ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵖⴻⵣⵣⴰ: ⴰⵟⴰⵙ ⵏ ⵢⵉⴳⴻⵔⴷⴰⵏ ⴰⵢ ⵍⴰ ⵢⴻⵜⵜⵎⴻⵜⵜⴰⵜⴻⵏ ⵖⴻⴼ ⵍⴵⴰⵍ ⵏ ⵓⵃⵕⴰⵙ ⵉⵙⵕⴰⵢⵉⵍⵉ

ⵖⴻⵣⵣⴰ (ⴼⴰⵍⴻⵙⵟⵉⵏ) – ⴷ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴷⴻⴳ 50 ⵏ ⵢⵉⵙⴻⴳⴳⴰⵙⴻⵏ ⴷⴻⴳ ⴰⵔⴰ ⵢⴰⵍⵉ ⵓⵎⴹⴰⵏ ⵏ ⵢⵉⴳⴻⵔⴷⴰⵏ ⴰⵢ ⵢⴻⵜⵜⵎⴻⵜⵜⴰⵜⴻⵏ ⴷⴻⴳ Ɣⴻⵣⵣⴰ ⴰⵔⵎⵉ ⴷ ⴰⵙⵡⵉⵔ ⴷⴻⴳ ⵢⴻⵍⵍⴰ ⵉⵎⵉⵔ-ⴰ, ⵢⴻⵔⵏⴰ ⵢⴻⵍⵍⴰ-ⴷ ⵡⴰⵢⴰ ⵖⴻⴼ ⵍⴵⴰⵍ ⵏ ⵜⴻⵔⴳⵓⵍⵜ ⴰⵢ ⴷ-ⵜⵃⴻⵜⵜⴻⵎ ⵉⵙⵕⴰⵢⵉⵍ ⵖⴻⴼ ⵓⴱⴰⵏⴷⵓ-ⴰ ⵏ ⵡⴰⴽⴰⵍ ⴰⴼⴰⵍⴻⵙⵟⵉⵏⵉ ⴰⵢ ⴷ-ⵎⴰⵣⴰⵍ ⵢⴻⵏⴹⴻⵔⵔ ⵙⴻⴳ ⵓⵜⵄⴻⴷⴷⵉ-ⵏⵏⵉ ⴰⵙⴻⵔⴷⴰⵙⵉ ⵏ ⵓⵏⴻⴱⴷⵓ ⵢⴻⵣⵔⵉⵏ ⴷⴻⴳ ⵎⵎⵓⵜⴻⵏ 2200 ⵏ ⵎⴻⴷⴷⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⴳⴳⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ-ⵢⴻⵍⵀⴰⵏ ⴷ ⵢⵉⵣⵔⵓⵣⴰⵖ ⵉⴼⴰⵍⴻⵙⵟⵉⵏⵉⵢⴻⵏ (ⵓⵏⵔⵡⴰ).

ⴰⵎⴹⴰⵏ ⵏ ⵢⵉⵍⵓⴼⴰⵏⴻⵏ ⴰⵢ ⵢⴻⵜⵜⵎⴻⵜⵜⴰⵜⴻⵏ ⴷⴻⴳ 4 ⵏ ⵍⴻⴷⵡⴰⵕ ⵜⵉⵎⴻⵣⵡⵓⵔⴰ ⵏ ⵜⵎⴻⴷⴷⵓⵔⵜ-ⵏⵙⴻⵏ ⴷⴻⴳ Ɣⴻⵣⵣⴰ ⵢⴻⵡⵡⴻⴹ ⵖⴻⵔ 12 ⴷⴻⴳ 1000 ⴷⴻⴳ 2008, ⵙⴰⴽⴽⵉⵏ ⵢⴻⵡⵡⴻⴹ ⵖⴻⵔ 20,3 ⴷⴻⴳ 1000 ⴷⴻⴳ 2013 ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵙⵃⴰⵙⵙⴻⴼ ⵜⵏⴻⴳⴳⴰ ⵏ ⵓⵏⵔⵡⴰ.

ⴰⵎⴹⴰⵏ ⵏ ⵢⵉⵍⵓⴼⴰⵏⴻⵏ ⵉⵖⴻⵣⵣⴰⵡⵉⵢⴻⵏ ⴰⵢ ⵢⴻⵜⵜⵎⴻⵜⵜⴰⵜⴻⵏ ⵓⵇⴱⴻⵍ ⵎⴰ ⵇⴻⴼⵍⴻⵏ ⴰⵙⴻⴳⴳⴰⵙ ⵢⴻⵡⵡⴻⴹ ⵖⴻⵔ 127 ⴷⴻⴳ 1000 ⴷⴻⴳ 1960. ⴷⴻⴳ 2008, ⵢⴻⵡⵡⴻⴹ ⵖⴻⵔ 20,2 ⴷⴻⴳ 1000, ⵎⴰ ⴷⴻⴳ 2013, ⵢⴻⵡⵡⴻⴹ ⵖⴻⵔ 22,4 ⴷⴻⴳ 1000.

ⴷⴻⴳ ⵓⵜⵄⴻⴷⴷⵉ-ⵏⵏⵉ ⵉⵙⵕⴰⵢⵉⵍⵉ ⴰⵢ ⴷ-ⵢⴻⵍⵍⴰⵏ ⵖⴻⴼ ⵜⴻⵙⴼⵉⴼⵜ ⵏ Ɣⴻⵣⵣⴰ ⴰⵙⴻⴳⴳⴰⵙ ⵢⴻⵣⵔⵉⵏ, ⴰⵣⴰⵍ ⵏ ⵜⵉⵙ 4 ⵙⴻⴳ 2200-ⵏⵏⵉ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⵢⴻⵎⵎⵓⵜⴻⵏ ⴷ ⵉⴳⴻⵔⴷⴰⵏ.

ⴰⵙⴻⴳⴳⴰⵙ ⵙⴰⴽⴽⵉⵏ, ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵢⵉⵎⴻⵊⵔⴰⵃ ⴰⵢ ⴷ-ⵎⴰⵣⴰⵍ ⵜⴻⵜⵜⴷⴰⵡⵉ ⵜⵓⴷⴷⵙⴰ ⵏ ⵢⵉⵎⵙⵓⵊⵊⵉⵢⴻⵏ ⵡⴰⵔ ⵜⵉⵍⵉⵙⴰ ⴷ ⵉⴳⴻⵔⴷⴰⵏ. ⵏⵏⵉⴳ ⵡⴰⵢⴰ, ⴷ ⵜⵉⵎⴻⵢⵢⴰⵜⵉⵏ ⵏ ⵍⵓⵍⵓⴼ ⵏ ⵢⵉⴳⴻⵔⴷⴰⵏ ⴰⵢ ⵎⴰⵣⴰⵍ ⵃⵡⴰⴵⴻⵏ ⴰⴷⴰⵡⵉ ⵏ ⵜⵏⴻⴼⵙⵉⵜ.

ⵖⴻⴼ ⵍⴻⵃⵙⴰⴱ ⵏ ⴰⴽⵉⵀⵉⵔⵧ ⵙⴻⵉⵜⴰ, ⴰⵏⴻⵎⵀⴰⵍ ⵏ ⵡⴰⵀⵉⵍ ⵏ ⵜⴷⴰⵡⵙⴰ ⵏ ⵜⵏⴻⴳⴳⴰ ⵏ ⵓⵏⵔⵡⴰ, « ⵜⴰⵎⴻⵜⵜⴰⵏⵜ ⵏ ⵢⵉⴳⴻⵔⴷⴰⵏ ⴷ ⵢⵉⵡⴻⵏ ⵙⴻⴳ ⵢⵉⵎⴰⵜⴰⵔⴻⵏ ⵉⵎⵅⴻⵢⵢⵔⴻⵏ ⴰⵢ ⴷ-ⵢⴻⵎⵎⴰⵍⴻⵏ ⵜⴰⴳⵏⵉⵜ ⵏ ⵜⴷⴰⵡⵙⴰ ⵏ ⵢⵉⵎⴻⵣⴷⴰⵖⴻⵏ ⵏ ⴽⵔⴰ ⵏ ⵜⴻⵎⵏⴰⴹⵜ ».

ⵜⴰⵏⴻⴳⴳⴰ ⵏ ⵓⵏⵔⵡⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵙⴻⵉⵜⴰ ⴷⴻⴳ ⵢⵉⵡⴻⵏ ⵏ ⵓⵍⵖⵓ « ⵢⴻⵛⵖⴻⴱ-ⵉⵜⵜ ⴰⵟⴰⵙ ⵓⵄⴻⴹⴹⴻⵍ ⵏ ⵜⴻⵔⴳⵓⵍⵜ-ⴰ ⴰⵢ ⴷ-ⵢⴻⵍⵍⴰⵏ ⵖⴻⴼ ⵜⴷⴰⵡⵙⴰ, ⵉⵙⴰⴼⴰⵔⴻⵏ ⴷ ⵜⵜⴰⵡⵉⵍⴰⵜ ⵏ ⵓⴷⴰⵡⵉ ⴷⴻⴳ Ɣⴻⵣⵣⴰ ».

ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵜⵓⴷⴷⵙⵉⵡⵉⵏ ⵜⵉⵔⵏⴰⴱⴰⴹⵉⵏ ⵣⴳⴰⵏ ⵜⵜⵄⴻⵢⵢⵉⵏⴻⵏ-ⴷ ⵖⴻⴼ ⵜⴻⴳⵏⵉⵜ ⵏ ⴷⵉⵔⵉ ⴷⴻⴳ ⵍⵍⴰⵏ ⵢⵉⴳⴻⵔⴷⴰⵏ ⵏ ⵜⴻⵙⴼⵉⴼⵜ ⵏ Ɣⴻⵣⵣⴰ ⴰⵏⴷⴰ ⴰⵣⴰⵍ ⵏ 45% ⵏ ⵢⵉⵎⴻⵣⴷⴰⵖⴻⵏ ⵙⵄⴰⵏ ⴷⴷⴰⵡ ⵏ 14 ⵏ ⵢⵉⵙⴻⴳⴳⴰⵙⴻⵏ.

« ⵍⴻⵎⵎⴻⵔ ⴷ ⵍⴻⴱⵖⵉ, ⵓⵔ ⵉⵔⴻⵏⵏⵓ ⴰⵔⴰ ⵓⵎⴹⴰⵏ ⵏ ⵢⵉⴳⴻⵔⴷⴰⵏ ⵢⴻⵜⵜⵎⴻⵜⵜⴰⵜⴻⵏ, ⵢⴻⵔⵏⴰ ⵜⵉⵎⴻⵔⵏⵉⵡⵜ ⴰⵎ ⵜⴰ ⵓⵔ ⵜⴻⵙⵄⵉ ⵜⴰⵎⵜⵉⵍⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⵙⵓⵊⵊⵉ-ⴰ.

ⵢⴻⵏⵏⴰ-ⴷ ⴷ ⴰⴽⴽⴻⵏ « ⵉⵎⴻⴷⵢⴰⵜⴻⵏ ⵉⵡⵃⵉⴷⴻⵏ ⴰⵢ ⴷ-ⵢⵓⵙⴰⵏ ⵖⴻⵔ ⵍⴱⴰⵍ-ⵉⵏⵓ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵢⴰ ⴷ ⵡⵉⴷ ⵏ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ ⴷⴻⴳ ⴰⵟⴰⵏ ⵏ ⵎⴻⴷⴷⴻⵏ ⴰⵢ ⵢⵓⴹⵏⴻⵏ ⴰⴹⴹⴰⵏ ⵏ ⵙⵉⴷⴰ ».

« ⵢⴻⵡⵄⴻⵕ ⴰⴷ ⴷ-ⵏⴰⴼ ⵙⵙⴻⴱⴱⴰⵜ ⵏ ⵜⵉⴷⴻⵜ ⵏ ⵜⵎⴻⵜⵜⴰⵏⵜ ⵏ ⵢⵉⵍⵓⴼⴰⵏⴻⵏ ⴰⵢ ⵎⴰⵣⴰⵍ ⵜⵜⴻⵟⵟⴹⴻⵏ ⵢⴻⵔⵏⴰ ⵓⴳⴰⴷⴻⵖ ⵍⴻⵎⵎⴻⵔ ⴰⵢⴰ ⴰⴷ ⵢⵉⵍⵉ ⵉⵃⵓⵣⴰ ⵓⴳⴰⵔ ⵏ ⵎⴻⴷⴷⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴷⵖⴰ ⴷⴻⴳ ⵜⴻⴳⵏⵉⵜ-ⴰ, ⵉⵎⵉ ⴰⵢ ⵅⵓⵚⵚⴻⵏ ⵢⵉⴷⵔⵉⵎⴻⵏ ⴰⵢ ⵍⴰ ⴷ-ⵢⴻⵜⵜⵡⴰⵚⴻⴷⴷⴰⵇⴻⵏ ⵙⴻⴳ ⵓⵎⴰⴹⴰⵍ, ⵢⴻⵣⵎⴻⵔ ⵍⵃⴰⵍ ⴰⴷ ⵢⴻⵜⵜⵡⴰⵖ ⵡⵓⵖⴰⵍ ⵖⴻⵔ ⵓⵖⴻⵔⴱⴰⵣ ⵏ 225.000 ⵏ ⵢⵉⴳⴻⵔⴷⴰⵏ ⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⵢⴻⵇⵇⴰⵔⴻⵏ ⴷⴻⴳ ⵢⵉⵖⴻⵔⴱⴰⵣⴻⵏ ⵏ ⵜⵏⴻⴳⴳⴰ ⵏ ⵓⵏⵔⵡⴰ ⴷⴻⴳ Ɣⴻⵣⵣⴰ. ⵓⵏⵉⵛⴻⴼ ⵜⴻⵏⵏⴰ-ⴷ ⵢⴰⴳⵉ ⴷ ⴰⴽⴽⴻⵏ ⴷⴻⴳ ⵓⵙⴻⴳⴳⴰⵙ ⴰⵖⵓⵔⴱⵉⵣ ⵢⴻⵣⵔⵉⵏ, ⴰⵟⴰⵙ ⵏ ⵢⵉⴳⴻⵔⴷⴰⵏ ⵓⵔ ⵢⴻⵔⴱⵉⵃⴻⵏ ⴰⵔⴰ ⴷⴻⴳ ⵜⴻⵣⵔⴰⵡⵉⵏ-ⵏⵙⴻⵏ ⵉⵎⵉ ⴰⵢ ⵎⴰⵣⴰⵍ ⵜⵃⵓⵣⴰ-ⵜⴻⵏ ⵜⵢⵉⵜⴰ-ⵏⵏⵉ ⵏ ⵓⵜⵄⴻⴷⴷⵉ ⴰⵙⴻⵔⴷⴰⵙⵉ ⵉⵙⵕⴰⵢⵉⵍⵉ.