ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵊⵙⴽ: ⴳⴰⵔ ⵓⵎⵊⴰⴷⴻⵍ ⴷ ⵡⵓⵖⴰⵍ ⵖⴻⵔ ⵓⵙⵡⵉⵔ ⵢⴻⵍⵀⴰⵏ
ⵜⵉⵣⵉ ⵡⴻⵣⵣⵓ – ⵉⵍⴻⵎⵥⵉⵢⴻⵏ ⵉⵏⴰⴷⴷⴰⵍⴻⵏ ⵏ ⵍⴻⵇⴱⴰⵢⴻⵍ (ⵊⵙⴽ) ⵙⵡⴻⵊⴷⴻⵏ ⵉⵎⴰⵏ-ⵏⵙⴻⵏ ⵉ ⵜⵙⴻⵎⵀⵓⵢⵜ ⵏ 2015-2016 ⴷⴻⴳ ⵜⴻⴳⵏⵉⵜ ⴷⴻⴳ ⴰⵣⴻⴽⴽⴰ ⵓⵔ ⵉⴱⴰⵏ ⴰⵔⴰ ⴰⵎⴻⴽ ⵢⴻⵔⵏⴰ ⵢⴻⴳⴳⵓⵏⵉ ⵓⵎⴻⵛⵡⴰⵕ ⵖⴻⵣⵣⵉⴼⴻⵏ ⵉ ⵡⵓⵖⴰⵍ ⵖⴻⵔ ⵓⵙⵡⵉⵔ ⵢⴻⵍⵀⴰⵏ ⵏ ⵡⵓⵔⴰⵔ, ⵍⴰⴷⵖⴰ ⵉⵎⵉ ⵜⴰⵖⵍⴰⵎⵜ-ⴰ ⵜⴻⵡⵡⵉ-ⴷ ⴰⵎⴻⵛⵡⴰⵕ ⵏ « ⵜⵡⴰⵖⵉⵜ » ⴷⴻⴳ ⵜⵙⴻⵎⵀⵓⵢⵜ ⵢⴻⵣⵔⵉⵏ ⵉⵎⵉ ⵙ ⵛⵛⴻⵃ ⴽⴰⵏ ⴰⵢ ⵜⴻⵙⵍⴻⴽ ⵙⴻⴳ ⵓⵖⴻⵍⵍⵓⵢ ⵖⴻⵔ ⵜⴻⵎⵖⵓⵏⵜ ⵜⵉⵙ 2. ⴰⵢⴰ ⴰⴽⴽ ⵢⴻⵍⵍⴰ-ⴷ ⴷⴻⴳ ⵜⴰⵍⵍⵉⵜ ⴷⴻⴳ ⵉⵎⴰⵔⵉⵔⴻⵏ ⵉⵇⴱⵓⵔⴻⵏ ⵏ ⵜⴻⵖⵍⴰⵎⵜ-ⴰ ⴱⵖⴰⵏ ⴰⴷ ⵢⴻⵜⵜⵉⵅⴻⵔ ⵎⵧⵀⴰⵏⴷ-ⵛⵀⴻⵔⵉⴼ ⵀⴰⵏⵏⴰⵛⵀⵉ.
ⵉⵎⵉⵔ-ⴰ, ⵓⵍⴰ ⵎⴰ ⵜⴻⵙⵍⴻⴽ ⵜⴻⵖⵍⴰⵎⵜ ⵏ ⵢⵉⵍⴻⵎⵥⵉⵢⴻⵏ ⵉⵏⴰⴷⴷⴰⵍⴻⵏ ⵏ ⵍⴻⵇⴱⴰⵢⴻⵍ ⵙⴻⴳ ⵓⵖⴻⵍⵍⵓⵢ, ⵎⴰⵛⴰ ⵎⴰⵣⴰⵍ ⵛⵛⵡⴰⵍ ⴳⴰⵔ ⵢⵉⵎⴰⵔⵉⵔⴻⵏ ⵉⵇⴱⵓⵔⴻⵏ ⴷ ⵓⵙⴻⵍⵡⴰⵢ ⵏ ⵜⴻⵖⵍⴰⵎⵜ, ⵢⴻⵔⵏⴰ ⵍⵍⴰⵏⵜ-ⴷ ⵓⵍⴰ ⴷ ⵜⵉⴽⵍⵉⵡⵉⵏ ⵜⵉⵖⴻⵔⴼⴰⵏⵉⵏ ⴷⴻⴳ ⵎⴻⴷⴷⴻⵏ ⵙⵙⵓⵜⵔⴻⵏ ⴰⴷ ⵢⴻⵜⵜⵉⵅⴻⵔ ⵓⵏⴻⴳⴳⴰⵔⵓ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵍⵍⴰ ⵛⵛⵕⴻⵄ ⴷⴻⴳ ⴰⵢ ⴷ-ⵢⴻⵜⵜⵡⴰⴽⵛⴻⴼ ⴷ ⴰⴽⴽⴻⵏ ⴰⵙⵙⴻⴼⵔⴻⴽ ⵏ ⵜⴻⵖⵍⴰⵎⵜ-ⴰ « ⵓⵔ ⵢⴻⵇⵡⵉⵎ ⴰⵔⴰ », ⴷⵖⴰ ⴷ ⵜⵉ ⴰⴽⴽ ⴰⵢ ⴷ ⵜⵉⴷⵢⴰⵏⵉⵏ ⴰⵢ ⵍⴰ ⵜⵄⴻⵔⵔⴻⴹ ⵜⴻⵖⵍⴰⵎⵜ-ⴰ ⴰⴷ ⵜⴻⵏⵜ-ⵜⴻⴼⵔⵓ ⴰⵙⴻⴳⴳⴰⵙ-ⴰ ⴰⵎⴰⵢⵏⵓ ⴰⴽⴽⴻⵏ ⴰⴷ ⴷ-ⵜⴻⵇⵇⴻⵍ ⵖⴻⵔ ⵓⵎⴽⴰⵏ-ⵏⵏⴻⵙ.
ⵉ ⵍⵎⴻⵏⴷ ⵏ ⵡⴰⵢⴰ, ⵀⴰⵏⵏⴰⵛⵀⵉ ⵢⴻⵙⵙⴰⴷⴻⴼ-ⴷ ⵡⴰⵔ ⵛⵛⴻⵃⵃⴰ, ⴷ ⴰⵢⴻⵏ ⴰⵢ ⵢⴻⴵⴵⴰⵏ ⵜⴰⵖⵍⴰⵎⵜ-ⴰ ⴰⴷ ⵜⴻⵙⵙⴻⴵⵀⴻⴷ ⵉⵎⴰⵏ-ⵏⵏⴻⵙ ⵏ 9 ⵏ ⵢⵉⵎⴰⵔⵉⵔⴻⵏ ⵉⵎⴰⵢⵏⵓⵜⴻⵏ ⴳⴰⵔ-ⴰⵙⴻⵏ ⵉⵎⵉⴷⵉⵙ ⴰⵣⴻⵍⵎⴰⴹ ⴰⴼⵕⴻⵏⵙⵉⵙ-ⴰⴷⵣⴰⵢⵔⵉ ⵍⴰⵎⵉⵏⴻ ⵎⴻⴷⵊⴽⴰⵏⴻ (ⵙⴻⴳ ⵜⴻⵖⵍⴰⵎⵜ ⵏ ⵒⴰⵓⵍⵀⴰⵏ ⵒéⵣⴻⵏⴰⵙ, ⴷ6 ⴼⵕⴰⵏⵙⴰ), ⵙⴰⵍⵉⵎ ⴱⵧⵓⵎⴻⵛⵀⵔⴰ (ⵓⵙⵎ ⵍⵃⴻⵕⵕⴰⵛ), ⴼⴰⵧⵓⵣⵉ ⵔⴰⵀⴰⵍ (ⵎⵧ ⴱⴳⴰⵢⴻⵜ) ⴷ ⴻⵍⵢⴻⵙ ⵙⴻⴷⴷⵉⴽⵉ (ⵔⵛ ⵍⴰⵕⴻⴱⵄⴰ), ⵢⴻⵔⵏⴰ ⵢⴻⵍⵍⴰ ⵓⵙⵙⵉⵔⴻⵎ ⴰⴷ ⵢⴻⵙⵙⵉⵡⴻⴹ ⵙⴻⴷⴷⵉⴽⵉ ⴰⴷ ⵢⴻⵙⵙⴰⵍⵉ ⴰⵙⵡⵉⵔ ⵏ ⵜⴻⵖⵍⴰⵎⵜ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⴰⵖⵍⴰⵎⵜ ⵏ ⵢⵉⵍⴻⵎⵥⵉⵢⴻⵏ ⵉⵏⴰⴷⴷⴰⵍⴻⵏ ⵏ ⵍⴻⵇⴱⴰⵢⴻⵍ ⵜⴳⴰ ⵙⵏⴰⵜ ⵏ ⵜⴰⵏⵏⴰⵏⵉⵏ ⴷⴻⴳ ⵜⵓⵏⴻⵙ: ⵢⵉⵡⴻⵜ ⴷⴻⴳ ⵃⴻⵎⵎⴰⵎ ⴱⵧⵓⵔⴳⵓⵉⴱⴰ, ⴷ ⵜⵉⵏ ⴷⴻⴳ ⵜⵓⵔⴰⵔ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵜⴰⵎⵎⵉⴷⵡⴰⵏⵜ ⵢⴻⵔⵏⴰ ⵜⴻⵔⴱⴻⵃ-ⵉⵜⵜ, ⵎⴰ ⴷ ⵜⴰⵖⵍⴰⵎⵜ ⵏⵉⴹⴻⵏ ⴷⴻⴳ ⴳⴰⵎⵎⴰⵔⵜⵀ ⴰⵏⴷⴰ ⴰⵢ ⵜⵓⵔⴰⵔ ⵜⴻⵖⵍⴰⵎⵜ-ⴰ 5 ⵏ ⵜⴻⵎⵍⵉⵍⵉⵢⵉⵏ ⵜⵉⵎⵎⵉⴷⵡⴰⵏⵉⵏ, ⵢⵉⵡⴻⵜ ⴷⴻⴳ-ⵙⴻⵏⵜ ⵜⴻⵅⵚⴻⵔ-ⵉⵜⵜ, ⵎⴰ ⴷ 4-ⵏⵏⵉ ⵏⵉⴹⴻⵏ ⴼⵓⴽⴻⵏⵜ ⵙ 0 ⵖⴻⵔ 0. ⴰⵜⵜⵉⵅⴻⵔ ⵏ ⵓⵙⴻⴼⵔⴰⴽ ⵏ ⵜⴻⵖⵍⴰⵎⵜ, ⴽⴰⵔⵉⵎ ⴷⵧⵓⴷⴻⵏⴻ, ⵙⵏⴰⵜ ⴽⴰⵏ ⵏ ⵍⴻⴷⵡⴰⵕ ⵓⵇⴱⴻⵍ ⵎⴰ ⵜⴻⴱⴷⴰ ⵜⵙⴻⵎⵀⵓⵢⵜ ⵏ ⵡⵓⵔⴰⵔ ⴷ ⴰⵢⴻⵏ ⴰⵢ ⵉⵣⴻⵎⵔⴻⵏ ⴰⴷ ⵉⵛⴻⵡⵡⴻⵍ ⵉⵙⴻⵏⴼⴰⵔⴻⵏ ⵏ ⵜⴻⵖⵍⴰⵎⵜ-ⴰ. ⵉⵍⴻⵎⵥⵉⵢⴻⵏ ⵉⵏⴰⴷⴷⴰⵍⴻⵏ ⵏ ⵍⴻⵇⴱⴰⵢⴻⵍ ⴰⴷ ⵓⵔⴰⵔⴻⵏ ⵜⵉⵎⵍⵉⵍⵉⵜ-ⵏⵙⴻⵏ ⵜⴰⵎⴻⵣⵡⴰⵔⵓⵜ ⵎⴳⴰⵍ ⵛⵙ ⵇⵙⴻⵏⵟⵉⵏⴰ ⴰⵙⵙ ⵏ ⵙⵙⴻⴱⵜ ⴰⵢ ⴷ-ⵢⴻⵜⵜⴻⴷⴷⵓⵏ ⵢⴻⵔⵏⴰ ⵉⵎⴼⴻⵕⵕⴵⴻⵏ-ⵏⵏⴻⵙ ⵙⵄⴰⵏ ⴰⵙⵙⵉⵔⴻⵎ ⴷ ⴰⵎⴻⵇⵔⴰⵏ ⴰⴽⴽⴻⵏ ⴰⴷ ⴷ-ⵜⴻⵇⵇⴻⵍ ⵜⴻⵖⵍⴰⵎⵜ-ⴰ ⵖⴻⵔ ⵓⵙⵡⵉⵔ-ⵏⵏⴻⵙ ⵓⵏⵏⵉⴳ.
