ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵓⴳⴷⵉ ⴷⴻⴳ ⵜⵎⵓⵔⴰ ⵏ ⵜⴻⵎⵏⴰⴹⵜ ⴷ ⵓⵎⴰⴹⴰⵍ ⵙⴻⴳ ⵓⵣⵔⴰⵄ ⵏ ⴷⴰⵄⴻⵛ ⴷⴻⴳ ⵍⵉⴱⵢⴰ

ⵍⴻⵣⵣⴰⵢⴻⵔ – ⵜⴰⴳⵏⵉⵜ ⵏ ⵜⵖⴻⵍⵍⵉⵙⵜ ⴷⴻⴳ ⵍⵉⴱⵢⴰ ⵜⴽⴻⵎⵎⴻⵍ ⵜⴻⵅⵚⴻⵔ ⴷⴻⴳ ⵡⵓⵙⵙⴰⵏ-ⴰ ⵉⵏⴻⴳⴳⵓⵔⴰ ⵎⵉ ⵎⵎⵖⴻⵏ ⵢⵉⵔⴻⴱⵔⴰⴱⴻⵏ ⵏ « ⴷⴰⵄⴻⵛ » ⵖⴻⴼ ⵜⴻⵎⴷⵉⵏⵜ ⵏ ⵙⵉⵔⵜ (ⴷⴻⴳ ⵓⴳⴰⴼⴰ), ⵢⴻⵔⵏⴰ ⴷ ⴰⵢⴰ ⴰⵢ ⵢⴻⵙⵙⴰⴳⴷⴻⵏ ⴰⵎⴰ ⴷ ⵉⴷⵉⵙⴰⵏ ⵉⵍⵉⴱⵉⵢⴻⵏ, ⴰⵎⴰ ⴷ ⴰⵎⵖⵉⵡⴰⵏ ⴰⴳⵔⴰⵖⵍⴰⵏ, ⵍⴰⴷⵖⴰ ⵜⵉⵎⵓⵔⴰ ⵏ ⵜⴻⵎⵖⵓⵏⵜ ⵜⴰⵄⵕⴰⴱⵜ ⴰⵔⴰ ⵢⴻⵎⵍⵉⵍⴻⵏ ⴰⵙⵙ ⵏ ⵜⵜⵍⴰⵜⴰ ⵙ ⵓⵙⵙⵓⵜⴻⵔ ⵏ ⵢⵉⵍⵉⴱⵉⵢⴻⵏ ⴰⵢ ⵢⴻⵃⵡⴰⴵⴻⵏ ⵜⴰⵍⵍⴰⵍⵜ.

ⴰⵣⴰⵍ ⵏ ⴷⴷⵓⵕⵜ ⴰⵢⴰ ⵙⴻⴳ ⵡⴰⵙⵎⵉ ⴰⵢ ⵢⴻⵏⴽⴻⵔ ⵢⵉⵎⴻⵏⵖⵉ ⴳⴰⵔ ⵢⵉⵎⴻⵣⴷⴰⵖⴻⵏ ⵏ ⵜⴻⵎⴷⵉⵏⵜ ⵏ ⵙⵉⵔⵜ (ⴰⴳⴰⴼⴰ ⵏ ⵍⵉⴱⵢⴰ) ⴷ ⵢⵉⵎⴻⵏⵖⴰⵏ ⵏ ⵜⵓⴷⴷⵙⴰ ⴰⵢ ⵉⵙⴻⵎⵎⴰⵏ ⵉ ⵢⵉⵎⴰⵏ-ⵏⵏⴻⵙ « ⴰⵡⴰⵏⴰⴽ ⵉⵙⵍⴰⵎⴰⵏ » (ⴷⴰⵄⴻⵛ), ⵢⴻⵔⵏⴰ ⵎⴰⵣⴰⵍ ⵢⴻⵜⵜⴽⴻⵎⵎⵉⵍ ⵢⵉⵎⴻⵏⵖⵉ-ⴰ ⴰⵢ ⵢⴻⴳⵍⴰⵏ ⵙ ⵡⴰⵛⵃⴰⵍ ⵏ ⵜⵎⴻⴷⴷⵓⵔⵉⵏ.

ⴰⵏⴰⴱⴰⴹ ⴰⵍⵉⴱⵉ ⴰⵢⵢⴻⵙ ⵢⴻⵙⵜⴻⵄⵕⴻⴼ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⵢⴻⵏⵏⴰ-ⴷ « ⵓⵔ ⵢⴻⵣⵎⵉⵔ ⴰⵔⴰ ⴰⴷ ⵉⵇⴰⴱⴻⵍ ⴰⵡⴰⵏⴰⴽ ⵉⵙⵍⴰⵎⴰⵏ ⵖⴻⴼ ⵍⴵⴰⵍ ⵏ ⵜⴻⵔⴳⵓⵍⵜ ⵏ ⵍⴻⵙⵍⴰⵃ ⴰⵢ ⴷ-ⵢⴻⵜⵜⵡⴰⵃⴻⵜⵜⵎⴻⵏ ⵖⴻⴼ ⵢⵉⴳⴻⵏ-ⵏⵏⴻⵙ », ⵢⴻⵔⵏⴰ ⵉⴳⴻⵔ-ⴷ ⵜⵉⵖⵔⵉ ⵉ ⵜⵎⵓⵔⴰ ⵜⴰⵄⵕⴰⴱⵉⵏ ⴰⴽⴽⴻⵏ ⴰⴷ ⴳⴻⵏⵜ ⵜⵉⵢⵉⵜⵉⵡⵉⵏ ⵜⵉⴳⴻⵏⵡⴰⵏⵉⵏ ⵎⴳⴰⵍ ⵢⵉⵖⴰⵍⵍⴻⵏ ⵏ ⵜⵓⴷⴷⵙⴰ-ⴰ ⵜⴰⵔⴻⴱⵔⴰⴱⵜ ⴷⴻⴳ ⵜⴻⵎⴷⵉⵏⵜ-ⴰ.

ⴽⵔⴰ ⴽⴰⵏ ⵏ ⵜⵙⴰⵄⵜⵉⵏ ⵙⴰⴽⴽⵉⵏ, ⵜⴻⵏⵏⴰ-ⴷ ⵢⵉⵡⴻⵜ ⵏ ⵜⴻⵖⴱⴰⵍⵓⵜ ⵜⴰⴷⵉⵒⵍⵉⵎⴰⵜⵉⵜ ⵜⴰⵎⴰⵚⵔⵉⵜ ⴷ ⴰⴽⴽⴻⵏ ⴰⴷ ⴷ-ⵜⵉⵍⵉ ⵜⴻⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⵏ ⵜⴻⵎⵖⵓⵏⵜ ⵜⴰⵄⵕⴰⴱⵜ ⴷⴻⴳ ⵢⵉⵡⴻⵜ ⵏ ⵜⵖⵉⵎⵉⵜ ⵜⴰⴼⴻⵖⵏⴰⵎⵉⵜ. ⵜⵉⵎⵍⵉⵍⵉⵜ-ⴰ ⴷⴻⴳ ⴰⵔⴰ ⵃⴻⴷⵕⴻⵏ ⵢⵉⴳⴻⵏⵙⴰⵙⴻⵏ ⵏ ⵜⵎⵓⵔⴰ ⵏ ⵜⴻⵎⵖⵓⵏⵜ ⵜⴰⵄⵕⴰⴱⵜ ⴷ ⵜⵉⵔⵉⵔⵉⵜ ⵉ ⵓⵙⵙⵓⵜⴻⵔ-ⵏⵏⵉ ⴰⵍⵉⴱⵉ.

« ⵎⴰⵚⴻⵔ ⵜⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⵓⵙⵙⵓⵜⴻⵔ ⴰⵍⵉⴱⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⵎⴰⵀⴰⵍ ⵜⴰⵔⴻⴽ ⴰⴷⴻⵍ ⵢⴻⵍⵍⴰⵏ ⴷ ⴰⴳⴻⵏⵙⴰⵙ ⵉⵎⴻⵣⴳⵉ ⵏ ⵎⴰⵚⴻⵔ ⴷⴻⴳ ⵜⴻⵎⵖⵓⵏⵜ ⵜⴰⵄⵕⴰⴱⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ ⵉⴳⴻⵏⵙⴰⵙⴻⵏ ⵏ ⵜⵎⵓⵔⴰ ⵜⵉⵎⴰⵙⵍⴰⴹⵉⵏ ⴰⴷ ⵏⴰⴷⵉⵏ ⴰⵎⴻⴽ ⴰⵔⴰ ⵄⴰⵡⵏⴻⵏ ⴰⵏⴰⴱⴰⴹ ⴰⵍⵉⴱⵉ ⴰⵢⵢⴻⵙ ⵢⴻⵙⵜⴻⵄⵕⴻⴼ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⴰⴽⴽⴻⵏ ⴰⴷ ⵉⵇⴰⴱⴻⵍ ⵜⵓⴳⴳⵣⴰ ⵜⴰⵔⴻⴱⵔⴰⴱⵜ ».

ⴷⴰⵄⴻⵛ ⴷ ⴰⵛⴻⵏⴳⵓ ⵓⵛⵔⵉⴽ ⵏ ⵢⵉⵍⵉⴱⵉⵢⴻⵏ==

ⴰⵏⴰⴱⴰⴹ ⴰⵢ ⵢⴻⵍⵍⴰⵏ ⴷⴻⴳ ⵜⴻⵎⴷⵉⵏⵜ ⵏ ⴰⵍ-ⴱⴰⵢⴷⴰ (ⴰⴳⵎⵓⴹ) ⴷ ⵓⵏⴰⴱⴰⴹ-ⵏⵏⴻⵙ ⴰⵅⵚⵉⵎ ⵢⴻⵍⵍⴰⵏ ⴷⴻⴳ ⵟⵔⴰⴱⵍⴻⵙ ⵎⵙⴻⵄⴷⴰⵡⴻⵏ ⴷⴻⴳ ⵙⵉⵏ ⵢⵉⴷ-ⵙⴻⵏ ⴷ ⴷⴰⵄⴻⵛ, ⵢⴻⵔⵏⴰ ⵍⴰ ⵜⵜⴳⴻⵏ ⵉⴼⴰⴷⴷⴻⵏ ⵉ ⵢⵉⵎⴻⵏⵖⴰⵏ ⵏ ⵙⵉⵔⵜ ⴷⴻⴳ ⵢⵉⵎⴻⵏⵖⵉ-ⵏⵙⴻⵏ ⵎⴳⴰⵍ ⵜⴻⴳⵔⴰⵡⵜ-ⴰ ⵜⴰⵎⴻⴹⴹⴰⵔⴼⵓⵜ. ⵙⴻⴳ ⵢⵉⴷⵉⵙ-ⵏⵏⴻⵙ, ⴰⵏⴰⴱⴰⴹ ⵏ ⵟⵔⴰⴱⵍⴻⵙ ⵉⵡⴻⴽⴽⴻⴷ-ⴷ ⴷ ⴰⴽⴽⴻⵏ ⵢⴻⴱⴷⴰ-ⴷ ⵜⵉⵢⵉⵜⵉⵡⵉⵏ ⵜⵉⴳⴻⵏⵡⴰⵏⵉⵏ ⵎⴳⴰⵍ ⵢⵉⵔⴻⴱⵔⴰⴱⴻⵏ ⴰⵢ ⵢⴻⵍⵍⴰⵏ ⴷⴻⴳ ⵙⵉⵔⵜ ⵓⵙⵙⴰⵏ-ⴰ ⵢⴻⵣⵔⵉⵏ.

ⴷ ⴰⵛⵓ ⴽⴰⵏ, ⴰⵙⵙ ⵏ ⵍⵃⴻⴷⴷ, ⵢⴻⵏⵏⴰ-ⴷ ⵢⵉⵡⴻⵏ ⵏ ⵢⵉⵎⴹⴻⴱⴱⴻⵔ ⵓⵔ ⵢⴻⴱⵖⵉⵏ ⴰⵔⴰ ⴰⴷ ⴷ-ⵢⴻⵜⵜⵡⴰⴱⴷⴻⵔ ⵢⵉⵙⴻⵎ-ⵏⵏⴻⵙ ⴷ ⴰⴽⴽⴻⵏ « ⴽⵔⴰ ⵏ ⵢⵉⵎⴻⵣⴷⴰⵖⴻⵏ ⵉⵎⵙⴻⵍⵍⵃⴻⵏ ⴰⵢ ⵢⴻⵏⵏⵓⵖⴻⵏ ⵏⴰⵇⴰⵍ ⵎⴳⴰⵍ ⵓⵡⴰⵏⴰⴽ ⵉⵙⵍⴰⵎⴰⵏ ⵊⴻⴱⴷⴻⵏ ⵉⵎⴰⵏ-ⵏⵏⴻⵙ ⵢⴻⵔⵏⴰ ⴼⴼⵖⴻⵏ ⵓⵍⴰ ⵙⴻⴳ ⵜⴻⵎⴷⵉⵏⵜ-ⴰ ». « ⵓⵔ ⵜⴻⵏ-ⵉⴷ-ⵜⴻⵡⵡⵉⴹ ⴰⵔⴰ ⵍⴻⵎⵄⴰⵡⵏⴰ ⵏ ⵜⵉⴷⴻⵜ ⵙ ⵡⴰⵟⴰⵙ ⵙⵖⵓⵔ ⵙⵉⵏ-ⴰ ⵏ ⵢⵉⵏⴰⴱⴰⴹⴻⵏ, ⴷⵖⴰ ⵃⴻⴱⵙⴻⵏ ⵉⵎⴻⵏⵖⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵍⵉⴱⵢⴰ ⵜⴻⵔⵡⵉ ⵙⴻⴳ ⵡⴰⵙⵎⵉ ⴰⵢ ⵢⴻⵖⵍⵉ ⵢⵉⵎⴹⴻⴱⴱⴻⵔ-ⵏⵏⴻⵙ ⴰⵇⴱⵓⵔ, ⵎⴰⴰⵎⴰⵔ ⴻⵍ-ⴳⵓⴻⴷⴷⴰⴼⵉ ⴷⴻⴳ 2011, ⵢⴻⵔⵏⴰ ⴰⵜⵜⴰⵏ ⴰⵙⵙ-ⴰ ⴷ ⴰⵏⵔⴰⵔ ⵏ ⵢⵉⵎⴻⵏⵖⵉ ⴳⴰⵔ ⵜⴻⵎⵍⵉⵛⵉⵏ, ⴰⵎ ⵡⴰⴽⴽⴻⵏ ⴰⵢ ⵜⴻⵙⵄⴰ ⵙⵉⵏ ⵏ ⵢⵉⵎⵏⴰⵏ ⴷ ⵙⵉⵏ ⵏ ⵢⵉⵏⴰⴱⴰⴹⴻⵏ ⵢⴻⵎⵅⴰⵚⴰⵎⴻⵏ ⴰⵢ ⵍⴰ ⵢⴻⵜⵜⵏⴰⵖⴻⵏ ⵖⴻⴼ ⵓⴷⴰⴱⵓ. ⵍⴻⵎⵛⴰⵡⵕⴰⵜ ⴰⵢ ⴷ-ⵢⴻⴱⴷⴰⵏ ⴷⴷⴰⵡ ⵍⴻⵄⵏⴰⵢⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵛⵃⴰⵍ ⵏ ⵡⴰⵢⵢⵓⵔⴻⵏ ⴰⵢⴰ ⵉ ⵓⵙⵙⵉⵡⴻⴹ ⵖⴻⵔ ⵓⵎⵜⴰⵡⴰ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵡⴻⵔⵄⴰⴷ ⵓⵔ ⴼⵔⵉⵏⵜ ⴰⵔⴰ.

ⵜⵓⴳⴷⵉ ⵏ ⵓⵣⵔⴰⵄ ⵏ ⴷⴰⵄⴻⵛ ⴷⴻⴳ ⵜⵎⵓⵔⴰ ⵏ ⵜⴻⵎⵏⴰⴹⵜ==

ⵜⵉⵎⵓⵔⴰ ⵏ ⵜⴻⵎⵏⴰⴹⵜ ⴷ ⵜⵎⵓⵔⴰ ⵜⵉⵏⴰⵔⴰⴳⵉⵏ (ⵜⵉⵊⵉⵔⴰⵜⵉⵏ) ⵏ ⵍⵉⴱⵢⴰ ⵏⵏⴰⵏⵜ-ⴷ ⴷ ⴰⴽⴽⴻⵏ ⵜⴻⵛⵖⴻⴱ-ⵉⵜⴻⵏⵜ ⵜⴻⵎⵙⴰⵍ ⵏ ⵓⵣⵔⴰⵄ ⵏ ⴷⴰⵄⴻⵛ ⴰⵢ ⵉⵣⴻⵎⵔⴻⵏ ⴰⴷ ⵢⴻⵇⵇⴻⵍ ⴷ ⵜⵓⴳⴳⵣⴰ ⵉ ⵜⵖⴻⵍⵍⵉⵙⵜ (ⵍⴰⵎⴰⵏ) ⵏ ⵡⴰⴽⴽ ⵜⴰⵎⵏⴰⴹⵜ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵡⴻⴽⴽⴷⴻⵏⵜ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵉⴽⴻⵎⵎⴻⵍ ⵓⵎⵛⵉⵡⴻⵕ ⴳⴰⵔ ⵢⵉⵍⵉⴱⵉⵢⴻⵏ.

ⵍⴻⵣⵣⴰⵢⴻⵔ, ⴰⵢ ⵉⵛⴻⵔⴽⴻⵏ ⵜⴰⵍⴰⵙⵜ ⴷ ⵜⴰⵖⴻⵣⴼⴰⵏⵜ ⵏ ⵍⵉⴱⵢⴰ, ⵜⴻⵙⵙⴰⵥⴻⵔ ⴰⵙⵙ ⵏ ⵍⵃⴻⴷⴷ ⵙ « ⵍⴵⴻⵀⴷ ⴷ ⴰⵎⴻⵇⵔⴰⵏ » ⵉⴳⵉⵜⴻⵏ ⵉⵔⴻⴱⵔⴰⴱⴻⵏ ⴰⵢ ⴷ-ⵢⴻⵍⵍⴰⵏ ⵙⴻⴳ ⵎⴻⵍⵎⵉ ⴽⴰⵏ ⴷⴻⴳ ⵙⵉⵔⵜ, ⴷⴻⴳ ⵍⵉⴱⵢⴰ, ⵖⴻⴼ ⵍⴻⵃⵙⴰⴱ ⵏ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵓⵍⵖⵓ-ⴰ ⴷ ⴰⴽⴽⴻⵏ « ⴰⵅⵚⴰⵔ-ⴰ ⵏ ⵜⴻⴳⵏⵉⵜ ⵏ ⵜⵖⴻⵍⵍⵉⵙⵜ ⴷⴻⴳ ⵜⴻⵎⴷⵉⵏⵜ-ⴰ ⴷ ⴰⵢⴻⵏ ⴰⵢ ⵉⵣⴻⵎⵔⴻⵏ ⴰⴷ ⵢⴻⵙⵙⴻⴳⵔⵉⵔⴻⴱ ⵜⴰⵎⵓⵔⵜ-ⴰ ⵜⴰⵏⴰⵔⴰⴳⵜ ⵜⴰⵡⴻⵍⵜⵎⴰⵜ ⴷⴻⴳ ⵢⵉⵖⵣⴻⵔ ⵏ ⵓⵔⵡⴰⵢ ⵢⴻⵔⵏⴰ ⴷ ⴰⵢⴻⵏ ⴰⵢ ⵉⵣⴻⵎⵔⴻⵏ ⴰⴷ ⵢⵉⵍⵉ ⴷ ⵜⵓⴳⴳⵣⴰ ⵏ ⵜⵉⴷⴻⵜ ⵉ ⵜⵖⴻⵍⵍⵉⵙⵜ ⵏ ⵜⴻⵎⵏⴰⴹⵜ ».

ⴰⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⵍⴻⵣⵣⴰⵢⴻⵔ ⵉⵄⴰⵡⴻⴷ ⴷⴰⵖ ⵉⴳⴻⵔ-ⴷ ⵜⵉⵖⵔⵉ ⵜⵓⵄⵊⵉⵍⵜ ⵉ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴰⵔⴰ ⵉⵣⴻⵎⵔⴻⵏ ⴰⴷ ⵢⴻⵃⵔⴻⵣ ⵜⴰⴷⵓⴽⵍⵉ ⵜⴰⵖⴻⵍⵏⴰⵡⵜ, ⵜⴰⴷⵓⴽⵍⵉ ⵏ ⵡⴰⴽⴰⵍ ⴷ ⵜⵏⴰⵢⴰ ⵏ ⵍⵉⴱⵢⴰ ⴷ ⵓⵎⵙⴻⴼⵀⴰⵎ ⴳⴰⵔ ⵡⴰⵔⵔⴰⵡ ⵏ ⵓⵖⵔⴻⴼ ⴰⵍⵉⴱⵉ ⴰⴳⵎⴰⵜ ⴰⴽⴽⴻⵏ ⴰⴷ ⵢⴻⴼⵔⵓ ⵡⵓⴳⵓⵔ ⵏ ⵜⵖⴻⵍⵍⵉⵙⵜ ⵏ ⵜⵎⵓⵔⵜ-ⴰ ».

ⵙⴻⴳ ⵢⵉⴷⵉⵙ-ⵏⵏⴻⵙ, ⵜⵓⵏⴻⵙ ⴷⴻⴳ ⴰⵢ ⴷ-ⵍⵍⴰⵏⵜ ⵜⵅⴰⵣⴰⴱⵉⵢⵉⵏ ⵜⵉⵔⴻⴱⵔⴰⴱⵉⵏ ⵢⴻⴳⵍⴰⵏ ⵙ ⵡⴰⵛⵃⴰⵍ ⵏ ⵜⵎⴻⴷⴷⵓⵔⵉⵏ, ⵍⴰⴷⵖⴰ ⵙⴻⴳ ⵢⵉⵎⴻⵔⵔⴰⵢⴻⵏ ⵉⴱⴻⵕⵕⴰⵏⵉⵢⴻⵏ, ⵜⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏ ⵜⴻⵛⵖⴻⴱ-ⵉⵜⵜ ⵜⴻⴳⵏⵉⵜ ⵏ ⵜⵏⴰⵔⴰⴳⵜ-ⵏⵏⴻⵙ (ⵜⴰⵊⴰⵕⴻⵜ), ⵢⴻⵔⵏⴰ ⵜⵓⴳⴰⴷ ⴰⴷ ⴷ-ⴰⵥⴻⵏ ⵢⵉⵔⴻⴱⵔⴰⴱⴻⵏ ⵖⴻⵔ ⵜⵍⵉⵙⴰ-ⵏⵏⴻⵙ.

« ⵜⵓⵏⴻⵙ ⵍⴰ ⵜⴻⵜⵜⴹⴰⴼⴰⵔ ⵙ ⵍⵇⴻⵔⴱ ⵜⴰⴳⵏⵉⵜ ⵏ ⵜⵖⴻⵍⵍⵉⵙⵜ ⵏ ⵍⵉⴱⵢⴰ, ⵢⴻⵔⵏⴰ ⵜⴳⴻⵔ-ⴷ ⵜⵉⵖⵔⵉ ⵉ ⵢⵉⵙⴻⵔⵜⴰⵢⴻⵏ ⵉⵍⵉⴱⵉⵢⴻⵏ ⴰⴽⴽⴻⵏ ⴰⴷ ⴳⴻⵏ ⵓⴳⴰⵔ ⵏ ⵍⵎⴻⴵⵀⵓⴷ ⵉ ⵓⵙⵙⴻⵔⴱⴻⵃ ⵏ ⵓⴽⴰⵍⴰ ⵏ ⵓⵎⵛⵉⵡⴻⵕ ⴰⵖⴻⵍⵏⴰⵡ ⴷ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ.

ⴰⵙⵙ ⵏ ⵍⴻⵜⵏⵉⵢⴻⵏ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⵟⵟⴰⵍⵢⴰⵏ, ⵒⴰⵧⵍⵧ ⴳⴻⵏⵜⵉⵍⵧⵏⵉ ⵉⵄⴻⵢⵢⴻⵏ-ⴷ ⴷ ⴰⴽⴽⴻⵏ ⵍⵉⴱⵢⴰ ⵜⴻⵣⵎⴻⵔ ⴰⴷ ⵜⴻⵇⵇⴻⵍ ⴰⵎ ⵚⵓⵎⴰⵍⵢⴰ ⵎⴰ ⵢⴻⵍⵍⴰ ⵍⴻⵎⵛⴰⵡⵕⴰⵜ ⵏ ⵜⴰⵍⵡⵉⵜ ⵓⵔ ⵙⵙⴰⵡⴹⴻⵏ ⴰⵔⴰ ⵖⴻⵔ ⵓⵎⵜⴰⵡⴰ ⵙⴻⴳ-ⴰ ⵖⴻⴼ ⴽⵔⴰ ⵏ ⵍⴻⴷⵡⴰⵕ.

« ⵢⴰ ⴰⴷ ⵜⴻⴼⵔⵓ ⵙⴻⴳ-ⴰ ⵖⴻⴼ ⴽⵔⴰ ⵏ ⵍⴻⴷⵡⴰⵕ, ⵢⴰ ⴰⴷ ⴷ-ⵏⴰⴼ ⵉⵎⴰⵏ-ⵏⵏⴻⵖ ⵙⴷⴰⵜ ⵚⵓⵎⴰⵍⵢⴰ ⵏⵉⴹⴻⵏ ⵜⴰⵎⴰ ⵏ ⵜⵎⵓⵔⵜ-ⵏⵏⴻⵖ ⵢⴻⵔⵏⴰ ⴰⴷ ⴰⵖ-ⵜⴻⵔⵔ ⵜⵎⴰⵔⴰ ⴰⴷ ⵏⴻⴳ ⴰⵢⴻⵏ ⵏⵉⴹⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵎⴰⵚⴻⵔ ⴰⵢ ⵉⴳⴰⵏ ⴷⴻⴳ ⵙⵉⵏ-ⴰ ⵏ ⵢⵉⵙⴻⴳⴳⴰⵙⴻⵏ ⵉⵏⴻⴳⴳⵓⵔⴰ ⵜⵉⵢⵉⵜⵉⵡⵉⵏ ⵜⵉⴳⴻⵏⵡⴰⵏⵉⵏ ⴷⴻⴳ ⵍⵉⴱⵢⴰ ⵎⴳⴰⵍ ⵢⵉⵎⵓⴽⴰⵏ ⵏ ⴷⴰⵄⴻⵛ ⴷ ⵜⴻⵎⵍⵉⵛⵉⵏ ⵜⵉⵎⴻⴹⴹⵓⵔⴼⴰ ⵏⵉⴹⴻⵏ, ⵜⴻⵏⵏⴰ-ⴷ ⵜⵉⴽⴽⴻⵍⵜ ⵏⵉⴹⴻⵏ ⴷ ⴰⴽⴽⴻⵏ ⵜⴻⵡⵊⴻⴷ ⴰⴷ ⵜⵄⴰⵡⴻⵏ « ⵍⴰⴷⵖⴰ ⴰⵏⴰⴱⴰⴹ ⵏ ⴰⵍ-ⴱⴰⵢⴷⴰ ⴰⴽⴽⴻⵏ ⴰⴷ ⵉⵇⴰⴱⴻⵍ ⵉⵔⴻⴱⵔⴰⴱⴻⵏ ⵢⴻⵔⵏⴰ ⴰⴷ ⴷ-ⵢⴻⵔⵔ ⴰⴽⴽ ⴰⴽⴰⵍ ⴰⵍⵉⴱⵉ ».

ⵜⵉⵎⵓⵔⴰ ⵜⵓⵜⵔⵉⵎⵉⵏ ⵃⴻⵕⵙⴻⵏⵜ ⵍⵉⴱⵢⴰ ⴰⴽⴽⴻⵏ ⴰⴷ ⴷ-ⵙⴱⴻⴷⴷⴻⵏⵜ ⴰⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ==

ⴷⴻⴳ ⵡⴰⴽⵓⴷ ⴷⴻⴳ ⴷ-ⵜⴻⵍⵍⴰ ⵜⵓⴳⴷⵉ ⴷⴻⴳ ⵜⴻⵎⵏⴰⴹⵜ-ⴰ, ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⵉⵏ, ⴼⵕⴰⵏⵙⴰ, ⵍⴰⵍⵎⴰⵏ, ⵟⵟⴰⵍⵢⴰⵏ, ⵙⵒⴻⵏⵢⵓⵍ ⴷ ⴱⵔⵉⵟⴰⵏⵢⴰ ⵜⴰⵎⴻⵇⵔⴰⵏⵜ ⵏⵏⴰⵏⵜ-ⴷ ⴷⴻⴳ ⵢⵉⵡⴻⵏ ⵏ ⵓⵍⵖⵓ ⵓⵛⵔⵉⴽ ⴷ ⴰⴽⴽⴻⵏ ⵜⴻⵛⵖⴻⴱ-ⵉⵜⴻⵏⵜ ⴰⵟⴰⵙ ⵜⴻⴳⵏⵉⵜ ⵉⵎⵉ ⵜⵓⴷⴷⵙⴰ ⵜⴰⵎⴻⴹⴹⴰⵔⴼⵓⵜ ⵏ ⴷⴰⵄⴻⵛ ⵍⴰ ⵜⴻⵜⵜⴰⵥ ⴷⴻⴳ ⵍⵉⴱⵢⴰ, ⵢⵉⵍⵉ ⵎⴰⵣⴰⵍ ⵍⴰ ⵜⵜⵏⴰⵖⴻⵏ ⵎⴳⴰⵍ-ⵏⵏⴻⵙ ⴷⴻⴳ ⵍⵄⵉⵔⴰⵇ ⴷ ⵙⵓⵔⵢⴰ.

ⵜⵉⵎⵓⵔⴰ-ⴰ ⴳⵔⴻⵏⵜ-ⴷ ⵜⵉⵖⵔⵉ ⵉ ⵢⵉⴷⵉⵙⴰⵏ ⴰⵢ ⵢⴻⵎⵅⴰⵚⴰⵎⴻⵏ ⴷⴻⴳ ⵍⵉⴱⵢⴰ ⴰⴽⴽⴻⵏ « ⴰⴷ ⵜⵜⴻⴽⴽⵉⵏ ⴷⴻⴳ ⵍⵎⴻⴵⵀⵓⴷ ⵏ ⵢⵉⵎⴻⵏⵖⵉ ⵎⴳⴰⵍ ⵜⵓⴳⴳⵣⴰ-ⴰ ⵏ ⵜⴻⴳⵔⴰⵡⵉⵏ ⵜⵉⵔⴻⴱⵔⴰⴱⵉⵏ ⴰⵢ ⵉⵣⴻⴳⵔⴻⵏ ⵉ ⵜⵎⵓⵔⴰ ⵢⴻⵔⵏⴰ ⵜⵜⵖⴻⵍⵍⵉⵜⴻⵏⵜ ⵜⴰⴳⵏⵉⵜ ⵏ ⵍⵉⴱⵢⴰ ⴰⴽⴽⴻⵏ ⴰⴷ ⴰⵡⴹⴻⵏⵜ ⵖⴻⵔ ⵢⵉⵙⵡⴰⵏ-ⵏⵙⴻⵏⵜ ».

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵡⴻⴽⴽⴷⴻⵏⵜ-ⴷ ⵜⵎⵓⵔⴰ-ⴰ ⴷ ⴰⴽⴽⴻⵏ ⵜⴰⴳⵏⵉⵜ ⴷⴻⴳ ⵙⵉⵔⵜ « ⵜⴻⵎⵎⴰⵍ-ⴷ ⴷ ⴰⴽⴽⴻⵏ ⵉⵃⴰⵔ ⵍⵃⴰⵍ ⴰⴷ ⴳⴻⵏ ⵢⵉⴷⵉⵙⴰⵏ ⵉⵍⵉⴱⵉⵢⴻⵏ ⴰⵎⵜⴰⵡⴰ ⵉ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵙ ⵓⵎⵄⴰⵡⴻⵏ ⴷ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ, ⴰⴽⴽⴻⵏ ⴰⴷ ⴹⴻⵎⵏⴻⵏ ⵜⴰⵖⴻⵍⵍⵉⵙⵜ ⴷ ⵓⵃⵓⴷⴷⵓ ⵙⴻⴳ ⵜⴻⴳⵔⴰⵡⵉⵏ ⵜⵉⵔⴻⴱⵔⴰⴱⵉⵏ ⵜⵓⴽⵔⵉⴹⵉⵏ ⴰⵢ ⵍⴰ ⵢⴻⵜⵜⵏⴰⴷⵉⵏ ⴰⴷ ⵔⵡⵉⵏⵜ ⵜⴰⵎⵓⵔⵜ ».