Asebter amenzawi

Seddis imakaren ay yettwaḥebsen sɣur iserdasen n yigen ANP deg wenẓul n tmurt

LEZZAYER - Ṣa (7) imakaren n tmura tibeṛṛaniyin yemxallafen ay yettwaṭṭfen sɣur iserdasen n tejlibt n yigen aɣelnaw aɣerfan (ANP) di tama n wadda n tmurt, ass n laxmis, deg uqaleb n tɛessast n tilas d umennuɣ mgal iɣeblan yemxallafen, id-iwekked ass n lǧemɛa weɣlif n temḥaddit taɣelnawt, deg yiwen n wulɣu.

"Deg uqaleb n tpwessast n tilas n tmurt d umennuɣ mgal timenɣiwin d tikuṛdiwin, yiwet n tejlibt n yigen aɣelnaw aɣerfan yeqqnen ɣer tama tamsigawt n Illizi (tamnaḍt taserdasit tis 4) teṭṭef yiwen umakar ass n 13 ɣuct 2015, terna teḥbes yiwet n tkaṛṛust iteddun di yal adeg deg llant 32 n tqeṛwunin n lgaz, d wazal iceṭṭiḍen d yisufar n wučči , sin (2) n yemsiwlen ufus akk d wazal n yedrimen 319.000 idinaren izzayriyen", id-twekked teɣbalut-agi deg wulɣu.

"Ma di tama n temnaḍt taserdasit tis seddis , yiwet n tejlibt yeqqnen ɣer tama ta,esigawit n Tamneɣest yeṭṭef seddis imakaren n tmura yemxallafen yerna yettwakkes-asen yiwet n tkaṛṛust iteddun di yal adeg akk d semmus (5) n wallalen d(ittnadin uzzal", id-tenna teɣbalut-agi.

Si tama-nniḍen, "di temnaḍt taserdasit tis snat, iɛessasen n tilas n Bab El-Assa yeqqnen ɣer tama tamsigawit n Tlemcen ṭṭfen azal 1.320 litrat n liṣunṣ ", id-yenna wulɣu n MDN.