ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⵉⴱⵢⴰ: ⵙ ⵓⵜⵜⵉⵅⴻⵔ ⵏ ⴰⴱⴷⴰⵍⵍⴰⵀ ⴻⵍ-ⵜⵀⴻⵏⵉ, ⵓⵔ ⵉⴱⴰⵏ ⴰⵔⴰ ⵓⵣⴻⴽⴽⴰ ⵏ ⵓⵏⴰⴱⴰⴹ

ⵍⴻⵣⵣⴰⵢⴻⵔ – ⴷⴻⴼⴼⵉⵔ ⵎⴰ ⵢⴻⴼⴼⴻⵖ-ⴷ ⵢⵉⵙⴰⵍⵉ ⴷ ⴰⴽⴽⴻⵏ ⴰⵏⴻⵖⵍⴰⴼ ⴰⵎⴻⵏⵣⵓ ⴰⵍⵉⴱⵉ ⴰⴱⴷⴰⵍⵍⴰⵀ ⴻⵍ-ⵜⵀⴻⵏⵉ ⵢⴻⵜⵜⴰⵅⴻⵔ, ⵢⵓⵖⴰⵍ ⵓⵔ ⵉⴱⴰⵏ ⴰⵔⴰ ⵓⵣⴻⴽⴽⴰ ⵏ ⵓⵏⴰⴱⴰⴹ (ⵍⵃⵓⴽⵓⵎⴰ) ⴰⵍⵉⴱⵉ ⴰⵢⵢⴻⵙ ⵢⴻⵙⵜⴻⵄⵕⴻⴼ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ, ⵢⴻⵔⵏⴰ ⵢⴻⵍⵍⴰ-ⴷ ⵡⴰⵢⴰ ⴷⴻⴳ ⵜⴰⵍⵍⵉⵜ ⴰⵢⴷⴻⴳ ⵍⴰ ⵜⴻⵜⵜⴽⴻⵎⵎⵉⵍ ⵜⵓⵣⵣⵢⴰ ⵜⴰⵎⴰⵢⵏⵓⵜ ⵏ ⵍⴻⵎⵛⴰⵡⵕⴰⵜ ⵏ ⵜⴰⵍⵡⵉⵜ ⴷⴷⴰⵡ ⵍⴻⵄⵏⴰⵢⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⴳⴻⵏⴻⵠⴻ.

ⴷⴻⴳ ⵢⵉⵡⴻⵜ ⵏ ⵜⴻⵙⴳⵉⵍⵜ ⵏ ⵜⵍⵉⵥⵔⵉ, ⵎⴰⵙⵙ ⴻⵍ-ⵜⵀⴻⵏⵉ ⵢⴻⵏⵏⴰ-ⴷ ⴰⵙⵙ ⵏ ⵜⵜⵍⴰⵜⴰ ⵜⴰⵎⴻⴷⴷⵉⵜ ⴷ ⴰⴽⴽⴻⵏ ⵍⴰ ⵢⴻⵙⵙⴻⴼⵔⴰⵢ ⴰⴷ ⵢⴻⵜⵜⵉⵅⴻⵔ ⵢⴻⵔⵏⴰ ⵛⵛⴻⵜⴽⴰⵏ-ⴰⵙ-ⴷ ⴰⵟⴰⵙ ⵏ ⵢⵉⵎⴼⴻⵕⵕⴵⴻⵏ ⵖⴻⴼ ⵜⵉⴷⴷⵉⵜ ⵏ ⴷⵉⵔⵉ ⵏ ⵓⵏⴰⴱⴰⴹ-ⵏⵏⴻⵙ ⵓⵔ ⵢⴻⵙⵙⴰⵡⴹⴻⵏ ⴰⵔⴰ ⴰⴷ ⵢⴻⴹⵎⴻⵏ ⵉⵎⴻⵥⵍⴰ (ⵙⵙⵔⴰⴱⴻⵙ) ⵏ ⵍⵍⵙⴰⵙ ⵏ ⵜⵎⴻⴷⴷⵓⵔⵜ ⴰⵎ ⵜⵔⵉⵙⵉⵜⵉ, ⴰⵎ ⵡⴰⴽⴽⴻⵏ ⵓⵔ ⵢⴻⵙⵙⴰⵡⴻⴹ ⴰⵔⴰ ⴰⴷ ⵢⴻⴼⵔⵓ ⵓⴳⵓⵔ ⵏ ⵍⵇⴻⵍⵍⴰ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⴷⴻⴳ ⵜⴻⵎⵏⴰⴹⵜ ⴰⵢ ⵢⴻⵃⴽⴻⵎ.

« ⵎⴰ ⵢⴻⵍⵍⴰ ⴷ ⴰⵜⵜⵉⵅⴻⵔ-ⵉⵏⵓ ⴰⵢ ⴷ ⵜⵉⴼⵔⴰⵜ, ⵉⵀⵉ ⴷⴰ ⴰⵔⴰ ⴰⵡⴻⵏ-ⴷ-ⵉⵏⵉⵖ ⵜⵜⴰⵅⵔⴻⵖ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⵎⴻⵏⵣⵓ ⴰⵢ ⴷ-ⵢⴻⵔⵏⴰⵏ ⴷ ⴰⴽⴽⴻⵏ ⴰⵙⵙ ⵏ ⵍⵃⴻⴷⴷ ⴰⴷ ⵢⴻⵜⵜⵉⵅⴻⵔ ⵙ ⵢⵉⵙⴻⵎ ⵏ ⵓⵏⵚⵉⴱ ⴷⴻⴳ ⵓⵎⵏⵉ.

ⴰⵏⴻⵟⵟⴰⵇ ⵏ ⵓⵏⴰⴱⴰⴹ ⴰⵢⵢⴻⵙ ⵢⴻⵙⵜⴻⵄⵕⴻⴼ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ, ⵀⴰⵜⴻⵎ ⴻⵍ-ⵧⵓⵔⴰⵢⴱⵉ ⵓⵔ ⴷ-ⵉⵡⴻⴽⴽⴻⴷ ⴰⵔⴰ, ⵙⴻⴳ ⵢⵉⴷⵉⵙ-ⵏⵏⴻⵙ, ⵜⴰⵙⴻⵖⵔⵓⵜ-ⴰ. « ⴰⵏⴻⵖⵍⴰⴼ ⴰⵎⴻⵏⵣⵓ ⵢⴻⵏⵏⴰ-ⴷ ⴷⴻⴳ ⵓⴷⵉⵡⴻⵏⵏⵉ ⴷ ⴰⴽⴽⴻⵏ ⵎⴰ ⴱⵖⴰⵏ-ⵜ ⵎⴻⴷⴷⴻⵏ ⴰⴷ ⵢⴻⵜⵜⵉⵅⴻⵔ, ⵉⵀⵉ ⴰⴷ ⵢⴻⵜⵜⵉⵅⴻⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴰⵕⴻⴱⵄⴰ.

« ⵎⴰⵛⴰ ⵡⴻⵔⵄⴰⴷ ⵓⵔ ⵥⵔⵉⵖ ⴰⵔⴰ ⵎⴰ ⵢⴻⵍⵍⴰ ⴰⴷ ⴷ-ⵢⴻⵙⵙⴻⵖⵔⴻⵜ (ⴰⵜⵜⵉⵅⴻⵔ-ⵏⵏⴻⵙ) ⴷⴻⴳ ⵓⵎⵏⵉ ⴰⵙⵙ ⵏ ⵍⵃⴻⴷⴷ ⵏⴻⵖ ⵓⵀⵓ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵢⴻⵜⵜⵡⴰⵜⵜⵀⴻⵎ ⵙ ⵜⵊⵓⵄⴰⵍ==

ⴰⵏⴰⴱⴰⴹ ⵏ ⵎⴰⵙⵙ ⴻⵍ-ⵜⵀⴻⵏⵉ ⵢⴻⵜⵜⵡⴰⵜⵜⵀⴻⵎ ⵙ ⵜⵊⵓⵄⴰⵍ ⴷⴻⴳ ⵜⴻⵙⴳⵉⵍⵜ-ⵏⵏⵉ, ⵢⴻⵔⵏⴰ ⵎⴰⵙⵙ ⴻⵍ-ⵜⵀⴻⵏⵉ ⵙ ⵜⵉⵎⵎⴰⴷ-ⵏⵏⴻⵙ ⵢⴻⵙⵍⴻⴽ ⵓⵏⴻⵄⵔⵓⴹ ⵏ ⵜⵎⴻⵏⵖⵉⵡⵜ ⴷⴻⴳ ⵎⴰⵢⵓ ⴷⴻⴳ ⵜⴻⵎⴷⵉⵏⵜⵏ ⵟⵓⴱⵔⵓⵇ (ⴷⴻⴳ ⵓⴳⵎⵓⴹ ⵏ ⵜⵎⵓⵔⵜ).

ⵉⵎⴰⵙⵍⴰⴹⴻⵏ ⵏ ⵓⵏⴰⴱⴰⴹ ⵏ ⵎⴰⵙⵙ ⴻⵍ-ⵜⵀⴻⵏⵉ ⴷ ⵡⵉⴷ ⵏ ⵓⵎⵏⵉ ⴰⵢ ⵢⴻⵜⵜⵡⴰⴼⴻⵔⵏⴻⵏ ⴷⴻⴳ ⵜⴻⴼⵔⴰⵏⵉⵏ ⵜⵉⵡⴰⵎⵏⵉⵢⵉⵏ ⵜⵉⵏⴻⴳⴳⵓⵔⴰ ⵜⵜⵡⴰⵃⴻⵜⵜⵎⴻⵏ ⴰⴷ ⵔⴻⵡⵍⴻⵏ ⵖⴻⵔ ⵓⴳⵎⵓⴹ (ⵛⵛⴻⵔⵇ) ⵏ ⵜⵎⵓⵔⵜ ⴷⴻⴼⴼⵉⵔ ⵎⴰ ⵜⴻⵖⵍⵉ ⵜⵎⴰⵏⴻⵖⵜ ⵟⵔⴰⴱⵍⴻⵙ ⴷⴻⴳ ⵓⵏⴻⴱⴷⵓ ⵏ 2014 ⴳⴰⵔ ⵢⵉⴼⴰⵙⵙⴻⵏ ⵏ ⵜⴻⵎⵙⵉⵙⵉⵜ ⵏ ⵜⴻⵎⵍⵉⵛⵉⵏ ⵏ ⴼⴰⵊⵔ ⵍⵉⴱⵢⴰ.

ⴷⴻⴼⴼⵉⵔ ⵡⴰⵢⴰ, ⵉⵎⵙⴻⵍⵍⵃⴻⵏ ⴰⵢ ⵢⴻⴹⴹⴼⴻⵏ ⵟⵔⴰⴱⵍⴻⵙ ⵙⴱⴻⴷⴷⴻⵏ-ⴷ ⴰⵏⴰⴱⴰⴹ ⴷ ⵓⵎⵏⵉ ⴷⴻⴳ ⵜⵎⴰⵏⴻⵖⵜ-ⴰ, ⵓⵍⴰ ⵎⴰ ⵓⵔ ⵢⴻⵙⵜⴻⵄⵕⴻⴼ ⴰⵔⴰ ⵢⴻⵙ-ⵙ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ. ⴰⵎⵏⵉ-ⵏⵏⵉ ⵙⴻⵎⵎⴰⵏ-ⴰⵙ ⴰⵙⵡⵉⵔ ⴰⵎⴰⵜⵓ ⴰⵖⴻⵍⵏⴰⵡ, ⴷ ⵉⵙⴻⵎ ⵏ ⵓⵎⵏⵉ-ⵏⵏⵉ ⴰⵇⴱⵓⵔ ⴰⵢ ⵢⴻⵍⵍⴰⵏ ⵏⴰⵇⴰⵍ ⴷⴻⴳ ⵟⵔⴰⴱⵍⴻⵙ.

ⵓⴳⴰⵔ ⵏ 3 ⵏ ⵢⵉⵙⴻⴳⴳⴰⵙⴻⵏ ⵙⴻⴳ ⵡⴰⵙⵎⵉ ⴰⵢ ⵢⴻⵖⵍⵉ ⵓⵏⵀⵉⵍ ⵏ ⵎⴰⴰⵎⴰⵔ ⴻⵍ ⴳⵓⴻⴷⴷⴰⴼⵉ, ⵍⵉⴱⵢⴰ ⵎⴰⵣⴰⵍ-ⵉⵜⵜ ⵜⴻⵔⵡⵉ ⵢⴻⵔⵏⴰ ⵜⴻⵙⵄⴰ ⵙⵉⵏ ⵏ ⵢⵉⵏⴰⴱⴰⴹⴻⵏ ⴷ ⵙⵉⵏ ⵏ ⵢⵉⵎⵏⴰⵏ ⵢⴻⵎⵅⴰⵚⴰⵎⴻⵏ, ⵢⵉⵡⴻⵏ ⴰⵜⴰⵏ ⴷⴻⴳ ⵟⵔⴰⴱⵍⴻⵙ ⵢⴻⵔⵏⴰ ⴷⴷⴰⵡ ⵍⴻⵄⵏⴰⵢⴰ ⵏ ⵜⴻⵎⵍⵉⵛⵉⵏ ⵜⵉⵎⵙⴻⵍⵍⵃⵉⵏ ⵏ ⴼⴰⵊⵔ ⵍⵉⴱⵢⴰ, ⵎⴰ ⴷ ⵡⴰⵢⴻⵏ ⴰⵜⴰⵏ ⴷⴻⴳ ⵟⵓⴱⵔⵓⵇ, ⴷⴻⴳ ⵓⴳⵎⵓⴹ, ⵢⴻⵔⵏⴰ ⴷ ⵡⵉⵏ ⴰⵢⵢⴻⵙ ⵢⴻⵙⵜⴻⵄⵕⴻⴼ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ.

ⵉⵎⴻⵏⵖⵉⵢⴻⵏ ⵉⵇⴻⵙⵃⴰⵏⴻⵏ ⴷ ⵓⵏⵏⴻⵔⵏⵉ ⴷⴻⴳ ⵍⴵⴻⵀⴷ ⵏ ⵜⴻⴳⵔⴰⵡⵜ ⵜⴰⵔⴻⴱⵔⴰⴱⵜ ⴰⵢ ⵉⵙⴻⵎⵎⴰⵏ ⵉ ⵢⵉⵎⴰⵏ-ⵏⵏⴻⵙ ⴰⵡⴰⵏⴰⴽ ⵉⵙⵍⴰⵎⴰⵏ (ⴷⴰⵄⴻⵛ) ⵔⵏⴰⵏ ⵔⵡⵉⵏ ⵜⴰⴳⵏⵉⵜ ⴷⴻⴳ ⵓⵏⵔⴰⵔ ⴰⵍⵉⴱⵉ.

ⴰⵎⵛⵉⵡⴻⵕ ⵉ ⵍⵎⴻⵏⴷ ⵏ ⵓⵎⵜⴰⵡⴰ==

ⴰⵎⴰⵣⵓⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵍⵉⴱⵢⴰ, ⴱⴻⵔⵏⴰⵔⴷⵉⵏⵧ ⵍⴻⵧⵏ, ⵖⴻⵔ-ⵙ ⴰⵛⵃⴰⵍ ⵏ ⵡⴰⵢⵢⵓⵔⴻⵏ ⴰⵢⴰ ⵙⴻⴳ ⵡⴰⵙⵎⵉ ⴰⵢ ⵍⴰ ⵢⴻⵙⵙⴻⴷⴷⴰⵢ ⵍⴻⵎⵛⴰⵡⵕⴰⵜ ⴳⴰⵔ ⵙⵉⵏ-ⴰ ⵏ ⵢⵉⴷⵉⵙⴰⵏ ⴰⴽⴽⴻⵏ ⴰⴷ ⵎⵙⴻⴼⵀⴰⵎⴻⵏ ⵖⴻⴼ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ.

ⴰⵙⵙ ⵏ 11 ⵢⵓⵍⵢⵓ, ⵙⵜⴻⵏⵢⴰⵏ ⵢⵉⴷⵉⵙⴰⵏ ⵉⵍⵉⴱⵉⵢⴻⵏ ⴰⵎⵜⴰⵡⴰ ⵏ « ⵜⴰⵍⵡⵉⵜ ⴷ ⵓⵎⵙⵓⵖⴰⵍ » ⴷⴻⴼⴼⵉⵔ ⵡⴰⵛⵃⴰⵍ ⵏ ⵡⴰⵢⵢⵓⵔⴻⵏ ⵏ ⵍⴻⵎⵛⴰⵡⵕⴰⵜ ⴷⴷⴰⵡ ⵍⴻⵄⵏⴰⵢⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵎⴰⵛⴰ ⵍⵍⴰⵏⵜ-ⴷ ⵍⴻⵎⵛⴰⵡⵕⴰⵜ-ⴰ ⵡⴰⵔ ⵎⴰ ⵢⴻⵜⵜⴻⴽⴽⴰ ⵓⵙⵡⵉⵔ ⴰⵎⴰⵜⵓ ⴰⵖⴻⵍⵏⴰⵡ (ⴰⵎⵏⵉ ⵢⴻⵍⵍⴰⵏ ⴷⴻⴳ ⵟⵔⴰⴱⵍⴻⵙ ⵢⴻⵔⵏⴰ ⵓⵔ ⵢⴻⵙⵜⵄⵕⴻⴼ ⴰⵔⴰ ⵢⴻⵙ-ⵙ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ).

ⴰⵙⵡⵉⵔ-ⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵢⴻⵏ ⴰⵢ ⵢⴻⵙⵙⵓⵜⴻⵔ ⴰⴷ ⵢⴻⵜⵜⵡⴰⴱⴻⴷⴷⴻⵍ ⴷⴻⴳ ⵓⵎⵜⴰⵡⴰ-ⵏⵏⵉ ⵡⴻⵔⵄⴰⴷ ⵓⵔ ⵢⴻⵜⵜⵡⴰⴱⴻⴷⴷⴻⵍ ⴰⵔⴰ.

ⵖⴻⴼ ⵡⴰⵢⴰ ⴰⵢ ⴷ-ⵜⴻⴱⴷⴰ ⴰⵙⵙ ⵏ ⵜⵜⵍⴰⵜⴰ ⵜⵓⵣⵣⵢⴰ ⵏⵉⴹⴻⵏ ⵏ ⵍⴻⵎⵛⴰⵡⵕⴰⵜ ⴷⴻⴳ ⴳⴻⵏⴻⵠⴻ ⵙ ⵓⵃⴷⴰⵕ ⵏ ⵢⵉⴳⴻⵏⵙⴰⵙⴻⵏ ⵏ ⵓⵙⵡⵉⵔ ⴰⵎⴰⵜⵓ ⴰⵖⴻⵍⵏⴰⵡ ⴰⴽⴽⴻⵏ ⴰⴷ ⵄⴻⵔⴹⴻⵏ ⴰⴷ ⵙⵙⵉⵡⴹⴻⵏ ⵖⴻⵔ ⵓⵎⵜⴰⵡⴰ ⵉ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ.

ⴰⵏⴰⴱⴰⴹ ⵏ ⵜⴷⵓⴽⵉ ⴷⴻⴳ ⵛⵜⴻⵎⴱⴻⵕ?==

ⵎⴰⵙⵙ ⵍⴻⵧⵏ ⵢⴻⵙⵙⴻⴼⵀⴻⵎ-ⴷ ⵉ ⵢⵉⵏⴻⵖⵎⴰⵙⴻⵏ ⴷⴻⴳ ⴳⴻⵏⴻⵠⴻ ⴷ ⴰⴽⴽⴻⵏ ⵍⴰ ⵢⴻⵜⵜⵏⴰⴷⵉ ⴰⴷ ⵢⴻⵙⵙⴻⵇⵏⴻⵄ ⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴽⴽⴻⵏ ⴰⴷ ⴷ-ⵙⴱⴻⴷⴷⴻⵏ ⴰⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴷⴻⴳ ⵜⴻⵣⵡⴰⵔⴰ ⵏ ⵛⵜⴻⵎⴱⴻⵕ ⵓⵇⴱⴻⵍ ⵎⴰ ⵢⴻⵍⵍⴰ-ⴷ ⵓⴳⵔⴰⵡ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ. ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⴱⵖⴰ ⴰⴷ ⵜⵜ-ⵢⴻⴼⵔⵓ ⴷ ⵡⴰⴽⴽ ⵜⵉⴳⵔⴰⵡⵉⵏ ⵢⴻⵎⵅⴰⵚⴰⵎⴻⵏ ⵖⴻⴼ ⵜⵜⴼⴰⵚⵉⵍ ⵏ ⵜⴻⵎⵔⵓⵣⵉⵏ ⵏ ⵓⵎⵜⴰⵡⴰ-ⵏⵏⵉ.

ⴰⵙⵡⵉⵔ ⴰⵎⴰⵜⵓ ⴰⵖⴻⵍⵏⴰⵡ ⵢⵓⴳⵉ ⴰⴷ ⵢⴻⵙⵜⴻⵏⵢⵉ ⴰⵎⵜⴰⵡⴰ ⴰⵢⴷⴻⴳ ⴷ ⴰⵊⵉⵏⵉⵕⴰⵍ ⴽⵀⴰⵍⵉⴼⴰ ⵀⴰⴼⵜⴰⵔ ⴰⵔⴰ ⵢⴻⵇⵇⵉⵎⴻⵏ ⴷ ⵉⵎⴹⴻⴱⴱⴻⵔ ⴰⵎⴻⵇⵔⴰⵏ ⵏ ⵢⵉⴳⴻⵏ ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⵧⵀⴰⵎⵎⴰⴷ ⴰⵍⵉ ⴰⴱⴷⴰⵍⵍⴰⵀ ⴰⴷⴷⴰⵔⵔⴰⵜ, ⴰⵙⴻⵍⵡⴰⵢ ⵏ ⵓⴽⴰⴱⴰⵔ ⵏ ⵜⴻⵔⵏⵉ ⵜⴰⵖⴻⵍⵏⴰⵡⵜ ⵜⴰⵍⵉⴱⵉⵜ ⴷⴻⴳ ⵓⵅⵅⴰⵎ ⵏ ⵓⵎⵏⵉ ⵏ ⵟⵔⴰⴱⵍⴻⵙ: « ⵓⵔ ⴷ-ⵢⴻⵜⵜⵉⵍⵉ ⴰⵔⴰ ⴰⴽⴽ ⵓⵎⵜⴰⵡⴰ ⵎⴰ ⵢⴻⵍⵍⴰ ⴷ ⴰⵊⵉⵏⵉⵕⴰⵍ ⵀⴰⴼⵜⴰⵔ ⴰⵔⴰ ⵢⵉⵍⵉⵏ ⴷ ⵉⵎⴹⴻⴱⴱⴻⵔ ⵏ ⵢⵉⴳⴻⵏ ⴷⴻⴳ ⵍⵉⴱⵢⴰ ».

ⴰⵊⵉⵏⵉⵕⴰⵍ ⴰⵎⴰⵙⵜⴰⵖ ⴽⵀⴰⵍⵉⴼⴰ ⵀⴰⴼⵜⴰⵔ ⵢⴻⴱⴷⴰ-ⴷ ⴷⴻⴳ ⵎⴰⵢⵓ ⵏ 2014 ⵢⵉⵡⴻⵜ ⵏ ⵜⴻⵎⵀⴻⵍⵜ ⵜⵉⵎⵙⴻⵍⵍⴻⵃⵜ ⵎⴳⴰⵍ ⵜⴻⴳⵔⴰⵡⵉⵏ ⵜⵉⵅⵚⵉⵎⵉⵏ ⵏ ⵢⵉⵙⴻⵍⵎⴰⵥⵔⵉⵢⴻⵏ ⴷⴻⴳ ⴱⴻⵏⵖⴰⵣⵉ, ⵜⴰⵎⴷⵉⵏⵜ ⵜⴰⵎⴻⵇⵔⴰⵏⵜ ⵜⵉⵙ ⵙⵏⴰⵜ ⵏ ⵜⵎⵓⵔⵜ. ⵏⴰⵇⴰⵍ, ⴰⵏⴰⴱⴰⴹ-ⵏⵏⵉ ⴰⵢⵢⴻⵙ ⵢⴻⵙⵜⴻⵄⵕⴻⴼ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⵢⴻⵍⵍⴰ ⵎⴳⴰⵍ ⵓⵊⵉⵏⵉⵕⴰⵍ-ⴰ, ⵙⴰⴽⴽⵉⵏ ⵢⵓⵖⴰⵍ ⵢⴻⵙⵜⴻⵄⵕⴻⴼ ⵢⴻⵙ-ⵙ ⵢⴻⵔⵏⴰ ⵢⴻⵔⵔⴰ-ⵜ ⴷ ⵉⵖⴻⴼ ⵏ ⵢⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ ⴷⴻⴳ ⵡⴰⵢⵢⵓⵔ ⵏ ⵎⴻⵖⵔⴻⵙ ⵢⴻⵣⵔⵉⵏ.

ⵎⴰⵙⵙ ⵍⴻⵧⵏ ⵉⵃⴻⵜⵜⴻⵜ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⴻⵃⴱⴻⵙ ⵢⵉⵎⴻⵏⵖⵉ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵍⵉⴱⵢⴰ ⵢⴻⵔⵏⴰ ⴷ ⵏⴻⵜⵜⴰ ⴷ-ⵢⴻⴱⴷⴰⵏ ⴰⵎⵛⵉⵡⴻⵕ ⴳⴰⵔ ⵜⴻⴳⵔⴰⵡⵉⵏ ⵜⵉⵎⵙⴻⵍⵍⵃⵏ ⵜⵉⵍⵉⴱⵉⵢⵉⵏ. ⴷ ⴰⵛⵓ ⴽⴰⵏ, ⵢⴻⵙⵃⴰⵙⵙⴻⴼ ⵉⵎⵉ ⵍⴻⵎⵛⴰⵡⵕⴰⵜ ⴳⴰⵔ ⵢⵉⵎⵙⴻⵍⵍⵃⴻⵏ « ⵓⵔ ⵍⴰ ⵜⵜⴻⴷⴷⵓⵏⵜ ⴰⵔⴰ ⵙ ⵜⵖⴰⵡⵍⴰ ⴰⵎ ⵍⴻⵎⵛⴰⵡⵕⴰⵜ ⴳⴰⵔ ⵢⵉⵙⴻⵔⵜⴰⵢⴻⵏ ».

ⴷⵖⴰ ⵉ ⵍⵎⴻⵏⴷ ⵏ ⵡⴰⵢⴰ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ « ⵡⴰⴽⴽ ⵉⵍⵉⴱⵉⵢⴻⵏ ⴰⴽⴽⴻⵏ ⴰⴷ ⵢⵉⵍⵉ ⴳⴰⵔ-ⴰⵙⴻⵏ ⵡⴰⵡⴰⵍ ⵉⴱⴻⵏⵏⵓⵏ » ⵢⴻⵔⵏⴰ ⴰⴷ ⵙⵙⵉⵏⴼⴻⵏ ⵉ ⵜⵖⴰⵡⵙⵉⵡⵉⵏ ⴰⵢ ⵉⵣⴻⵎⵔⴻⵏ ⴰⴷ ⵙⵎⴻⵖⵔⴻⵏⵜ ⵛⵛⵡⴰⵍ.

ⵜⵉⵎⵍⵉⵍⵉⵢⵉⵏ ⵏ ⵡⴰⵙⵙ ⵏ ⵜⵜⵍⴰⵜⴰ ⵍⵍⴰⵏⵜ-ⴷ ⴳⴰⵔ ⵓⵎⴰⵣⵓⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵢⴰⵍ ⵢⵉⵡⴻⵏ ⵙⴻⴳ ⵢⵉⴷⵉⵙⴰⵏ ⵢⴻⵎⴳⴻⵔⵔⴰⴷⴻⵏ, ⵓⵍⴰ ⵎⴰ ⵎⴰⵙⵙ ⵍⴻⵧⵏ ⵢⴻⵍⵍⴰ ⵢⴻⴹⵎⴻⵄ ⴰⴷ ⵜⴻⵏ-ⵉⴷ-ⵢⴻⵙⵙⴻⵎⵍⵉⵍ ⴰⴽⴽ ⵖⴻⴼ ⵜⵉⴽⴽⴻⵍⵜ.