ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵎⵖⵓⵏⵜ ⵏ ⵢⵉⵍⵖⵓⵖⴻⵏ ⵏ ⵜⴻⴼⵔⵉⵇⵜ: ⵓⵙⵎ ⵍⴻⵣⵣⴰⵢⴻⵔ ⴷⴻⴳ ⵓⵣⴳⴻⵏ ⵏ ⵜⵏⴻⴳⴳⴰⵔⵓⵜ
ⵣⵓⵔⵉⵛⵀ – ⵓⵙⵎ ⵍⴻⵣⵣⴰⵢⴻⵔ (ⵜⴰⵍⵖⵓⵖⵜ ⵏ 2013-2014) ⴷ ⵏⴻⵜⵜⴰⵜ ⴰⵢ ⴷ ⵜⴰⵖⵍⴰⵎⵜ ⵜⴰⵎⴻⵣⵡⴰⵔⵓⵜ ⴰⵢ ⵉⵄⴻⴷⴷⴰⵏ ⵖⴻⵔ ⵓⵣⴳⴻⵏ ⵏ ⵜⵏⴻⴳⴳⴰⵔⵓⵜ ⵏ ⵜⴻⵎⵖⵓⵏⵜ ⵏ ⵢⵉⵖⵍⵓⵖⴻⵏ ⵏ ⵜⴻⴼⵔⵉⵇⵜ ⴷⴻⴼⴼⵉⵔ ⵎⴰ ⵜⴻⵔⵏⴰ ⵍⵄⴻⵍⵎⴰ ⵙ 1 ⵖⴻⵔ 0, ⵎⴰ ⴷ ⴻⵙ ⵙⴹⵉⴼ (ⵜⴰⵍⵖⵓⵖⵜ ⵏ ⵜⴻⴼⵔⵉⵇⵜ ⵏ ⵓⵙⴻⴳⴳⴰⵙ-ⴰ) ⴰⵜⵜⴰⵏ ⴷⴻⴳ ⵓⵎⵉⵀⵉ ⵉⵎⵉ ⴰⵢ ⵜⴻⵅⵚⴻⵔ ⵎⴳⴰⵍ ⵜⴻⵖⵍⴰⵎⵜ ⵜⴰⵙⵓⴷⴰⵏⵉⵜ ⵏ ⴰⵍ ⵎⴻⵔⵔⴻⵉⴽⵀ (2 ⵖⴻⵔ 0), ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴼⵉⴷⵉⵕⴰⵍⵉⵜ ⵜⴰⴳⵔⴰⵖⵍⴰⵏⵜ ⵏ ⵜⵛⵉⵔⵜ ⵏ ⵓⴹⴰⵔ (ⴼⵉⴼⴰ)
ⵜⴰⵖⵍⴰⵎⵜ ⵏ ⵓⵙⵎ ⵍⴻⵣⵣⴰⵢⴻⵔ ⵜⴻⵔⴱⴻⵃ ⵉ ⵜⵉⴽⴽⴻⵍⵜ ⵜⵉⵙ 4 ⵢⴻⵔⵏⴰ ⵢⴰⵍ ⵜⵉⴽⴽⴻⵍⵜ ⴰⵢⴷⴻⴳ ⴰⵔⴰ ⵜⴻⴼⴼⴻⵖ, ⴰⴷ ⵜⴻⵔⴱⴻⵃ ⵜⵉⵎⵍⵉⵍⵉⵜ-ⵏⵏⴻⵙ. ⵎⴰ ⴷ ⴻⵙ ⵙⴹⵉⴼ, ⵜⴰⵍⵖⵓⵖⵜ ⵏ ⵜⴻⴼⵔⵉⵇⵜ, ⴰⴷ ⵜⴻⵜⵜⵡⴰⵥⵥⴻⵄ ⵙⴻⴳ ⵜⴻⵎⵙⵉⵣⵡⴻⵔⵜ ⵎⴰ ⵢⴻⵍⵍⴰ ⵜⴰⵖⵍⴰⵎⵜ ⵏ ⴰⵍ ⵎⴻⵔⵔⴻⵉⴽⵀ ⴰⴷ ⵜⴻⵔⴱⴻⵃ ⵢⵉⵡⴻⵜ ⵙⴻⴳ ⵙⵏⴰⵜ-ⵏⵏⵉ ⵏ ⵜⴻⵎⵍⵉⵍⵉⵢⵉⵏ ⴰⵢ ⴰⵙ-ⴷ-ⵢⴻⵇⵇⵉⵎⴻⵏ ⴰⴷ ⵜⴻⵏⵜ-ⵜⵓⵔⴰⵔ.
ⵙⵏⴰⵜ ⵏ ⵜⴻⵖⵍⴰⵎⵉⵏ ⵜⵉⵎⵅⴻⵢⵢⵔⵉⵏ ⴷⴻⴳ ⵢⴰⵍ ⵜⴰⴳⵔⴰⵡⵜ ⴰⴷ ⵄⴻⴷⴷⵉⵏⵜ ⵖⴻⵔ ⵓⵣⴳⴻⵏ ⵏ ⵜⵏⴻⴳⴳⴰⵔⵓⵜ, ⵢⴻⵔⵏⴰ ⵜⵉⵏ ⴰⵔⴰ ⵉⵔⴻⴱⵃⴻⵏ ⴷⴻⴳ ⵜⴻⵍⵖⵓⵖⴰ-ⴰ ⴰⴷ ⵜⵓⵔⴰⵔ ⵙ ⵢⵉⵙⴻⵎ ⵏ ⵜⴻⴼⵔⵉⵇⵜ ⴷⴻⴳ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ ⵜⴻⵖⵍⴰⵎⵉⵏ ⵏ ⴼⵉⴼⴰ ⴰⵔⴰ ⴷ-ⵢⵉⵍⵉⵏ ⴷⴻⴳ ⵜⴳⴰⵔⴰ ⵏ ⵓⵙⴻⴳⴳⴰⵙ-ⴰ ⴷⴻⴳ ⵊⴰⵒⵓⵏ.
ⵜⴰⵖⵍⴰⵎⵜ ⵏ ⵓⵙⵎ ⵍⴻⵣⵣⴰⵢⴻⵔ ⵜⴻⵊⵎⴻⵄ-ⴷ 12 ⵏ ⵜⴻⵏⵇⵉⴹⵉⵏ ⵖⴻⴼ 12, ⵢⴻⵔⵏⴰ ⵜⴻⵣⵡⴰⵔ ⴰⵍ ⵎⴻⵔⵔⴻⵉⴽⵀ ⵙ 5 ⵏ ⵢⵉⵎⵓⴽⴰⵏ. ⴷⴻⴳ ⵜⴻⵎⵍⵉⵍⵉⵜ ⴰⵢⴷⴻⴳ ⵜⴻⵅⵚⴻⵔ ⴻⵙ ⵙⴹⵉⴼ, ⴷ ⴰⵍⴰⴻⴷⵉⵏ ⵢⵧⵓⵙⵉⴼ ⵀⴰⴷⵧ ⴰⵢ ⵢⴻⵙⵙⴰⴷⴼⴻⵏ ⵉⵙⵡⵉ ⴰⵎⴻⵣⵡⴰⵔⵓ ⵎⴳⴰⵍ ⵙⴹⵉⴼ ⵙ ⵜⵢⵉⵜⴰ ⵏ ⵜⴻⵎⵇⴰⵙⵉⵜ ⴰⵢ ⴷ-ⵢⴻⵍⵍⴰⵏ ⵓⵇⴱⴻⵍ ⴰⵙⴳⵓⵏⴼⵓ ⵏ ⵓⵣⴳⴻⵏ ⵏ ⵡⴰⴽⵓⴷ. ⵎⴰ ⴷ ⵉⵙⵡⵉ ⵡⵉⵙ ⵙⵉⵏ ⵢⴻⵙⵙⴰⴷⴻⴼ-ⵉⵜ ⵓⵎⴻⵏⵟⴰⴳ ⴰⴳⵀⴰⵏⵉ ⴰⵓⴳⵓⵙⵜⵉⵏⴻ ⵧⴽⵔⴰⵀ ⴷⴻⴳ ⵜⴻⴷⵇⵉⵇⵉⵏ ⵜⵉⵏⴻⴳⴳⵓⵔⴰ.
ⵜⵉⴽⴽⴻⵍⵜ ⵜⴰⵏⴻⴳⴳⴰⵔⵓⵜ ⴰⵢⴷⴻⴳ ⵜⴻⵡⵡⴻⴹ ⵓⵙⵎ ⵍⴻⵣⵣⴰⵢⴻⵔ ⵖⴻⵔ ⵓⵣⴳⴻⵏ ⵏ ⵜⵏⴻⴳⴳⴰⵔⵓⵜ ⵜⴻⵍⵍⴰ-ⴷ ⴷⴻⴳ 2003. ⴰⵙⴻⴳⴳⴰⵙ-ⵏⵏⵉ, ⴷ ⵜⴰⵖⵍⴰⵎⵜ ⵏ ⴻⵏⵢⵉⵎⴱⴰ ⴰⵢ ⵢⴻⵔⵏⴰⵏ ⵓⵙⵎ ⵍⴻⵣⵣⴰⵢⴻⵔ ⵢⴻⵔⵏⴰ ⴷ ⵏⴻⵜⵜⴰⵜ ⴰⵢ ⵉⵔⴻⴱⵃⴻⵏ ⵜⴰⵍⵖⵓⵖⴰ-ⵏⵏⵉ.
ⵉⵎⴰⵔⵉⵔⴻⵏ ⵏ ⵓⵙⵎ ⵍⴻⵣⵣⴰⵢⴻⵔ ⵍⵍⴰⵏ ⵥⵔⴰⵏ ⴷⴰⴽⴽⴻⵏ ⵔⵔⴱⴻⵃ-ⵏⵙⴻⵏ ⴰⴷ ⵜⴻⵏ-ⵢⴻⴵⴵ ⴰⴷ ⵄⴻⴷⴷⵉⵏ ⵓⵇⴱⴻⵍ ⵢⴰⴳⵉ ⵎⴰ ⵜⴻⴱⴷⴰ ⵜⴻⵎⵍⵉⵍⵉⵜ-ⵏⵙⴻⵏ ⴷ ⵍⵄⴻⵍⵎⴰ. ⵎⵧⵀⴰⵎⴻⴷ ⵔⴰⴱⵉⴻ ⵎⴻⴼⵜⴰⵀ ⴰⵢ ⴷ-ⵉⵏⴻⴽⵔⴻⵏ ⴷⴻⴳ ⵜⵡⴰⵛⵓⵍⵜ ⵢⴻⵜⵜⵡⴰⵙⵙⵏⴻⵏ ⴷⴻⴳ ⵜⴽⵓⵔⵜ ⵏ ⵓⴹⴰⵔ, ⴷ ⵏⴻⵜⵜⴰ ⴰⵢ ⵢⴻⵙⵙⴰⴷⴼⴻⵏ ⵉⵙⵡⵉ ⴰⵡⵃⵉⴷ ⵏ ⵜⴻⵎⵍⵉⵍⵉⵜ-ⴰ ⵙ ⵜⵢⵉⵜⴰ ⵏ ⵢⵉⵖⴻⴼ 4 ⵏ ⵜⴻⴷⵇⵉⵇⵉⵏ ⴷⴻⴼⴼⵉⵔ ⵎⴰ ⵉⴼⵓⴽ ⵓⵙⴳⵓⵏⴼⵓ ⵏ ⵓⵣⴳⴻⵏ ⵏ ⵡⴰⴽⵓⴷ.
