ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵛⵛⵉⵏⵡⴰ ⵜⴻⵛⴽⴻⵕ-ⴷ ⴷⴷⵓⵕ « ⵉⴱⴻⵏⵏⵓⵏ » ⵏ ⵍⴻⵣⵣⴰⵢⴻⵔ ⴷⴻⴳ ⴼⴻⵔⵔⵓ ⵏ ⵜⴰⵍⵓⴼⵜ ⵏ ⵉⵕⴰⵏ
ⵍⴻⵣⵣⴰⵢⴻⵔ – ⵛⵛⵉⵏⵡⴰ, ⵙ ⵢⵉⵍⴻⵙ ⵏ ⵓⵏⴻⵖⵍⴰⴼ-ⵏⵏⴻⵙ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵡⴰⵏⴳ ⵢⵉ, ⵜⴻⵛⴽⴻⵕ-ⴷ ⴰⵙⵙ ⵏ ⵜⵜⵍⴰⵜⴰ ⵍⴻⵣⵣⴰⵢⴻⵔ ⵖⴻⴼ ⴷⴷⵓⵕ « ⵉⴱⴻⵏⵏⵓⵏ » ⴰⵢ ⵜⵓⵔⴰⵔ ⵉ ⵍⵎⴻⵏⴷ ⵏ ⴼⴻⵔⵔⵓ ⵏ ⵜⴰⵍⵓⴼⵜ ⵏ ⵢⵉⵎⵉⵖⴻⵙ ⵏ ⵉⵕⴰⵏ ⵙ ⵜⴰⵍⵡⵉⵜ.
« ⵍⴻⵣⵣⴰⵢⴻⵔ ⵙⴻⴳ ⵣⵉⴽ ⴰⵢ ⵜⴻⴽⴽⴰⵜ ⵎⵍⵉⵃ ⵖⴻⴼ ⴼⴻⵔⵔⵓ ⵏ ⵜⴻⵎⵙⴰⵍⵜ ⵏ ⵢⵉⵎⵉⵖⴻⵙ ⵏ ⵉⵕⴰⵏ ⵙ ⵓⴱⵔⵉⴷ ⵏ ⵜⴰⵍⵡⵉⵜ, ⵙ ⵡⴰⵡⴰⵍ ⴷ ⵓⵎⵛⵉⵡⴻⵕ, ⵢⴻⵔⵏⴰ ⵛⵛⵉⵏⵡⴰ ⵜⴻⴼⴽⴰ ⴰⵣⴰⵍ ⵉ ⴷⴷⵓⵕ-ⴰ ⵉⴱⴻⵏⵏⵓⵏ ⴰⵢ ⵜⵓⵔⴰⵔ ⵍⴻⵣⵣⴰⵢⴻⵔ ⵉ ⵍⵎⴻⵏⴷ ⵏ ⵡⴰⵢⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵡⴰⵏⴳ ⵢⵉ ⵎⵉ ⴷ-ⵢⴻⵔⵔⴰ ⵖⴻⴼ ⵜⴻⴱⵕⴰⵜ ⵏ ⵓⵀⴻⵏⵏⵉ ⴰⵢ ⴰⵙ-ⵢⵓⵣⴻⵏ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴷ ⵓⵎⵢⴰⵍⴻⵍ ⴰⴳⵔⴰⵖⵍⴰⵏ, ⵔⴰⵎⵜⴰⵏⴻ ⵍⴰⵎⴰⵎⵔⴰ ⴷⴻⴼⴼⵉⵔ ⵎⴰ ⵢⴻⵜⵜⵡⴰⵙⵜⴻⵏⵢⴰ ⵓⵎⵜⴰⵡⴰ ⵏ ⵢⵉⵎⵉⵖⴻⵙ ⵉⵕⴰⵏⵉ ⴳⴰⵔ ⵜⵎⵓⵔⴰ ⵜⵉⵏⴻⵣⵎⴰⵔⵉⵏ ⵜⵉⵎⴻⵇⵔⴰⵏⵉⵏ ⴷ ⵉⵕⴰⵏ.
ⴰⵏⴻⵖⵍⴰⴼ ⴰⵛⵉⵏⵡⴰⵜ ⵢⴻⵙⵏⴻⵎⵎⴻⵔ ⴷⴰⵖ « ⵎⴰⵙⵙ ⵍⴰⵎⴰⵎⵔⴰ ⵖⴻⴼ ⵓⵇⴻⵢⵢⴻⵎ ⵓⵎⵄⵉⵏ ⴰⵢ ⵉⵇⴻⵢⵢⴻⵎ ⴰⵙⵜⴻⵏⵢⵉ ⵏ ⵓⵎⵜⴰⵡⴰ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.
« ⴰⵎⵜⴰⵡⴰ-ⴰ ⴷ ⵡⵉⵏ ⴰⵔⴰ ⵢⴻⵜⵜⴻⴽⴽⵉⵏ ⴷⴻⴳ ⵓⵙⵙⴻⴵⵀⴻⴷ ⵏ ⵓⵏⴰⴳⵔⴰⵡ ⴰⴳⵔⴰⵖⵍⴰⵏ ⵏ ⵓⵃⴱⴰⵙ ⵏ ⵓⵣⵔⴰⵄ ⵉⵎⵉⵖⴻⵙ ⴷ ⵓⵙⵎⴰⵍ ⵏ ⵓⵙⵙⴻⵇⴷⴻⵛ ⵉⵎⴻⵍⵡⵉ ⵏ ⵜⴻⵥⵡⴻⵔⵜ ⵜⵉⵎⵉⵖⴻⵙⵜ, ⴰⵎ ⵡⴰⴽⴽⴻⵏ ⴰⵔⴰ ⵢⴻⵜⵜⴻⴽⴽⵉ ⴷⴰⵖ ⴷⴻⴳ ⵓⵙⵎⴰⵍ ⵏ ⵜⴰⵍⵡⵉⵜ ⴷ ⵓⵔⴽⴰⴷ ⴷⴻⴳ ⵓⴳⵎⵓⴹ ⴰⵍⴻⵎⵎⴰⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵡⴰⵏⴳ ⵢⵉ. « ⵛⵛⵉⵏⵡⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ, ⵜⴻⵜⵜⴻⴽⴽⴰ ⴷⴻⴳ ⵡⴰⵡⵡⴰⴹ ⵖⴻⵔ ⵓⵎⵜⴰⵡⴰ-ⴰ ⵙ ⵜⵓⴹⴹⴼⴰ ⵏ ⵜⵍⴻⵎⵎⴰⵙⵜ ⴷⴻⴳ ⵍⴻⵎⵛⴰⵡⵕⴰⵜ-ⵏⵏⵉ, ⴷ ⵓⵙⵙⴻⴱⵖⴻⵙ ⵏ ⵡⴰⴽⴽ ⵉⴷⵉⵙⴰⵏ ⴰⴽⴽⴻⵏ ⴰⴷ ⵅⴻⴷⵎⴻⵏ ⵉ ⵍⵎⴻⵏⴷ ⵏ ⵡⴰⵡⵡⴰⴹ ⵖⴻⵔ ⵢⵉⵡⴻⵏ ⵏ ⵢⵉⵙⵡⵉ ».
« ⵙ ⵕⵕⵓⵃ-ⴰ ⴰⵔⴰ ⵜⴽⴻⵎⵎⴻⵍ ⵛⵛⵉⵏⵡⴰ ⵍⵎⴻⴵⵀⵓⴷ-ⵏⵏⴻⵙ ⵖⴻⵔ ⵢⵉⴷⵉⵙ ⵏ ⵢⵉⴷⵉⵙⴰⵏ ⵏⵉⴹⴻⵏ ⵉ ⵓⵙⵙⴻⴼⵄⴻⵍ ⵏ ⵓⵎⵜⴰⵡⴰ-ⴰ ⵡⴰⵔ ⵓⴳⵓⵔⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
« ⴰⴷ ⵏⴽⴻⵎⵎⴻⵍ ⴰⵎⴱⴰⴷⴷⴻⵍ-ⵏⵏⴻⵖ ⴷ ⵍⴻⵣⵣⴰⵢⴻⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵢⴰ », ⵖⴻⴼ ⵡⴰⴽⴽⴻⵏ ⴰⵢ ⵜⵜ-ⵉⴷ-ⵢⴻⵅⵜⴻⵎ.
