ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴷⴷⵓⵔ ⵏ ⵢⵉⵙⵎⵉⵍⴻⵏ, ⵉⵥⵔⴰ ⵉ ⴷ-ⵉⵖⴻⵍⵍⵉⵏ ⵙⴻⴳ ⵢⵉⴳⴻⵏⵏⵉ, ⴷⴻⴳ ⵜⵍⴰⵍⵉⵜ ⵏ ⵜⵓⴷⴻⵔ ⵄⴻⵔⴹⴻⵏ ⴰⴷ ⴰⵙ-ⴷ-ⴰⵍⵙⴻⵏ ⵢⵉⵎⵏⵓⴷⴰ

ⵒⴰⵔⵉⵙ – ⴰⵢⴻⵏ ⵉ ⵢⴻⵙ-ⵙ ⴷ-ⴳⵍⴰⵏ ⵢⵉⵙⵎⵉⵍⴻⵏ ⵏⴻⵖ ⵉⵥⵔⴰ ⵉⵎⴻⵇⵔⴰⵏⴻⵏ ⵉ ⴷ-ⵉⵖⴻⵍⵍⵉⵏ ⵙⴻⴳ ⵢⵉⴳⴻⵏⵏⵉ, ⴽⴽⴰⵜⴻⵏ ⵜⴰⴽⵓⵔⵜ ⵏ ⵡⴰⴽⴰⵍ-ⴰ ⵉⴷⴻⴳ ⵏⴻⴷⴷⴻⵔ, ⴰⵣⴰⵍ ⵜⵓⵔⴰ ⵏ 4 ⵉⵎⴻⵍⵢⴰⵔⴻⵏ ⵏ ⵢⵉⵙⴻⴳⴳⴰⵙⴻⵏ ⵣⴻⵎⵔⴻⵏ ⴰⴷ ⵉⵍⵉⵏ ⴽⴽⵉⵏ ⵙ ⵓⵃⵔⵉⵛ ⴰⵎⴻⵇⵔⴰⵏ ⴷⴻⴳ ⵜⵍⴰⵍⵉⵜ ⵏ ⵜⵓⴷⴻⵔⵜ ⴷⴻⴳ ⵓⵎⵜⵉⵡⴻⴳ-ⴰ ⴰⵥⴻⵔⵡⴰⵍ, ⵉ ⴷ-ⵏⵏⴰⵏ ⵢⵉⵎⵏⵓⴷⴰ ⵉⵊⴰⵒⵓⵏⵉⵢⴻⵏ. ⵉⵎⵓⵙⵙⴰⵏⴻⵏ-ⴰ, ⵉ ⴷ-ⵉⵙⴻⵎⵍⴻⵏ ⴰⵙⵙ ⵏ ⵍⴰⵔⴻⴱⵄⴰ ⴰⴳⵎⵓⴹ ⵏ ⵢⵉⵎⴰⵀⵉⵍⴻⵏ-ⵏⵙⴻⵏ ⴷⴻⴳ ⵓⵙⴰⵔⴰⴳ ⵏ ⴳéⵧⵛⵀⵉⵎⵉⴻ ⴳⵧⵍⴷⵙⵛⵀⵎⵉⴷⵜ 2015 ⴷⴻⴳ ⵒⵕⴰⴳ, ⵓⵍⵙⴻⵏ-ⴰⵙ-ⴷ ⵉ ⵡⴰⵎⴻⴽ ⵉ ⴷ-ⵜⴻⴹⵔⴰ.

ⵙⵅⴻⵍⵟⴻⵏ ⵉⵎⵓⵖⴰⵙ ⵉⵎⵉⵏⵉⵢⴻⵏ, ⴰⵎⴰⵏ ⵉⴳⴻⵔⵙⴻⵏ ⴷ ⵢⵉⵡⴻⵏ ⵏ ’’ⵙⵉⵍⵉⵛⴰⵜⴻ’’ ⵓⵏⴼⴻⵏ-ⴰⵙ ⴷⴻⴳ ⵜⴻⵥⵖⴻⵍⵜ ⵏ -196 ⵜⴼⴻⵙⵏⵉⵡⵉⵏ. ⴰⴽⴽ ⵉⵄⴻⵇⵇⴰⵔⴻⵏ ⵢⴻⵜⵜⵉⵍⵉⵏ ⴷⴻⴳ ⵓⵙⵎⵉⵍ (ⴰⵥⵔⵓ-ⵏⵏⵉ), ⴰⵎ ⵡⴰⴽⴽⴻⵏ ⵉ ⴷ-ⵡⵡⵉⵏ ⵜⵜⴱⵓⵜ ⵜⵓⴼⵖⵉⵡⵉⵏ ⵜⵉⵏⴻⴳⴳⵓⵔⴰ ⵖⴻⵔ ⵜⴰⵍⵍⵓⵏⵜ.

ⵙⵎⴻⵔⵙⴻⵏ ⵢⵉⵎⵏⵓⴷⴰ ⵢⵉⵡⴻⵏ ⵏ ⵍⴳⴰⵣ ⴰⴽⴽⴻⵏ ⴰⴷ ⴰⵍⵙⴻⵏ ⵉ ⵓⵖⵍⴰⵢ-ⵏⵏⵉ ⵙ ⵜⴻⴽⵔⵉⴹⵜ ⵏ ⵓⵙⵎⵉⵍ (ⴰⵥⵔⵓ) ⵖⴻⵔ ⵜⵇⴰⵄⴻⵜ. ⵙⴰⴽⵉⵏ, ⴽⵔⴰ ⵉⵎⵓⵖⴰⵙ-ⵏⵏⵉ ⵓⵖⴰⵍⴻⵏ ⴷ ⵉⵄⴻⵇⵇⴰⵔⴻⵏ ⵉⵖⴻⴼ ⴷ-ⵜⵜⵉⵏⵉⵏ ⴱⴻⵍⵍⵉ ⴷ ⵏⵉⵜⵏⵉ ⵉ ‘’ⵜⵉⵃⵊⵓⵕⵉⵏ ⵜⵉⵎⴻⵣⵡⵓⵔⴰ ⵏ ⵜⵓⴷⴻⵔⵜ’’.

‘’ⴰⵎⴰⵀⵉⵍ-ⴰ ⵢⴻⵎⵍⴰ-ⴷ ⴱⴻⵍⵍⵉ ⵜⴻⵚⵎⴻⴹ ⵏ ⵓⵙⵎⵉⵍ ⵎⵉ ⴰⵔⴰ ⴷ-ⵢⴰⵡⴻⴹ ⵙ ⴰⴽⴰⵍ ⵢⵓⵔⴰⵔ ⵜⴰⵎⵍⵉⵍⵜ ⵏⴻⵖ ⴷⴷⵓⵔ ⴰⵎⴻⵣⵡⴰⵔⵓ ⴷⴻⴳ ⵜⵍⴰⵍⵉⵜ ⵏ ⵢⵉⵄⴻⵇⵇⴰⵔⴻⵏ’’, ⵉ ⴷ-ⵢⴻⵏⵏⴰ ⵀⴰⵔⵓⵏⴰ ⵙⵓⴳⴰⵀⴰⵔⴰ, ⵏ ⵜⵏⴻⴳⴳⴰ ⵜⴰⵊⴰⵒⵓⵏⵉⵜ ⵉ ⵜⵓⵙⵙⵏⴰ ⴷ ⵜⴻⵙⵏⴰⵜⵡⵉⵍⵜ ⵏ ⵢⵉⵍⵍⴻⵍ ⴷ ⵡⴰⴽⴰⵍ (ⵊⴰⵎⵙⵜⴻⵛ), ⵉ ⴷ-ⵓⴷⵔⴻⵏ ⴷⴻⴳ ⵢⵉⵡⴻⵏ ⵏ ⵓⵍⵖⵓ.

‘’ⴰⵖⵍⴰⵢ ⵏ ⵢⵉⵙⵎⵉⵍⴻⵏ, ⴷⴻⴳ ⵡⴰⵟⴰⵙ ⵏ ⵜⵉⴽⴽⴰⵍ, ⵜⵛⵓⴷⴷⵓⵏⵜ ⵖⴻⵔ ⵓⵏⴳⴰⵔ ⴰⵎⴰⵜⵓ ⵏ ⵡⵉⴷ ⵢⴻⴷⵔⴻⵏ ⴷⴻⴳ ⵓⵎⵜⵉⵡⴻⴳ’’, ⵉ ⴷ-ⵢⴻⵙⵎⴻⴽⵜⴰ, ⴷ ⵍⵎⴻⵄⵏⴰ ⵖⴻⴼ ⵓⵏⴳⴰⵔ ⵏ ⵢⵉⴷⵉⵏⵓⵥⵓⵔⴻⵏ ⵉ ⴷ-ⵢⴻⴹⵔⴰⵏ ⴰⵣⴰⵍ ⵜⵓⵔⴰ ⵏ 66 ⵉⵎⴻⵍⵢⵓⵏⴻⵏ ⵏ ⵢⵉⵙⴻⴳⴳⴰⵙⴻⵏ. ‘’ⵎⴰⵛⴰ ⵉⵎⴰⵀⵉⵍⴻⵏ-ⴰ ⵎⵍⴰⵏ-ⴷ ⴱⴻⵍⵍⵉ ⵄⴰⵡⵏⴻⵏ’’ ⴰⴽⴽⴻⵏ ⴰⴷ ⵜⵍⴰⵍ ⵜⵓⴷⴻⵔⵜ ⵖⴻⴼ ⵓⵎⵜⵉⵡⴻⴳ ⵏ ⵡⴰⴽⴰⵍ, ⵉ ⵢⴻⵔⵏⴰ ⵢⴻⵏⵏⴰ-ⴷ.