ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⵓⵍⵍⵉ ⵓⵙⵍⵉⴳ ⵏ 20 ⵖⵓⵛⵜ : ⵙⵉⵏ ⵉⵣⴻⵎⵣⴻⵏ ⵉⴳⴻⵊⴷⴰⵏⴻⵏ ⵏ ⵓⵎⴻⵣⵔⵓⵢ ⵏ ⵜⴻⴳⵔⴰⵡⵍⴰ

ⵍⴻⵣⵣⴰⵢⴻⵔ – ⴰⵣⴻⵎⵣ ⵏ 20 ⵖⵓⵛⵜ, ⴷ ⴰⵣⴰⵎⵓⵍ ⵏ ⵥⵥⴻⴷⵎⴰ ⵏ ⵓⴳⴰⴼⴰ ⵏ ⵇⵚⴻⵏⵟⵉⵏⴰ (1955) ⴷ ⵜⴻⵎⵍⵉⵍⵉⵜ ⵏ ⵙⵙⵓⵎⴰⵎ (1956), ⵙⵏⴰⵜ ⵜⴻⴷⵢⴰⵏⵉⵏ ⵢⵓⵖⴻⵏ ⴰⵎ ⵜⴰⴼⴰⵜ ⴷⴻⴳ ⵓⵎⴻⵣⵔⵓⵢ ⵏ ⵜⴻⴳⵔⴰⵡⵍⴰ ⵜⴰⵣⵣⴰⵢⵔⵉⵜ.

ⵙⴻⴳ ⵄⴻⴷⴷⴰⵏ 60 ⵉⵙⴻⴳⴳⴰⵙⴻⵏ, ⵜⵉⴷⵢⴰⵏⵉⵏ-ⴰ ⵉ ⴷ-ⵢⵓⴼⵔⴰⵔⴻⵏ ⴷⴻⴳ ⵓⵎⴻⵣⵔⵓⵢ ⵏ ⵜⴻⴳⵔⴰⵡⵍⴰ-ⵏⵏⴻⵖ, ⴳⵔⴰⵏⵜ-ⴷ ⵓⵔⴰⵏⵜ ⵉ ⵍⴻⴱⴷⴰ ⴷⴻⴳ ⵜⴽⴰⵜⵓⵜ ⵏ ⴰⴽⴽ ⵉⵣⵣⴰⵢⵔⵉⵢⴻⵏ, ⵓⵖⴰⵍⴻⵏ ⵜⵓⵔⴰ ⴷ ⵜⵉⵡⴻⵍⵀⵉⵡⵉⵏ ⵜⵉⴳⴻⵊⴷⴰⵏⵉⵏ ⵏ ⵓⵎⴻⵣⵔⵓⵢ ⵏ ⵓⵎⴻⵏⵏⵓⵖ ⵏ ⵓⵖⵔⴻⴼ ⴰⵣⵣⴰⵢⵔⵉ, ⵥⵥⴻⴷⵎⴰ-ⴰ ⵜⴻⵕⵕⴻⵥ ⵜⵜⵉⵇⴰ ⵏ ⵓⵛⴻⵏⴳⵓ ⵜⴻⵔⵏⴰ ⵜⴻⵙⵙⴻⴽⵛⴻⵎ ⵛⵛⴻⴽ ⴷⴻⴳ ⵢⵉⴳⴻⵏ-ⵉⵙ ⵉ ⵢⴻⵜⵜⵡⴰⵍⵉⵏ ⵉⵎⴰⵏ-ⵉⵙ ⵓⵔ ⵢⴻⵜⵜⵡⴰⵖⵍⴰⴱ ⴰⵔⴰ.

Ɣⴰⵙ ⵎⴰ ⵢⴻⵍⵍⴰ ⴱⴹⴰⵏ ⴳⴰⵔ-ⴰⵙⴻⵏ ⵢⵉⵏⵎⴻⵣⵔⴰⵢⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⴻⴽ ⵉ ⴷ-ⵜⴻⴹⵔⴰ ⵜⴻⴷⵢⴰⵏⵜ, ⵎⴰⵛⴰ ⵎⵎⴻⵣⴳⴻⵏ ⴰⴽⴽ ⴰⴽⴽⴻⵏ ⴰⴷ ⵉⵏⵉⵏ ⴱⴻⵍⵍⵉ 20 ⵖⵓⵛⵜ 1955 ⵜⴻⵔⵔⴰ-ⴷ ⵜⵜⵉⵇⴰ ⴳⴰⵔ ⵓⵏⵥⴰⴷ ⵏ ⵜⴻⴳⵔⴰⵡⵍⴰ ⴷ ⵓⵣⴰⴷⵓⵔ ⴰⵖⴻⵔⴼⴰⵏ.

ⵙⴻⴳ ⵜⴰⵎⴰ ⵏⵏⵉⴹⴻⵏ, ⵎⴰⵙ ⵏⵧⵓⵉⵛⴻⵔ, ⴷ ⴰⵏⵎⴻⵣⵔⴰⵢ, ⵢⴻⵏⵏⴰ-ⴷ ⴱⴻⵍⵍⵉ ⵜⵉⵎⵍⵉⵍⵉⵜ ⵏ ⵙⵙⵓⵎⴰⵎ, ⵉ ⴷ-ⵢⴻⴹⵔⴰⵏ 1956 ⴷⴻⴳ ⵜⴰⴷⴷⴰⵔⵜ ⵏ ⵢⵉⴼⵔⵉ ⴷⴻⴳ ⵜⵡⵉⵍⴰⵢⵜ ⵜⵉⵙ ⴽⵔⴰⴹ ⵜⴻⵎⵎⴰⵀⴻⵍ ⵜⴰⴼⴻⵍⵙⴰⴼⵉⵜ ⵏ ⵜⴻⴳⵔⴰⵡⵍⴰ ⴷ ⵓⵙⵓⴷⴷⴻⵙ-ⵉⵙ. ⵜⴻⵔⵏⴰ ⴷⴰⵖⴻⵏ ⵜⵓⵔⴰ ⵉⵣⵉⵔⵉⴳⴻⵏ ⵉⵎⴻⵇⵔⴰⵏⴻⵏ ⵏ ⵓⴽⴻⵎⵎⴻⵍ ⵏ ⵓⵎⴻⵏⵏⵓⵖ ⵏ ⵢⵉⴳⴻⵏ, ⵙ ⵓⵙⴻⵖⵜⵉ ⵏ ⵜⵓⵛⴹⵉⵡⵉⵏ ⵏ 22 ⵡⴰⵢⵢⵓⵔⴻⵏ ⵢⴻⵣⵔⵉⵏ. (ⵜⴰⵏⴻⴳⴳⴰ)