ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⴰⵍⵉ: ⵎⴰ ⵓⵍⴰⵛ ⴰⵔⴽⴰⴷ ⴷ ⵜⴰⵍⵡⵉⵜ, ⴰⴷ ⵢⴻⵔⵏⵓ ⵍⴰⵥ

ⵏⴻⵡ ⵢⵓⵔⴽ (ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ) – ⴰⵙⴻⵎⵢⵓⴷⴷⴰⵙ ⴰⵍⵙⴰⵏ ⴰⵎⵏⴰⴹⴰⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵙⵙⴰⵃⴻⵍ, ⵜⵧⴱⵢ ⵍⴰⵏⵣⴻⵔ, ⵉⵄⴻⵢⵢⴻⵏ-ⴷ ⴷ ⴰⴽⴽⴻⵏ ⵍⴻⵎⵎⴻⵔ ⵡⵉⴷ ⵢⴻⵎⵅⴰⵚⴰⵎⴻⵏ ⴷⴻⴳ ⵜⴰⵍⵓⴼⵜ ⵏ ⵎⴰⵍⵉ ⵓⵔ ⵜⵜⴹⴰⴼⴰⵔⴻⵏ ⴰⵔⴰ ⴰⴱⵔⵉⴷ ⵏ ⵜⴰⵍⵡⵉⵜ ⴷ ⵓⵔⴽⴰⴷ, ⴰⵍⴰ ⵜⵉⵎⴻⵔⵏⵉⵡⵜ ⴰⵔⴰ ⵢⴻⵔⵏⵓ ⵍⴰⵥ ⴷⴻⴳ ⵜⵎⵓⵔⵜ-ⴰ.

ⵎⴰⵙⵙ ⵍⴰⵏⵣⴻⵔ ⵢⴻⵏⵏⴰ-ⴷ, ⴷⴻⴳ ⵢⵉⵡⴻⵏ ⵏ ⵓⵍⵖⵓ ⴰⵢ ⴷ-ⵢⴻⴼⴼⵖⴻⵏ ⴰⵙⵙ ⵏ ⵙⵙⴻⴱⵜ ⴷⴻⴼⴼⵉⵔ ⵢⵉⵡⴻⵜ ⵏ ⵜⴻⵔⵣⵉ ⵏ 5 ⵏ ⵡⵓⵙⵙⴰⵏ ⴰⵢ ⵉⴳⴰ ⵖⴻⴼ ⵜⵎⵓⵔⵜ-ⴰ ⴷ ⴰⴽⴽⴻⵏ ⴰⵎⵖⵉⵡⴰⵏ ⴰⴳⵔⴰⵖⵍⴰⵏ ⵍⴰ ⵢⴻⵜⵜⴽⴻⵎⵎⵉⵍ ⵍⴰ ⵢⴻⵜⵜⵄⴰⵡⴰⵏ ⵉⵎⴻⵣⴷⴰⵖⴻⵏ ⵢⴻⵏⴹⴻⵔⵔⴻⵏ ⵏ ⵎⴰⵍⵉ, ⵎⴰⵛⴰ ⵢⴻⴱⴷⴻⴷ ⴷⴰⵖ ⵖⴻⵔ ⵢⵉⴷⵉⵙ ⵏ ⵍⵎⴻⴵⵀⵓⴷ ⵉ ⵍⵎⴻⵏⴷ ⵏ ⵜⴰⵍⵡⵉⵜ ⴷ ⵜⵏⴻⴼⵍⵉⵜ.

ⵢⴻⵏⵏⴰ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷ ⴰⴽⴽⴻⵏ « ⵢⴻⵇⵇⴻⵍ-ⴰⵙ-ⴷ ⵓⵙⵙⵉⵔⴻⵎ ⵎⵉ ⵉⵡⴰⵍⴰ ⴷ ⴰⴽⴽⴻⵏ ⵉⵎⵖⵉⵡⴰⵏⴻⵏ ⵉⵎⴰⵍⵉⵢⴻⵏ ⴷ ⵜⵎⴻⵜⵜⵉ ⵜⴰⵖⴰⵔⵉⵎⵜ ⵄⴻⵡⵡⵍⴻⵏ ⴰⴽⴽⴻⵏ ⴰⴷ ⵏⴰⴷⵉⵏ ⴰⴷ ⵃⵓⴷⴷⴻⵏ ⴰⵣⴰⵍⴻⵏ ⵏ ⵓⵎⵙⵓⵔⴻⴼ ⴷ ⵓⵎⵙⴻⴼⵀⴰⵎ ⴷⴻⴳ ⵜⵎⴻⵜⵜⵉ ».

« ⵙ ⵓⵎⵄⴰⵡⴻⵏ ⴷ ⵓⵏⴰⴱⴰⴹ ⴷ ⵢⵉⵛⵔⵉⴽⴻⵏ ⵏ ⵜⵏⴻⴼⵍⵉⵜ, ⵢⴻⵙⵙⴻⴼⴽ ⴰⴷ ⵏⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⵎⴻⴷⴷⴻⵏ ⴰⴽⴽⴻⵏ ⴰⴷ ⴰⵙⴻⵏ-ⵏⴻⴹⵎⴻⵏ ⵜⴰⵎⴻⴷⴷⵓⵔⵜ ⵢⴻⵍⵀⴰⵏ, ⵜⴰⵏⴻⴼⵍⵉⵜ ⴷ ⵜⵖⴻⵍⵍⵉⵙⵜ (ⵍⴰⵎⴰⵏ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ. « ⴰⵎⵖⵉⵡⴰⵏ ⴰⴳⵔⴰⵖⵍⴰⵏ ⵢⴻⵙⵙⴻⴼⴽ ⴰⴷ ⵉⴽⴻⵎⵎⴻⵍ ⴰⴷ ⵢⴻⵜⵜⵄⴰⵡⴰⵏ ⵜⵉⵏⴻⴳⴳⵉⵡⵉⵏ ⵜⴰⵍⵙⴰⵏⵉⵏ ⴰⴽⴽⴻⵏ ⴰⴷ ⵙⵄⵓⵏⵜ ⴰⵢⴻⵏ ⵃⵡⴰⴵⴻⵏⵜ ⵉ ⵓⵙⵙⵓⴽⴽⴻⵙ ⵏ ⵎⴻⴷⴷⴻⵏ ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⵙⵙⴻⵍⵀⵓⵏ ⵜⴰⴼⵓⵍⵎⴰⵏⵜ ⵏ ⵜⴻⴳⵔⴰⵡⵉⵏ ⴰⵢ ⵢⴻⵏⴹⴻⵔⵔⴻⵏ ⵙ ⵡⴰⵟⴰⵙ », ⵖⴻⴼ ⵡⴰⴽⴽⴻⵏ ⴰⵢ ⵜⵜ-ⵉⴷ-ⵢⴻⵅⴷⴻⵎ ⵎⴰⵙⵙ ⵍⴰⵏⵣⴻⵔ.

ⴰⵣⴰⵍ ⵏ 3,1 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵎⴰⵍⵉⵢⴻⵏ ⴰⵢ ⵎⴰⵣⴰⵍ ⴷⴷⵔⴻⵏ ⴷⴻⴳ ⵍⴰⵥ, ⴳⴰⵔ-ⴰⵙⴻⵏ 410.000 ⵍⵍⵓⵥⴻⵏ ⵎⵍⵉⵃ ⵢⴻⵔⵏⴰ ⵃⵡⴰⴵⴻⵏ ⵍⴻⵎⵄⴰⵡⵏⴰ ⵡⴰⵔ ⵍⴻⵄⴹⵉⵍ, ⴷⴻⴳ ⵡⴰⴽⵓⴷ ⴷⴻⴳ ⴰⵣⴰⵍ ⵏ 15.000 ⵏ ⵢⵉⴳⴻⵔⴷⴰⵏ ⴰⵢ ⵉⵣⴻⵎⵔⴻⵏ ⴰⴷ ⵏⴹⴻⵔⵔⴻⵏ ⵎⵍⵉⵃ ⵙⴻⴳ ⵍⴻⵅⵚⴰⵚ ⵏ ⵡⵓⵞⵞⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴰⵔⵉⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵙⵙⴻⵎⵢⵓⴷⴷⴻⵙ ⵏ ⵜⵖⴰⵡⵙⵉⵡⵉⵏ ⵜⴰⵍⵙⴰⵏⵉⵏ (ⵧⵛⵀⴰ) ⴰⵢ ⴷ-ⵢⴻⵏⵏⴰⵏ ⴷ ⴰⴽⴽⴻⵏ ⵜⴰⴳⵏⵉⵜ ⵜⴻⵙⵙⴰⴳⴰⴷ ⵓⴳⴰⵔ ⴷⴻⴳ ⵜⴻⵎⵏⴰⴹⵜ ⵏ ⵜⵉⵎⴱⵓⴽⵜⵓ ⴰⵏⴷⴰ ⴰⵎⴹⴰⵏ ⵏ ⵡⵉⴷ ⵢⴻⵍⵍⵓⵥⴻⵏ ⵉⵄⴻⴷⴷⴰ ⵉ ⵓⵙⵡⵉⵔ ⵏ ⵜⵓⵄⵊⵉⵍⵉⵏ.

ⵖⴻⴼ ⵍⴻⵃⵙⴰⴱ ⵏ ⵎⴱⴰⵔⴰⵏⴳⴰ ⴳⴰⵙⴰⵔⴰⴱⵡⴻ, ⵜⴰⵙⵓⵎⵢⵓⴷⴷⴰⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵎⴰⵍⵉ, « ⵍⵇⴻⵍⵍⴰ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⴷⴻⴳ ⴽⵔⴰ ⵏ ⵜⴻⵎⵏⴰⴹⵉⵏ ⵏ ⵜⵎⵓⵔⵜ ⵜⵓⵙⴰ-ⴷ ⴷ ⴰⵄⴻⵡⵡⵉⵇ ⵉ ⵓⵙⵙⵉⵡⴻⴹ ⵏ ⵍⴻⵎⵄⴰⵡⵏⴰ ⵖⴻⵔ ⴷⵉⵏ, ⵍⴰⴷⵖⴰ ⵖⴻⵔ ⴽⵔⴰ ⵏ ⵢⵉⵎⵖⵉⵡⴰⵏⴻⵏ ⵢⴻⵏⴹⴻⵔⵔⴻⵏ, ⵢⴻⵔⵏⴰ ⴷ ⴰⵢⴰ ⴰⵢ ⵢⴻⴵⴵⴰⵏ ⵉⵎⴷⴰⵏⴻⵏ-ⴰ ⴰⴷ ⵔⵏⵓⵏ ⴰⴷ ⵏⴹⴻⵔⵔⴻⵏ ⵓⴳⴰⵔ ».

« ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵙⵙⴻⵔⴽⴻⴷ ⴷ ⵜⵖⴻⵍⵍⵉⵙⵜ ⴰⴽⴽⴻⵏ ⴰⴷ ⵣⴻⵎⵔⴻⵏ ⵢⵉⵎⴻⵣⴷⴰⵖⴻⵏ ⴰⴷ ⵙⵄⵓⵏ ⵉⵎⴻⵥⵍⴰ (ⵙⵙⵔⴰⴱⴻⵙ) ⵏ ⵍⵍⵙⴰⵙ ⴷ ⵡⴰⵢⴻⵏ ⴰⵢ ⵃⵡⴰⴵⴻⵏ ⴰⴽⴽⴻⵏ ⴰⴷ ⴷⴷⵔⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ.