Asebter amenzawi

Aneɣlaf n yidles yemmuger amefti ameqran n Surya

LEZZAYER – Aneɣlaf n yidles, Azzedine Mihoubi, yemmuger ass n letniyen deg Lezzayer Tamaneɣt amefti ameqran n Surya, ccix Ahmad Badreddine Hassoune, ay d-igan tirzi n dduṛt ɣef Lezzayer.

Deg umyager-a, ssawlen ɣef waṭas n temsal ay yeqqnen ɣer yidles d wazal ay yesɛa deg ddin.

« Tisuda n ddin ḥwaǧent idles » akken « inaw n ddin ay yettwawehhan i yiɣerfan aɛṛaben, i umaḍal ineslem d talsa s lekmal-nnes ad yili d inaw inuṛen » ara yeǧǧen medden ad fehmen izen d wazal-nnes, ɣef wakken ay d-yenna umefti ameqran n Surya.

Ccix Ahmad Badreddine Hassoune yeckeṛ-d, daɣ, « abdad » n Lezzayer ɣer yidis n Surya, am wakken ay yerra tajmilt i umezruy aqbur n Lezzayer d yidles-nnes « ameṛkanti, imnewweɛ ».

Amefti ameqran n Surya yemmuger-it yagi uneɣlaf n tɣawsiwin n ddin d lḥubus, Mohamed Aissa, aselway n Useqqamu n uɣlan, Abdelkader Bensalah d uneɣlaf n temsetlelt taɣelnawt, tawacult d tegnit n tmeṭṭut, Mounia Meslem.