ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵟⴻⵔⴹⴻⵇ ⵏ ⵛⵛⵉⵏⵡⴰ : ⵜⴻⵏⵏⴰ-ⴷ ⵍⴻⵣⵣⴰⵢⴻⵔ ‘’ⵜⴰⵎⵙⴻⵜⵍⴻⵍⵜ-ⵉⵙ ⵍⵇⴰⵢⴻⵏ’’ ⵉ ⵓⵏⴰⴱⴰⴹ ⴷ ⵓⵖⴼⴻⴼ ⴰⵛⵉⵏⵡⵉ

ⵍⴻⵣⵣⴰⵢⴻⵔ – ⵜⴻⵏⵏⴰ-ⴷ ⵍⴻⵣⵣⴰⵢⴻⵔ ⴰⵙⵙ ⵏ ⵍⴻⵅⵎⵉⵙ ‘’ⵜⴰⵎⵙⴻⵜⵍⴻⵍⵜ-ⵉⵙ ⵍⵇⴰⵢⴻⵏ’’ ⵉ ⵓⵏⴰⴱⴰⴹ ⴷ ⵓⵖⴼⴻⴼ ⴰⵛⵉⵏⵡⵉ ⵙⴻⴳ ⴷ-ⵢⴻⴹⵔⴰ ⵓⵟⴻⵔⴹⴻⵇ ⴰⵙⵙ ⵏ ⵍⴰⵔⴻⴱⵄⴰ ⴷⴻⴳ ⵓⵙⵓⵏ ⴰⵎⴳⵓⵔⴰⵏ ⵏ ⵜⴻⵎⴷⵉⵏⵜ ⵜⴰⵙⴰⴳⵏⴰⵏⵜ ⵏ ⵜⵉⴰⵏⵊⵉⵏ ⴷⴻⴳ ⵛⵛⵉⵏⵡⴰ, ⵜⴻⴳⵍⴰ-ⴷ ⵖⴻⴼ ⵡⴰⴽⴽⴻⵏ ⵉ ⵙⴽⴻⵍⵙⴻⵏ ⵓⵎⵓⵖ ⴰⵏⴻⴳⴳⴰⵔⵓ, ⵙ 50 ⵏ ⵍⵎⴻⵢⵜⵉⵏ ⴷ 700 ⵉⵎⴻⵊⵔⴰⵃ, ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴱⴻⵕⵕⴰ.

‘’ⵙⴻⴳ ⴷ-ⵢⴻⴹⵔⴰ ⵓⵟⴻⵔⴹⴻⵇ-ⵏⵏⵉ, ⴰⵙⵙ ⵏ ⵍⴰⵔⴻⴱⵄⴰ 12 ⵖⵓⵛⵜ 2015, ⴷⴻⴳ ⵓⵙⵓⵏ ⴰⵎⴳⵓⵔⴰⵏ ⵏ ⵜⴻⵎⴷⵉⵏⵜ ⵜⴰⵙⴰⴳⵏⴰⵏⵜ ⵏ ⵜⵉⴰⵏⵊⵉⵏ ⴷⴻⴳ ⵛⵛⵉⵏⵡⴰ, ⵉ ⴷ-ⵢⴻⴳⵍⴰⵏ ⵙ ⵜⵎⴻⵜⵜⴰⵏ ⵏ 50 ⵢⴻⵎⴷⴰⵏⴻⵏ ⴷ ⵡⵓⴳⴰⵔ ⵏ 700 ⵏ ⵢⵉⵎⴻⵊⵔⴰⵃ, ⵍⴻⵣⵣⴰⵢⴻⵔ ⵜⴻⵏⵏⴰ-ⴷ ⵜⴰⵎⵙⴻⵜⵍⴻⵍⵜ-ⵉⵙ ⵍⵇⴰⵢⴻⵏ ⵉ ⵓⵏⴰⴱⴰⴹ ⴷ ⵓⵖⴼⴻⴼ ⴰⵛⵉⵏⵡⵉ, ⵔⵏⵓ ⴷⴰⵖⴻⵏ, ⵉ ⵜⵡⴰⵛⵓⵍⵉⵏ ⵜⵃⵓⵣⴰ ⵜⵡⴰⵖⵉⵜ-ⴰ, ⵜⴻⵏⵏⴰ-ⴷ ⵍⴻⵎⵖⵉⴹ-ⴰⵙ’’, ⴰⴽⴽⴰ ⵉ ⵏⴻⵖⵔⴰ ⴷⴻⴳ ⵓⵍⵖⵓ.

‘’ⵜⵄⴻⵣⵣⴰ ⵍⴻⵣⵣⴰⵢⴻⵔ ⵜⵉⵡⴰⵛⵓⵍⵉⵏ ⵏ ⵡⵉⴷ ⵢⴻⵎⵎⵓⵜⴻⵏ ⴷ ⵓⵙⵉⵔⴻⵎ ⵏ ⵜⵓⵊⵢⴰ ⵉ ⵢⵉⵎⴻⵊⵔⴰⵃ. ⵜⴻⵔⵏⴰ ⵜⵓⵍⴻⵙ-ⴰⵙ-ⴷ, ⴷⴻⴳ ⵜⴻⵙⵡⵉⵄⵜ-ⴰ ⵜⴰⵡⴻⵄⵔⴰⵏⵜ, ⵉ ⵢⵉⵃⵓⵍⴼⴰⵏ ⵏ ⵜⴻⴳⵎⴰⵜ ⵉ ⵓⵖⵔⴻⴼ ⴷ ⵓⵏⴰⴱⴰⴹ ⴰⵛⵉⵏⵡⵉ’’, ⵉ ⵢⴻⵔⵏⴰ ⵢⴻⵏⵏⴰ-ⴷ ⵓⵍⵖⵓ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴱⴻⵕⵕⴰ. (ⵜⴰⵏⴻⴳⴳⴰ)