ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵙⴻⵀⵡⴰ ⵏ ⵓⴱⵔⵉⴷ : ⵎⵎⵓⵜⴻⵏ 11 ⴷ 52 ⵉⵎⴻⵊⵔⴰⵃ ⴷⴻⴳ 24ⵀ ⵢⴻⵣⵔⵉⵏ (ⴰⵎⴻⵙⵜⴻⵏ ⴰⵖⴰⵔⵉⵎ)

ⵍⴻⵣⵣⴰⵢⴻⵔ – ⵎⵎⵓⵜⴻⵏ ⵎⵔⴰⵡ ⵢⵉⵡⴻⵏ (11) ⵏ ⵢⵉⵎⴷⴰⵏⴻⵏ ⴷ ⵓⵊⵔⴰⵃ ⵏ 52 ⴷⴻⴳ 10 ⵉⵙⴻⵀⵡⴰ ⵏ ⵓⴱⵔⵉⴷ ⴷⴻⴳ 24 ⵜⵙⴰⵄⵜⵉⵏ ⵢⴻⵣⵔⵉⵏ ⴷⴻⴳ ⵓⵙⵡⵉⵔ ⴰⵖⴻⵍⵏⴰⵡ, ⵖⴻⴼ ⵡⴰⴽⴽⴻⵏ ⵉ ⵙⴽⴻⵍⵙⴻⵏ ⴷⴻⴳ ⵡⵓⵎⵓⵖ ⵉ ⴷ-ⵢⴻⵎⵎⴰⵀⴻⵍ ⴰⵙⵙ ⵏ ⵍⴻⵜⵏⵉⵢⴻⵏ ⵓⵎⴻⵙⵜⴻⵏ ⴰⵖⴰⵔⵉⵎ.

ⵓⵎⵓⵖ ⵖⴻⵣⵣⵉⴼⴻⵏ ⵙⴽⴻⵍⵙⴻⵏ-ⵜ ⴷⴻⴳ ⵜⵡⵉⵍⴰⵢⵜ ⵏ ⵍⴱⴻⵔⴵ ⴱⵓ ⵄⵔⴰⵔⵉⴵ ⵍⵍⴰⵏ ⴷⴻⴳ-ⵙ ⴽⵓⵥ ⵏ ⵡⵉⴷⴻⵏ ⵢⴻⵎⵎⵓⵜⴻⵏ ⴷⴻⴳ ⵓⵎⵉⵡⵡⴻⵜ ⴳⴰⵔ ⵓⴽⴰⵎⵢⵓⵏ ⴷ ⵜⴽⴻⵔⵔⵓⵙⵜ ⵜⴰⴼⴻⵙⵙⴰⵙⵜ, ⵜⴻⴹⵔⴰ-ⴷ ⴰⵙⵙ ⵏ ⵍⴻⵜⵏⵉⵢⴻⵏ ⵖⴻⴼ ⵜⵙⴰⵄⴻⵜ ⵜⵉⵙ 6ⵀ ⵏ ⵚⵚⴱⴻⵃ ⴷⴻⴳ ⵜⵖⵉⵡⴰⵏⵜ ⵏ ⵍⴱⴻⵔⴵ Ɣⴷⵉⵔ, ⵉ ⴷ-ⵜⴻⵏⵏⴰ ⵜⴻⵖⴱⴰⵍⵓ-ⵏⵏⵉ.

ⵙⴻⴳ ⵢⵉⴷⵉⵙ ⵏⵏⵉⴹⴻⵏ, ⵎⵎⵓⵜⴻⵏ ⴽⵓⵥ ⵢⴻⵎⴷⴰⵏⴻⵏ ⵙ ⵓⵖⵔⴰⵇ ⴷⴻⴳ ⵡⴰⵎⴰⵏ : ⵙⵉⵏ ⴷⴻⴳ ⵢⵉⵍⵍⴻⵍ ⴷⴻⴳ ⵡⴻⵀⵔⴰⵏ ⴷ ⵙⵉⵏ ⵏⵏⵉⴹⴻⵏ ⴷⴻⴳ ⵜⵎⴻⴷⵡⵉⵏ ⴷⴻⴳ ⵎⵙⵉⵍⴰ ⴷ ⵄⵉⵏ ⵜⵉⵎⵓⵛⴻⵏⵜ.

Ɣⴻⴼ ⵡⴰⴽⴽⴻⵏ ⵉ ⴷ-ⵢⴻⴷⴷⴰ ⴷⴻⴳ ⵡⵓⵎⵓⵖ-ⵏⵏⵉ, ⵉⴼⴻⵔⴷⵉⵙⴻⵏ ⵏ ⵓⵎⴻⵙⵜⴻⵏ ⴰⵖⴰⵔⵉⵎ ⵙⵙⴻⵏⵙⴻⵏ ⵙⴰ (7) ⵉⵎⴻⴹⵇⴰⵏ ⵉⴷⴻⴳ ⵜⵓⵖ ⵜⵎⴻⵙⵙ ⵏ ⵜⴻⵥⴳⵉ ⵉ ⵢⴻⵙⵙⴻⵔⵖⴻⵏ 23 ⵉⵀⵉⴽⵜⴰⵔⴻⵏ, ⴷ ⵢⵉⵡⴻⵜ ⵏ ⵜⵎⴻⵙⵙ ⵏⵏⵉⴹⴻⵏ ⵢⴻⵙⵙⴻⵔⵖⴻⵏ 25 ⵜⴻⵣⴷⴰⵢⵉⵏ ⵏ ⵜⵜⵎⴻⵔ. (ⵜⴰⵏⴻⴳⴳⴰ)