Asebter amenzawi

Tikkin ur nettwattu n umerḥum Chibout Brahim deg unǧaḥ n ẓẓedma n Ugafa n qṣenṭina

LEZZAYER – Amǧahed Brahim Chibout, yemmuten ass n 1 ɣuct-a, d yiwen seg yimasayen n Yigen n uslelli aɣelnaw (ALN) i yesɣewsen, i yesseddan akken yeqwem ẓẓedma n Ugafa n qṣenṭina, yettwamehlen ass n 20 ɣuct 1955, aya yesɛa azal ameqran deg umennuɣ umrig mgal tasehrest tafransist (1830-1962).

Ttinin-d fell-as yimeddukal-is belli d yiwen seg yemǧuhad ‘’abeɣsan’’ d ’’tamudemt’’ daɣen deg wayen yerzan taɣelnaẓri d tebɣest, Brahim Chibout, ilul deg useggas n 1927 deg Lḥaṛṛuc (Skikda), yekcem s amussu aɣelnaw deg leɛmer-is 20 iseggasen. Yers seg yemǧuhad n tsaɛet tamezwarut i yegzan belli ala amennuɣ umrig i izemren ad yeslelli Lezzayer seg uzaglu ahersan.

Yella ddaw ufus n umeɣras Zighoud Youcef, d tagejdit n ẓẓedma n Ugafa n qṣenṭina d aɣella twilayt tid II tamezruyant, amerḥum Brahim Chibout, yettwasnen s tmusni-s lqayen n umennuɣ d useddu n yergazen, din din yuli d amasay n temnaḍt tis snat n twilayt-nni tamazrayant.