ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴷⵣⴰⵢⴻⵔ « ⵜⴻⵣⴳⴰ ⵜⴻⵃⴷⴻⵕ » ⴷⴻⴳ ⵓⵅⴻⴷⴷⵉⵎ ⵏ ⵓⵣⵔⴰⵄ ⵏ ⵜⴰⵍⵡⵉⵜ ⴷⴻⴳ ⵙⵙⴰⵃⴻⵍ

ⵍⴷⵣⴰⵢⴻⵔ – ⵍⴷⵣⴰⵢⴻⵔ ⴷ ⵜⴰⵎⵓⵔⵜ ⴰⵢ « ⵢⴻⵣⴳⴰⵏ ⵜⴻⵃⴷⴻⵕ » ⴷⴻⴳ ⵓⵎⴰⵀⵉⵍ ⵏ ⵓⵣⵔⴰⵄ ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ (ⵍⴰⵎⴰⵏ) ⴷⴻⴳ ⵜⴻⵎⵏⴰⴹⵜ ⵏ ⵙⵙⴰⵃⴻⵍ, ⵍⴰⴷⵖⴰ ⴷⴻⴳ ⵎⴰⵍⵉ ⴷ ⵍⵉⴱⵢⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴷⵣⴰⵢⴻⵔ ⵓⵎⴰⵔⵓ ⴰⵎⴰⵜⵓ ⵏ ⵓⵖⵍⵉⴼ ⴰⵏⵉⵊⵉⵔⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵏ ⵓⵎⵢⴰⵍⴻⵍ, ⵏ ⵓⵏⵏⵓⵎⵎⴻⴷ ⴰⴼⵔⵉⵇⵉ ⴷ ⵢⵉⵏⵉⵊⵉⵔⵉⵢⴻⵏ ⴷⴻⴳ ⵓⵣⵖⴰⵔ, ⵉⴱⵔⴰⵀⵉⵎ ⵙⴰⵏⵉ ⴰⴱⴰⵏⵉ.

ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⵉ ⵜⵖⴻⵎⵙⴰ ⴷⴻⴼⴼⵉⵔ ⵎⴰ ⵉⴼⵓⴽ ⴰⴷⵉⵡⴻⵏⵏⵉ-ⵏⵏⴻⵙ ⴷ ⵓⵎⴰⵔⵓ ⴰⵎⴰⵜⵓ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵎⴰⵙⵙ ⵙⴰⵏⵉ ⴰⴱⴰⵏⵉ ⵢⴻⵛⴽⴻⵕ-ⴷ ⴰⵜⵜⴻⴽⴽⵉ ⵏ ⵍⴷⵣⴰⵢⴻⵔ ⴷⴻⴳ ⵢⵉⵔⵉⵔⵉ ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⴷⴻⴳ ⵎⴰⵍⵉ, ⴷ ⵍⵎⴻⴵⵀⵓⴷ ⴰⵢ ⵢⴻⵙⵙⴰⵡⴹⴻⵏ ⵖⴻⵔ ⵓⵙⵜⴻⵏⵢⵉ ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ, ⴷ ⵓⵜⵜⴻⴽⴽⵉ-ⵏⵏⴻⵙ ⴷⴰⵖ ⴷⴻⴳ ⵓⵏⴰⴷⵉ ⵏ ⵜⵉⴼⵔⴰⵜ ⴰⵔⴰ ⵉⴷⵓⵎⴻⵏ ⴷⴻⴳ ⵍⵉⴱⵢⴰ.

ⵉⵎⴹⴻⴱⴱⴻⵔ-ⴰ ⴰⵏⵉⵊⵉⵔⵉ ⵢⴻⵏⵏⴰ-ⴷ ⴷⴰⴽⴽⴻⵏ ⴰⴷⵉⵡⴻⵏⵏⵉ-ⵏⵏⴻⵙ ⴷ ⵓⵎⵜⵉⵍ-ⵏⵏⴻⵙ ⴰⴷⵣⴰⵢⵔⵉ ⴷ ⵡⵉⵏ ⴰⵢⴷⴻⴳ ⴰⵢ ⴷ-ⵙⵙⵓⴽⴽⴻⵏ ⵜⵉⵟ ⵖⴻⴼ ⵜⴻⴳⵏⵉⵜ ⵏ ⵓⵎⵢⴰⵍⴻⵍ (ⴰⵎⵄⴰⵡⴻⵏ) ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⴷⴰⴽⴽⴻⵏ ⵜⵉⵔⵣⵉ ⴰⵢ ⴷ-ⵉⴳⴰ ⴷⴻⴳ ⵢⴻⵏⵏⴰⵢⴻⵔ ⵢⴻⵣⵔⵉⵏ ⵓⵙⴻⵍⵡⴰⵢ ⴰⵏⵉⵊⵉⵔⵉ (ⵎⴰⵀⴰⵎⴰⴷⵧⵓ ⵉⵙⵙⵧⵓⴼⵧⵓ) ⵖⴻⴼ ⵍⴷⵣⴰⵢⴻⵔ ⵜⴻⴵⴵⴰ-ⵜ ⴰⴷ ⵢⴻⴳ « ⴰⵎⴱⴰⴷⴷⴻⵍ ⵢⴻⵙⵄⴰⵏ ⵍⴼⴰⵢⴷⴰ » ⴷ ⵓⵙⴻⵍⵡⴰⵢ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ.

ⵎⵙⴻⴼⵀⴰⵎⴻⵏ ⵙⵉⵏ-ⴰ ⵏ ⵢⵉⵙⴻⵍⵡⴰⵢⴻⵏ « ⴰⴷ ⴷ-ⵙⴷⵓⵇⵇⵙⴻⵏ ⴰⵎⵢⴰⵍⴻⵍ ⵓⵛⵔⵉⴽ ⵢⴻⵔⵏⴰ ⴰⴷ ⵖⴻⵍⵍⵜⴻⵏ ⵜⵉⵣⴻⵎⵎⴰⵔ ⵜⵉⵎⴻⵇⵔⴰⵏⵉⵏ ⴰⵢ ⵢⴻⵍⵍⴰⵏ ⴷⴻⴳ ⵓⵏⵔⴰⵔ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵎⴰⵙⵙ ⵙⴰⵏⵉ ⴰⴱⴰⵏⵉ ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⵢⴻⵙⵙⵓⴽⴽ-ⴷ ⵜⵉⵟ, ⴷ ⵎⴰⵙⵙ ⵙⴻⵏⵧⵓⵛⵉ ⴱⴻⵔⴻⴽⵙⵉ, ⵖⴻⴼ ⵓⵎⵢⴰⵍⴻⵍ ⴷⴻⴳ ⵓⵍⵎⵓⴷ ⴷ ⵓⵙⵙⴻⴳⵎⵉ (ⵜⵜⴻⵕⴱⴻⵢⵢⴰ), ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵛⴽⴻⵕ ⵜⵜⴻⵊⵕⵉⴱⴰ ⵏ ⵍⴷⵣⴰⵢⴻⵔ ⴷⴻⴳ ⵓⵏⵔⴰⵔ-ⴰ, ⵍⴰⴷⵖⴰ ⵉⵎⵉ « ⵜⴰⴳⵔⴰⵡⵜ ⵜⴰⵎⴻⵇⵔⴰⵏⵜ ⴰⴽⴽ ⵏ ⵢⵉⵏⵉⵊⵉⵔⵉⵢⴻⵏ ⴰⵢ ⵍⴰ ⵉⵣⴻⵔⵔⵡⴻⵏ ⴷⴻⴳ ⵓⵣⵖⴰⵔ ⴰⵜⵜⴰⵏ ⴷⴻⴳ ⵍⴷⵣⴰⵢⴻⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

« ⵏⴻⴱⴷⴻⵔ-ⴷ ⴷⴰⵖ 3 ⵏ ⵢⵉⵙⴻⵏⴼⴰⵔⴻⵏ ⵉⵎⴻⵇⵔⴰⵏⴻⵏ, ⵡⵉ ⴷ ⴰⵙⴻⵏⴼⴰⵔ ⵏ ⵓⵇⴰⴷⵓⵙ ⵏ ⵍⴳⴰⵣ, ⴰⴱⵔⵉⴷ ⴰⵔⴰ ⵢⴻⴽⴽⴻⵏ ⵖⴻⴼ ⵓⵏⴻⵥⵔⵓⴼ ⴰⵎⴻⵇⵔⴰⵏ ⴷ ⵓⵙⵄⴻⴷⴷⵉ ⵏ ⵢⵉⵙⵉⵔⴳⴻⵏ ⵉⵙⴻⴽⴷⴰⵏⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵎⵉ ⵢⴻⵜⵜⵡⴰⵜⵜⴻⵔ ⵖⴻⴼ ⵜⵓⴳⴳⵣⴰ ⵏ ⵜⴻⴳⵔⴰⵡⵜ ⵜⴰⵔⴻⴱⵔⴰⴱⵜ ⵏ « ⴱⵧⴽⵧ ⵀⴰⵔⴰⵎ » ⴷⴻⴳ ⵜⴻⵎⵏⴰⴹⵜ-ⴰ, ⵢⴻⵏⵏⴰ-ⴷ ⴷⴰⴽⴽⴻⵏ ⵏⵉⵊⵉⵔ « ⵍⴰ ⵜⵅⴻⴷⴷⴻⵎ ⵖⴻⵔ ⵢⵉⴷⵉⵙ ⵏ ⵜⵎⵓⵔⴰ ⵏ ⵜⵙⴻⵇⵇⴰⵎⵓⵜ ⵏ ⵜⴻⵎⴷⴰ ⵏ ⵓⴳⴻⵍⵎⵉⵎ ⵏ ⵞⴰⴷ ⵉ ⵓⵙⵙⴻⵏⴳⴻⵔ ⵏ ⵜⴻⴳⵔⴰⵡⵜ-ⴰ ⵜⵓⵃⵇⵉⵔⵜ ⵏ ⴱⵧⴽⵧ ⵀⴰⵔⴰⵎ ».

ⵉⵖⴼⴰⵡⴻⵏ ⵏ ⵓⵡⴰⵏⴰⴽ ⵏ ⵜⵙⴻⵇⵇⴰⵎⵓⵜ ⵏ ⵜⴻⵎⴷⴰ ⵏ ⵓⴳⴻⵍⵎⵉⵎ ⵏ ⵞⴰⴷ ⵍⴰ ⴷ-ⵜⴻⵙⵙⴻⵡⵊⴰⴷ ⵉⵖⴰⵍⵍⴻⵏ ⵉ ⵓⵙⵙⴻⵏⴳⴻⵔ ⵏ ⴱⵧⴽⵧ ⵀⴰⵔⴰⵎ ⵉ ⵍⴻⴱⴷⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵛⴽⴻⵕ « ⵜⴰⵎⵙⴻⵜⵍⴻⵍⵜ ⵏ ⵍⴷⵣⴰⵢⴻⵔ ⴰⵢ ⵉⴱⴻⴷⴷⴻⵏ ⵖⴻⵔ ⵢⵉⴷⵉⵙ ⵏ ⵜⵎⵓⵔⴰ ⵏ ⵜⴻⵎⵏⴰⴹⵜ-ⴰ ».