Asebter amenzawi

Aṭerḍeq n Ccinwa : Tenna-d Lezzayer ‘’tamsetlelt-is lqayen’’ i unabaḍ d uɣfef acinwi

LEZZAYER – Tenna-d Lezzayer ass n lexmis ‘’tamsetlelt-is lqayen’’ i Unabaḍ d uɣfef acinwi seg d-yeḍra uṭerḍeq ass n larebɛa deg usun amguran n temdint tasagnant n Tianjin deg Ccinwa, tegla-d ɣef wakken i skelsen umuɣ aneggaru, s 50 n lmeytin d 700 imejraḥ, i d-yenna yiwen n ulɣu n uɣlif n Tɣawsiwin n beṛṛa.

‘’Seg d-yeḍra uṭerḍeq-nni, ass n larebɛa 12 ɣuct 2015, deg usun amguran n temdint tasagnant n Tianjin deg Ccinwa, i d-yeglan s tmettan n 50 yemdanen d wugar n 700 n yimejraḥ, Lezzayer tenna-d tamsetlelt-is lqayen i Unabaḍ d uɣfef acinwi, rnu daɣen, i twaculin tḥuza twaɣit-a, tenna-d lemɣiḍ-as’’, akka i neɣra deg ulɣu.

‘’Tɛezza Lezzayer tiwaculin n wid yemmuten d usirem n tujya i yimejraḥ. Terna tules-as-d, deg teswiɛt-a taweɛrant, i yiḥulfan n tegmat i uɣref d Unabaḍ acinwi’’, i yerna yenna-d ulɣu n uɣlif n Tɣawsiwin n beṛṛa. (Tanegga)