ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴼⴰⵙⴽⴰ ⵜⴰⴳⵔⴰⵖⵍⴰⵏⵜ ⵜⵉⵙ 8 ⵏ ⴷⵉⵡⴰⵏ : ⵍⵍⴰⵏ ⴷⴻⴳ ⵡⴰⵀⵉⵍ-ⵉⵙ ⵉⵙⵎⴰⵡⴻⵏ ⵉⵎⴻⵇⵔⴰⵏⴻⵏ ⵏ ⵓⵙⴰⵢⴻⵙ ⴰⴳⵔⴰⵖⵍⴰⵏ

ⵍⴻⵣⵣⴰⵢⴻⵔ – ⴷ ⵉⵙⵎⴰⵡⴻⵏ ⵉⵎⴻⵇⵔⴰⵏⴻⵏ ⵏ ⵓⵥⴰⵡⴰⵏ ⵡⵧⵔⵍⴷ ⵎⵓⵙⵉⵛ (ⴰⵥⴰⵡⴰⵏ ⴰⵏⴰⵚⵍⵉ), ⴰⵥⴰⵡⴰⵏ ⴰⴳⵏⴰⵡⵉ ⴷ ⵡⵉⵏ ⵏ ⵊⴰⵣⵣ ⴰⵔⴰ ⵢⵉⵍⵉⵏ ⴷⴻⴳ ⵓⵙⵉⵀⴰⵔ ⵏ ⵜⴼⴰⵙⴽⴰ ⵜⴰⴳⵔⴰⵖⵍⴰⵏⵜ ⵜⵉⵙ 8 ⵏ ⵓⵥⴰⵡⴰⵏ ⴷⵉⵡⴰⵏ ⴰⵔⴰ ⴷ-ⵢⵉⵍⵉⵏ ⴷⴻⴳ ⵜⵎⴰⵏⴻⵖⵜ ⵙⴻⴳ 22 ⴰⵔ 27 ⵖⵓⵛⵜ.

ⴷ ⵜⵉⴽⵔⵓⵜⵉⵏ ⵏ ⵓⵥⴰⵡⴰⵏ ⴰⵔⴰ ⴷ-ⵢⴰⵙⴻⵏ ⵙⴻⴳ ⵎⴰⵕⵕⵓⴽ, ⴼⵔⴰⵏⵙⴰ, ⵉⵡⵓⵏⴰⴽ ⵢⴻⴷⴷⵓⴽⵍⴻⵏ, ⴽⴰⵎⵔⵓⵏ ⴷ ⵎⴰⵍⵉ, ⴰⴷ ⵛⴻⵔⴽⴻⵏⵜ ⴰⵙⴰⵢⴻⵙ ⴷ ⴽⵔⴰⴹ ⵏ ⵜⴻⴽⵔⵓⵜⵉⵏ ⵉⵔⴻⴱⵃⴻⵏ ⴷⴻⴳ ⵜⴼⴰⵙⴽⴰ ⵜⴰⵖⴻⵍⵏⴰⵡⵜ ⵏ ⵓⵥⴰⵡⴰⵏ ⴷⵉⵡⴰⵏ ⵉ ⴷ-ⵢⴻⴹⵔⴰⵏ ⴷⴻⴳ ⵡⴰⵢⵢⵓⵔ ⵏ ⵢⵓⵏⵢⵓ ⵢⴻⵣⵔⵉⵏ ⴷⴻⴳ ⴱⴻⵛⵛⴰⵔ.

ⴰⴷ ⵢⵉⵍⵉ ⴷⴻⴳ ⵓⵍⴷⴰⵢ ⵏ ⵜⴼⴰⵙⴽⴰ ⵜⴰⴽⵔⵓⵜ ⵜⴰⵎⴻⵕⵕⵓⴽⵉⵜ ⵢⴻⵜⵜⵡⴰⵙⵏⴻⵏ ⴷⴻⴳ ⵢⵉⵙⴻⴳⴳⴰⵙⴻⵏ 1970 ‘’ⵍⴻⵎⵛⴰⵀⴻⴱ’’, ⵍⵍⴰⵏ ⵃⴻⵎⵍⴻⵏ-ⵜⵜ ⴰⵟⴰⵙ ⴷⴻⴳ ⵍⴻⵣⵣⴰⵢⴻⵔ, ⴷ ⵏⴻⵜⵜⴰⵜ ⴰⵔⴰ ⵉⵅⴻⴷⵎⴻⵏ ⵜⴰⵎⴻⴷⴷⵉⵜ ⵜⴰⵎⴻⵣⵡⴰⵔⵓⵜ ⵏ ⵜⴻⴷⵢⴰⵏⵜ ⴷ ⵢⴻⵍⵎⴻⵥⵢⴻⵏ ⵏ ’’ⴷⵉⵡⴰⵏ ⴳⵏⴰⵡⴰ ⴻⵍ ⴽⴰⵏⴷⵧⵓⵙⵙⵉ’’, ⴰⵔⵔⴰⵣ ⴰⵎⴻⵣⵡⴰⵔⵓ ⴷⴻⴳ ⴱⴻⵛⵛⴰⵔ.

ⴰⵣⴰⵍ ⵏ ⵓⵜⵉⴽⵉ ⵏ ⵓⵏⴻⴽⵛⵓⵎ ⴰⴷ ⵢⵉⵍⵉ ⵙ 500 ⵉⴷⵉⵏⴰⵔⴻⵏ ⴷ 700 ⵉ ⵜⵎⴻⴷⴷⵉⵜ ⵏ ⵜⴰⴳⴳⴰⵔⴰ. (ⵜⴰⵏⴻⴳⴳⴰ)