Asebter amenzawi
Attekki n Lezzayer deg uɛawen n Mali « werǧin yeḥbis »
LEZZAYER – Attekki n Lezzayer deg uɛawen n Mali « werǧin yeḥbis », ɣef wakken ay d-yenna ass n laṛebɛa deg Lezzayer Tamaneɣt umnukal n Yifuɣas, Mohamed Agh Intala, am wakken ay d-yerna d akken iduba idzayriyen seg zik ay bedden ɣer yidis n Mali i lmend n ferru n taluft-nnes.
« Attekki n Lezzayer werǧin yeḥbis yerna dima tebded ɣer yidis n Mali i lmend n ferru n wuguren-nnes », ɣef wakken ay d-yenna Agh Intala deg tgara n udiwenni-nnes d umaru amatu n uɣlif n tɣawsiwin n uzɣar, Abdelhamid Senouci Bereksi.
I lmend n waya, yeckeṛ-d dduṛ n Lezzayer d uselway Bouteflika deg ferru n taluft tamalit ay yettwaxetmen asmi ay stenyan akk yidisan imaliyen amtawa n talwit d umsuɣal deg Mali ass n 20 Yunyu deg Bamako, d amtawa ay d-yellan seg ukala n lemcawṛat n Lezzayer.
« Nerra tajmilt i Lezzayer yellan d timḍebbert n tebdammast yerna turar dduṛ d ameqran am wakken ay tga lmeǧhud i uɛawen n Mali, ladɣa imi d aya ay yessawḍen ɣer ustenyi n umtawa n talwit ay ifuken imenɣi gar yidisan imaliyen ».
Amnukal n Yifuɣas yenna-d, seg yidis niḍen, d akken tirzi-nnes tella-d d tagnit i usmekti s wassaɣen imezruyanen ay yeqqnen Lezzayer d Mali, d wassaɣen n tegmat d tammidwa ay icerken ameṛḥum n baba-s d uselway Bouteflika seg tallit n Tegrawla tadzayrit.
