ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵙⵓⴷⴰⵏ ⵏ ⵓⵏⵥⵓⵍ: ⴰⵏⴰⴱⴰⴹ ⴰⴷ ⵉⴽⴻⵎⵎⴻⵍ ⵍⴻⵎⵛⴰⵡⵕⴰⵜ ⴷ ⵢⵉⵅⵚⵉⵎⴻⵏ-ⵏⵏⴻⵙ
ⴰⴷⴷⵉⵙ ⴰⴱⴻⴱⴰ – ⵢⴻⵏⵏⴰ-ⴷ ⵓⵏⴰⴱⴰⴹ ⵏ ⵙⵓⴷⴰⵏ ⵏ ⵓⵏⵥⵓⵍ ⴰⵙⵙ ⵏ ⵙⵙⴻⴱⵜ ⴷ ⴰⴽⴽⴻⵏ ⴰⴷ ⵉⴽⴻⵎⵎⴻⵍ ⵍⴻⵎⵛⴰⵡⵕⴰⵜ ⴷ ⵢⵉⵖⴻⵡⵡⴰⵖⴻⵏ ⴰⴽⴽⴻⵏ ⴰⴷ ⵙⵙⵉⵡⴹⴻⵏ ⵖⴻⵔ ⵓⵎⵜⴰⵡⴰ ⵏ ⵜⴰⵍⵡⵉⵜ ⵙⴻⴳ-ⴰ ⴰⵔ ⴰⵙⵙ ⵏ ⵍⴻⵜⵏⵉⵢⴻⵏ, ⵎⴰⵛⴰ ⴰⵙⴻⵍⵡⴰⵢ ⵙⴰⵍⵠⴰ ⴽⵉⵉⵔ ⵓⵔ ⵢⴻⵜⵜⴻⴽⴽⴰⵢ ⴰⵔⴰ ⵙⵔⵉⴷ ⴷⴻⴳ ⵍⴻⵎⵛⴰⵡⵕⴰⵜ-ⵏⵏⵉ.
« ⵎⴰⵣⴰⵍ-ⴰⵖ ⵏⴻⵜⵜⴻⴽⴽⴰⵢ ⴷⴻⴳ ⵍⵎⴻⴵⵀⵓⴷ ⵏ ⵜⴰⵍⵡⵉⵜ ⴰⵢ ⵎⴰⵣⴰⵍ ⵍⴰ ⵢⴻⵜⵜⴽⴻⵎⵎⵉⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ ⵏ ⵜⵙⴻⵍⵡⵉⵜ ⴰⵜⴻⵏⵢ ⵡⴻⴽ ⴰⵜⴻⵏⵢ.
ⴰⵙⵙ ⵏ ⵍⴵⴻⵎⵄⴰ, ⵢⴻⵏⵏⴰ-ⴷ ⵢⵉⵡⴻⵏ ⵏ ⵢⵉⵎⴹⴻⴱⴱⴻⵔ ⵓⵏⵏⵉⴳ ⵏ ⵓⵏⴰⴱⴰⴹ ⴷ ⴰⴽⴽⴻⵏ ⵍⴻⵎⵛⴰⵡⵕⴰⵜ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴷⴷⴰⵡ ⵍⵃⴻⵕⵙ ⴰⴳⵔⴰⵖⵍⴰⵏ ⴷⴻⴳ ⵜⵎⴰⵏⴻⵖⵜ ⵜⵉⵜⵢⵓⵒⵉⵜ ⵏ ⴰⴷⴷⵉⵙ ⴰⴱⴻⴱⴰ, ⵃⴻⴱⵙⴻⵏⵜ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵙⵙⴻⴱⴱⴰ ⵏ ⵓⵃⴱⴰⵙ-ⴰ ⵏ ⵍⴻⵎⵛⴰⵡⵕⴰⵜ ⵏⴻⵜⵜⴰ ⴷ ⴱⴻⴹⴹⵓ ⴰⵢ ⴷ-ⵢⴻⵍⵍⴰⵏ ⵓⵙⵙⴰⵏ-ⴰ ⴳⴰⵔ ⵢⵉⵖⴰⵍⵍⴻⵏ ⵉⵖⴻⵡⵡⴰⵖⴻⵏ ⵓⵔ ⵢⴻⵎⵙⴻⴼⵀⴰⵎⴻⵏ ⴰⵔⴰ ⴳⴰⵔ-ⴰⵙⴻⵏ.
ⵙ ⵡⴰⵢⴰ, ⵍⴻⵎⵎⴻⵔ ⴷ ⵍⴻⴱⵖⵉ, ⵍⴻⵎⵛⴰⵡⵕⴰⵜ ⴰⴷ ⴽⴻⵎⵎⵍⴻⵏⵜ, ⵎⴰⵛⴰ ⵓⵔ ⵉⵃⴻⴷⴷⴻⵕ ⴰⵔⴰ ⴷⴻⴳ-ⵙⴻⵏⵜ ⵓⵙⴻⵍⵡⴰⵢ ⵙⴰⵍⵠⴰ ⴽⵉⵉⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ-ⵏⵏⴻⵙ. ⵏⴰⵇⴰⵍ ⵍⵍⴰⵏ ⵜⵜⵕⴰⵊⵓⵏ-ⵜ ⴰⴷ ⴷ-ⵢⴰⵙⵙ ⴷⴻⴳ ⵜⴳⴰⵔⴰ ⵏ ⴷⴷⵓⵕⵜ ⵢⴻⵣⵔⵉⵏ ⴰⴽⴽⴻⵏ ⴰⴷ ⵢⴻⵙⵙⴻⵄⵊⴻⵍ ⵍⴻⵎⵛⴰⵡⵕⴰⵜ, ⵍⴰⴷⵖⴰ ⵉⵎⵉ ⵜⴰⵍⴰⵙⵜ ⵜⴰⵏⴻⴳⴳⴰⵔⵓⵜ ⵏ ⵍⴻⵎⵛⴰⵡⵕⴰⵜ-ⴰ ⴰⴷ ⴷ-ⵜⵉⵍⵉ ⴰⵙⵙ ⵏ 17 Ɣⵓⵛⵜ. « ⵜⴻⴼⵔⴰ-ⴷ ⴷ ⴰⴽⴽⴻⵏ ⴰⵙⴻⵍⵡⴰⵢ ⵓⵔ ⵢⴻⵜⵜⴻⴷⴷⵓ ⴰⵔⴰ ⵖⴻⵔ ⴰⴷⴷⵉⵙ ⴰⴱⴻⴱⴰ » ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴰⵜⴻⵏⵢ, ⵡⴰⵔ ⵎⴰ ⵢⴻⴼⴽⴰ-ⴷ ⵜⵜⴼⴰⵚⵉⵍ ⵏⵉⴹⴻⵏ, ⴷⵖⴰ ⵙ ⵡⴰⵢⴰ, ⵢⴻⵜⵜⴱⴰⵏ-ⴷ ⴷ ⴰⴽⴽⴻⵏ ⵍⴻⵎⵛⴰⵡⵕⴰⵜ-ⴰ ⵓⵔ ⵜⵜⴽⴻⵎⵎⵉⵍⴻⵏⵜ ⴰⵔⴰ ⴰⴽⴽⴻⵏ ⵢⴻⵍⵀⴰ.
ⵢⴻⴱⴷⴰ-ⴷ ⵟⵟⵔⴰⴷ ⴰⵖⴰⵔⵉⵎ ⴷⴻⴳ ⵙⵓⴷⴰⵏ ⵏ ⵓⵏⵥⵓⵍ ⴷⴻⴳ ⴷⵓⵊⴻⵎⴱⴻⵕ ⵏ 2013, ⴷⴻⴳ ⵜⵎⴰⵏⴻⵖⵜ ⵊⵓⴱⴰ, ⵎⵉ ⵢⴻⵜⵜⵀⴻⵎ ⵙⴰⵍⵠⴰ ⴽⵉⵉⵔ (ⵢⴻⵍⵍⴰⵏ ⴷ ⴰⴷⵉⵏⴽⴰ) ⴰⵏⵎⴰⵣⵓⵍ-ⵏⵏⴻⵙ ⵏ ⵓⵙⴻⵍⵡⴰⵢ ⵔⵉⴻⴽ ⵎⴰⵛⵀⴰⵔ (ⵢⴻⵍⵍⴰⵏ ⴷ ⴰⵏⵓⴻⵔ) ⴷ ⴰⴽⴽⴻⵏ ⵢⴻⵍⵍⴰ ⵢⴻⵙⵙⴻⵡⵊⴰⴷ-ⴷ ⵜⵓⵜⵜⵢⴰ. ⵢⵓⵖ ⵍⵃⴰⵍ, ⴽⵉⵉⵔ ⵓⵙⵙⴰⵏ-ⵏⵏⵉ ⴽⴰⵏ ⵢⴰⴳⵉ ⴰⵢ ⵢⴻⵙⵜⴰⵅⴻⵔ ⵎⴰⵛⵀⴰⵔ. ⴷⵖⴰ ⴷ ⵛⵛⵡⴰⵍ-ⴰ ⴰⵢ ⴷ-ⵢⴻⵙⵏⴻⴽⵔⴻⵏ ⵟⵟⵔⴰⴷ ⴷⴻⴳ ⵜⵉⴳⵔⴰⵡⵉⵏ ⵜⵉⵜⵏⵉⵢⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ-ⴰ ⵍⴰ ⵜⵜⵏⴰⵖⴻⵏⵜ ⴳⴰⵔ-ⴰⵙⴻⵏⵜ ⵢⴻⵔⵏⴰ ⵎⵎⵓⵜⴻⵏⵜ ⵜⵎⴻⵔⵡⵉⵏ ⵏ ⵢⵉⴳⵉⵎⴰⵏ ⵏ ⵎⴻⴷⴷⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵍⵍⴰ ⵍⴱⴰⵟⴻⵍ ⵢⴻⵙⵙⴻⵡⵃⴰⵛⴻⵏ ⵖⴻⴼ ⵎⴻⴷⴷⴻⵏ. ⵙⵉⵏ ⵏ ⵢⵉⵎⴻⵍⵢⵓⵏⴻⵏ ⵏ ⵎⴻⴷⴷⴻⵏ ⴰⵢ ⵉⵔⴻⵡⵍⴻⵏ ⴷⴰⵖ ⵙⴻⴳ ⵢⵉⵅⵅⴰⵎⴻⵏ-ⵏⵙⴻⵏ ⴷⴻⴳ ⵜⵎⵓⵔⵜ-ⴰ ⵢⴻⵍⵍⴰⵏ ⵢⴰⴳⵉ ⴷ ⵜⵉⴳⴻⵍⵍⵉⵍⵜ.
ⵉⴷⵉⵙⴰⵏ ⵢⴻⵎⵅⴰⵚⴰⵎⴻⵏ ⵙⵜⴻⵏⵢⴰⵏ, ⴰⵔ ⴰⵙⵙ-ⴰ, 7 ⵏ ⵢⵉⵎⵜⴰⵡⴰⵢⴻⵏ ⵏ ⵓⵃⴱⴰⵙ ⵏ ⵢⵉⵎⴻⵏⵖⵉ, ⵎⴰⵛⴰ ⴰⴽⴽⴻⵏ ⴽⴰⵏ ⴰⵔⴰ ⵙⵜⴻⵏⵢⵉⵏ ⴰⵎⵜⴰⵡⴰ, ⴰⴷ ⵜ-ⵔⴻⴽⴹⴻⵏ. ⵍⴻⵎⵛⴰⵡⵕⴰⵜ-ⴰ ⵜⵉⵏⴻⴳⴳⵓⵔⴰ ⵍⵍⴰⵏⵜ-ⴷ ⴷⴷⴰⵡ ⵍⴻⵄⵏⴰⵢⴰ ⵏ ⵢⵉⴱⴷⴰⵎⵎⴰⵙⴻⵏ ⵉⵎⵏⴰⴹⴰⵏⴻⵏ ⴷ ⵜⵓⴷⴷⵙⴰ ⵜⴰⴳⴻⵔⵏⴰⴱⴰⴹⵜ ⵏ ⵜⴻⴼⵔⵉⵇⵜ ⵏ ⵓⴳⵎⵓⴹ (ⵉⴳⴰⴷ), ⵢⴻⵔⵏⴰ ⵜⵜⴱⴰⵏⴻⵏⵜ-ⴷ ⴷ ⵜⴰⴳⵏⵉⵜ ⵉⴳⴻⵔⵔⵣⴻⵏ ⴰⴽⴽ ⵉ ⵓⴼⴰⴽⵉ ⵏ ⵛⵛⵡⴰⵍ ⴳⴰⵔ ⵢⵉⵅⵚⵉⵎⴻⵏ-ⴰ ⴷⴻⴳ ⵜⵎⵓⵔⵜ-ⴰ ⵜⴰⵎⴰⵢⵏⵓⵜ ⴰⴽⴽ ⴷⴻⴳ ⵓⵎⴰⴹⴰⵍ, ⴷ ⵜⵉⵏ ⴰⵢ ⵢⴻⵡⵡⵉⵏ ⴰⵣⴰⵔⵓⴳ-ⵏⵏⴻⵙ ⴷⴻⴳ ⵢⵓⵍⵢⵓ ⵏ 2011.
