ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⴵⵏⴰⵙ ⵏⵏⴰⵏ-ⴷ ⵢⴻⵙⵙⴻⴼⴽ ⴰⴷ ⵜⴻⴼⵔⵓ ⵜⴰⵍⵓⴼⵜ ⵏ ⴱⵓⵔⵓⵏⴷⵉ ⵙ ⵓⵎⵛⵉⵡⴻⵕ
ⵍⴻⵣⵣⴰⵢⴻⵔ – ⵉⵃⴻⵜⵜⴻⵜ-ⴷ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⴷⴰⴽⴽⴻⵏ ⵜⴰⵍⵓⴼⵜ ⵜⴰⵙⴻⵔⵜⵉⵜ ⵏ ⴱⵓⵔⵓⵏⴷⵉ ⵢⴻⵙⵙⴻⴼⴽ ⴰⴷ ⵜⴻⴼⵔⵓ ⵙ ⵓⵎⵛⵉⵡⴻⵕ, ⵢⴻⵔⵏⴰ ⵢⴻⵍⵍⴰ-ⴷ ⵡⴰⵢⴰ ⴷⴻⴳ ⵡⴰⴽⵓⴷ ⴰⵢⴷⴻⴳ ⵜⴰⵎⵓⵔⵜ-ⴰ ⵙⵉⵎⴰⵍ ⵍⴰ ⵜⵣⴻⴷⴷⴻⵔ ⴷⴻⴳ ⵢⵉⵎⴻⵏⵖⵉ, ⵍⴰⴷⵖⴰ ⴷⴻⴼⴼⵉⵔ ⵎⴰ ⵜⵜⵡⴻⵏⵖⴻⵏ ⴽⵔⴰ ⵙⴻⴳ ⵡⵓⴷⵎⴰⵡⴻⵏ ⵉⵙⴻⵔⵜⵉⵢⴻⵏ ⵉⵎⴻⵇⵔⴰⵏⴻⵏ ⵏ ⴱⵓⵔⵓⵏⴷⵉ. ⵛⵛⵡⴰⵍ-ⴰ ⴰⴽⴽ ⵢⴻⵏⴽⴻⵔ ⴷⴻⴼⴼⵉⵔ ⵎⴰ ⵢⴻⴼⴼⴻⵖ-ⴷ ⵢⵉⵙⴰⵍⵉ ⴷⴰⴽⴽⴻⵏ ⴰⵙⴻⵍⵡⴰⵢ ⵒⵉⴻⵔⵔⴻ ⵏⴽⵓⵔⵓⵏⵣⵉⵣⴰ ⴰⴷ ⴷ-ⵢⴻⵙⵙⴻⵔⵙ ⵉⵎⴰⵏ-ⵏⵏⴻⵙ ⵖⴻⵔ ⵜⴻⴼⵔⴰⵏⵉⵏ ⵉ ⵜⵉⴽⴽⴻⵍⵜ ⵜⵉⵙ 3.
ⵜⴰⵙⴻⵍⵡⴰⵢⵜ ⵏ ⵜⵙⴻⵇⵇⴰⵎⵓⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⵏⴽⵧⵙⴰⵣⴰⵏⴰ ⴷⵍⴰⵎⵉⵏⵉ ⵣⵓⵎⴰ, ⵜⴻⵏⵏⴰ-ⴷ ⴰⵙⵙ ⵏ ⵍⵃⴻⴷⴷ ⴷⴰⴽⴽⴻⵏ ⵜⴰⴽⵔⵓⴹⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⵡⴰⵢⵢⵓⵔⴻⵏ-ⴰ ⵉⵏⴻⴳⴳⵓⵔⴰ « ⵜⴻⵙⵙⴽⴰⵏⴰⵢ-ⴷ ⵜⵉⴽⴽⴻⵍⵜ ⵏⵉⴹⴻⵏ ⴷⴰⴽⴽⴻⵏ ⵜⴰⴳⵏⵉⵜ ⴰⵜⵜⴰⵏ ⵜⴻⵡⵄⴻⵕ ⴷⴻⴳ ⴱⵓⵔⵓⵏⴷⵉ ⵢⴻⵔⵏⴰ ⵜⴻⵣⵎⴻⵔ ⴰⴷ ⵜⴻⵔⵏⵓ ⴰⴷ ⵜⴻⵅⵚⴻⵔ ⵜⴻⴳⵏⵉⵜ ⵓⴳⴰⵔ, ⴷ ⴰⵢⴻⵏ ⴰⵢ ⵉⵣⴻⵎⵔⴻⵏ ⴰⴷ ⴷ-ⵢⴻⴳⵍⵓ ⵙ ⵜⵡⴰⵖⵉⵜ ⴰⵎⴰ ⵉ ⵜⵎⵓⵔⵜ-ⴰ, ⴰⵎⴰ ⵉ ⵜⴻⵎⵏⴰⴹⵜ-ⵏⵏⵉ ⵙ ⵍⴻⴽⵎⴰⵍ-ⵏⵏⴻⵙ ».
ⵖⴻⴼ ⵡⴰⵢⴰ « ⴰⵢ ⴷ-ⵜⵃⴻⵜⵜⴻⵜ ⵜⵉⴽⴽⴻⵍⵜ ⵏⵉⴹⴻⵏ ⴷⴰⴽⴽⴻⵏ ⵢⴻⵙⵙⴻⴼⴽ ⵓⵎⵛⵉⵡⴻⵕ ⴷ ⵓⵎⵙⴻⴼⵀⴰⵎ ⴰⴽⴽⴻⵏ ⴰⴷ ⴷ-ⴰⴼⴻⵏ ⵜⵉⴼⵔⴰⵜ ⴰⵔⴰ ⵉⴷⵓⵎⴻⵏ ⵢⴻⵔⵏⴰ ⵙ ⵜⴰⵍⵡⵉⵜ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵃⵔⴻⵣ ⵡⴰⵢⴻⵏ ⴰⵢ ⴷ-ⵢⴻⵜⵜⵡⴰⴽⴻⵙⴱⴻⵏ ⵙⴻⴳ ⵓⵎⵜⴰⵡⴰ ⵏ ⴰⵔⵓⵙⵀⴰ ⴷⴻⴳ ⵓⵙⴻⴳⴳⴰⵙ ⵏ 2000 ⴰⵎⴰ ⴷⴻⴳ ⵓⵏⵔⴰⵔ ⵏ ⵜⴰⵍⵡⵉⵜ, ⴰⵎⴰ ⴷⴻⴳ ⵡⵉⵏ ⵏ ⵓⵎⵙⵓⵖⴰⵍ ⴷⴻⴳ ⴱⵓⵔⵓⵏⴷⵉ, ⴰⵎ ⵡⴰⴽⴽⴻⵏ ⴰⵔⴰ ⵢⴻⵜⵜⵡⴰⵃⵔⴻⵣ ⵓⵎⵜⴰⵡⴰ ⵓⵎⵎⵉⴷ ⵏ ⵓⵃⴱⴰⵙ ⵏ ⵢⵉⵎⴻⵏⵖⵉ ⵏ 2003 ».
ⴷⵍⴰⵎⵉⵏⵉ ⵣⵓⵎⴰ ⵜⵄⴰⵡⴻⴷ ⴷⴰⵖ ⵜⴳⴻⵔ-ⴷ ⵜⵉⵖⵔⵉ ⵙ ⵢⵉⵙⴻⵎ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵉ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴷⴻⴳ ⴱⵓⵔⵓⵏⴷⵉ ⴰⴽⴽⴻⵏ « ⴰⴷ ⵎⴻⵍⴽⴻⵏ ⵉⵎⴰⵏ-ⵏⵙⴻⵏ ⵎⵍⵉⵃ ⵢⴻⵔⵏⴰ ⴰⴷ ⵙⵄⵓⵏ ⵕⵕⵓⵃ ⵏ ⵜⵎⴰⵙⵉⵜ ⴷⴻⴳ ⵜⴻⵙⵡⵉⵄⵜ-ⴰ ⵜⴰⵡⴻⵄⵕⴰⵏⵜ ⴷⴻⴳ ⵓⵎⴻⵣⵔⵓⵢ ⵏ ⵜⵎⵓⵔⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵢⵉⵡⴻⵏ ⵏ ⵓⵍⵖⵓ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ.
ⵙⴻⴳ ⵢⵉⴷⵉⵙ-ⵏⵏⴻⵙ, ⴰⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉⴳⴻⵔ-ⴷ ⵜⵉⵖⵔⵉ ⵉ ⵡⵓⵖⴰⵍ ⵖⴻⵔ ⵓⵎⵛⵉⵡⴻⵕ « ⵡⴰⵔ ⵍⴻⵄⴹⵉⵍ » ⴳⴰⵔ ⵓⵏⴰⴱⴰⴹ ⵏ ⴱⵓⵔⵓⵏⴷⵉ ⴷ ⵜⴻⵏⵎⴻⴳⵍⴰ ⴰⴽⴽⴻⵏ ⴰⴷ ⵜⴼⴰⴽ ⵜⵏⵉⴼⵉⴼⵜ-ⴰ ⵏ ⵜⴻⴽⵔⵉⴹⵜ ⴰⵢ ⵉⵃⵓⵣⴰⵏ ⵜⴰⵎⵓⵔⵜ.
« ⵉⵎⴰⵙⵍⴰⴹⴻⵏ ⵏ ⵓⵙⴻⵇⵇⴰⵎⵓ ⵏⵏⴰⵏ-ⴷ ⴷⴰⴽⴽⴻⵏ ⵜⴻⵛⵖⴻⴱ-ⵉⵜⴻⵏ ⵎⵍⵉⵃ ⵜⴻⴳⵏⵉⵜ ⵜⴰⵙⴻⵔⵜⵉⵜ ⴷ ⵜⵖⴻⵍⵍⵉⵙⵜ ⴷⴻⴳ ⴱⵓⵔⵓⵏⴷⵉ ⵢⴻⵔⵏⴰ ⴳⵔⴻⵏ-ⴷ ⵜⵉⵖⵔⵉ ⵉ ⵡⵓⵖⴰⵍ ⵖⴻⵔ ⵓⵎⵛⵉⵡⴻⵕ ⵉⵔⴻⵥⵎⴻⵏ ⵡⴰⵔ ⵍⴻⵄⴹⵉⵍ ⴰⴽⴽⴻⵏ ⴰⴷ ⴷ-ⵜⵉⵍⵉ ⵜⴰⵍⵡⵉⵜ ⵜⴰⴷⵓⵎⴰⵏⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵙⴻⴳ ⵎⴻⵍⵎⵉ ⴽⴰⵏ ⵜⴻⵏⵎⴰⵀⴰⵍⵜ ⵏ ⵏⵉⵊⵉⵔⵢⴰ ⴷⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵊⵧⵢ ⵧⴳⵡⵓ.
ⴰⴽⴽ ⵉⵎⴰⵙⵍⴰⴹⴻⵏ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⴷⴻⴳ 15 ⵢⵉⴷ-ⵙⴻⵏ) ⴱⴻⴷⴷⴻⵏ ⵖⴻⵔ ⵢⵉⴷⵉⵙ ⵏ ⵕⵕⴰⵢ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴱⴰⵏ ⴽⵉ-ⵎⵧⵧⵏ, ⴰⴽⴽⴻⵏ ⴰⴷ ⴰⵣⵏⴻⵏ ⴰⴱⴷⴰⵎⵎⴰⵙ ⵖⴻⵔ ⴱⵓⵔⵓⵏⴷⵉ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵜⵓⵄⵊⵉⵍⵜ, ⵖⴻⴼ ⵍⴻⵃⵙⴰⴱ ⵏ ⵢⵉⴷⵉⵒⵍⵓⵎⴰⵜⵉⵢⴻⵏ ⴰⵢ ⵉⵃⴻⴷⵕⴻⵏ.
