ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵏⴻⵖⵍⴰⴼ ⵏ ⵢⵉⴷⵍⴻⵙ ⵢⴻⵎⵎⵓⴳⴻⵔ ⴰⵎⴻⴼⵜⵉ ⴰⵎⴻⵇⵔⴰⵏ ⵏ ⵙⵓⵔⵢⴰ
ⵍⴻⵣⵣⴰⵢⴻⵔ – ⴰⵏⴻⵖⵍⴰⴼ ⵏ ⵢⵉⴷⵍⴻⵙ, ⴰⵣⵣⴻⴷⵉⵏⴻ ⵎⵉⵀⵧⵓⴱⵉ, ⵢⴻⵎⵎⵓⴳⴻⵔ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴰⵎⴻⴼⵜⵉ ⴰⵎⴻⵇⵔⴰⵏ ⵏ ⵙⵓⵔⵢⴰ, ⵛⵛⵉⵅ ⴰⵀⵎⴰⴷ ⴱⴰⴷⵔⴻⴷⴷⵉⵏⴻ ⵀⴰⵙⵙⵧⵓⵏⴻ, ⴰⵢ ⴷ-ⵉⴳⴰⵏ ⵜⵉⵔⵣⵉ ⵏ ⴷⴷⵓⵕⵜ ⵖⴻⴼ ⵍⴻⵣⵣⴰⵢⴻⵔ.
ⴷⴻⴳ ⵓⵎⵢⴰⴳⴻⵔ-ⴰ, ⵙⵙⴰⵡⵍⴻⵏ ⵖⴻⴼ ⵡⴰⵟⴰⵙ ⵏ ⵜⴻⵎⵙⴰⵍ ⴰⵢ ⵢⴻⵇⵇⵏⴻⵏ ⵖⴻⵔ ⵢⵉⴷⵍⴻⵙ ⴷ ⵡⴰⵣⴰⵍ ⴰⵢ ⵢⴻⵙⵄⴰ ⴷⴻⴳ ⴷⴷⵉⵏ.
« ⵜⵉⵙⵓⴷⴰ ⵏ ⴷⴷⵉⵏ ⵃⵡⴰⴵⴻⵏⵜ ⵉⴷⵍⴻⵙ » ⴰⴽⴽⴻⵏ « ⵉⵏⴰⵡ ⵏ ⴷⴷⵉⵏ ⴰⵢ ⵢⴻⵜⵜⵡⴰⵡⴻⵀⵀⴰⵏ ⵉ ⵢⵉⵖⴻⵔⴼⴰⵏ ⴰⵄⵕⴰⴱⴻⵏ, ⵉ ⵓⵎⴰⴹⴰⵍ ⵉⵏⴻⵙⵍⴻⵎ ⴷ ⵜⴰⵍⵙⴰ ⵙ ⵍⴻⴽⵎⴰⵍ-ⵏⵏⴻⵙ ⴰⴷ ⵢⵉⵍⵉ ⴷ ⵉⵏⴰⵡ ⵉⵏⵓⵕⴻⵏ » ⴰⵔⴰ ⵢⴻⴵⴵⴻⵏ ⵎⴻⴷⴷⴻⵏ ⴰⴷ ⴼⴻⵀⵎⴻⵏ ⵉⵣⴻⵏ ⴷ ⵡⴰⵣⴰⵍ-ⵏⵏⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴻⴼⵜⵉ ⴰⵎⴻⵇⵔⴰⵏ ⵏ ⵙⵓⵔⵢⴰ.
ⵛⵛⵉⵅ ⴰⵀⵎⴰⴷ ⴱⴰⴷⵔⴻⴷⴷⵉⵏⴻ ⵀⴰⵙⵙⵧⵓⵏⴻ ⵢⴻⵛⴽⴻⵕ-ⴷ, ⴷⴰⵖ, « ⴰⴱⴷⴰⴷ » ⵏ ⵍⴻⵣⵣⴰⵢⴻⵔ ⵖⴻⵔ ⵢⵉⴷⵉⵙ ⵏ ⵙⵓⵔⵢⴰ, ⴰⵎ ⵡⴰⴽⴽⴻⵏ ⴰⵢ ⵢⴻⵔⵔⴰ ⵜⴰⵊⵎⵉⵍⵜ ⵉ ⵓⵎⴻⵣⵔⵓⵢ ⴰⵇⴱⵓⵔ ⵏ ⵍⴻⵣⵣⴰⵢⴻⵔ ⴷ ⵢⵉⴷⵍⴻⵙ-ⵏⵏⴻⵙ « ⴰⵎⴻⵕⴽⴰⵏⵜⵉ, ⵉⵎⵏⴻⵡⵡⴻⵄ ».
ⴰⵎⴻⴼⵜⵉ ⴰⵎⴻⵇⵔⴰⵏ ⵏ ⵙⵓⵔⵢⴰ ⵢⴻⵎⵎⵓⴳⴻⵔ-ⵉⵜ ⵢⴰⴳⵉ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ ⴷ ⵍⵃⵓⴱⵓⵙ, ⵎⵧⵀⴰⵎⴻⴷ ⴰⵉⵙⵙⴰ, ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵓⵖⵍⴰⵏ, ⴰⴱⴷⴻⵍⴽⴰⴷⴻⵔ ⴱⴻⵏⵙⴰⵍⴰⵀ ⴷ ⵓⵏⴻⵖⵍⴰⴼ ⵏ ⵜⴻⵎⵙⴻⵜⵍⴻⵍⵜ ⵜⴰⵖⴻⵍⵏⴰⵡⵜ, ⵜⴰⵡⴰⵛⵓⵍⵜ ⴷ ⵜⴻⴳⵏⵉⵜ ⵏ ⵜⵎⴻⵟⵟⵓⵜ, ⵎⵧⵓⵏⵉⴰ ⵎⴻⵙⵍⴻⵎ.
