ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⴰⵍⵉ: ⵜⴰⴳⵔⴰⵡⵜ ⵜⴰⴳⵔⴰⵖⵍⴰⵏⵜ ⵉ ⵓⵃⵜⴰⵛ ⵖⴻⴼ ⵜⴻⴷⵢⴰⵏⵜ ⵏ ⵙⴻⵠⴰⵔⴻ
ⴱⴰⵎⴰⴽⵧ – ⵡⵡⴹⴻⵏ-ⴷ ⴰⵙⵙ ⵏ ⵍⵃⴻⴷⴷ ⵖⴻⵔ ⵙⴻⵠⴰⵔⴻ ⵢⵉⵎⴰⵣⵣⴰⵢⴻⵏ ⵉⴳⵔⴰⵖⵍⴰⵏⴻⵏ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⴰⴽⴽⴻⵏ ⴰⴷ ⵄⴰⵡⵏⴻⵏ ⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ ⵉⵎⴰⵍⵉⵢⴻⵏ ⴷⴻⴳ ⵓⵃⵜⴰⵛ ⵖⴻⴼ ⵜⵓⴹⴹⴼⴰ-ⵏⵏⵉ ⵏ ⵢⵉⵎⴻⵕⵀⴰⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵡⵓⵙⵙⴰⵏ-ⴰ ⵉⵏⴻⴳⴳⵓⵔⴰ ⴷⴻⴳ ⵓⵙⴻⵏⵙⵓ ⵏ ⴱⵢⴱⵍⵧⵙ ⴷⴻⴳ ⵜⴻⵎⴷⵉⵏⵜ-ⴰ ⵏ ⵜⵍⴻⵎⵎⴰⵙⵜ ⵏ ⵎⴰⵍⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵢⵉⵡⴻⵜ ⵏ ⵜⴻⵖⴱⴰⵍⵓⵜ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⵜⴰⵎⴰⵍⵉⵜ.
ⴰⵙⵙ ⵏ ⵍⴵⴻⵎⵄⴰ, ⵢⴻⵏⵏⴰ-ⴷ ⵓⵏⴰⴱⴰⴹ ⴰⵎⴰⵍⵉ ⴷ ⴰⴽⴽⴻⵏ ⵢⴻⴹⴹⴻⴼ 7 ⵏ ⵢⵉⵎⴻⵛⴽⵓⴽⴻⵏ ⵢⴻⵔⵏⴰ ⵢⵓⵣⴻⵏ-ⵉⵜⴻⵏ ⵖⴻⵔ ⴱⴰⵎⴰⴽⵧ, ⵎⴰⵛⴰ ⴰⴽⴽ ⵉⵎⴷⴰⵏⴻⵏ ⴰⵢ ⵢⴻⵜⵜⵡⴰⴹⴹⴼⴻⵏ « ⴱⵔⴰⵏ-ⴰⵙⴻⵏ », ⵢⴻⵔⵏⴰ ⵓⵔ ⴷ-ⵜⵜⵡⴰⴽⴻⵛⴼⴻⵏ ⴰⵔⴰ ⵢⵉⵙⵎⴰⵡⴻⵏ-ⵏⵙⴻⵏ, ⴰⵢ ⴷ-ⵜⴻⵏⵏⴰ ⵢⵉⵡⴻⵜ ⵏ ⵜⴻⵖⴱⴰⵍⵓⵜ ⵏ ⵜⵖⴻⵍⵍⵉⵙⵜ ⴷⴻⴳ ⵙⴻⵠⴰⵔⴻ ⴰⵢ ⴷ-ⵜⴻⴱⴷⴻⵔ ⵔⴼⵉ.
ⵢⴻⵍⵍⴰ-ⴷ ⵛⵛⴻⴽ ⴷ ⴰⵎⴻⵇⵔⴰⵏ ⴷ ⴰⴽⴽⴻⵏ ⵜⵓⴹⴹⴼⴰ-ⵏⵏⵉ ⵏ ⵢⵉⵎⴻⵕⵀⴰⵏ ⵏ ⵡⴰⵙⵙ ⵏ ⵍⴵⴻⵎⵄⴰ ⴷⴻⴳ ⵓⵙⴻⵏⵙⵓ ⵏ ⴱⵢⴱⵍⵧⵙ ⴷⴻⴳ ⵙⴻⵠⴰⵔⴻ (ⴷⴻⴳ ⵜⵍⴻⵎⵎⴰⵙⵜ ⵏ ⵎⴰⵍⵉ) ⵜⴳⴰ-ⵜⵜ ⵢⵉⵡⴻⵜ ⵏ ⵜⴻⴳⵔⴰⵡⵜ ⵉⵙⴻⵎ-ⵏⵏⴻⵙ « ⵜⵉⵔⵏⵉ ⵏ ⵓⵙⵍⴻⵍⵍⵉ ⵏ ⵎⴰⵛⵉⵏⴰ », ⵢⴻⵔⵏⴰ ⵜⴰⴳⵔⴰⵡⵜ-ⴰ ⴷ ⵜⴰⵎⵙⵉⵙⵉⵜ ⵏ ⵜⴻⴳⵔⴰⵡⵜ ⵜⴰⵔⴻⴱⵔⴰⴱⵜ ⵏ ⴰⵏⵙⴰⵔ ⴻⴷⴷⵉⵏⴻ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴰⵙⵙ ⵏ ⵍⵃⴻⴷⴷ ⵢⵉⵡⴻⵜ ⵏ ⵜⴻⵖⴱⴰⵍⵓⵜ ⵏ ⵜⵖⴻⵍⵍⵉⵙⵜ ⵜⴰⵎⴰⵍⵉⵜ.
ⴰⵙⴻⵏⵙⵓ ⵏ ⴱⵢⴱⵍⵧⵙ ⵢⴻⵃⴱⴻⵙ ⴰⵎⴰⵀⵉⵍ (ⴰⵅⴻⴷⴷⵉⵎ) ⵙⴻⴳ 2011, ⴰⵙⵎⵉ ⴰⵢ ⵜⴻⵏⴽⴻⵔ ⵜⴰⵍⵓⴼⵜ ⵏ ⵓⴳⴰⴼⴰ ⵏ ⵎⴰⵍⵉ. ⵙⴰⴽⴽⵉⵏ, ⵜⴰⴽⴻⴱⴱⴰⵏⵉⵜ ⵏ ⵜⵍⵓⵊⵉⵙⵜⵉⵜ ⵜⴰⴳⴻⵏⵡⴰⵏⵜ ⵏ ⵜⴻⴼⵔⵉⵇⵜ ⵏ ⵓⵏⵥⵓⵍ (ⵓⵜⴻⵔ) ⴰⵢ ⵉⵅⴻⴷⴷⵎⴻⵏ ⵖⴻⵔ ⵢⵉⴷⵉⵙ ⵏ ⵜⵓⵖⴷⴰⴹⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵎⴰⵍⵉ (ⵎⵉⵏⵓⵙⵎⴰ) ⵜⴻⴽⵔⴰ ⴰⵙⴻⵏⵙⵓ-ⵏⵏⵉ ⴰⴽⴽⴻⵏ ⴰⴷ ⵜⴻⵙⵏⵓⵙⵓⵢ ⴷⴻⴳ-ⵙ ⵉⵅⴻⴷⴷⴰⵎⴻⵏ-ⵏⵏⴻⵙ ⴷⴻⴳ ⵜⴻⵎⴷⵉⵏⵜ ⵏ ⵙⴻⵠⴰⵔⴻ. Ɣⴻⴼ ⵍⴻⵃⵙⴰⴱ ⵏ ⵢⵉⵡⴻⵜ ⵏ ⵜⴻⵖⴱⴰⵍⵓⵜ ⵏ ⵎⵉⵏⵓⵙⵎⴰ, ⴰⵙⴻⵏⵙⵓ-ⵏⵏⵉ ⵓⵔ ⵜⴻⵍⵍⵉ ⴰⵔⴰ ⵜⴻⴵⵀⴻⴷ ⴷⴻⴳ-ⵙ ⵜⵖⴻⵍⵍⵉⵙⵜ.
ⵖⴻⴼ ⵍⴻⵃⵙⴰⴱ ⵏ ⵜⴻⵖⴱⴰⵍⵓⵜ-ⴰ, ⵜⵓⵎⵎⵖⴰ-ⵏⵏⵉ ⵜⴻⵍⵍⴰ ⵜⴻⵣⵎⴻⵔ ⴰⴷ ⴷ-ⵜⴻⴳⵍⵓ ⵙ ⵡⵓⴳⴰⵔ ⵏ ⵢⵉⵅⴻⵚⵚⴰⵔⴻⵏ ⵍⴻⵎⵎⴻⵔ ⴷ ⴰⵢ ⴷ-ⵎⵎⵉⵖⴻⵏ ⵢⵉⵔⴻⴱⵔⴰⴱⴻⵏ-ⵏⵏⵉ ⴷⴻⴳ ⵢⵉⴹ, ⵉⵎⵉ ⵉⵎⵉⵔ-ⵏⵏⵉ ⴰⵔⴰ ⵉⵍⵉⵏ ⴷⵉⵏ 15-ⵏⵏⵉ ⵏ ⵢⵉⵅⴻⴷⴷⴰⵎⴻⵏ ⵏ ⵜⴽⴻⴱⴱⴰⵏⵉⵜ ⵏ ⵓⵜⴻⵔ ⵖⴻⴼ ⵜⴻⵙⵡⵉⵄⵜ. ⴰⵙⵙ-ⴰ, ⴰⵙⴻⵏⵙⵓ-ⵏⵏⵉ ⵢⴻⵔⵡⵉ, ⵜⵉⵅⵅⴰⵎⵉⵏ-ⵏⵏⴻⵙ ⵔⵔⵥⴻⵏⵜ ⵢⴻⵔⵏⴰ ⵞⵞⵓⵕⴻⵏ ⵢⵉⵖⴻⵔⴱⴰⵏ-ⵏⵏⴻⵙ ⴷ ⵍⴰⵜⴻⵕ ⵏ ⵜⵢⵉⵜⵉⵡⵉⵏ ⵏ ⵔⵔⵚⴰⵚ.
ⵎⴰ ⵓⵍⴰⵛ, 12 ⵏ ⵢⵉⵎⴷⴰⵏⴻⵏ ⴰⵢ ⵢⴻⵎⵎⵓⵜⴻⵏ ⴷⴻⴳ ⵜⵓⴹⴹⴼⴰ-ⵏⵏⵉ ⵏ ⵢⵉⵎⴻⵕⵀⴰⵏ, ⴳⴰⵔ-ⴰⵙⴻⵏ « ⵙⴻⵎⵎⵓⵙ ⵏ ⵢⵉⵔⴻⴱⵔⴰⴱⴻⵏ » ⵖⴻⴼ ⵍⴻⵃⵙⴰⴱ ⵏ ⵜⴻⵖⴱⵓⵍⴰ ⵜⵉⵙⴻⵔⴷⴰⵙⵉⵢⵉⵏ ⵜⵉⵎⴰⵍⵉⵢⵉⵏ ⵢⴻⵎⴳⴻⵔⵔⴰⴷⴻⵏ.
ⴷ ⴰⵛⵓ ⴽⴰⵏ ⵍⴻⵃⵙⴰⴱ-ⴰ ⵢⴻⵣⵎⴻⵔ ⴰⴷ ⵢⵉⵍⵉ ⵎⴻⵖⵖⴻⵔ ⵓⴳⴰⵔ ⵢⴻⵔⵏⴰ ⵜⵓⵖⴷⴰⴹⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵎⴰⵍⵉ ⵜⴻⵏⵏⴰ-ⴷ ⴷ ⴰⴽⴽⴻⵏ ⵎⵎⵓⵜⴻⵏ 5 ⵙⴻⴳ ⵢⵉⵅⴻⴷⴷⴰⵎⴻⵏ ⵏ ⵜⴽⴻⴱⴱⴰⵏⵉⵜ ⴰⵢ ⵜⵡⴻⴽⴽⴻⵍ: « ⵢⵉⵡⴻⵏ ⵏ ⵓⵎⴰⵍⵉ ⴰⵢ ⵢⴻⵍⵍⴰⵏ ⴷ ⴰⵏⴻⵀⵀⴰⵕ ⵏ ⵜⴽⴻⴱⴱⴰⵏⵉⵜ-ⵏⵏⵉ, ⵢⵉⵡⴻⵏ ⵏ ⵓⵏⵉⵒⴰⵍⵉ, ⵢⵉⵡⴻⵏ ⵙⴻⴳ ⵜⴻⴼⵔⵉⵇⵜ ⵏ ⵓⵏⵥⵓⵍ ⴷ ⵙⵉⵏ ⵏ ⵡⵓⴽⵕⴰⵏⵉⵢⴻⵏ ».
