ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴽⴻⴱⴱⴰⵏⵉⵜ ⵏ ⵜⵎⴰⵛⵉⵏⵉⵏ ⵏ ⵙⵏⵜⴼ ⵓⵔ ⵜⴻⵜⵜⵏⵓⵣⵓ ⴰⵔⴰ (ⴰⵏⴻⵖⵍⴰⴼ)

ⵍⴻⵣⵣⴰⵢⴻⵔ – ⵜⴰⴽⴻⴱⴱⴰⵏⵉⵜ ⵜⴰⵖⴻⵍⵏⴰⵡⵜ ⵏ ⵓⵎⴻⵙⵏⵉ ⵙ ⵓⴱⵔⵉⴷ ⵏ ⵡⵓⵣⵣⴰⵍ (ⵙⵏⵜⴼ) ⴰⴷ ⵜⵓⵖⴰⵍ ⴷ ⵜⴰⴳⵔⴰⵡⵜ ⵙⴻⴳ-ⴰ ⵖⴻⵔ 2020, ⵢⴻⵔⵏⴰ ⵓⵔ ⵜⴻⵜⵜⵏⵓⵣⵓ ⴰⵔⴰ ⵉ ⵜⴽⴻⴱⴱⴰⵏⵉⵢⵉⵏ ⵜⵓⵙⵍⵉⴳⵉⵏ, ⴰⵛⴽⵓ ⵜⴻⵙⵄⴰ ⴰⵎⴽⴰⵏ ⴷ « ⴰⵙⵓⴷⴷⵙⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ ⵏ ⵓⵎⴻⵙⵏⵉ ⴷⴻⴳ ⵢⵉⵡⴻⵏ ⵏ ⵓⵍⵖⵓ.

« ⵜⴰⴽⴻⴱⴱⴰⵏⵉⵜ ⵜⴰⵖⴻⵍⵏⴰⵡⵜ ⵏ ⵓⵎⴻⵙⵏⵉ ⵙ ⵓⴱⵔⵉⴷ ⵏ ⵡⵓⵣⵣⴰⵍ (ⵙⵏⵜⴼ) ⴰⴷ ⵜⴻⵇⵇⴻⵍ ⴷ ⵜⴰⴳⵔⴰⵡⵜ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵏⴰⴳⴷⵓⴷⵉⵏ ⵢⴻⵔⵏⴰ ⵕⴰⵙⴻⵍⵎⴰⵍ-ⵏⵏⴻⵙ ⴰⴷ ⵢⴻⵇⵇⵉⵎ ⵙ ⵍⴻⴽⵎⴰⵍ-ⵏⵏⴻⵙ ⴷ ⴰⵢⵍⴰ ⵏ ⵓⵡⴰⵏⴰⴽ (ⴷⴷⵓⵍⴰ). ⵙ ⵡⴰⵢⴰ, ⵡⴻⵔⴵⵉⵏ ⴰⴷ ⵜⴻⵏⵣ ⵉ ⵜⴽⴻⴱⴱⴰⵏⵉⵢⵉⵏ ⵜⵓⵙⵍⵉⴳⵉⵏ, ⴰⴽⴽⴻⵏ ⵢⴻⴱⵖⵓ ⵉⵍⵉⵏⵜ, ⵍⴰⴷⵖⴰ ⵉⵎⵉ ⴰⵢ ⵜⴻⵙⵄⴰ ⴰⵎⴽⴰⵏ ⴷ ⴰⵙⵓⴷⴷⵙⴰⵏ ⴷⴻⴳ ⵜⵎⵓⵔⵜ ⵙⵡⴰⵙⵡⴰ ⴰⵎ ⵓⵙⵙⴻⴳⵎⵉ (ⵜⵜⴻⵕⴱⴻⵢⵢⴰ), ⵜⴰⴷⴰⵡⵙⴰ ⴷ ⵢⵉⵃⵔⵉⵛⴻⵏ ⵏⵉⴹⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.

ⵢⴻⵏⵏⴰ-ⴷ ⵓⵖⵍⵉⴼ, ⴷⴻⴳ ⵜⴻⵎⵙⴰⵍⵜ-ⴰ, ⴷ ⴰⴽⴽⴻⵏ ⴰⵏⵔⴰⵔ ⵏ ⵓⵎⴻⵙⵏⵉ ⵙ ⵓⴱⵔⵉⴷ ⵏ ⵡⵓⵣⵣⴰⵍ ⴷ ⵓⵎⴻⵙⵏⵉ ⵏ ⵢⵉⵎⵙⵉⴽⵍⴻⵏ (ⵉⵎⵚⴰⴼⵔⴻⵏ) ⵢⴻⵜⵜⵄⴰⵡⴰⵏ-ⵉⵜ ⵓⵡⴰⵏⴰⴽ ⵙ ⵜⴻⴷⵔⵉⵎⵜ.

ⵙ ⵡⴰⵢⴰ, ⵜⴰⴳⵔⴰⵡⵜ-ⴰ ⵜⴰⵎⴰⵢⵏⵓⵜ ⵢⴻⵙⵙⴻⴼⴽ ⴰⴷ ⵜⴻⵙⵙⴻⴷⴷⴰⵢ ⵕⴰⵙⴻⵍⵎⴰⵍ ⵏ ⵜⴽⴻⴱⴱⴰⵏⵉⵢⵉⵏ-ⵏⵏⴻⵙ ⵓⵍⴰ ⴷ ⵜⵉⴷ ⵢⴻⵍⵍⴰⵏ ⴷ ⵜⵓⵛⵔⵉⴽⵉⵏ ⵢⴻⵔⵏⴰ ⴰⴷ ⴷ-ⵢⵉⵍⵉ ⵡⴰⵢⴰ ⴷⴷⴰⵡ ⵕⵕⴰⵢ ⵏ ⵓⵡⴰⵏⴰⴽ.

ⵖⴻⴼ ⵍⴻⵃⵙⴰⴱ ⵏ ⵓⵍⵖⵓ-ⴰ, ⴰⵙⵙⴻⴷⴷⵓ ⵏ ⵡⴰⴽⴽ ⵍⴻⵛⵖⴰⵍ ⵏ ⵜⴽⴻⴱⴱⴰⵏⵉⵜ ⵜⴰⵖⴻⵍⵏⴰⵡⵜ ⵏ ⵓⵎⴻⵙⵏⵉ ⵙ ⵓⴱⵔⵉⴷ ⵏ ⵡⵓⵣⵣⴰⵍ ⴷ ⵜⴽⴻⴱⴱⴰⵏⵉⵢⵉⵏ ⴰⵢ ⵢⴻⵇⵇⵏⴻⵏ ⵖⴻⵔ-ⵙ ⵢⴻⵙⵙⴻⴼⴽ ⴰⴷ ⵄⴰⵡⴷⴻⵏ ⴰⴷ ⴷ-ⵙⵙⵓⴽⴽⴻⵏ ⴼⴻⵍⵍ-ⴰⵙ ⵜⴰⵎⵓⵖⵍⵉ, ⵜⴰⴳⵔⴰⵡⵜ-ⴰ ⵜⴰⵎⴰⵢⵏⵓⵜ ⴰⵔⴰ ⴷ-ⵢⴻⵏⵏⵓⵍⴼⵓⵏ ⵙⵙⴻⴼⵔⴰⵢⴻⵏ ⴰⴷ ⵜⵜ-ⵉⴷ-ⴳⴻⵏ ⴷⴻⴳ ⵜⵉⵣⵉ ⵏ 2020, ⵢⴻⵔⵏⴰ ⴰⵙⵙⴻⴱⴷⴻⴷ ⵏ ⵜⴻⴳⵔⴰⵡⵜ-ⴰ ⵢⴻⵙⵙⴻⴼⴽ ⴰⴷ ⵜ-ⴹⴻⴼⵔⴻⵏ ⵢⵉⵎⴰⵣⵣⴰⵢⴻⵏ.

ⵜⵓⴷⴷⵙⴰ ⴰⵢ ⵙⵙⴻⴼⵔⴰⵢⴻⵏ ⴰⴷ ⵜⵜ-ⴳⴻⵏ ⵉ ⵙⵏⵜⴼ ⴷ ⵜⵉⵏ ⴰⵔⴰ ⵢⴻⴵⴵⴻⵏ ⵜⴰⴽⴻⴱⴱⴰⵏⵉⵜ-ⴰ « ⴰⴷ ⴷ-ⵜⴻⵙⵙⵉⴷⴻⴼ ⵉⴷⵔⵉⵎⴻⵏ, ⴰⴷ ⵜⴻⵏⵏⴻⵔⵏⵉ ⵢⴻⵔⵏⴰ ⴰⴷ ⵜⴷⵓⵎ, ⵡⴰⵔ ⵎⴰ ⵜⴻⵞⵞⴰ ⵙⴻⴳ ⵢⵉⴷⵔⵉⵎⴻⵏ ⵏ ⵓⵡⴰⵏⴰⴽ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⴼⵀⴻⵎ ⵓⵍⵖⵓ-ⴰ.

ⴰⵢⴰ ⴰⴷ ⵢⴻⴵⴵ ⴷⴰⵖ ⴰⴷ ⴷ-ⵏⵏⵓⵍⴼⵓⵏ 3000 ⵏ ⵢⵉⵎⵓⴽⴰⵏ ⵏ ⵓⵎⴰⵀⵉⵍ (ⴰⵅⴻⴷⴷⵉⵎ), ⴰⵎ ⵡⴰⴽⴽⴻⵏ ⴰⵔⴰ ⵜⵜⵡⴰⴼⴻⵔⵇⴻⵏ 300 ⵏ ⵢⵉⵅⴻⴷⴷⴰⵎⴻⵏ ⵖⴻⴼ ⵍⴻⵃⵙⴰⴱ ⵏ ⵢⵉⵎⵓⴽⴰⵏ ⴷⴻⴳ ⵡⴰⵜⴰⵏ ⴰⴷ ⵅⴻⴷⵎⴻⵏ ⴷ ⵡⴰⵢⴻⵏ ⴷⴻⴳ ⴷ-ⵜⵜⵡⴰⵙⵙⵉⵍⵖⴻⵏ, ⴰⵎ ⵡⴰⴽⴽⴻⵏ ⴰⵔⴰ ⴷ-ⵙⵏⵓⵍⴼⵓⵏ ⵉⵖⴻⵔⴱⴰⵣⴻⵏ ⵢⴻⵎⵎⵓⵣⵣⴳⴻⵏ ⴷⴻⴳ ⵓⵚⴻⴳⴳⴻⵎ ⵏ ⵜⵎⴰⵛⵉⵏⵉⵏ ⴷ ⵚⵚⴻⵏⵄⴰⵜ ⵢⴻⵎⴳⴻⵔⵔⴰⴷⴻⵏ ⵏ ⵓⴱⵔⵉⴷ ⵏ ⵡⵓⵣⵣⴰⵍ.

ⵜⵓⴷⴷⵙⴰ ⵏ ⵚⵚⴻⵏⴼ-ⴰ ⵜⴻⵍⵍⴰ ⵢⴰⴳⵉ ⴷⴻⴳ ⵜⴽⴻⴱⴱⴰⵏⵉⵢⵉⵏ ⵏⵉⴹⴻⵏ ⵏ ⵍⴻⵣⵣⴰⵢⴻⵔ ⴰⵎ ⵜⴻⴳⵔⴰⵡⵜ ⵏ ⵙⵧⵏⴻⵍⴳⴰⵣ, ⵙⵧⵏⴰⵜⵔⴰⵛⵀ, ⴰⵉⵔ ⴰⵍⴳⴻⵔⵉⴻ, ⵙⵏⵠⵉ, ⵙⴰⵉⴷⴰⵍ ⴷ ⵜⴻⴳⵔⴰⵡⵉⵏ ⵜⵉⵎⴳⵓⵔⴰⵏⵉⵏ ⴰⵢ ⴷ-ⵢⴻⵏⵏⵓⵍⴼⴰⵏ ⵙⴻⴳ ⵎⴻⵍⵎⵉ ⴽⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵃⴻⵜⵜⴻⵜ ⵓⵖⵍⵉⴼ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⴷ ⴰⴽⴽⴻⵏ ⴰⵟⴰⵙ ⵏ ⵜⴻⴳⵔⴰⵡⵉⵏ ⵜⵉⴳⵔⴰⵖⵍⴰⵏⵉⵏ ⴰⵢ ⵉⴳⴰⵏ ⵜⵓⴷⴷⵙⴰ ⴰⵎ ⵜⴰ ⵢⴻⵔⵏⴰ « ⵔⴻⴱⵃⴻⵏⵜ ».

ⴰⴱⴻⴷⴷⴻⵍ ⵏ ⵙⵏⵜⴼ ⵉⵙⵡⵉ-ⵏⵏⴻⵙ ⴷ ⴰⵙⵙⴻⵍⵀⵓ ⵏ ⵓⵙⵙⴻⴼⵔⴻⴽ ⵏ ⵍⴻⵛⵖⴰⵍ-ⵏⵏⴻⵙ ⴷⴻⴳ ⵜⵜⴻⴽⴽⴰⵏⵜ 10 ⵏ ⵜⴽⴻⴱⴱⴰⵏⵉⵢⵉⵏ ⴷ 4 ⵏ ⵢⵉⴼⵓⵔⴽⴰⵡⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵕⴰⵙⴻⵍⵎⴰⵍ-ⵏⵏⴻⵙ ⵢⴻⵔⵏⴰ ⵅⴻⴷⴷⵎⴻⵏⵜ ⴷⴻⴳ ⵚⵚⴻⵏⵄⴰⵜ ⵢⴻⵎⴳⴻⵔⵔⴰⴷⴻⵏ (ⵜⴰⵍⵓⵊⵉⵙⵜⵉⵜ, ⵉⴳⴰⵍⵉⵙⴻⵏ, ⵜⵉⴱⵕⴰⵜⵉⵏ ⵜⵓⵄⵊⵉⵍⵉⵏ, ⵜⵔⵉⵙⵉⵜⵉ ⵏ ⵓⴱⵔⵉⴷ ⵏ ⵡⵓⵣⵣⴰⵍ, ⴰⵜⴳ.), ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.

ⴰⵢⴰ ⵢⴻⵍⵍⴰ-ⴷ ⴷⴻⴳ ⵓⴽⴰⵜⴰⵔ ⵏ ⵓⵙⵏⴻⴼⵍⵉ ⵏ ⵜⴽⴻⴱⴱⴰⵏⵉⵜ-ⴰ ⴰⵢ ⵢⴻⴱⵖⴰⵏ ⴰⴷ ⵜⴻⵙⵙⴻⵎⵖⴻⵔ ⴰⵥⴻⴹⴹⴰ-ⵏⵏⴻⵙ ⵏ ⵓⴱⵔⵉⴷ ⵏ ⵡⵓⵣⵣⴰⵍ ⵙⴻⴳ 4000 ⵏ ⵢⵉⴽⵉⵍⵓⵎⵉⵜⵔⴻⵏ ⵖⴻⵔ 12.500 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵢⵉⵙⴻⴳⴳⴰⵙⴻⵏ ⴰⵢ ⴷ-ⵢⴻⵜⵜⴻⴷⴷⵓⵏ, ⵢⴻⵔⵏⴰ ⵜⴻⴱⵖⴰ ⴰⴷ ⵜⴻⵙⵙⴻⵎⵖⴻⵔ ⵍⵎⵉⵣⴰⵏ ⵏ ⵙⵙⴻⵍⵄⴰ ⴰⵢ ⵜⴻⵙⵙⴰⵡⴰⴹ ⵙⴻⴳ 4,5 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⴷⴻⴳ ⵓⵙⴻⴳⴳⴰⵙ (ⴰⴽⴽⴻⵏ ⵢⴻⵍⵍⴰ ⴰⵙⵙ-ⴰ) ⵖⴻⵔ 30 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⴷⴻⴳ ⵓⵙⴻⴳⴳⴰⵙ ⴷⴻⴳ ⵜⵉⵣⵉ ⵏ 2020. ⴰⵎⴹⴰⵏ ⵏ ⵢⵉⵎⵙⵉⴽⵍⴻⵏ ⴰⵢ ⵢⴻⵜⵜⴻⴷⴷⵓⵏ ⵙ ⵜⵎⴰⵛⵉⵏⵜ ⴰⴷ ⵢⴻⵔⵏⵓ ⴷⴰⵖ ⵙⴻⴳ 32 ⵏ ⵢⵉⵎⴻⵍⵢⵓⵏⴻⵏ ⴷⴻⴳ ⵓⵙⴻⴳⴳⴰⵙ (ⴰⴽⴽⴻⵏ ⵢⴻⵍⵍⴰ ⴰⵙⵙ-ⴰ) ⵖⴻⵔ 80 ⵏ ⵢⵉⵎⴻⵍⵢⵓⵏⴻⵏ ⴷⴻⴳ ⵓⵙⴻⴳⴳⴰⵙ ⴷⴻⴳ ⵜⵉⵣⵉ ⵏ 2020, ⵖⴻⴼ ⵍⴻⵃⵙⴰⴱ ⵏ ⵓⵍⵖⵓ-ⴰ.