Asebter amenzawi

Asissen n yidles n ssinima s usenẓer n beṛṛa n yisura

TLEMSAN – Aneɣlaf n yidles, Azzedine Mihoubi, yeɣra-d, deg yiḍ gar lḥedd d letniyen, mi yerza ɣer teɣsert n yillel n Mersat Ben M’hidi (Tlemsan) akken ad yili usissen n yidles n ssinima s usenẓer n yisura beṛṛa deg yal amḍiq.

‘’Yessefk ad nessebɣes tiɣawsiwin am ti i ssemrasen aṭas deg umaḍal’’ i d-yenna uneɣlaf i yekkin deg taggara n yimalas i umi ttinin ‘’ciné-plage’’ (ssinima deg teftist), i ssuddsen kra yekka yimalas, aya d-ayen yesfeṛḥen wid akk yerzan ɣer din d yimezdaɣ n udeg-nni.

Iwala belli tenǧeḥ termit-a acku tessaweḍ s iswi-s, d win yessawḍen akken ad yessegrew imedanen iḥemlen ssinima.

Qbel aya, aneɣlaf yerza ɣer tzikniwin i d-heggant tiddukliwin tidiganin ideg tella tin n yinaẓuren n teklut n Oudjel Mohamed, yewwin isem n ‘’Tlemsan d yigaluzen-is’’.