Asebter amenzawi

Amulli uslig n 20 ɣuct : sin izemzen igejdanen n umezruy n Tegrawla

LEZZAYER – Azemz n 20 ɣuct, d azamul n ẓẓedma n ugafa n Qṣenṭina (1955) d temlilit n Ssumam (1956), snat tedyanin yuɣen am tafat deg umezruy n tegrawla tazzayrit.

Seg ɛeddan 60 iseggasen, tidyanin-a i d-yufraren deg umezruy n tegrawla-nneɣ, grant-d urant i lebda deg tkatut n akk Izzayriyen, uɣalen tura d tiwelhiwin tigejdanin n umezruy n umennuɣ n uɣref azzayri, ẓẓedma-a teṛṛeẓ ttiqa n ucengu terna tessekcem ccek deg yigen-is i yettwalin iman-is ur yettwaɣlab ara.

Ɣas ma yella bḍan gar-asen yinmezrayen deg wayen yerzan amek i d-teḍra tedyant, maca mmezgen akk akken ad inin belli 20 ɣuct 1955 terra-d ttiqa gar unẓad n tegrawla d uzadur aɣerfan.

Seg tama nniḍen, Mas Nouicer, d anmezray, yenna-d belli timlilit n Ssumam, i d-yeḍran 1956 deg taddart n Yifri deg twilayt tis kraḍ temmahel tafelsafit n tegrawla d usuddes-is. Terna daɣen tura izirigen imeqranen n ukemmel n umennuɣ n yigen, s useɣti n tucḍiwin n 22 wayyuren yezrin. (Tanegga)