Asebter amenzawi

Tuẓer Lezzayer s ‘’lǧehd ameqran’’ tigawin timaynutin n rrebrab deg temdint n Sirt deg Libya

LEZZAYER - Tuẓer Lezzayer s ‘’lǧehd ameqran’’ tigawin timaynutin n rrebrab deg temdint n Sirt deg Libya, glant-d s ddeqs n teɣtas, i d-yenna yiwen n ulɣu n uɣlif n Tɣawsiwin n beṛṛa.

‘’Lezzayer tuẓer s lǧehd ameqran tigawin timaynutin n rrebrab deg Sirt i d-yeglan s waṭas n teɣtas. Axṣar n liḥala n tɣellist deg temdint-a tezmer ad tenfeḍ ɣer tamurt-a yellan d tajaret, ad-yeglu daɣen s twernaḍt izemren ad tuɣal d imihi n tidet ɣef tɣellist n temnaḍt’’, i d-tenna teɣbalut-nni. ’Lezzayer ixeddmen lmeǧhud-is akken ad tesdukkel akk timuɣliwin n uɣref alibi ala tamuɣli n tegrawin n rrebrab i teɛzel Tuddsa n Yiɣlanen Yedduklen (ONU), tules-as-d i teɣri tuɛjilt akken ad yers deg Libya yiwen n unabaḍ n tdukli taɣelnawt ara izemren ad yeḥrez tadukli taɣelnawt, tin n wakal n tmurt, tlelli n tmurt d usdukel n uɣref alibi yellan d atmaten-nneɣ, akken ad iqabel ugur-a n tɣellist’’, i yerna yenna-d ulɣu n uɣlif n Tɣawsiwin n beṛṛa.

‘’Mazal Lezzayer tumen belli tifrat-a tasertant ara d-yasen s lebɣi, d abrid ayiwnan n telwit ara yessensen ṭṭrad deg Libya’’, i d-tenna teɣbalut-nni.

‘’Lezzayer, tedda d lmeǧhud n Yiɣlanen yedduklen, tessebɣes i tikkelt nniḍen atmaten ilibiyen, yesɛan tazmert, beɣɣu asertan d tmasit, i uslag n lmeǧhud-nsen akken ad senyafen abrid n umciwer agrilibiyen i lfayda n Libya, n gmat-neɣ aɣref alibi d akk tamnaḍt’’, akka i iseggra awal-is ulɣu n uɣlif n Tɣawsiwin n beṛṛa. (Tanegga)