Asebter amenzawi

Tafaska tagraɣlant tis 8 n diwan : llan deg wahil-is ismawen imeqranen n usayes agraɣlan

LEZZAYER – D ismawen imeqranen n uẓawan world music (aẓawan anaṣli), aẓawan agnawi d win n jazz ara yilin deg usihar n Tfaska tagraɣlant tis 8 n uẓawan diwan ara d-yilin deg Tmaneɣt seg 22 ar 27 ɣuct.

D tikrutin n uẓawan ara d-yasen seg Maṛṛuk, Fransa, Iwunak Yedduklen, Kamrun d Mali, ad cerkent asayes d kraḍ n tekrutin irebḥen deg Tfaska taɣelnawt n uẓawan diwan i d-yeḍran deg wayyur n yunyu yezrin deg Beccar.

Ad yili deg ulday n tfaska takrut tameṛṛukit yettwasnen deg yiseggasen 1970 ‘’Lemcaheb’’, llan ḥemlen-tt aṭas deg Lezzayer, d nettat ara ixedmen tameddit tamezwarut n tedyant d yelmeẓyen n ’’Diwan Gnawa El Kandoussi’’, arraz amezwaru deg Beccar.

Azal n utiki n unekcum ad yili s 500 idinaren d 700 i tmeddit n taggara. (Tanegga)