Asebter amenzawi
Lḥeǧǧaǧ ttwanecden ad d-jebden ipaspuṛen-nsen s lviza n lḥiǧ
LEZZAYER – Wid ay d-yeffɣen deg tesɣart n lḥiǧ n 2015 deg twilayin n Lezzayer, Cclef, Leblida d Bumerdas ttwanecden ad d-jebden ipaspuṛen-nsen s lviza n lḥiǧ akken ad d-aɣen itikiyen-nsen n usafag ɣer Temdint (deg Tgelda Tasaɛudit) ɣef wakken ay d-yenna ass n letniyen uɣlif n tɣawsiwin n daxel d tmazdayin tidiganin deg yiwen n ulɣu.
« Tiɣermanin d yiɣermanen ay d-yeffɣen deg tesɣart n lḥiǧ n 2015 deg tɣiwanin n twilayin n Lezzayer, Cclef, Leblida d Bumerda ttwanecden akken ad ddun ɣer twilayin aydeg zedɣen akken ad d-jebden ipaspuṛen-nsen s lviza n lḥiǧ akken ad d-aɣen ɣer Air Algerie itikiyen n usafag ɣer Temdint Timnewweṛt (Tagelda Tasaɛudit) », ɣef wakken ay d-tenna teɣbalut.
« Affugen n Air Algerie seg unafag n Houari Boumediene (Lezzayer Tamaneɣt) ɣer Temdint Timnewweṛt ad qelɛen ussan n 26, 27 d 28 Ɣuct », ɣef wakken ay d-yenna ulɣu-a, am wakken ay d-yerna d akken « itikiyen ad nzen deg tnegga yemmuzzgen (yetxeṣṣeṣen) n Air Algerie deg Uzumbi n Yilel (Pins maritimes) deg Lezzayer Tamaneɣt ».
Wid ay terza temsalt zemren ad dlun ɣef wumuɣ n yimdanen ay d-yewwin lviza n lḥiǧ deg udeg n Internet n uɣlif n tɣawsiwin n daxel d tmazdayin tidiganin (www.interieur.gov.dz.).
