ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⴷⴷⴰⵍ ⵏ ⵓⵡⵓⵛⵓ: « ⵜⴻⵜⵜⵓⵏⴻⴼⴽ-ⴰⵖ-ⴷ ⵟⵟⵎⴰⵏⴰ ⴰⴽⴽⴻⵏ ⴰⴷ ⵏⴻⵙⵄⵓ ⵜⴰⴼⵉⴷⵉⵕⴰⵍⵉⵜ-ⵏⵏⴻⵖ »
ⵍⴻⵣⵣⴰⵢⴻⵔ – ⴰⵙⴻⵇⵇⴰⵎⵓ ⴰⵖⴻⵍⵏⴰⵡ ⴰⴷⵣⴰⵢⵔⵉ ⵏ ⵓⵡⵓⵛⵓ ⴰⴽⵓⵏⴳⴼⵓ ⵓⵔ ⵢⴻⵜⵜⵄⴻⴹⴹⵉⵍ ⴰⵔⴰ ⴰⴷ ⵢⴻⵇⵇⴻⵍ, ⴰⵀⴰⵜ, ⴷ ⵜⴰⴼⵉⴷⵉⵕⴰⵍⵉⵜ ⵜⴰⵖⴻⵍⵏⴰⵡⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ-ⵏⵏⴻⵙ ⵢⴰⵀⵉⴰ ⴱⴻⴷⴷⵧⵓⵔ ⴷⴻⴳ ⵢⵉⵊⵉⴼⴻⵕ ⵏ ⵜⴻⵍⵖⵓⵖⴰ ⵜⴰⵎⵖⴰⵔⴱⵉⵜ ⵜⵉⵙ 6 ⵏ ⵡⴰⴷⴷⴰⵍ ⵏ ⵓⵡⵓⵛⵓ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴷⴻⴳ ⵄⵉⵏ ⵟⴰⵢⴰ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ) ⴳⴰⵔ 15 ⴷ 18 ⵖⵓⵛⵜ.
ⵉⵎⵉⵔ-ⴰ, ⴰⵙⴻⵇⵇⴰⵎⵓ ⴰⵖⴻⵍⵏⴰⵡ ⴰⴷⵣⴰⵢⵔⵉ ⵏ ⵓⵡⵓⵛⵓ ⴰⴽⵓⵏⴳⴼⵓ ⵍⴰ ⵉⵅⴻⴷⴷⴻⵎ ⴷⴷⴰⵡ ⵍⴻⵄⵏⴰⵢⴰ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵥⵓⵔⵉⵢⵉⵏ ⵏ ⵢⵉⵎⴻⵏⵖⵉ ⴰⵢ ⴷ-ⵢⴻⵍⵀⴰⵏ ⵙ 8 ⵏ ⵡⴰⴷⴷⴰⵍⴻⵏ. « ⴰⵙⵎⵉ ⴰⵢ ⵜⵜⵡⴰⴼⴻⵔⵏⴻⵖ ⵉⵍⵉⵏⴷⵉ ⴷ ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⴰⵖⴻⵍⵏⴰⵡ ⴰⴷⵣⴰⵢⵔⵉ ⵏ ⵓⵡⵓⵛⵓ ⴰⴽⵓⵏⴳⴼⵓ, ⵕⴻⴳⴳⵎⴻⵖ-ⴷ ⴷ ⴰⴽⴽⴻⵏ ⴰⴷ ⴳⴻⵖ ⴰⴽⴽ ⴰⵢⴻⵏ ⵓⵎⵉ ⵣⴻⵎⵔⴻⵖ ⴰⴽⴽⴻⵏ ⴰⴷ ⵔⵔⴻⵖ ⴰⵙⴻⵇⵇⴰⵎⵓ-ⵏⵏⴻⵖ ⴷ ⵜⴰⴼⵉⴷⵉⵕⴰⵍⵉⵜ ⵢⴻⵔⵏⴰ ⴰⴷ ⵏⴻⵇⵇⴻⵍ ⴷ ⵜⴰⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵓⵡⵓⵛⵓ ⴰⴽⵓⵏⴳⴼⵓ. ⵏⴻⵙⵄⴰ ⵉⴼⵓⴽⴰⵍ ⵉ ⵍⵎⴻⵏⴷ ⵏ ⵡⴰⵢⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⴻⴷⴷⵧⵓⵔ ⵉ ⵜⵖⴻⵎⵙⴰ. ⵉ ⵍⵎⴻⵏⴷ ⵏ ⵡⴰⵢⴰ, ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵢⴻⵏⵏⴰ-ⴷ ⴷ ⴰⴽⴽⴻⵏ: « ⴰⵙⵙ-ⴰ, ⵡⵉⴷ ⴰⵢ ⵍⴰ ⵢⴻⵜⵜⴳⴻⵏ ⴰⴷⴷⴰⵍ ⵏ ⵓⵡⵓⵛⵓ ⴰⴽⵓⵏⴳⴼⵓ ⴷⴻⴳ ⵍⴻⵣⵣⴰⵢⴻⵔ ⵡⵡⴹⴻⵏ ⵖⴻⵔ 40.000, ⵢⴻⵔⵏⴰ ⴰⵜⵏⵉ ⴷⴻⴳ 47 ⵏ ⵜⵡⵉⵍⴰⵢⵉⵏ ⵎⴻⵏⵖⵉⵔ ⵜⵉⵏⴷⵓⴼ. ⵜⴰⵙⵡⵉⵄⵜ-ⴰ, ⵏⴻⵙⵄⴰ ⵜⴰⵎⵚⵓⴽⴰ ⵉⴳⴻⵔⵔⵣⴻⵏ. ⵜⵉⵎⵙⵉⵣⵡⴻⵔⵜ ⴰⵎ ⵜⴻⵍⵖⵓⵖⴰ ⵜⴰⵖⴻⵍⵏⴰⵡⵜ ⵜⵜⴻⴽⴽⴰⵢⴻⵏ ⴷⴻⴳ-ⵙ ⵢⵉⴳⵉⵎⴰⵏ (ⵍⵓⵍⵓⴼ) ⵏ ⵢⵉⵏⴰⴷⴷⴰⵍⴻⵏ. ⵛⵉⴽⴽⴻⵖ ⴰⵢⴰ ⵡⵉ ⴰⴽⴽ ⴷ ⵉⴼⵓⴽⴰⵍ ⴰⵔⴰ ⴰⵖ-ⵉⵄⴰⵡⵏⴻⵏ ».
ⵉⵎⴹⴻⴱⴱⴻⵔ-ⴰ ⵢⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏ ⴰⵡⵓⵛⵓ ⵢⴻⵣⵎⴻⵔ ⴰⴷ ⵢⴻⵇⵇⴻⵍ ⴷ ⴰⴷⴷⴰⵍ ⵓⵍⵉⵎⵒⵉ ⴷⴻⴳ 2020 ⵉ ⵍⵎⴻⵏⴷ ⵏ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⴰⵔⴰ ⴷ-ⵢⵉⵍⵉⵏ ⴷⴻⴳ ⵜⵧⴽⵢⵧ, ⵖⴻⵔ ⵢⵉⴷⵉⵙ ⵏ 7 ⵏ ⵡⴰⴷⴷⴰⵍⴻⵏ ⵏⵉⴹⴻⵏ.
« ⵙ ⵡⴰⵢⴰ, ⴰⵙⴻⵇⵇⴰⵎⵓ ⴰⴳⵔⴰⵖⵍⴰⵏ ⵓⵍⵉⵎⵒⵉ ⵢⴻⵙⵙⴰⵔⴰⵎ ⴰⴷ ⵢⴻⵙⵙⴻⵎⵖⴻⵔ ⴰⵣⴰⵍ ⵏ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵙ ⵡⴰⴷⴷⴰⵍ-ⴰ ⵉⵎⵉ ⴰⵢ ⵢⴻⵙⵄⴰ ⴰⴳⴷⵓⴷ ⴰⵢ ⵜ-ⵢⴻⵜⵜⴹⴰⴼⴰⵔⴻⵏ ⴷⴻⴳ ⵓⵎⴰⴹⴰⵍ. ⴰⵢⴰ ⵢⴻⵜⵜⴻⴳ-ⴰⵖ-ⴷ ⵉⴼⴰⴷⴷⴻⵏ ⴰⴽⴽⴻⵏ ⴰⴷ ⵏⴽⴻⵎⵎⴻⵍ ⵜⵉⴷⴷⵉⵜ-ⵏⵏⴻⵖ ⵢⴻⵔⵏⴰ ⴰⴷ ⴰⵖ-ⵉⵄⴰⵡⴻⵏ ⴰⴷ ⵏⴻⵙⵙⴻⵇⵏⴻⵄ ⴰⵖⵍⵉⴼ ⴰⵢ ⵢⴻⵍⵍⴰⵏ ⴷ ⴰⴷⴰⴱⵓ ⴰⵡⵃⵉⴷ ⴰⵢ ⵉⵣⴻⵎⵔⴻⵏ ⴰⴷ ⵢⴻⵇⴱⴻⵍ ⴰⵙⵙⵓⵜⴻⵔ-ⵏⵏⴻⵖ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⴰⵖⴻⵍⵏⴰⵡ.
ⵎⴰⵙⵙ ⴱⴻⴷⴷⵧⵓⴰⵔ ⵢⴻⵜⵜⵡⴰⵙⵙⴻⵇⵏⴻⵄ ⴷ ⴰⴽⴽⴻⵏ ⵜⵖⴰⵡⵙⵉⵡⵉⵏ ⴰⴷ ⴷⴷⵓⵏⵜ ⴰⴽⴽⴻⵏ ⵢⴻⵍⵀⴰ ⵢⴻⵔⵏⴰ « ⴰⵢⴰ ⴰⵍⴰ ⵍⵅⵉⵔ ⴰⵔⴰ ⴷ-ⵢⴰⵡⵉ ⵉ ⵡⴰⴷⴷⴰⵍ-ⴰ ⴰⵢ ⵢⴻⵜⵜⵡⴰⵃⴻⵎⵎⵍⴻⵏ ⴰⵟⴰⵙ » ⴷⴻⴳ ⵍⴻⵣⵣⴰⵢⴻⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
« ⵏⴻⴱⴷⴰ ⵏⴻⵜⵜⵀⴻⵢⵢⵉ-ⴷ ⵍⴻⴽⵡⴰⵖⴻⴹ ⴰⴽⴽⴻⵏ ⴰⴷ ⵏⴻⵇⵇⴻⵍ ⴷ ⵜⴰⴼⵉⴷⵉⵕⴰⵉⵍⵜ ⵜⵉⵎⵣⵉⵔⴻⴳⵜ. ⵜⴻⵜⵜⵓⵏⴻⴼⴽ-ⴰⵖ-ⴷ ⴹⴹⵎⴰⵏⴰ ⵙⵖⵓⵔ ⵓⵖⵍⵉⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ ⴰⵔⴰ ⴰⵖ-ⵉⵄⴰⵡⵏⴻⵏ ⴰⴷ ⵏⴻⵙⵙⵓⴼⴼⴻⵖ ⵜⴰⵔⴳⵉⵜ-ⵏⵏⴻⵖ ⵖⴻⵔ ⵜⵉⴷⴻⵜ, ⵢⴻⵔⵏⴰ ⵜⴰ ⴷ ⵜⴰⵔⴳⵉⵜ ⵏ ⵡⴰⴽⴽ ⵜⴰⵡⴰⵛⵓⵍⵜ ⵏ ⵢⵉⵏⴰⴷⴷⴰⵍⴻⵏ ⵏ ⵓⵡⵓⵛⵓ ⴰⴽⵓⵏⴳⴼⵓ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⴰⵖⴻⵍⵏⴰⵡ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴰⵔⴻⵎ ⴰⴷ ⴷ-ⵢⵉⵍⵉ ⵡⴰⵢⴰ ⵖⴻⴼ ⵣⵉⴽ ⵍⵃⴰⵍ.
