ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵔⵣⵉ ⵜⴰⵎⴻⵣⵡⴰⵔⵓⵜ ⵏ ⵓⵎⵏⵓⴽⴰⵍ ⵏ ⵢⵉⴼⵓⵖⴰⵙ ⵜⴻⵍⵍⴰ-ⴷ ⵖⴻⴼ ⵍⴻⵣⵣⴰⵢⴻⵔ

ⵍⴻⵣⵣⴰⵢⴻⵔ – ⴰⵎⴰⵔⵓ ⴰⵎⴰⵜⵓ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⴰⴱⴷⴻⵍⵀⴰⵎⵉⴷ ⵙⴻⵏⵧⵓⵛⵉ ⴱⴻⵔⴻⴽⵙⵉ, ⵢⴻⵎⵎⵓⴳⴻⵔ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⵣⵣⴰⵢⴻⵔ ⴰⵎⵏⵓⴽⴰⵍ ⵏ ⵢⵉⴼⵓⵖⴰⵙ, ⵎⵧⵀⴰⵎⴻⴷ ⴰⴳⵀ ⵉⵏⵜⴰⵍⵍⴰ ⴰⵢ ⵉⴼⴻⵔⵏⴻⵏ ⴰⴷ ⵜⵉⵍⵉ ⵍⴻⵣⵣⴰⵢⴻⵔ ⴷ ⵜⴰⵎⵓⵔⵜ ⵜⴰⴱⴻⵕⵕⴰⵏⵉⵜ ⵜⴰⵎⴻⵣⵡⴰⵔⵓⵜ ⴰⵢⵖⴻⴼ ⴰⵔⴰ ⴷ-ⵢⴻⵔⵣⵓ ⵙ ⵢⵉⵙⴻⵎ-ⵏⵏⴻⵙ ⴷ ⴰⵎⵏⵓⴽⴰⵍ.

ⵎⴰⵙⵙ ⵎⵧⵀⴰⵎⴻⴷ ⴰⴳⵀ ⵉⵏⵜⴰⵍⵍⴰ ⴷ ⵏⴻⵜⵜⴰ ⴰⵢ ⴷ-ⵉⵅⴻⵍⴼⴻⵏ ⴱⴰⴱⴰ-ⵙ ⵉⵏⵜⴰⵍⵍⴰ ⴰⴳⵀ ⴰⵜⵜⴰⵀⴻⵔ, ⴰⵢ ⵢⴻⵎⵎⵓⵜⴻⵏ ⴷⴻⴳ ⴷⵓⵊⴻⵎⴱⴻⵕ ⵏ 2014.

ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⴰⵢ ⴷ-ⵉⴳⴰ ⵉ ⵜⵖⴻⵎⵙⴰ ⴷⴻⴼⴼⵉⵔ ⵓⵎⵢⴰⴳⴻⵔ-ⵏⵏⴻⵙ ⴷⴻⴳ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵢⴻⵙⵏⴻⵎⵎⴻⵔ ⵓⵎⵏⵓⴽⴰⵍ ⴰⴳⵀ ⵉⵏⵜⴰⵍⵍⴰ ⵍⴻⵣⵣⴰⵢⴻⵔ ⵉⵎⵉ ⴰⵢ ⵜⴻⴱⴷⴻⴷ ⵖⴻⵔ ⵢⵉⴷⵉⵙ ⵏ « ⵓⵖⵔⴻⴼ ⴰⵎⴰⵍⵉ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⵙ ⵡⴰⵙⵙⴰⵖⴻⵏ « ⵉⵎⴻⵣⵔⵓⵢⴰⵏⴻⵏ » ⴰⵢ ⵉⵛⴻⵔⴽⴻⵏ ⴱⴰⴱⴰ-ⵙ ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴰⵢ ⵢⴻⵍⵍⴰⵏ ⵢⴻⵜⵜⵡⴰⵙⵙⴻⵏ ⴷⴻⴳ ⵜⴰⵍⵍⵉⵜ ⵏ ⵜⴻⴳⵔⴰⵡⵍⴰ ⵜⴰⴷⵣⴰⵢⵔⵉⵜ ⵙ ⵢⵉⵙⴻⵎ ⵏ « ⴰⴱⴷⴻⵍⴽⴰⴷⴻⵔ ⴻⵍ-ⵎⴰⵍⵉ ».

ⴷⵖⴰ, ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵙⵎⴻⴽⵜⵉ-ⴷ « ⴰⵙⵙⵉⴽⴻⵍ-ⵏⵏⵉ ⵏ 12 ⵏ ⵡⵓⵙⵙⴰⵏ ⴰⵢ ⴳⴰⵏ ⴱⴰⴱⴰ-ⵙ ⴷ ⴰⴱⴷⴻⵍⴽⴰⴷⴻⵔ ⴻⵍ-ⵎⴰⵍⵉ ⴷⴻⴳ ⵜⴻⵎⵏⴰⴹⵜ ⵏ ⴽⵉⴷⴰⵍ (ⴷⴻⴳ ⵓⴳⴰⴼⴰ ⵏ ⵎⴰⵍⵉ) ⵖⴻⴼ ⵓⵄⵔⵓⵔ ⵏ ⵓⵍⵖⴻⵎ ⴰⴽⴽⴻⵏ ⴰⴷ ⵙⴵⴻⵀⴷⴻⵏ ⴰⵄⴰⵡⴻⵏ ⵏ ⵎⴻⴷⴷⴻⵏ ⵉ ⵍⵎⴻⵏⴷ ⵏ ⵟⵟⵔⴰⴷ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ ».

ⵎⵧⵀⴰⵎⴻⴷ ⴰⴳⵀ ⵉⵏⵜⴰⵍⵍⴰ ⵢⴻⵏⵏⴰ-ⴷ ⴷ ⴰⴽⴽⴻⵏ « ⴷⴻⴳ ⵜⴰⵍⵍⵉⵜ-ⵏⵏⵉ, ⵜⵜⵡⴰⴱⵏⴰⵏ ⵢⵉⵅⵅⴰⵎⴻⵏ ⵓⴳⴰⴼⴰ ⵏ ⵎⴰⵍⵉ ⵙ ⵍⴻⵎⵄⴰⵡⵏⴰ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ » ⵢⴻⵔⵏⴰ ⵢⴻⵙⵙⴰⵔⴻⵎ « ⴰⴷ ⵜⵜⵡⴰⵃⴻⵔⵣⴻⵏ (ⵢⵉⵅⵅⴰⵎⴻⵏ-ⵏⵏⵉ) ⴰⴽⴽⴻⵏ ⴰⴷ ⵇⵇⵉⵎⴻⵏ ⴷ ⵛⵛⴼⴰⵡⴰⵜ ⵉ ⵡⴰⵙⵙⴰⵖⴻⵏ ⵉⵍⵇⴰⵢⴰⵏⴻⵏ ⵏ ⵜⴻⴳⵎⴰⵜ ⴷ ⵜⴻⵎⵙⴻⵜⵍⴻⵍⵜ ⴳⴰⵔ ⵓⵖⵔⴻⴼ ⴰⴷⵣⴰⵢⵔⵉ ⴷ ⵡⵉⵏ ⵏ ⵎⴰⵍⵉ ».