ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵙⵙⴻⴼⴽ ⴰⴷ ⵜⴻⵔⵏⵓ ⵍⵖⴻⵍⵍⴰ ⵏ ⵓⴽⵙⵓⵎ ⵉ ⵓⵏⴻⵡⵡⴻⵄ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ
ⵍⴻⵣⵣⴰⵢⴻⵔ – ⴰⵏⴻⵖⵍⴰⴼ ⵏ ⵜⴼⴻⵍⵍⴰⵃⵜ ⴷ ⵓⵙⵏⴻⴼⵍⵉ ⵏ ⵜⵎⵓⵔⵜ, ⵙⵉⴷ ⴰⵀⵎⴻⴷ ⴼⴻⵔⵔⵧⵓⴽⵀⵉ, ⵉⵡⴻⴽⴽⴻⴷ-ⴷ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷ ⴰⴽⴽⴻⵏ ⴰⵡⴰⵏⴰⴽ ⵉⵄⴻⵡⵡⴻⵍ ⴰⴽⴽⴻⵏ ⴰⴷ ⵢⴻⵙⵏⴻⴼⵍⵉ ⴰⴼⵓⵔⴽ ⵏ ⵜⴽⴻⵙⵙⴰⵡⵜ ⴷ ⵓⴼⴰⵔⴻⵙ ⵏ ⵓⴽⵙⵓⵎ ⴰⵣⴻⵡⵡⴰⵖ ⴰⴽⴽⴻⵏ ⴰⴷ ⵜⴻⵜⵜⵡⴰⵏⴻⵡⵡⴻⵄ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ.
ⴰⵏⴻⵖⵍⴰⴼ ⴰⵢ ⵢⴻⵙⵙⴻⵍⵡⵉⵏ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵜⵓⵎⴷⵉⵍⵜ ⴷ ⵢⵉⴳⴻⵏⵙⴰⵙⴻⵏ ⵏ ⵢⵉⵎⴻⴽⵙⴰⵡⴻⵏ ⴷ ⵢⵉⵎⴰⵙⵍⴰⴹⴻⵏ ⵏ ⵜⴼⵉⴷⵉⵕⴰⵍⵉⵜ ⵜⴰⵖⴻⵍⵏⴰⵡⵜ ⵏ ⵢⵉⵎⴻⴽⵙⴰⵡⴻⵏ (ⴰⴼⵓⵔⴽ ⵏ ⵓⴼⴰⵔⴻⵙ ⵏ ⵓⴽⵙⵓⵎ) ⵉⵃⴻⵜⵜⴻⵜ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ « ⴰⴷ ⵢⴻⵜⵜⵡⴰⵙⴷⵓⵇⵇⴻⵙ ⵓⵃⵔⵉⵛ ⵏ ⵓⴼⴰⵔⴻⵙ ⵓⴽⵙⵓⵎ ⴰⴽⴽⴻⵏ ⴰⴷ ⵢⴻⵔⵏⵓ ⵓⴼⴰⵔⴻⵙ, ⴰⴷ ⴷ-ⵜⴻⵏⵇⴻⵙ ⵙⵙⵓⵎⴰ ⵢⴻⵔⵏⴰ ⴰⴷ ⵜⴻⵍⵀⵓ ⵜⵖⴰⵔⴰ ⵏ ⵓⴽⵙⵓⵎ, ⵢⴻⵔⵏⴰ ⴰⵢⴰ ⴰⴽⴽ ⴰⴷ ⵢⴻⵏⴼⴻⵄ ⴰⵏⴻⵡⵡⴻⵄ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ».
ⵉⵎⴻⴽⵙⴰⵡⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴼⴻⵔⵔⵧⵓⴽⵀⵉ, ⴷ ⵏⵉⵜⵏⵉ ⴰⵢ ⴷ ⵍⵍⵙⴰⵙ ⴷⴻⴳ ⵓⴼⴰⵔⴻⵙ ⵏ ⵓⴽⵙⵓⵎ ⴰⵣⴻⵡⵡⴰⵖ ⵢⴻⵔⵏⴰ ⵉⴳⴻⵔ-ⴷ ⵜⵉⵖⵔⵉ ⴰⴽⴽⴻⵏ « ⴰⴷ ⵢⵉⵍⵉ ⵍⴰⵎⴰⵏ ⴷⴻⴳ ⵡⵉⴷ ⴰⵢ ⵉⵅⴻⴷⴷⵎⴻⵏ ⴷⴻⴳ ⵓⵃⵔⵉⵛ-ⴰ ⵢⴻⵔⵏⴰ ⴰⴷ ⵜⵜⵡⴰⴽⴽⵙⴻⵏ ⵢⵉⵄⴻⵡⵡⵉⵇⴻⵏ ⴰⴽⴽⴻⵏ ⴰⵃⵔⵉⵛ-ⴰ ⴰⴷ ⵢⴰⴼ ⵜⵉⵍⴻⵍⵍⵉ ⵢⴻⵔⵏⴰ ⴰⴷ ⵢⴻⵔⵏⵓ ⵓⴼⴰⵔⴻⵙ ⴰⵖⴻⵍⵏⴰⵡ ».
ⴷⵖⴰ, ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵢⴰ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ « ⴰⴷ ⴷ-ⵢⵉⵍⵉ ⵓⵎⵛⵉⵡⴻⵕ ⴷ ⵜⴽⴻⴱⴱⴰⵏⵉⵢⵉⵏ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵉ ⴼⴻⵔⵔⵓ ⵏ ⵡⴰⴽⴽ ⵓⴳⵓⵔⴻⵏ ⵢⴻⵔⵣⴰⵏ ⴰⵏⵔⴰⵔ-ⴰ ⵢⴻⵔⵏⴰ ⴰⴷ ⵄⴻⵔⴹⴻⵏ ⴰⴷ ⵜ-ⵙⵜⴻⵔⵔⴻⵏ », ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⴷ ⵡⴰ ⴰⵢ ⴷ ⵉⵙⵡⵉ ⵏ ⵓⵎⵢⴰⴳⴻⵔ-ⵏⵏⵉ.
ⴰⴷ ⴷ-ⵉⵍⵉⵏ ⵢⵉⵎⵢⴰⴳⵔⴻⵏ ⵏⵉⴹⴻⵏ ⵢⴻⵛⴱⴰⵏ ⵡⴰ ⴷⴻⴳ ⵓⵏⵔⴰⵔ ⴷⴻⴳ ⵍⴻⴷⵡⴰⵕ ⴰⵢ ⴷ-ⵢⴻⵜⵜⴻⴷⴷⵓⵏ ⵉ « ⵓⵙⵙⴻⵡⵊⴻⴷ ⵏ ⵢⵉⵖⴰⵍⵍⴻⵏ ⵉ ⵍⵎⴻⵏⴷ ⵏ ⵓⵃⵔⵉⵛ-ⴰ ⴷ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⵓⵏⴻⵖⵍⴰⴼ ⴰⵢ ⴷ-ⵢⴻⵏⵏⴰⵏ ⴷ ⴰⴽⴽⴻⵏ ⵍⵍⴰⵏⵜ ⵜⵓⴷⴷⵙⵉⵡⵉⵏ ⵏ ⵢⵉⴳⴻⵏⵙⴰⵙⴻⵏ ⴰⵢ ⴷ-ⵢⴻⴳⵔⴻⵏ ⵜⵉⵖⵔⵉ ⵉ ⵡⴰⴽⴽ ⵡⵉⴷ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴽⴽⴻⵏ ⴰⴷ ⵙⴷⵓⴽⴽⵍⴻⵏ ⵍⵎⴻⴵⵀⵓⴷ-ⵏⵙⴻⵏ ⵢⴻⵔⵏⴰ ⴰⴷ ⴽⴽⵙⴻⵏ ⵉⵄⴻⵡⵡⵉⵇⴻⵏ.
ⴰⴳⴻⵏⵙⴰⵙ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵏ ⵢⵉⴼⴻⵍⵍⴰⵃⴻⵏ ⵉⴷⵣⴰⵢⵔⵉⵢⴻⵏ (ⵓⵏⵒⴰ), ⵎⵧⵀⴰⵎⴻⴷ ⵜⴰⵀⴰⵔ ⴷⵊⴰⵔⴻⴼ, ⵢⴻⵏⵏⴰ-ⴷ, ⵙⴻⴳ ⵢⵉⴷⵉⵙ-ⵏⵏⴻⵙ, ⴷ ⴰⴽⴽⴻⵏ ⵢⴻⵙⵙⴻⴼⴽ ⵓⴽⴻⵎⵎⴻⵍ ⵍⵎⴻⴵⵀⵓⴷ ⴷ ⵓⵙⵙⵓⴳⴳⴻⵜ ⵏ ⵜⴻⵎⵍⵉⵍⵉⵢⵉⵏ ⵉ ⴼⴻⵔⵔⵓ ⵏ ⵡⵓⴳⵓⵔⴻⵏ ⴰⵢ ⴷ-ⵜⵜⴻⵎⵍⵉⵍⵉⵏ ⵢⵉⵎⴻⴽⵙⴰⵡⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷ ⴰⴽⴽⴻⵏ ⵜⴰⵙⵓⴷⵓⵜ-ⵏⵏⴻⵙ « ⵜⴻⵜⵜⴻⴳ ⴰⴽⴽ ⴰⵢⴻⵏ ⵓⵎⵉ ⵜⴻⵣⵎⴻⵔ ⴰⴽⴽⴻⵏ ⴰⴷ ⵜⴻⵙⵏⴻⴼⵍⵉ ⵢⴻⵔⵏⴰ ⴰⴷ ⵜⴻⵙⵙⴻⵙⵜⵔⴻⵔ ⴰⵃⵔⵉⵛ ⵏ ⵓⴼⴰⵔⴻⵙ ⵏ ⵓⴽⵙⵓⵎ ».
ⴰⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ ⵜⴰⵖⴻⵍⵏⴰⵡⵜ ⵏ ⵢⵉⵎⴻⴽⵙⴰⵡⴻⵏ, ⴰⵣⴰⵧⵓⵉ ⴷⵊⵉⵍⴰⵍⵉ ⵢⴻⴱⴷⴻⵔ-ⴷ, ⴷⴻⴳ ⵢⵉⵊⵉⴼⴻⵕ ⵏ ⵓⵎⵢⴰⴳⴻⵔ-ⴰ, ⴷ ⴰⴽⴽⴻⵏ ⵉⵎⴻⴽⵙⴰⵡⴻⵏ ⵜⵜⵎⴰⴳⴰⵔⴻⵏ-ⴷ ⵓⴳⵓⵔⴻⵏ ⴰⵎ ⵍⴻⵅⵚⴰⵚ ⵏ ⵓⵎⵄⵉⵛ ⵏ ⵍⵎⴰⵍ, ⵙⵙⵓⵎⴰ ⵖⵍⴰⵢⴻⵏ ⵏ ⵓⵎⵄⵉⵛ-ⴰ, ⵍⴻⵅⵚⴰⵚ ⵏ ⵡⴰⵎⴰⵏ ⴷⴻⴳ ⴽⵔⴰ ⵏ ⵜⴻⵎⵏⴰⴹⵉⵏ ⵜⵉⵣⴰⵡⵖⴰⵏⵉⵏ ⴷ ⵜⵏⴻⵥⵔⵓⴼⴰⵏⵉⵏ ⴷ ⵡⴰⴹⴹⴰⵏⴻⵏ, ⵢⴻⵔⵏⴰ ⵉⴳⴻⵔ-ⴷ ⵜⵉⵖⵔⵉ ⵉ ⵓⵙⵙⴻⴵⵀⴻⴷ ⵏ ⵓⵙⵙⴻⴼⵇⴻⴷ ⵏ ⵍⵎⴰⵍ ⵙⵖⵓⵔ ⵢⵉⴱⵉⴹⴰⵔⴻⵏ (ⵉⵎⵙⵓⵊⵊⵉⵢⴻⵏ ⵏ ⵢⵉⵖⴻⵔⵙⵉⵡⴻⵏ) ⴷ ⵜⴳⴻⵣⵣⴰⵢⵜ ⴰⵢ ⵢⴻⵙⵙⴻⴼⴽⴻⵏ ⵉ ⵍⵎⴰⵍ.
ⵎⵉ ⵢⴻⵜⵜⵡⴰⵜⵜⴻⵔ ⵖⴻⴼ ⵎⴰ ⵢⴻⵍⵍⴰ ⴰⴷ ⴷ-ⵇⴰⵎⴻⵏ ⵡⴰⴽⵔⴰⵔⴻⵏ ⵢⴻⵔⵏⴰ ⴰⴷ ⵜⵉⵔⵅⵉⵙ ⵙⵙⵓⵎⴰ-ⵏⵙⴻⵏ ⵎⵉ ⴰⴽⴽⴰ ⴰⵢ ⵍⴰ ⴷ-ⵜⴻⵜⵜⵇⴻⵔⵔⵉⴱ ⵍⵄⵉⴷ ⵜⴰⵎⴻⵇⵔⴰⵏⵜ, ⵎⴰⵙⵙ ⴰⵣⴰⵧⵓⵉ ⵢⴻⵏⵏⴰ-ⴷ ⴷ ⴰⴽⴽⴻⵏ ⵓⵍⴰⵛ ⴷ ⴰⵛⵓ ⴰⵔⴰ ⴰⴳⴰⴷⴻⵏ ⵎⴻⴷⴷⴻⵏ ⴷⴻⴳ ⵜⴻⵎⵙⴰⵍⵜ-ⴰ.
