ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵓⵥⴻⵔ ⵍⴻⵣⵣⴰⵢⴻⵔ ⵙ ‘’ⵍⴵⴻⵀⴷ ⴰⵎⴻⵇⵔⴰⵏ’’ ⵜⵉⴳⴰⵡⵉⵏ ⵜⵉⵎⴰⵢⵏⵓⵜⵉⵏ ⵏ ⵔⵔⴻⴱⵔⴰⴱ ⴷⴻⴳ ⵜⴻⵎⴷⵉⵏⵜ ⵏ ⵙⵉⵔⵜ ⴷⴻⴳ ⵍⵉⴱⵢⴰ
ⵍⴻⵣⵣⴰⵢⴻⵔ - ⵜⵓⵥⴻⵔ ⵍⴻⵣⵣⴰⵢⴻⵔ ⵙ ‘’ⵍⴵⴻⵀⴷ ⴰⵎⴻⵇⵔⴰⵏ’’ ⵜⵉⴳⴰⵡⵉⵏ ⵜⵉⵎⴰⵢⵏⵓⵜⵉⵏ ⵏ ⵔⵔⴻⴱⵔⴰⴱ ⴷⴻⴳ ⵜⴻⵎⴷⵉⵏⵜ ⵏ ⵙⵉⵔⵜ ⴷⴻⴳ ⵍⵉⴱⵢⴰ, ⴳⵍⴰⵏⵜ-ⴷ ⵙ ⴷⴷⴻⵇⵙ ⵏ ⵜⴻⵖⵜⴰⵙ, ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴱⴻⵕⵕⴰ.
‘’ⵍⴻⵣⵣⴰⵢⴻⵔ ⵜⵓⵥⴻⵔ ⵙ ⵍⴵⴻⵀⴷ ⴰⵎⴻⵇⵔⴰⵏ ⵜⵉⴳⴰⵡⵉⵏ ⵜⵉⵎⴰⵢⵏⵓⵜⵉⵏ ⵏ ⵔⵔⴻⴱⵔⴰⴱ ⴷⴻⴳ ⵙⵉⵔⵜ ⵉ ⴷ-ⵢⴻⴳⵍⴰⵏ ⵙ ⵡⴰⵟⴰⵙ ⵏ ⵜⴻⵖⵜⴰⵙ. ⴰⵅⵚⴰⵔ ⵏ ⵍⵉⵃⴰⵍⴰ ⵏ ⵜⵖⴻⵍⵍⵉⵙⵜ ⴷⴻⴳ ⵜⴻⵎⴷⵉⵏⵜ-ⴰ ⵜⴻⵣⵎⴻⵔ ⴰⴷ ⵜⴻⵏⴼⴻⴹ ⵖⴻⵔ ⵜⴰⵎⵓⵔⵜ-ⴰ ⵢⴻⵍⵍⴰⵏ ⴷ ⵜⴰⵊⴰⵔⴻⵜ, ⴰⴷ-ⵢⴻⴳⵍⵓ ⴷⴰⵖⴻⵏ ⵙ ⵜⵡⴻⵔⵏⴰⴹⵜ ⵉⵣⴻⵎⵔⴻⵏ ⴰⴷ ⵜⵓⵖⴰⵍ ⴷ ⵉⵎⵉⵀⵉ ⵏ ⵜⵉⴷⴻⵜ ⵖⴻⴼ ⵜⵖⴻⵍⵍⵉⵙⵜ ⵏ ⵜⴻⵎⵏⴰⴹⵜ’’, ⵉ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⵏⵏⵉ. ’ⵍⴻⵣⵣⴰⵢⴻⵔ ⵉⵅⴻⴷⴷⵎⴻⵏ ⵍⵎⴻⴵⵀⵓⴷ-ⵉⵙ ⴰⴽⴽⴻⵏ ⴰⴷ ⵜⴻⵙⴷⵓⴽⴽⴻⵍ ⴰⴽⴽ ⵜⵉⵎⵓⵖⵍⵉⵡⵉⵏ ⵏ ⵓⵖⵔⴻⴼ ⴰⵍⵉⴱⵉ ⴰⵍⴰ ⵜⴰⵎⵓⵖⵍⵉ ⵏ ⵜⴻⴳⵔⴰⵡⵉⵏ ⵏ ⵔⵔⴻⴱⵔⴰⴱ ⵉ ⵜⴻⵄⵣⴻⵍ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ (ⵧⵏⵓ), ⵜⵓⵍⴻⵙ-ⴰⵙ-ⴷ ⵉ ⵜⴻⵖⵔⵉ ⵜⵓⵄⵊⵉⵍⵜ ⴰⴽⴽⴻⵏ ⴰⴷ ⵢⴻⵔⵙ ⴷⴻⴳ ⵍⵉⴱⵢⴰ ⵢⵉⵡⴻⵏ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴰⵔⴰ ⵉⵣⴻⵎⵔⴻⵏ ⴰⴷ ⵢⴻⵃⵔⴻⵣ ⵜⴰⴷⵓⴽⵍⵉ ⵜⴰⵖⴻⵍⵏⴰⵡⵜ, ⵜⵉⵏ ⵏ ⵡⴰⴽⴰⵍ ⵏ ⵜⵎⵓⵔⵜ, ⵜⵍⴻⵍⵍⵉ ⵏ ⵜⵎⵓⵔⵜ ⴷ ⵓⵙⴷⵓⴽⴻⵍ ⵏ ⵓⵖⵔⴻⴼ ⴰⵍⵉⴱⵉ ⵢⴻⵍⵍⴰⵏ ⴷ ⴰⵜⵎⴰⵜⴻⵏ-ⵏⵏⴻⵖ, ⴰⴽⴽⴻⵏ ⴰⴷ ⵉⵇⴰⴱⴻⵍ ⵓⴳⵓⵔ-ⴰ ⵏ ⵜⵖⴻⵍⵍⵉⵙⵜ’’, ⵉ ⵢⴻⵔⵏⴰ ⵢⴻⵏⵏⴰ-ⴷ ⵓⵍⵖⵓ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴱⴻⵕⵕⴰ.
‘’ⵎⴰⵣⴰⵍ ⵍⴻⵣⵣⴰⵢⴻⵔ ⵜⵓⵎⴻⵏ ⴱⴻⵍⵍⵉ ⵜⵉⴼⵔⴰⵜ-ⴰ ⵜⴰⵙⴻⵔⵜⴰⵏⵜ ⴰⵔⴰ ⴷ-ⵢⴰⵙⴻⵏ ⵙ ⵍⴻⴱⵖⵉ, ⴷ ⴰⴱⵔⵉⴷ ⴰⵢⵉⵡⵏⴰⵏ ⵏ ⵜⴻⵍⵡⵉⵜ ⴰⵔⴰ ⵢⴻⵙⵙⴻⵏⵙⴻⵏ ⵟⵟⵔⴰⴷ ⴷⴻⴳ ⵍⵉⴱⵢⴰ’’, ⵉ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⵏⵏⵉ.
‘’ⵍⴻⵣⵣⴰⵢⴻⵔ, ⵜⴻⴷⴷⴰ ⴷ ⵍⵎⴻⴵⵀⵓⴷ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ, ⵜⴻⵙⵙⴻⴱⵖⴻⵙ ⵉ ⵜⵉⴽⴽⴻⵍⵜ ⵏⵏⵉⴹⴻⵏ ⴰⵜⵎⴰⵜⴻⵏ ⵉⵍⵉⴱⵉⵢⴻⵏ, ⵢⴻⵙⵄⴰⵏ ⵜⴰⵣⵎⴻⵔⵜ, ⴱⴻⵖⵖⵓ ⴰⵙⴻⵔⵜⴰⵏ ⴷ ⵜⵎⴰⵙⵉⵜ, ⵉ ⵓⵙⵍⴰⴳ ⵏ ⵍⵎⴻⴵⵀⵓⴷ-ⵏⵙⴻⵏ ⴰⴽⴽⴻⵏ ⴰⴷ ⵙⴻⵏⵢⴰⴼⴻⵏ ⴰⴱⵔⵉⴷ ⵏ ⵓⵎⵛⵉⵡⴻⵔ ⴰⴳⵔⵉⵍⵉⴱⵉⵢⴻⵏ ⵉ ⵍⴼⴰⵢⴷⴰ ⵏ ⵍⵉⴱⵢⴰ, ⵏ ⴳⵎⴰⵜ-ⵏⴻⵖ ⴰⵖⵔⴻⴼ ⴰⵍⵉⴱⵉ ⴷ ⴰⴽⴽ ⵜⴰⵎⵏⴰⴹⵜ’’, ⴰⴽⴽⴰ ⵉ ⵉⵙⴻⴳⴳⵔⴰ ⴰⵡⴰⵍ-ⵉⵙ ⵓⵍⵖⵓ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴱⴻⵕⵕⴰ. (ⵜⴰⵏⴻⴳⴳⴰ)
