ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴱⵧⵓⴷⴻⵔⴱⴰⵍⴰ ⵢⴻⵙⵇⴻⵔⴷⴻⵛ ⴷ ⵢⵉⵎⴹⴻⴱⴱⵔⴻⵏ ⵏ ⴰⵉⵔ ⴰⵍⴳⴻⵔⵉⴻ ⵖⴻⴼ ⵓⵙⵏⴻⵔⵏⵉ ⵏ ⵜⴽⴻⴱⴱⴰⵏⵉⵜ
ⵍⴻⵣⵣⴰⵢⴻⵔ – ⴰⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⴽⴻⴱⴱⴰⵏⵉⵜ ⵜⴰⵖⴻⵍⵏⴰⵡⵜ ⵏ ⴰⵉⵔ ⴰⵍⴳⴻⵔⵉⴻ, ⵎⵧⵀⴰⵎⴻⴷ ⴰⴱⴷⵧⵓ ⴱⵧⵓⴷⴻⵔⴱⴰⵍⴰ, ⵢⴻⵙⵙⴻⵎⵍⴰⵍ-ⴷ ⴰⴽⴽ ⵉⴽⴰⵜⴰⵔⴻⵏ ⵜⴽⴻⴱⴱⴰⵏⵉⵜ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵉ ⵓⵙⵇⴻⵔⴷⴻⵛ ⵖⴻⴼ ⵓⵖⴰⵡⴰⵙ ⵏ ⵓⵙⵏⴻⴼⵍⵉ ⴷ ⵓⵙⵙⴻⵜⵔⴻⵔ ⵏ ⵜⴽⴻⴱⴱⴰⵏⵉⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⴰⵉⵔ ⴰⵍⴳⴻⵔⵉⴻ.
ⵜⵉⵎⵍⵉⵍⵉⵜ-ⴰ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴻⵍⵍⴰ-ⴷ ⴷⴰⵖ ⴷ ⵜⴰⴳⵏⵉⵜ ⵉ ⵓⵇⴻⴷⴷⴻⵎ ⵏ ⵓⵕⴰⴱⵓⵍ ⵏ ⵓⵔⵎⵓⴷ ⴷ ⵜⴻⵛⵔⴰⵡⵜ ⵏ ⵜⴽⴻⴱⴱⴰⵏⵉⵜ-ⴰ ⵉ ⵓⵙⴻⴳⴳⴰⵙ ⵏ 2014 ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⴰ.
ⵎⴰⵙⵙ ⴱⵧⵓⴷⴻⵔⴱⴰⵍⴰ ⵢⴻⴽⵛⴻⴼ-ⴷ « ⴰⴽⴽ ⵍⴻⵃⵙⴰⴱⴰⵜ ⵉ ⵢⵉⴽⴰⵜⴰⵔⴻⵏ ⴷ ⵢⵉⵛⵔⵉⴽⴻⵏ ⵉⵏⵎⴻⵜⵜⵉⵢⴻⵏ ⴰⴽⴽⴻⵏ ⴰⴷ ⴷ-ⵙⵙⵓⴽⴽⴻⵏ ⵜⵉⵟ ⵖⴻⴼ ⵡⴰⵢⴻⵏ ⴰⵢⴷⴻⴳ ⵜⴻⴵⵀⴻⴷ ⵜⴽⴻⴱⴱⴰⵏⵉⵜ-ⴰ ⴷ ⵡⴰⵢⴻⵏ ⴰⵢⴷⴻⴳ ⵜⵅⵓⵚⵚ ⵢⴻⵔⵏⴰ ⴰⴷ ⵄⴻⵔⴹⴻⵏ ⴰⴷ ⴼⵔⵓⵏ ⵍⴻⵅⵚⴰⵚ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ.
ⴷ ⴰⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⴰⵢ ⴷ-ⵉⴹⴻⴱⴱⵔⴻⵏ ⴰⴽⴽⴻⵏ ⴰⴷ ⵜⵉⵍⵉ ⵜⴻⵎⵍⵉⵍⵉⵜ-ⴰ ⵢⴻⵔⵏⴰ ⴷ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴰⵢⴷⴻⴳ ⴷ-ⵢⴻⵍⵍⴰ ⵓⵎⵢⴰⴳⴻⵔ ⵙⴻⴳ ⵚⵚⴻⵏⴼ-ⴰ. ⵎⴰⵙⵙ ⴱⵧⵓⴷⴻⵔⴱⴰⵍⴰ ⵍⴰ ⵉⵄⴻⵔⵔⴻⴹ ⴰⴷ ⵢⴻⴽⴽⴻⵙ ⴰⴽⴽ ⵉⵄⴻⵡⵡⵉⵇⴻⵏ ⴰⴽⴽⴻⵏ « ⴰⴷ ⵣⴻⵎⵔⴻⵏ ⴰⴽⴽ ⵉⵅⴻⴷⴷⴰⵎⴻⵏ ⴰⴷ ⴹⴻⴼⵔⴻⵏ ⵜⵉⴷⴷⵉⵜ ⵏ ⵜⴽⴻⴱⴱⴰⵏⵉⵜ-ⴰ ⵙ ⵍⴻⵃⵙⴰⴱⴰⵜ ⵡⴰⵔ ⵎⴰ ⵢⴻⵜⵜⵡⴰⴼⴼⴻⵔ ⵡⴰⵛⴻⵎⵎⴰ ».
ⴰⵙⴰⵔⴰⴳ-ⴰ ⵢⴻⴵⴵⴰ ⴷⴰⵖ ⵡⵉⴷ ⴰⵢ ⵉⵃⴻⴷⵕⴻⵏ ⴷⴻⴳ-ⵙ ⴰⴷ ⵥⵔⴻⵏ ⴷ ⴰⴽⴽⴻⵏ ⵢⴻⵙⵙⴻⴼⴽ « ⴰⴷ ⵜⵇⴰⴱⴻⵍ ⵜⴽⴻⴱⴱⴰⵏⵉⵜ-ⴰ ⵜⵉⵎⵙⵉⵣⵡⴻⵔⵜ (ⴷ ⵜⴽⴻⴱⴱⴰⵏⵉⵢⵉⵏ ⵏⵉⴹⴻⵏ) ⵙ ⵓⵙⵙⵓⴳⴳⴻⵜ ⵏ ⵍⵎⴻⴵⵀⵓⴷ ⵉ ⵍⵎⴻⵏⴷ ⵏ ⵓⵃⵓⴷⴷⵓ ⵏ ⵢⵉⵙⴻⵎ ⵏ ⵜⴽⴻⴱⴱⴰⵏⵉⵜ ⵜⴰⴷⵣⴰⵢⵔⵉⵜ (ⴷⴻⴳ ⵙⵙⵓⵇ ⴰⴳⵔⴰⵖⵍⴰⵏ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⴰ.
