴰⵣⴰⵍ, ⵙⴻⴳ ⵍⴻⵄⴹⵉⵍ ⴰⴷ ⵜⴻⵏ-ⴰⵡⵉⵏ ⵖⴻⵔ ⴱⴰⵎⴰⴽⵧ ».
« ⴰⵜⵏⵉ ⴱⵅⵉⵔ. ⵉⵔⴻⴱⵔⴰⴱⴻⵏ-ⵏⵏⵉ ⴰⵢ ⵢⴻⵎⵎⵖⴻⵏ ⵖⴻⴼ ⵓⵙⴻⵏⵙⵓ ⵓⵔ ⴰⵙⴻⵏ-ⴼⴰⵇⴻⵏ ⴰⵔⴰ ⴷⵉⵏ ⴰⵢ ⵍⵍⴰⵏ ⵢⴻⵔⵏⴰ ⵜⵓⵖⴷⴰⴹⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵎⴰⵍⵉ ⵜⴻⵇⵇⵉⵎ ⴷⴻⴳ ⵓⵏⴻⵔⵎⵉⵙ ⵢⵉⴷ-ⵙⴻⵏ ⵙⴻⴳ ⵎⵉ ⴰⵢ ⴷ-ⵜⴻⴱⴷⴰ ⵜⵓⵎⵎⵖⴰ-ⵏⵏⵉ ⴰⵔⵎⵉ ⴰⵢ ⵜⴻⴼⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ.
ⵙ ⵜⴻⴷⵢⴰⵏⵉⵏ-ⴰ, ⵉⴱⴰⵏ-ⴷ ⴷⴰⴽⴽⴻⵏ ⵍⴻⵃⵙⴰⴱ ⵏ ⵡⵉⴷ ⵢⴻⵎⵎⵓⵜⴻⵏ ⵢⵓⴳⴰⵔ ⴰⵏⴻⵛⵜ ⴰⵢ ⴷ-ⵢⴻⵏⵏⴰ ⵓⵏⴰⴱⴰⴹ ⴷ ⵜⴻⵖⴱⵓⵍⴰ ⵜⵉⵙⴻⵔⴷⴰⵙⵉⵢⵉⵏ, ⴰⵎ ⵡⴰⴽⴽⴻⵏ ⵜⵉⵖⴱⵓⵍⴰ-ⴰ ⵎⴳⴻⵔⵔⴰⴷⴻⵏⵜ ⴷⴰⵖ ⴷⴻⴳ ⵜⵜⴼⴰⵚⵉⵍ ⵢⴻⵔⵣⴰⵏ ⵜⵉⵖⵜⴰⵙ.
ⴰⵙⵙ ⵏ ⵍⴵⴻⵎⵄⴰ ⵜⴰⵎⴻⴷⴷⵉⵜ, ⵎⵉ ⵎⴰⵣⴰⵍ ⵜⵓⴹⴹⴼⴰ-ⵏⵏⵉ ⵏ ⵢⵉⵎⴻⵕⵀⴰⵏ, ⴰⵏⴰⴱⴰⴹ ⵢⴻⵏⵏⴰ-ⴷ ⴷⴰⴽⴽⴻⵏ ⵎⵎⵓⵜⴻⵏ 7 ⵏ ⵢⵉⵎⴷⴰⵏⴻⵏ (5 ⵏ ⵢⵉⵙⴻⵔⴷⴰⵙⴻⵏ ⴷ ⵙⵉⵏ ⵙⴻⴳ ⵡⵉⴷ ⵢⴻⵎⵎⵖⴻⵏ). ⴰⵙⵙ ⵏ ⵙⵙⴻⴱⵜ, ⴷⴻⴼⴼⵉⵔ ⵎⴰ ⵜⴼⵓⴽ ⵜⵓⵎⵎⵖⴰ-ⵏⵏⵉ, ⵜⵉⵖⴱⵓⵍⴰ ⵜⵉⵙⴻⵔⴷⴰⵙⵉⵢⵉⵏ ⵜⵉⵎⴰⵍⵉⵢⵉⵏ ⴱⴻⴷⵔⴻⵏⵜ-ⴷ ⴷⴰⴽⴽⴻⵏ ⵎⵎⵓⵜⴻⵏ 12 ⵏ ⵢⵉⵎⴷⴰⵏⴻⵏ (5 ⵏ ⵢⵉⵙⴻⵔⴷⴰⵙⴻⵏ, 5 ⵙⴻⴳ ⵡⵉⴷ ⵢⴻⵎⵎⵖⴻⵏ ⴷ ⵙⵉⵏ ⵏ « ⵢⵉⵎⴻⵍⵍⴰⵍⴻⵏ » ⵖⴻⴼ ⵍⴻⵃⵙⴰⴱ-ⵏⵙⴻⵏ), ⵡⴰⵔ ⵎⴰ ⵔⵏⴰⵏ-ⴷ ⵓⴳⴰⵔ ⵏ ⵜⵜⴼⴰⵚⵉⵍ.
ⴰⵙⵙ ⵏ ⵙⵙⴻⴱⵜ ⵜⴰⵎⴻⴷⴷⵉⵜ, ⴷⴻⴳ ⴽⵉⴻⵠ (ⵓⴽⵕⴰⵏⵢⴰ), ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⵎⵎⵓⵜ ⵢⵉⵡⴻⵏ ⵏ ⵡⵓⴽⵕⴰⵏⵉ ⴷⴻⴳ ⵜⵓⵎⵎⵖⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵎⴰⵍⵉ. ⵎⴰ ⴷ ⵜⴰⴼⵔⵉⵇⵜ ⵏ ⵓⵏⵥⵓⵍ ⵜⵡⴻⴽⴽⴻⴷ-ⴷ ⴷⴰⴽⴽⴻⵏ ⵍⵍⴰⵏ ⴷⴻⴳ ⵜⴻⵎⴷⵉⵏⵜ ⵏ ⵙⴻⵠⴰⵔⴻ 3 ⵙⴻⴳ ⵢⵉⵖⴻⵔⵎⴰⵏⴻⵏ-ⵏⵏⴻⵙ, ⵢⴻⵔⵏⴰ ⵢⴻⵎⵎⵓⵜ ⵢⵉⵡⴻⵏ ⵙⴻⴳ-ⵙⴻⵏ, ⵎⴰ ⴷ ⵙⵉⵏ-ⵏⵏⵉ ⵏⵉⴹⴻⵏ ⴰⵜⵏⵉ ⴷⴻⴳ ⵜⵖⴻⵍⵍⵉⵙⵜ.
