ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵜⵜⴻⴽⴽⵉ ⵏ ⵍⴻⵣⵣⴰⵢⴻⵔ ⴷⴻⴳ ⵓⵄⴰⵡⴻⵏ ⵏ ⵎⴰⵍⵉ « ⵡⴻⵔⴵⵉⵏ ⵢⴻⵃⴱⵉⵙ »
ⵍⴻⵣⵣⴰⵢⴻⵔ – ⴰⵜⵜⴻⴽⴽⵉ ⵏ ⵍⴻⵣⵣⴰⵢⴻⵔ ⴷⴻⴳ ⵓⵄⴰⵡⴻⵏ ⵏ ⵎⴰⵍⵉ « ⵡⴻⵔⴵⵉⵏ ⵢⴻⵃⴱⵉⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵓⵎⵏⵓⴽⴰⵍ ⵏ ⵢⵉⴼⵓⵖⴰⵙ, ⵎⵧⵀⴰⵎⴻⴷ ⴰⴳⵀ ⵉⵏⵜⴰⵍⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⵉⴷⵓⴱⴰ ⵉⴷⵣⴰⵢⵔⵉⵢⴻⵏ ⵙⴻⴳ ⵣⵉⴽ ⴰⵢ ⴱⴻⴷⴷⴻⵏ ⵖⴻⵔ ⵢⵉⴷⵉⵙ ⵏ ⵎⴰⵍⵉ ⵉ ⵍⵎⴻⵏⴷ ⵏ ⴼⴻⵔⵔⵓ ⵏ ⵜⴰⵍⵓⴼⵜ-ⵏⵏⴻⵙ.
« ⴰⵜⵜⴻⴽⴽⵉ ⵏ ⵍⴻⵣⵣⴰⵢⴻⵔ ⵡⴻⵔⴵⵉⵏ ⵢⴻⵃⴱⵉⵙ ⵢⴻⵔⵏⴰ ⴷⵉⵎⴰ ⵜⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⵎⴰⵍⵉ ⵉ ⵍⵎⴻⵏⴷ ⵏ ⴼⴻⵔⵔⵓ ⵏ ⵡⵓⴳⵓⵔⴻⵏ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⴳⵀ ⵉⵏⵜⴰⵍⴰ ⴷⴻⴳ ⵜⴳⴰⵔⴰ ⵏ ⵓⴷⵉⵡⴻⵏⵏⵉ-ⵏⵏⴻⵙ ⴷ ⵓⵎⴰⵔⵓ ⴰⵎⴰⵜⵓ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⴰⴱⴷⴻⵍⵀⴰⵎⵉⴷ ⵙⴻⵏⵧⵓⵛⵉ ⴱⴻⵔⴻⴽⵙⵉ.
ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵛⴽⴻⵕ-ⴷ ⴷⴷⵓⵕ ⵏ ⵍⴻⵣⵣⴰⵢⴻⵔ ⴷ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴷⴻⴳ ⴼⴻⵔⵔⵓ ⵏ ⵜⴰⵍⵓⴼⵜ ⵜⴰⵎⴰⵍⵉⵜ ⴰⵢ ⵢⴻⵜⵜⵡⴰⵅⴻⵜⵎⴻⵏ ⴰⵙⵎⵉ ⴰⵢ ⵙⵜⴻⵏⵢⴰⵏ ⴰⴽⴽ ⵢⵉⴷⵉⵙⴰⵏ ⵉⵎⴰⵍⵉⵢⴻⵏ ⴰⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴷⴻⴳ ⵎⴰⵍⵉ ⴰⵙⵙ ⵏ 20 ⵢⵓⵏⵢⵓ ⴷⴻⴳ ⴱⴰⵎⴰⴽⵧ, ⴷ ⴰⵎⵜⴰⵡⴰ ⴰⵢ ⴷ-ⵢⴻⵍⵍⴰⵏ ⵙⴻⴳ ⵓⴽⴰⵍⴰ ⵏ ⵍⴻⵎⵛⴰⵡⵕⴰⵜ ⵏ ⵍⴻⵣⵣⴰⵢⴻⵔ.
« ⵏⴻⵔⵔⴰ ⵜⴰⵊⵎⵉⵍⵜ ⵉ ⵍⴻⵣⵣⴰⵢⴻⵔ ⵢⴻⵍⵍⴰⵏ ⴷ ⵜⵉⵎⴹⴻⴱⴱⴻⵔⵜ ⵏ ⵜⴻⴱⴷⴰⵎⵎⴰⵙⵜ ⵢⴻⵔⵏⴰ ⵜⵓⵔⴰⵔ ⴷⴷⵓⵕ ⴷ ⴰⵎⴻⵇⵔⴰⵏ ⴰⵎ ⵡⴰⴽⴽⴻⵏ ⴰⵢ ⵜⴳⴰ ⵍⵎⴻⴵⵀⵓⴷ ⵉ ⵓⵄⴰⵡⴻⵏ ⵏ ⵎⴰⵍⵉ, ⵍⴰⴷⵖⴰ ⵉⵎⵉ ⴷ ⴰⵢⴰ ⴰⵢ ⵢⴻⵙⵙⴰⵡⴹⴻⵏ ⵖⴻⵔ ⵓⵙⵜⴻⵏⵢⵉ ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⴰⵢ ⵉⴼⵓⴽⴻⵏ ⵉⵎⴻⵏⵖⵉ ⴳⴰⵔ ⵢⵉⴷⵉⵙⴰⵏ ⵉⵎⴰⵍⵉⵢⴻⵏ ».
ⴰⵎⵏⵓⴽⴰⵍ ⵏ ⵢⵉⴼⵓⵖⴰⵙ ⵢⴻⵏⵏⴰ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷ ⴰⴽⴽⴻⵏ ⵜⵉⵔⵣⵉ-ⵏⵏⴻⵙ ⵜⴻⵍⵍⴰ-ⴷ ⴷ ⵜⴰⴳⵏⵉⵜ ⵉ ⵓⵙⵎⴻⴽⵜⵉ ⵙ ⵡⴰⵙⵙⴰⵖⴻⵏ ⵉⵎⴻⵣⵔⵓⵢⴰⵏⴻⵏ ⴰⵢ ⵢⴻⵇⵇⵏⴻⵏ ⵍⴻⵣⵣⴰⵢⴻⵔ ⴷ ⵎⴰⵍⵉ, ⴷ ⵡⴰⵙⵙⴰⵖⴻⵏ ⵏ ⵜⴻⴳⵎⴰⵜ ⴷ ⵜⴰⵎⵎⵉⴷⵡⴰ ⴰⵢ ⵉⵛⴻⵔⴽⴻⵏ ⴰⵎⴻⵕⵃⵓⵎ ⵏ ⴱⴰⴱⴰ-ⵙ ⴷ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵙⴻⴳ ⵜⴰⵍⵍⵉⵜ ⵏ ⵜⴻⴳⵔⴰⵡⵍⴰ ⵜⴰⴷⵣⴰⵢⵔⵉⵜ.
