ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⵃⴻⴵⴵⴰⵕ (ⵄⴻⵏⵏⴰⴱⴰ): ⵜⵓⵖⴰⵍ-ⴷ ⵍⵄⴰⴼⵢⴰ ⴷⴻⴳ ⵍⵍⵓⵣⵉⵏⴰⵜ ⵏ ⴰⵔⵛⴻⵍⵧⵔⵎⵉⵜⵜⴰⵍ

ⵄⴻⵏⵏⴰⴱⴰ – ⵜⴻⵇⵇⴻⵍ-ⴷ ⵍⵄⴰⴼⵢⴰ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵓⵙⵓⴷⴷⵉⵙ ⵏ ⴰⵔⵛⴻⵍⵧⵔⵎⵉⵜⵜⴰⵍ ⵏ ⵍⵃⴻⴵⴵⴰⵕ (ⵄⴻⵏⵏⴰⴱⴰ) ⴷⴻⴼⴼⵉⵔ ⵎⴰ ⵢⴻⵏⴽⴻⵔ ⵢⵉⵎⴻⵏⵖⵉ, ⴰⵙⵙ ⵏ ⵍⴻⵜⵏⵉⵢⴻⵏ ⴳⴰⵔ ⵢⵉⵅⴻⴷⴷⴰⵎⴻⵏ ⴰⵢ ⵉⴳⴰⵏ ⴰⵙⵓⵏⴷⴻⴷ ⴷ ⵢⵉⵅⴻⴷⴷⴰⵎⴻⵏ ⵏ ⵜⴽⴻⴱⴱⴰⵏⵉⵜ ⵏ ⵜⵄⴻⵙⵙⴰⵙⵜ ⵏ ⵙⴳⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵡⴰⵍⴰⵏ ⵢⵉⵏⴻⵖⵎⴰⵙⴻⵏ ⵏ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.

ⵖⴻⴼ ⵍⴻⵃⵙⴰⴱ ⵏ ⵢⵉⵡⴻⵏ ⵏ ⵓⴳⴻⵏⵙⴰⵙ ⵏ ⵓⵙⵓⴷⴷⵉⵙ-ⴰ, ⵓⴳⴰⵔ ⵏ 60 ⵏ ⵢⵉⵅⴻⴷⴷⴰⵎⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵙⵓⵏⴷⴻⴷ ⴰⵢ ⵉⵄⴻⵔⴹⴻⵏ ⴰⴷ ⴰⴷⴼⴻⵏ ⵙ ⵢⵉⵖⵉⵍ ⵖⴻⵔ ⴷⴰⵅⴻⵍ ⵏ ⵓⵙⵓⴷⴷⵉⵙ-ⵏⵏⵉ.

ⵉⵎⴻⵏⵖⵉ-ⴰ ⵢⴻⵙⵙⴻⴳⴳⵔⴰ-ⴷ 8 ⵏ ⵢⵉⵎⴻⵊⵔⴰⵃ ⵢⴻⵔⵏⴰ ⵡⵡⵉⵏ-ⵜⴻⵏ ⵖⴻⵔ ⵓⵙⴱⵉⵟⴰⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ ⴷ ⴰⴽⴽⴻⵏ ⵜⴰⵎⴻⵀⵍⴰ ⵜⴰⵎⴰⵜⵓⵜ ⵜⴻⵛⵛⴻⵜⴽⴰ, ⴰⵎ ⵡⴰⴽⴽⴻⵏ ⴰⵢ ⵛⵛⴻⵜⴽⴰⵏ ⵓⵍⴰ ⴷ ⵡⵉⴷ-ⵏⵏⵉ ⴰⵢ ⵉⵊⴻⵔⵃⴻⵏ ⵖⴻⴼ ⵢⵉⵅⴻⴷⴷⴰⵎⴻⵏ-ⵏⵏⵉ ⴰⵢ ⵉⴳⴰⵏ ⴰⵙⵓⵏⴷⴻⴷ ⵉⵎⵉ « ⴰⵢ ⵙⵇⴻⴷⵛⴻⵏ ⵍⴻⵙⵍⴰⵃ ⴰⵎⴻⵍⵍⴰⵍ, ⵡⵜⴻⵏ ⵢⴻⵔⵏⴰ ⵊⴻⵔⵃⴻⵏ ⵎⴻⴷⴷⴻⵏ ».

ⵜⵉⴳⴰⵡⵜ-ⴰ ⵡⴰⵍⴰⵏ-ⵜⵜ ⴷ « ⵜⴰⵎⴰⴳⵍⴰⵢⵜ » ⵢⴻⵔⵏⴰ ⵓⵔ ⵢⴻⵙⵙⴻⴼⴽ ⴰⵔⴰ ⴰⴷ ⵜⵄⴻⴷⴷⵉ ⵡⴰⵔ ⵎⴰ ⵜⵜⵡⴰⵄⴰⵇⴱⴻⵏ ⵡⵉⴷ ⴰⵢ ⵜⵜ-ⵉⴳⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.

ⵉ ⵍⵎⴻⵏⴷ ⵏ ⵓⵃⴻⵣⵣⴻⴱ, ⵢⴻⵜⵜⵡⴰⴳⴷⴻⵍ ⵡⴰⴷⴰⴼ ⵉ ⵢⵉⵅⴻⴷⴷⴰⵎⴻⵏ-ⴰ ⵖⴻⵔ ⵓⵙⵓⴷⴷⵉⵙ-ⵏⵏⵉ ⴰⵎ ⵡⴰⴽⴽⴻⵏ ⴰⵢ ⵖⴻⵜⵙⴻⵏ ⴰⴷ ⵙⵜⵉⵅⵔⴻⵏ ⵙⵉⵏ ⵏ ⵢⵉⵎⵙⴻⵏⵎⵓⵍⴰ (ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵙⵙⴰⵏⴷⵉⴽⴰ), ⵡⵉ ⴷ ⴰⵎⴰⵔⵓ ⴰⵎⴰⵜⵓ ⵏ ⵓⵏⵎⴰⵍⵓ (ⵙⵙⴰⵏⴷⵉⴽⴰ) ⴷ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵓⵜⵜⴻⴽⴽⵉ.

ⵉⴳⴻⵏⵙⴰⵙⴻⵏ ⵏ ⵢⵉⵅⴻⴷⴷⴰⵎⴻⵏ ⴰⵢ ⵉⴳⴰⵏ ⴰⵙⵓⵏⴷⴻⴷ ⵏⴻⴽⵕⴻⵏ ⴷ ⴰⴽⴽⴻⵏ ⵙⵇⴻⴷⵛⴻⵏ ⵉⵖⵉⵍ ⵎⵉ ⵄⴻⵔⴹⴻⵏ ⴰⴷ ⴰⴷⴼⴻⵏ ⵖⴻⵔ ⵍⵍⵓⵣⵉⵏ, ⵢⴻⵔⵏⴰ ⵏⵏⴰⵏ-ⴷ ⴷ ⴰⴽⴽⴻⵏ ⴷ ⵏⵉⵜⵏⵉ ⴰⵢ ⴷ ⵉⴳⴻⵏⵙⴰⵙⴻⵏ « ⵓⵣⵔⵉⴼⴻⵏ » ⵏ ⵢⵉⴻⴷⴷⴰⵎⴻⵏ ⴰⵎ ⵡⴰⴽⴽⴻⵏ ⵓⵔ ⵙⵜⴻⵄⵕⴼⴻⵏ ⴰⵔⴰ ⵙ ⵓⵖⵜⴰⵙ-ⵏⵏⵉ ⵏ ⵓⵙⵜⵉⵅⴻⵔ.

ⴰⴷ ⴷ-ⵢⵉⵍⵉ ⵓⴳⵔⴰⵡ ⴰⵎⴰⵜⵓ ⵏ ⵢⵉⵅⴻⴷⴷⴰⵎⴻⵏ ⴰⵙⵙ ⵏ ⵍⴰⵕⴻⴱⵄⴰ ⵉ ⵓⵙⴽⴰⵙⵉ ⵖⴻⴼ ⵜⴻⴳⵏⵉⵜ ⴰⵢⴷⴻⴳ ⵜⴻⵍⵍⴰ ⵜⴻⵎⵙⴰⵍⵜ-ⴰ ⴷ ⵍⴻⵛⵖⴰⵍ ⴰⵔⴰ ⴳⴻⵏ ⵢⵉⵅⴻⴷⴷⴰⵎⴻⵏ ⴰⴽⴽⴻⵏ ⴰⴷ ⴰⵙⴻⵏ-ⵇⴻⴱⵍⴻⵏ ⵜⵉⵖⴻⵔⵖⴻⵔⵜ ⵏ ⵢⵉⵙⵙⵓⵜⵔⴻⵏ-ⵏⵙⴻⵏ (22 ⵏ ⵜⴻⵏⵇⵉⴹⵉⵏ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.

ⴷⴻⴳ ⵢⵉⵡⴻⵏ ⵏ ⵓⵍⵖⵓ ⴰⵢ ⴷ-ⵢⴻⵜⵜⵓⵏⴻⴼⴽⴻⵏ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ ⵢⵉⵡⴻⵏ ⵡⴰⵙⵙ ⴷⴻⴼⴼⵉⵔ ⵢⵉⵎⴻⵏⵖⵉ-ⵏⵏⵉ, ⴰⵏⴻⵎⵀⴰⵍ ⵏ ⵓⵙⵓⴷⴷⵉⵙ ⵏ ⴰⵔⵛⴻⵍⵧⵔⵎⵉⵜⵜⴰⵍ ⵏ ⵍⵃⴻⴵⴵⴰⵕ ⵢⴻⵏⵏⴰ-ⴷ, ⵙ ⵓⵎⴰⵜⴰ ⴷ ⴰⴽⴽⴻⵏ « ⵡⵉⴷ-ⵏⵏⵉ ⴰⵢ ⴷ-ⵢⴻⵙⵙⴻⵏⴽⴰⵔⴻⵏ ⵛⵛⵡⴰⵍ, ⵡⵉⴷ ⴰⵢ ⵜⴻⵏ-ⵢⴻⵜⵜⴹⴰⴼⴰⵔⴻⵏ ⴷ ⵡⵉⴷ ⴰⵢ ⵢⴻⵜⵄⴻⴷⴷⴰⵏ ⴰⴷ ⵜⵜⵡⴰⵄⴰⵇⴱⴻⵏ ⵙ ⵓⵇⴰⴷⴻⵔ ⵏ ⵢⵉⵍⵓⴳⴰ ⵏ ⴷⴰⵅⴻⵍ ⵏ ⵜⴽⴻⴱⴱⴰⵏⵉⵜ, ⵢⴻⵔⵏⴰ ⴰ ⵜⵜⵡⴰⵛⴰⵕⵄⴻⵏ ⵙ ⵓⵇⴰⴷⴻⵔ ⵏ ⵍⵇⴰⵏⵓⵏ ».

ⵖⴻⴼ ⵍⴻⵃⵙⴰⴱ ⵏ ⵓⵍⵖⵓ-ⵏⵏⵉ, 7 ⵏ ⵢⵉⵛⵛⴻⵜⴽⵉⵢⴻⵏ ⴰⵢ ⵜⴻⵙⵙⴻⵔⵙ ⵜⵎⴻⵀⵍⴰ ⵏ ⵜⴽⴻⴱⴱⴰⵏⵉⵜ ⵏ ⴰⵎⵒⵜⴰ ⴷⴻⴳ ⵓⵅⵅⴰⵎ ⵏ ⵛⵛⵕⴻⵄ ⵏ ⵍⵃⴻⴵⴵⴰⵕ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵎⵙⴰⵍⵜ-ⴰ. « ⵖⴻⴼ ⵡⴰⵢⴰ ⴰⵢ ⵙⵜⴰⵅⵔⴻⵏ ⴰⵎⴰⵔⵓ ⴰⵎⴰⵜⵓ ⵏ ⵓⵏⵎⴰⵍⵓ ⴷ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵓⵜⵜⴻⴽⴽⵉ ⵢⴻⵔⵏⴰ ⵙ ⵡⴰⵢⴰ, ⵇⵇⵍⴻⵏ ⵓⵔ ⵙⵄⵉⵏ ⴰⵔⴰ ⴰⵣⵔⴻⴼ ⴰⴽⴽⴻⵏ ⴰⴷ ⴷ-ⴳⴻⵏⵙⴻⵙⴻⵏ ⵉⵅⴻⴷⴷⴰⵎⴻⵏ ⴰⵛⴽⵓ ⵓⵍⴰⵛ ⴰⵙⵙⴰⵖ ⵏ ⵓⵎⴰⵀⵉ (ⴰⵅⴻⴷⴷⵉⵎ) ⴰⵢ ⵜⴻⵏ-ⵢⴻⵇⵇⵏⴻⵏ ⵖⴻⵔ ⵜⴽⴻⴱⴱⴰⵏⵉⵜ ⵢⴻⵔⵏⴰ ⴰⵖⵜⴰⵙ-ⴰ ⵓⵔ ⵢⴻⵜⵜⵡⴰⴱⵟⴰⵍ ⴰⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷ ⴰⴽⴽⴻⵏ ⵉⵅⴻⴷⴷⴰⵎⴻⵏ ⵏ ⵜⵎⴻⵀⵍⴰ ⵏ ⵜⴽⴻⴱⴱⴰⵏⵉⵜ « ⵎⴰⵣⴰⵍ-ⵉⵜⴻⵏ ⵡⴻⵊⴷⴻⵏ ⵉ ⵓⵎⵛⵉⵡⴻⵕ ⵉ ⵍⵎⴻⵏⴷ ⵏ ⵡⵓⵖⴰⵍ ⵖⴻⵔ ⵓⵎⴰⵀⵉⵍ ⴷ ⵓⴽⴻⵎⵎⴻⵍ ⴷⴻⴳ ⵓⴱⵔⵉⴷ ⵏ ⵓⵏⵏⴻⵔⵏⵉ ⵙ ⵓⵀⴻⵢⵢⵉ ⵏ ⵓⵖⴰⵡⴰⵙ ⵏ ⵓⵔⴽⴰⴷⴰⵢ ⵜⴻⵃⵡⴰⴵ ⵜⴽⴻⴱⴱⴰⵏⵉⵜ ⵉ ⵜⵏⴻⴼⵍⵉⵜ-ⵏⵏⴻⵙ ».